ئهڤرۆنیۆز، ههرهین محهمهد:
ئهیوب رهزیكى دوكانداره ل بازارێ كهڤن ل دهۆكێ بۆ ئهڤرۆنیۆز دیاردكهت سهرهراى دانا نیڤ موچهى، بهلێ خهلك جلكێن كوردى دكرن كو پتریا وان كهسێن جلكێن كوردى دكرن گهنجن، چونكو ب ههلكهفتنا هاتا وهرزى بهارێ و جهژنا نهوروزێ و هاتنا روژا جلكێن كوردى گهنج حهز دكهن جلكێن نوو ل بهر بكهن.
ئهڤرۆ نيوز:
حازم ئيسماعيل رێڤهبهرێ گشتى خانهنشينێن ههرێما كوردستانێ راگههاند سوبه رۆژا 5 شهمبى دێ دهست ب بهلاڤكرنا مووچێ ههيڤا ئێك يێ خانهنشينێن تايبهت هێته كرن و دێ نيڤا مووچێ وان پێ هێته دان كو نێزيكى 1000 كهسن.
ازم ئيسماعيل رێڤهبهرێ گشتى يێ خانهنشينێن ههرێما كوردستانێ راگههاند ژى كو ژمارا خانهنشينێن پهرلهمانتار 322 كهسن و مووچێ وان 6 مليون و 560 هزار ديناره، بهلێ بۆ مووچێ ههيڤا ئێك، دێ نيڤا مووچێ وان هێته برين كو دێ دێ 3 مليون و 280 هزار ديناران وهرگرن.
ئەڤرۆ نیوز:
ئەندامەکێ لیژنا سامانێن سرۆشتی ل پەرلەمانێ کوردستانێ تایبەت بۆ ئەڤرۆ راگەھاند، چارەنڤیسێ داخستنا پارزینگەھێن نەقانوونی ل ھەرێما کوردستانێ یێ دیارە و ئێدی ب چو رەنگان ناھێنە ڤەگرن ڤە و ھەموو یێن ھاتینە داخستن و گۆت: ل گۆەری رێنمایێن نوو یێن وەزارەتێ، سێ پارزینگەھێن نوو دێ ھێنە دانان، ئێک ل ھەولێر، یا دی ل سلێمانیێ و ئێک ل دھۆکێ و ئەڤ ھەرسێ پارزینگەھە دێ ل گۆرەی سیستەمەکێ نوو پانزین و گاز و گازوایلێ بۆ ئاکنجیێن ھەرێما کوردستانێ بەرھەمئینن و ھەر پارزینگەھەک دێ رۆژانە 50 ھزار بەرمیلێن نەفتا خام ژێک ڤاڤێریت کو سەرجەمێ وان دێ رۆژانە بنە 150 ھزار بەرمیل.
دلشاد شەعبان غەفار، ئەندامەکێ لیژنا سامانێن سرۆشتی ل پەرلەمانێ کوردستانێ بۆ ئەڤرۆ دیار کر، وەزارەتا سامانێن سرۆشتی ھندەک رێنمایێن نوو بۆ ڤاڤارتنا گازا خام دەرخستینە و ل گۆرەی وان رێنمایان ب تنێ دێ سێ پاریزنگەە ڤی کاری کەن، ھەر پارزینگەھەک دێ ل باژێرەکی ھێتە دانان و دێ گەلەک د مەزن بن، ھەتا وی رادەی ھەر پارزینگەھەک دێ رۆژانە نێزیکی 50 ھزار بەرمیلان ژێک ڤاڤێریت.
ناڤبری ئاشکرا کر، ئەڤ مەرجێن دێ ژ نوو بۆ ڤاڤارتنا نەفتا خام و دانانا سێ پارزینگەھان ل ھەرێمێ دەرچن، پشکەکە ژ بەرنامێ چاکسازیێ، ھەکە ئەڤ پارزینگەھە بکەڤنە کاری، دێ پێدڤیا ھەرێمێ ژ گاز و گازوایل و پانزینێ پر کەت و پێدڤی ب ھاوردەکرنا پانزینێ ناھێتە کرن و گۆت: ل سالا بۆری ھەموو پارزینگەھێن نە قانوونی و ئەوێن پانزینا پیس بەرھەم دئینا ھاتبوونە داخستن و ھەتا نوکە ژی ھەر د داخستی نە.
دلشاد شەعبان غەفار ئاماژە دا وێ چەندێ، ئەو پارزینگەھێن ل سالا بۆری پانزین ب شێوەکێ نە قانوونی ژی بەرھەم دئینا ھەموو ئەو بوون یێن مۆلەتا کۆمپانیا دوھنی یان کەرەستەکێ دی وەرگرتی و ل پشت را کارێ ڤاڤارتنا نەفتا خام دکرن و کارێ وان ب ئێکجاری نەیێ قانوونی بوو و گۆت: ئەو پارزینگەھێن ھاتینە داخستن نێزیکی 400 پارزینگەھان بوون، ل دەمێ بریارا داخستنا وان ژی ھاتیە دان ب تنێ دەلیڤە ب نێزیکی 24 پارزینگەھان ھاتبوو دان ڤی کاری بکەن.
د. بێوار خەنسی، شارەزایێ ئاسایشا ئابووری ل ھەرێما کوردستانێ، ھەتا سالا بۆری ژی ھژمارەکا مەزن یا پارزینگەھێن ڤاڤارتنا پترۆلێ ل ھەرێما کوردستانێ ھەبوون کو مۆلەت نەبوون و ب رێیێن نە قانوونی ھاتبوونە دامەزراندن و رۆژانە کارێ ڤاڤارتنا پترۆلا رەش دکرن و پشتی ھینگی بەرھەمێ وێ بۆ وەلاتیێن ھەرێمێ دھاتە دابینکرن و دەستووری و مۆلەت ژ چو وەزارەتان وەرنەگرت بوون.
د. بێوار خەنسی دیار کر، ب تنێ دو پارزینگەھێن مەزن یێن ڤاڤارتنا پترۆلا رەش ل ھەرێما کوردستانێ ھەنە (بازیان و کەلەک) و ئێکا بچووک ژی ل تاوکێ ھەیە کو ڤان ھەرسێیان مۆلەتا قانوونی بۆ ڤاڤارتنا پترۆلا رەش ل ھەرێما کوردستانێ ھەیە و ئەڤ ھەردو پارزینگەھێن مەزن دشێن رۆژانە نێزیکی 100 ھزار بەرمیلێن پترۆلێ ب ڤاڤێرن و ب ڤێ چەندێ پانزین و گازا سپی بۆ وەلاتیێن ھەرێما کوردستانێ دھێتە دابینکرن و گۆت: ئەڤە د دەمەکی دایە کو ھەموو پارزینگەھێن عیراقێ نھا دشێن رۆژانە 750 ھزار بەرمێلێن نەفتا رەش ب ڤاڤێرن و ل سەر وەلاتیێن عیراقێ بەلاڤ بکەن.
ئەڤ ھەردو پارزینگەھێن مەزن ب تنێ نەشێن پێدڤیا وەلاتیێن ھەرێما کوردستانێ ژ پانزین و نەفتێ دابین بکەن، لەوما ئەو پارزینگەھێن نە قانوونی یێن بچووک ل ھەرێما کوردستانێ ھاتبوونە دانان و گۆت: ئەو بەرھەمێ وان پارزینگەھان دابین دکر یێ باش نەبوو و کوالێتیا وان گەلەک یا خراب بوو و وان پارزینگەھێن نە قانوونی کارتێکرنەکا مەزن کربوو سەر ساخلەمیا وەلاتیان و زیان ل وان ددان، نە ب تنێ بەرھەمێ وان یێ خراب، بەلکو ھەتا دووکێلا وان ژی ژینگەھێ پیس دکر و زیانێ دگەھینتیە ساخلەمیا وەلاتیان و گۆت: ب داخستنا وان دێ وەلاتی و حوکمەت ژ گەلەک ئاریشان قورتال بن.
ئهڤرۆ نيوز:
رێڤهبهريا چاڤدێريا بازرگانى راگههاند كو ئهڤرۆ رێكهفتى 8ى ئادارا 2016ێ بهايێ دراڤى ل بازارێن پارێزگهها دهۆكێ ب ڤى رهنگێ ل خوارێ يه:
| 1 دولارێ ئهمريكى | 1264 |
| 1 يۆرۆيێ ئهورۆپى | 1380 |
| 1 ليرێ توركى | 430 |
بۆ وهرگرتنا نووترين پێزانينان ل سهر رهوشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب رهنگهكێ بهردهوام سهرهدانا مالپهرێ ئهڤرۆ نيوز www.evronews.net بكه.
ئەڤرۆ نیوز، زنار تۆڤی:
ئەڤرۆ سالڤەگەرا هونەرمەندێ مەزنێ کورد محەمەد شێحۆ یە،کو ناڤهاتی ل سالا 1948 ل کوردستانا رۆژئاڤا ژ دایک بوویە و ل سالا 1969 دەست ب کارێ سترانگۆتنێ کریە،شیایە د ماوێ ژیانا خۆدا 114 سترانان تۆمار بکەت و سترانێن وی ناڤ و دەنگیا خۆ هەبوویه ل سەرانسەری کوردستانێ و ب سترانێن ئای لێ گۆلێ و گاڤا ئەز مرم گەلی زندیا ئازادە شرین و گەلەکێن دی ناڤدار بوویە،ئەڤە 27 سال ل سەر وەغەرکرنا وی را دەرباز بوون،محەمەد شێخۆ ل رۆژا 9.3.1989 وەغەرا دوماهیێ کریە و ل باژێرێ قامیشلۆ ل رۆژئاڤایا کوردستانێ هاتیە ڤەشارتن،بۆ دوماهیک جار خاترا خۆ ژ ئاواز و سترانا کوردی خواست،لێ دەنگێ وی هەر مایە و چ جارا نامریت دناڤ مللەتێ کورد دا.
ئهڤرۆ نيوز:
ئەندامەکێ لژنا چاندنێ ل پەرلەمانێ کوردستانێ بۆ ئەڤرۆ دیارکر کو بەرھەمێ پتاتان ل ھەرێما کوردستانێ سال بۆ سالێ بەر ب زێدەبوونێ یە، ل سالا بۆری رێژەکا باش یا بەرھەمێ پتاتان بۆ وەلاتێ سعودیێ ھاتبوو ھنارتن و پێشبینی دھێتەکرن ئەڤ سالە ژی رێژەکا زێدەتر بۆ وی وەلاتی بھێتە ھنارتن.
بشار مشیر ئەندامێ لژنا چاندنێ ل پەرلەمانێ کوردستانێ ئاشکرا کر، پشتی وەزارەتا چاندنێ یا حوکمەتا عیراقێ بڕیار دای رێ نەھێتە دان بەرھەمێ مریشک و ھێکان یێن ھەرێما کوردستانێ بچنە ناڤەراست و باشورێ عیراقێ و گۆت: “وەکو نەرازیبوونەک ھەمبەر ڤێ چەندێ، حوکمەتا ھەرێما کوردستانێ ژی ب بڕیارەکێ فرێکرنا ھەموو فێقی، کەسکاتی و ھەر تشتەکێ گرێدای ب چاندنێ ڤە بۆ ناڤەراست و باشورێ عیراقێ ڕاگرت و ئێدی ناھێلیت بچن، لێ پێشبینی دکەین روونشتن و کۆمبوون ل سەر چوونا تشتی ژ ھەرێما کوردستانێ بۆ بەغدا دەستپێ بکەنە ڤە”.
خویا ژی کر، سالا بۆری بەرھەمئینانا پتاتان ل کوردستانێ گەلەک زێدەبوو، و شیاین بۆ وەلاتێ سعودیێ فرێکەین و گۆت: “ئەڤ سالە ژی ئەم پێشبینی دکەین ھنارتنا پتاتێن کوردستانێ بۆ سعودیێ زێدە بیت”.
ئهڤرۆ نيوز:
رێڤهبهريا گشتيا كهشناسى و بيڤهلهرزێ ل ههرێما كوردستانێ راگههاند كو ژ ئهنجامێ ئێكگرتنا ههردو فشارێن نزمێن دهريا سپى و وهلاتێ توركيا دێ نهسهقامگيريهك كهڤيته رهوشا كهشوههواى و رۆژێن پێنجشهمبى ب شهڤ و ئهينى ب رۆژ باران ل هندهك دهڤهرێن جودا باريت.
سوبههى رۆژا پێنجشهمبى رێكهفتى 10ى ئادارا 2016ێ ل دهمێ شهڤێ دێ نهسهقامگێريهك د كهش و ههوايێ دهڤهرێ دا دروست بيت و ئهسمان ژ ئهورهكێ كێم دێ بۆ ئهورێ تهمام هێته گوهۆڕين و ل دهمێن درهنگێن شهڤێ دێ باران ب رهنگهكێ هوور باريت و كارتێكرنێ ل سهر ئێكگرتنا فشارێن نزمێن دهريا سپى و توركيا كهت.
رۆژا ئهينى دێ يا بهردهوام بيت و باران ل پتريا دهڤهران باريت و ل سهنتهرێ پارێزگههێ ژى دێ بارانهكا هوور باريت و پترترين رێژى ژى دێ ل سهنتهرێ پارێزگهها دهۆكێ بيت و ل هندهك دهڤهرێن جودا دێ بريستى ژى ل گهل بن.
كارتێكرنا ڤێ نهسهقامگيريێ دێ ههتا دهمێن درهنگێن پشتى نيڤرۆيا ههمان رۆژ بهردهوام بيت و پاشان دێ ئهو ئهور ژى ل ئهسمانى بهر ب كێمبوونێ ڤه چن.
نيشاندان
