ئه‌ڤرۆ نيوز:
محەمەد ئەحمەد ئه‌ندامێ سه‌ركردايه‌تيا يه‌كگرتووى ئيسلامى كوردستان، راگه‌هاند كو سوبه دێ فوئاد حسێن دێ بۆ جارا دوێ ل گه‌ل سه‌لاحه‌دين به‌هائه‌دين ل هه‌ولێرێ كۆم بيت.
نووترين نووچه
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
- چاڤدێرێن سیاسی ژ چاوانیا برێڤەچوونا قۆناغا ئاشتیێ دلگرانن
- سەرۆك بارزانی و مەزلۆم عەبدی دوپاتیێ ل ئێكڕێزی و ئێكگرتنا كوردان دكەن
- نوونەرا حوكمەتا هەرێمێ ل واشنتۆن دێ پشكداریێ د رێوڕەسمێ دەستبكاربوونا ترەمپی دا كەت
- ئاسۆ كەریم: سەرۆك بارزانی فاكتەرێ سەرەكیێ ئێكبوونا گەلێ كوردە
- سەرۆكێ هەرێمێ و شاندەكێ ئەمریكا دوپاتیێ ل چارەسەركرنا كێشەیێن هەولێرێ و بەغدایێ ب گۆرەی دستووری دكەن
- سەرۆكاتییا هەرێما كوردستانێ پێشوازی ل ئاگربەستا غەزە كر
سهرهكى Facebook
خشتێ نوو يێ مووچان هاته راگه‌هاندن
ئه‌ڤرۆ نيوز:
وه‌زاره‌تا دارايى و ئابوورى راگه‌هاند كو رۆژا ئێكشه‌مبى رێكه‌فتى 7ى ته‌باخا 2016ێ دێ مووچێ ڤان وه‌زاره‌تان هێته به‌لاڤكرن:
1- وه‌زاره‌تا باژێرڤانى و گه‌شتوگوزار.
2- وه‌زاره‌تا چاندن و ئاڤدێرى.
3- وه‌زاره‌تا داد.
رۆژا دوشه‌مبى رێكه‌فتى 8ى ته‌باخا 2017ێ دێ مووچێ ڤان وزاره‌ت و جڤات و سه‌رۆكاتيان هێته به‌لاڤكرن:
1- وه‌زاره‌تا خواندنا بلند و ڤه‌كولينێن زانستى.
2- جڤاتا دادوه‌رى.
3- سه‌رۆكاتيا هه‌رێمێ.
4- سه‌رۆكاتيا په‌رله‌مانى.
5- سه‌رۆكاتيا جڤاتا وه‌زيران.
رۆژا سێشه‌مبى و چارشه‌مبى رێكه‌فتى 9 و 10ى ته‌باخا 2016ێ دێ مووچێ وه‌زاره‌تا ناڤخۆ هێته به‌لاڤكرن.
ب وێنه: ئه‌ڤرۆ ژى كه‌سه‌كى ل چه‌پا مرنێ گيانێ خوه ژ ده‌ست دا
ئه‌ڤرۆ نيوز:
راگه‌هاندنا هاتنوچوونا پارێزگه‌ها دهۆكێ راگه‌هاند كو ئه‌ڤرۆ ژى كه‌سه‌كى ل چه‌پا مرنێ ژ ئه‌گه‌رێ وه‌رگه‌ريانا ترۆمبێلێ گيانێ خوه ژ ده‌ست دا.
رائيدێ مافپه‌روه‌ر ئازاد ته‌ها، به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ بۆ ئه‌ڤرۆ نيوز گۆت: “ئه‌ڤرۆ رۆژا شه‌مبى رێكه‌فتى 6ى ته‌باخا 2016ێ و ل ده‌مژمێر 9:30 ده‌قيقه ترۆمبێله‌ك ل چه‌پا نهدارا يا به‌رنياس ب چه‌پا مرنێ ل نێزيك قه‌زا شێخان وه‌رگه‌ريا”.
زێده‌تر گۆت: “د ئه‌نجامێ وه‌رگه‌ريانا وێ ترۆمبێلا پيكئاپ تويوتا دا كه‌سه‌كى گيانێ خوه ژ ده‌ست دا و دو كه‌سێن دژى ب دژوارى بريندار بوون”.
راهێنه‌رێن جمبازێ ل ئه‌مريكا ده‌ستدرێژيێ دكه‌نه سه‌ر ياريكه‌ران
ئه‌ڤرۆ نيوز:
ب گۆره‌ى پێزانينێن ده‌زگه‌هێن راگه‌هاندنا جيهانى به‌لاڤكرين، به‌رى ده‌سپێكرنا ياريێن ريۆ يێن ئۆلۆمپى كێشه‌يێن ده‌ستێوه‌ردانێن سكسى د ناڤ جمبازا ئه‌مريكا دهێنه ئاشكه‌را كرن.
رۆژناما “ئينياناپۆليس ستار” ڤه‌گوهاستيه كو ئێكه‌تيا جمبازێ ل ئه‌مريكا ده‌ست ب ڤه‌كولينان كريه ل دۆر ده‌سدرێژيێن سكسى ژ لايێ راهێنه‌ران ڤه بۆ سه‌ر ياريكه‌ران و ب تايبه‌ت ژى يێ بچووك.
كه‌نالێ رۆسيا 24 ژ زارێ ڤێ رۆژناما سپێده‌هيان يا گه‌له‌ك ل ئه‌مريكا به‌ربه‌لاڤ راگه‌هانديه كو ب ده‌هان كچێن بچووك ژى د ناڤ ڤان ده‌ستدرێژيان دا هه‌نه و ب تايبه‌ت يێن ژيێ د ناڤبه‌را 10 هه‌تا 14 ساليێ دا.
ئاماژه بۆ وێ چه‌ندێ ژى كريه كو گه‌له‌ك كه‌سان سكالا بۆ ئێكه‌تيا جمبازێ ل سه‌ر ڤى بابه‌تى هنارتبوون، به‌لێ ئه‌وان گرنگى پێ نه‌ددا ژ به‌ر ناڤوده‌نگيا ڤان راهێنه‌ران و ب تايبه‌ت ژى كو ئه‌ڤ سكالايه ژ لايێ دايكوبابێن ڤان ياريكه‌ران و وان ب خوه ژى ڤه نه‌هاتينه هاڤێتن.
گۆتنێن هه‌ڤدژ ل سه‌ر ئازادكرنا مه‌نبه‌ج هه‌نه
په‌رواز مژوولى ڤى كارى یه
ب وێنه: ئه‌ڤ له‌ندوگرۆزه ل گه‌ليێ زاخۆ وه‌رگه‌ريا
ئێكگرتوو بۆچوونا خوه ل سه‌ر سيسته‌مێ سه‌رۆكاتيا هه‌رێمێ ئاشكه‌را كر
ل فره‌نسا 13 كه‌سان گيانێ خوه ژ ده‌ست دا
ئه‌ڤرۆ نيوز:
ژ ئه‌گه‌رێ ئاگركه‌فتنا ناڤ يانه‌كا شه‌ڤێ ل باژێرێ روان يێ باكوورێ فره‌نسا 13 كه‌سان گيانێ خوه ژ ده‌ست دا و شه‌ش ژى بريندار بوون.
روودان ل دره‌نگيا شه‌ڤا شڤێدى ل ناڤ مه‌يخانا “كۆپا ليبيرى” ل ناڤه‌راستا باژێرێ روان يێ ده‌ڤه‌را نورماماندى روودا، ئاگر به‌ربوون روودا ل ده‌مێ ژماره‌كا هه‌ڤالان ب هه‌لكه‌فتا جه‌ژنا ژ دايكبوونا هه‌ڤاله‌كێ خوه رێكخستى.
برنار كازانۆڤ وه‌زيرێ ناڤخۆيێ فه‌رنسا راگه‌هاند ژ به‌ر ئاگربه‌ربوونێ و ب گۆره‌ى پێزانينێن ده‌سپێكى 13 كه‌سان گيانێ خوه ژ ده‌ست دايه و شه‌ش ژى دبريندارن، ئاماژه ب گه‌هشتنا تيمێن ئاگرڤه‌مراندنێ ژى كر ب ده‌مێ خوه دا بۆ كونترۆلكرنا جهێ روودانێ و ده‌مه‌كێ كێم ئاگر كونترۆل كر.
ب گۆتنا وه‌زيرێ ناڤخۆ يێ فه‌ره‌نسا لايه‌نێن په‌يوه‌نديدار ده‌ست ب ڤه‌كولينێ د بوويه‌رێ دا كريه دا كو ئه‌گه‌رێن ڤێ ئاگربه‌ربوونێ بزانن. ب گۆره‌ى گۆتنێن كه‌سانێن ل جهێ روودانێ دبيت ژ ئه‌گه‌رێ ئه‌و شه‌مالكێن ل سه‌ر قالبێ كێكا جه‌ژنا بوونێ يا ئێك ژ ئاماده‌بوويێن مه‌يخانێ هاتينه دانان ئه‌ڤ روودانا ئاگر به‌ربوونێ په‌يدا ببيت.
باژێر روان دكه‌ڤيته باژێركێ سانت ئيتيان دو رۆڤراى كو به‌رى دو حه‌فتيا روودانه‌كا تيرۆرستى تێدا روودابوو و تێدا قه‌شه‌يه‌ك ب ده‌ستێ دو گه‌نجێن تۆندڕه‌و هاتبوو كوشتن.
كاره‌بێ زارۆيه‌ك كوشت
ئه‌ڤرۆ نيوز:
رێڤه‌به‌ريا پۆليسێن پارێزگه‌ها دهۆكێ راگه‌هاند كو دوهى رۆژا ئه‌ينى ژ ئه‌نجامێ شورته‌كێ كاره‌بێ زارۆيه‌كى گيانێ خو ژ ده‌ست دا.
رائيدێ مافپه‌روه‌ر هێمن سلێمان، به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “دوهى رۆژا ئه‌ينى و ژ ئه‌نجامێ شورته‌كێ كاره‌بێ زارۆيه‌كى گيانێ خوه ژ ده‌ست دا”.
رائيدێ مافپه‌روه‌ر زێده‌تر گۆت: “ئه‌ڤ زارۆيه د ژ يێ 10 ساليێ دابوو ب ناڤێ جاسم ئه‌نوه‌ر جاسم ل نێزيك پرا شمك زه‌را به‌رامبه‌ر ئۆتێلا سۆلاڤ”.
نيشاندان
WP Facebook Auto Publish Powered By : XYZScripts.com