ئەڤرۆنیۆز، سالار دۆسکی:
نەجیبا نەجیب ئەنداما پەرلەمانێ عیراقێ ژ فراکسیۆنا پارتی دیموکراتی کوردستان ئاشکراکر کو چەند ئەندامێن پەرلەمانێ عیراقێ خواستەک پێشکێشی سەرۆکاتیا پەرلەمانێ عیراقێ کربوو ب مەرەما راستڤەکرنا ھندەک خال و برگ ژ دەستورێ عیراقێ، ھەکە لژنە ژی بھێنە پێکئینان و پەرلەمان رازیبوونێ ل سەر ڤێ خواستێ دیار بکەت دبینم گەلەک یا بزحمەتەبھێتە راستڤەکرن.
ھەمان ئەنداما پەرلەمانی ئەو ژی گۆت: زحمەتا وێ ئەوە چونکە دەستورێ ھەمیشەیی عیراقێ، بێژیت پشتی راستڤەکرن ل سەر بھێتەکرن دڤێت پتریا ئەندام پەرلەمانان دەنگی ل سەر بدەن و چ رێ نین و ناگەھنە ئەنجامێ دووماھیێ، ھێشتا گۆت: ھەر راستەڤەکرنا بھێتەکرن ل گەل کاودانێن نوکە، دیسا دەستوری ئەو ماف دایە سێ پارێزگەھا کو ل سەر خالەکێ نە درازیبن ئەو راستڤەکرن دێ یا فاشل بیت.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 26ى تيرمه‌ها 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1280 |
| 1 يۆرۆيێ ئه‌ورۆپى | 1420 |
| 1 ليرێ توركى | 420 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ره‌جه‌ب ته‌يب ئه‌ردوگان سه‌رۆك كۆمارێ توركيا دێ د هه‌يڤا بهێت دا چيته وه‌لاتێ توركيا.
محه‌مه‌د شمشك، جێگرێ سه‌رۆك وه‌زيرێن توركيا كو نوكه ب سه‌ره‌دانه‌كێ ل مۆسكۆ يا پايته‌ختێ رۆسيايه، راگه‌هاند كو ئه‌ردوگان دێ رۆژا 9ى ته‌باخا 2016ێ سه‌ره‌دانا وه‌لاتێ رۆسيا كه‌ت و ل گه‌ل فلاديمێر پۆتن سه‌رۆكێ وى وه‌لاتى كۆم بيت.
جێگرێ سه‌رۆك وه‌زيرێن توركيا دا زانين ژى كو دێ په‌يوه‌نديێن خوه ژ جاران باشتر لێ كه‌ن و گۆت: “پشتى كوده‌تايا له‌شكرى فلاديمێر پۆتن ئێك بوو ژ وان سه‌رۆكێن پشته‌ڤانيا خوه بۆ حوكمه‌تا توركيا دياركرى”.
ئه‌ڤرۆ نيوز:
رێڤەبەرێ رەگەزنامە و کاروبارێن شارستانی ل پارێزگەھا دھۆکێ ب وەکالەت دیار کر کو ل سنوورێ پارێزگەھا دھۆکێ و رێڤەبەریا وان ژڤانێ دانا کارتا نشتیمانی یا ئێکگرتی نێزیک بوویە و دبێژیت: وەکو خوە بەرھەڤکرن بۆ دەرئێخستنا کارتا نشتیمانی ھەر ژ رۆژا 31/7 ھەتا 7/8/2016 کار ل رێڤەبەریا بارێ شارستانی یا دھۆکێ دێ ھێتە راوەستاندن.
عەقید کامیران ئیبراھیم، رێڤەبەرێ رەگەزنامە و کاروبارێن شارستانی ب وەکالەت ئاشکرا کر، ل دووڤ وان رێنمایێن ژ لایێ رێڤەبەریا گشتی یا رەگەزناما بەغدا – پشکا کارتا نشتیمانی دوھی 25/7 گەھشتینە وان، وان چەند بڕیار داینە، وەکو خوە بەرھەڤکرن بۆ قووناغا نوو یا کاری ل دۆر کارتا نشتیمانی و دەرئێخستنا وێ و بۆ ئەڤرۆ گۆت: “پشتی رۆژا 7/8/2016 دێ رێڤەبەریا مە دەست ب دانا کارتا نشتیمانی کەت”.
ناڤھاتی خویا ژی کر، وەکو خوە بەرھەڤکرن بۆ قووناغا نوو یا کاری ل دۆر کارتا نشتیمانی، ھەر ژ رۆژا 31/7 ھەتا 7/8/2016 کار ل رێڤەبەریا بارێ شارستانی یا سەنتەرێ دھۆکێ دێ ھێتە راوەستاندن، ھەروەسا ھەموو تۆمارێن بارێ شارستانی یێن سالا (1957) یێن رێڤەبەریا دھۆکێ بۆ رێڤەبەریا گشتی یا رەگەزنامێ ل بەغدا – پشکا کارتا نشتیمانی دێ ھێنە ھنارتن بۆ مەرەما دەرئێخستنا کارتا نشتیمانی.
عەقید کامیران ئاماژە ب وێ چەندێ ژی کر، ئەو ھەموو وەلاتیان ئاگەھدار دکەن کو ل رۆژا 8/8/2016 و وێڤە ل رێڤەبەریا بارێ شارستانی یا دھۆکێ دەست ب دانا کارتا نشتیمانی بۆ وەلاتیان ل دووڤ سیستەمەکێ ئەلکترۆنی دێ ھێتە کرن، ئەڤ پرۆسە بۆ دەمەکێ درێژ دێ یا بەردەوام بیت و دێ ب رێیا فۆرمەکا ئەلکترۆنی بیت ل سەر مالپەرێ (www.nid-moi.gov.iq) کو ژ لایێ وەلاتیان ڤە دێ ھێتە پرکرن و رۆژا پەیوەندیێ ژ لایێ رێڤەبەریێ ڤە دێ ھێتە دیارکرن، دا کو گەلەک وەلاتی ل بەر دەریێ رێڤەبەریێ خرڤە نەبن و نەبیتە قەرەبالغ.
ئەڤرۆ نیوز:
ھەشت وەبەرھێنەر ب تۆمەتا گەندەلیێ د پڕۆژێن وەبەرھێنانێ دا ل پارێزگەھا ھەولێرێ ژ لایێ دادگەھێ ڤە ھاتینە داخوازکرن و رێڤەبەرێ گشتی یێ وەبەرھێنانێ ژی دبێژیت: ب تنێ د پڕۆژەیەکی دا 26 ملیۆن دۆلار دیارنینن و دەستەیا نەزاھێ ژی بادەک بۆ ڤێ چەندێ ڤەکریە.
سامان عەرەب، رێڤەبەرێ گشتیێ وەبەرھێنانا ھەولێرێ بۆ رۆژناما ئەڤرۆ خویا کر، ڤەکۆلین د گەندەلیێن دپڕۆژێن وەبەرھێنانێ دا ھاتینە کرن یا بەردەوامە، دەستەیا گشتی یا نەزاھێ داخواز ژ پشکا قانوونی یا دەستەیا وەبەرھێنانێ کریە، زانیاریان ل دۆر دو بادەکێن گەندەلیێ بدەنێ و گۆت: “نوکە دەستەیا گشتی یا نەزاھێ مژوولی ڤەکۆلینێ یە دڤان ھەردو بادەکێن گەندەلیێ دا، کو ئێک ژ وانا بادەکا شارێ ئاکنجیبوونێ یە بناڤێ (زێڕینە)، ب تنێ د ئەڤی پڕۆژەی دا 26 ملیۆن دۆلار ھاتینە بڕن و دووڤچوون ل سەر یا بەردەوامە، ھەروەسا بادەکادیژی ھەمان بادەکا گەندەلیێ یە، ھەر دەزگەھەکێ داخوازا لێپرسینێ بکەت ب مەرەما ئاشکراکرنا گەندەلیێ ئەم وەکو رێڤەبەریا گشتی یا وەبەرھێنانێ دبەرھەڤین ھەڤکاریێ ل گەل بکەین”.
سامانی ئاشکرا ژی کر، بەری نوکە ژی کار بۆ سزادانا وەبەرھێنەرێن خەمسار و گەندەلی د کارێ خوە دا کری ھاتبوونە دەستپێکرن، دادگەھێ ھەشت وەبەرھێنەر ب تۆمەتا گەندەلیکرنێ داخوازکرینە و گۆت: “ئێک ژ وان وەبەرھێنەران نوکە ھاتیە زیندانیکرن و یێن دیژی بەر ب جھێن نەدیار رەڤینە، لێ ژ لایێ دادگەھێ ڤە دداخوازکرینە، بێگومان ھەرکەس و وەبەرھێنەرەکێ خەمساربیت د پڕۆژێن وەبەرھێنانێ دا و تۆمەتباربیت ب ئەنجامدانا گەندەلیێ، دڤێت بچیتە ھەمبەر دادگەھێ”.
ئەڤرۆ نیوز:
نڤیسەرەک و رۆژنامەڤان دلشاد وەسانی دبێژیت، پرۆتۆکۆلا لەشکری ئەوا ل ڤێ دووماھیێ دناڤبەرا ئەمریکا و ھەرێما کوردستانێ دا ھاتیە ئیمزاکرن دێ بیتە رێخوەشکەرەک بۆ ھنارتنا چەکی بۆ ھەرێمێ ب شێوەکێ ئێکسەر و دبێژیت ئەمریکا رەفتارێ ل گەل دۆرھێلێ نوو یێ دەڤەرێن مادێ 140 دکەت و ب پێدڤی دزانیت پێشمەرگە پشکداریێ د ئازادکرنا مووسلێ دا بکەت ژبەر د بەرژژەوەندا کوردستانێ دایە.
دلشاد وەسانی، نڤیسەر و رۆژنامەنڤیس و رێڤەبەرێ نڤیسینێ ل رۆژناما خەبات زمان حالێ پارتی دیموکراتی کوردستان بۆ رۆژناما ئەڤرۆ گۆت”ئیمزاکرنا لێکتێگەھشتنا پرۆتۆکۆلا لەشکری دناڤبەرا ئەمریکا و ھەرێما کوردستانێ دەستپێکەکا گرنگە بۆ وێ چەندێ کو پێشمەرگە راستەوخوە چەک و تەقەمەنیان ژ ئەمریکا وەربگریت، ئەمریکا ب خوە ژی دووپاتی ل سەر وێ چەندێ کریە و دبێژن مە بەغدا ژی یا ئاگەھدارکری”.
دلشادی خویاکر” ئیمزاکرنا پرۆتۆکۆلا لەشکری ب خوە ھاریکاریەکا لەشکری یە بۆ پێشمەرگەی، لایەنەکێ ئەمریکی ل دەمێ ئیمزاکرنێ دا بەحسێ رۆلێ پێشمەرگەی کر کو ئەمریکا دێ یا ھەڤکار بیت د ھاریکاریا پێشمەرگەی دا، ھاریکارا وەزیرێ بەرگریا ئەمریکا (ئیلیزا سلۆتکین) د رێ و رەسمێن ئیمزاکرنا پاداشتا لێکتێگەھشتنێ ل دۆر پرۆتۆکۆلی گوتبوو کو ھێمایێ ھەڤپشکیەکا بەردەوام یا ئەمریکا و ھێزا پێشمەرگەیە و دوستینیەکا ب ھێزە”.
ل دۆر وێ چەندێ ئایا ئیمزاکرنا وێ پرۆتۆکۆلا لەشکری دێ بیتە نامەیەک کو دەڤەرێن مادێ 140 دێ ل پاشەرۆژێ ژی ھەر ددەستێ پێشمەرگەی دا مینن، دلشاد دبێژیت” پێدڤیە رەوشا وان دەڤەران ببیتە ئەمرێ واقع، سەرۆک بارزانی گەلەک دووپاتیێ ل سەر وێ چەندێ دکەت کو خوینا پێشمەرگەی وەسا یا سڤک و بێ بھا نینە، ئەو دەڤەر یێن ب خوینێ ھاتینە ئازادکرن، لەوما دووپاتی ل سەر وێ چەندێ ھاتیە کرن، ئەمریکا ژی رەفتارێ ل گەل دۆرھێلێ نوو یێ وان دەڤەران دکەت، دبیت دانوستاندن ل دۆر مووسلێ و دەڤەرێن دی بھێتە کرن کو ددەستێ پێشمەرگەی دا نەبن، بەلێ ھەق نینە ئەو دەڤەرێن دی یێن ب خوینا پێشمەرگەی ھاتینە ئازادکرن، ب ساناھی بھێنە دان بۆ عیراقێ، ل دووڤ پاداشتا لێکتێگەھشتنێ د ناڤبەرا ئەمریکا و ھەرێما کوردستانێ ژی، دێ ئاخڤتن ل دۆر وان دەڤەران ھێتە کرن کو دێ ل پشتی ئیمزاکرنا پرۆتۆکۆلی بیت، ئانکو ئەو دەڤەرێن ددەمێ دو سالێن بۆری دا ھاتینە ئازادکرن، دێ ھەر ددەستێ پێشمەرگەی دا مینن”.
دبەرسڤا پرسیارەکا ئەڤرۆ دا ل دۆر پشکداریا پێشمەرگەی د شەرێ ئازادکرنا مووسلێ دا و ئایا دێ بیتە ھێزەکا کاریگەر د وی شەری دا، ناڤبری گۆت” ھەرچەندە پێشمەرگە خوە ژ پێکدادانێن پێکھاتان دپارێزیت، بەلێ دێ رۆلەکێ کاریگەر د ئازادکرنا مووسلێ دا ھەبیت، دڤێ قۆناغێ دا، ل دەف ئەمریکا و عیراقێ و ھێزێن سونی بێ پێشمەرگەی نەشێن وی شەری بکەن، لەوما ھەکە پێشمەرگە وەکو ھێزەکا پشتەڤان ژی پشکداریێ بکەت دێ رۆلێ خوە ھەبیت”.
دیسا گۆت” راستە ھەق نینە خوینا پێشمەرگەی بۆ خەلکێ دی بھێتە رێتن، بەلێ ھەکە پێشمەرگە پشکداریێ دوێ ئۆپەراسیۆنا مەزن یا ئازادکرنا مووسلێ دا نەکەت، ب زەحمەتە بھێتە قەبوولکرن کو پشکداریێ د کێکێ دا بکەت، ھەکە پێشمەرگەی رۆلێ خوە دیت، سوباھی ل دۆر قۆناغا پشتی داعشێ ژی دێ ئاخڤتنا خوە ھەبیت، باشتر ژی ئەوە ھەر ژ نوکە ب بەرھەڤبوونا ئەمریکا پرۆتۆکۆلەک د ناڤبەرا ھەموو ھێزێن پشکدارو پێکھاتێن مووسلێ بھێتە ئیمزاکرن کو ھەموو پشکداریێ د قۆناغا پشتی شەرێ داعشێ ببن، نابیت چ پێکھاتەک بھێتە پشت گوە ھاڤێتن، لەوما رۆلێ کاریگەرێ پێشمەرگەی بۆ قۆناغا دووماھیێ یا گرنگە”.
دیسا گۆت” پێشمەرگە یێ بەرنیاس و ب ھێزە، پێدڤیە شیانێن وی ببنە ئەگەرێ وێ چەندێ کو کوردان ژی ئاخڤتنا خوە ھەبیت، یا دیار بووی ژی ھەر کورد و سیاسەتا سەرۆک بارزانی شیانێن وێ چەندێ ھەنە کو ھەموو پێکھاتان ل باوەشێ بگریت” خویاکر ژی ” بارێ دیموگرافیێ دھۆکێ ژبەر مشەبوونا ھژمارا ئاوارێن مووسل یێ نێزیکی تێکچوونێ دبیت، ھەولێر و جھێن دی ژی ب وی شێوەی بارگرانیا ئاوارێن عەرەب یا ل سەر ھەی، پێشمەرگەی بۆ وان ژی خوینا خوە یا رێتی، چو رامانەک تێدا نابیت ھەر ب ساناھی ئەو خوینە ب ھەروە بچیت، لەوما ب ھەموو پیڤەرەکی پێشمەرگەی دێ رۆلێ کاریگەر ھەبیت و ئەو رۆلە ژی دێ د مفایێ کوردستانێ دا بیت”.
ئه‌ڤرۆ نيوز:
سەرۆکێ ھەرێما کوردستانێ راگەھاند؛ ل پاشەرۆەکا نێزیک دێ دیاربیت کی دیڤەلانکیێ دخوازیت و کی سەروەریێ د ھەلبژێریت.
مەسعوود بارزانی د پەیچێ خوەیێ فەیس بووکێ یێ تایبەت دا رەخنە ل کونفرانسێ ھەڤپەیمانیا نێڤدەولەتی یا ل دژی داعشێ ل واشنتۆنێ کرن ل ھەمبەر رێگرییا وەزیرێ دەرڤەیێ ئیراقێ ل شاندێ ھەرێمێ کو پشکداری کونفرانسی ببيت کو ئالیێ سەرەکیێ شەڕێ داعشێ یە.
بارزانی د ڤێ پەیاما خوە دا دلگرانیا خوە ل ھەمبەر ئەمریکا نیشاندا کو ئالیێ مھڤانداریا کۆنفراسی بوویە و خواستنا وەزیرێ ئیراقێ بجھئینایە، دوپاتکر ئەڤە جھێ قبول کرنێ نینە ل گەل رۆل و پێگەھـ و قوربانیێن گەلێ کوردستانێ ناگونجن، بۆ چارەکرنا ڤان کێشەیان ژی پێدڤیە خودانێن سەروەری و بریارا خوە بین.
بارزانی گۆتژی: نھا ل ھەمبەر دو رێیاینە یان دڤێت کەتواری قەبول بكه‌ين كو ھەر دەما خەلکەکێ دی ڤیا کێشەیان بۆمە دروست بکەت و بریارێ ل چارەنڤیسێ مە بدەت و پاشکو بمینین، یان پێکڤە بریارەکا ھەڤپشک بدەین و سەرخوەبوونێ ب دەستڤە بینن، ئاماژەکر ژی ل دەمەکێ نێزیک دێ دیاربیت کی دیڤەلانکیێ دخوازیت و کی سەروەریێ ھەلدبژێریت.
ئه‌ڤرۆ نيوز:
نێچيرڤان بارزانى سه‌رۆك وه‌وزيرێن هه‌رێما كوردستانێ د ديداره‌كێ دا ل گه‌ل پشكا فارسى يا ده‌نگێ ئه‌مريكا هنده‌ك پرسێن په‌يوه‌نديدار ب هه‌رێما كوردستانێ و ئۆپه‌راسيۆنێن رزگاركرنا مووچل و سه‌ربه‌خۆيا كوردستانێ و قه‌يرانا دارايى يا هه‌رێمێ خستنه به‌ر دانوستاندنێ.
نێچيرڤان بارزانى د پشكه‌كا ديدارا خوه دا ده‌رباره‌ى ئازادكرنا مووسل دبێژيت: “ب بۆچوونا من ئاماده‌نه‌بوونا ئۆپه‌راسيۆنا ئازادكرنا مووسل ب بۆچوونا من دو ئه‌گه‌ر يێن هه‌ين؛ ئێك جوداهيا مووسل ل گه‌ل ده‌ڤه‌رێن دى و هه‌ر ژ به‌ر ئه‌گه‌رێن له‌شكرى و هه‌ر ژى كا پاش ئازادكرنا مووسل دێ پرۆسه ب چ ره‌نگ برێڤه‌چيت، ئه‌ڤه د گرنگن و دڤێت ب هوورى سه‌رنجێ لێ بده‌ن، هه‌ڤده‌م نوكه سۆپايێ عيراقێ يێ ئاماده نينه و دبيت چه‌ند هه‌يڤێن دى ڤه‌كێشيت”.
ده‌رباره‌ى پرۆتۆكولا ناڤبه‌را وه‌زاره‌تا پێشمه‌رگه‌ى يا هه‌رێما كوردستانێ و وه‌زاره‌تا به‌ره‌ڤانيا ئه‌مريكا، سه‌رۆكێ حوكمه‌تا هه‌رێما كوردستانێ گۆت: “ئه‌ڤ رێكه‌فتنه دو پشكه، پشكه‌ك هاريكاريا دارايى يه ئه‌مريكا دێ ده‌ته پێشمه‌رگه‌ى، پشكه‌كا دى پرۆتۆكولا له‌شكرى يه د ناڤبه‌را هه‌رێما كوردستانێ و ئه‌مريكا دا، ب گۆره‌ى وێ رێكه‌فتنێ ئه‌و هاريكاريا له‌شكرى يا دێ ده‌نه هه‌رێما كوردستانێ نابيت بگه‌هيته ده‌ستێ لايه‌نێن دى، ئانكو ئه‌و پيڤه‌رێن ئه‌مريكا بۆ خوه ب گرنگ دزانيت، د ڤێ پرۆتۆكولێ دا هاتينه گۆنجاندن، هه‌ڤده‌م جودا ژ ڤێ چه‌ندێ ئه‌ڤ رێكه‌فتنه پێكهاتيه ژ هه‌ماهه‌نگيێ د ناڤبه‌را لايه‌نان دا بۆ ئازادكرنا مووسل و ده‌ڤه‌رێن دى يێن بن ده‌ستێ داعش.
ده‌رباره‌ى سه‌ربه‌خۆيا كوردستانێ ژى نێچيرڤان بارزانى راگه‌هاند: “ب بۆچوونا من سه‌ربه‌خۆيا هه‌رێما كوردستانێ مافێ ره‌وا يێ نه‌ته‌وێ مه‌يه، دياركرنا مافێ چاره‌نڤيسێ يێ ره‌وايه و د وێ باوه‌رێ دامه، ئه‌ڤه وه‌كو ئامانجه‌ك بۆ مه خه‌لكێ كوردستانێ دێ مينيت، ئه‌ڤا بۆ مه پشتى داعش دمينيت سنورێن هه‌رێما كوردستانێ نه، چونكو ئه‌ڤ سنوره ب خوينا پێشمه‌رگه‌ى هاتينه ئازادكرن، ژ به‌ر هندێ دێ ب رژدى بزاڤا دياركرنا وان ده‌ين”.
هه‌ر د درێژاهيا ڤێ پرسێ دا دبێژيت: “د هه‌ر ئاراسته‌كى دا بچين، ل ده‌سپێكێ دڤێت بزانين سنور و ئاخا مه ل كيڤه‌يه، ئانكو چ ل گه‌ل عيراقێ بمينين يان د سه‌ربه‌خۆ بين، يان هه‌كه وه‌كو سيسته‌مێ فيدرالى و كونفيدرالى بين، ئه‌وليه‌تا مه دياركرنا سنورايه كو ب فيداكارى كورێن ڤى ملله‌تى و پێشمه‌رگه‌ى هاتينه ئازادكرن”.
د پرسيارا دووماهيێ دا ژ وێ ديدارێ ده‌رباره‌ى قه‌يرانا داراى و پرسا موچێ فه‌رمانبه‌ران، نێچيرڤان بارزانى دبێژيت: “بێ ى چو دانوستاندن ل گه‌ل مه ل سالا 2004ێ مووچێ هه‌رێما كوردستانێ هاتيه بڕين ژ لايێ به‌غدا، كێشا دويێ شه‌رێ داعشه، ئێك هزار و 100 كيلۆمه‌تران مه سنور ل گه‌ل داعش هه‌يه، هه‌تا نوكه 1500 شه‌هيد مه‌يێن داين و نێزيكى 800 برينداران مه يێن هه‌يه”. كێشا سيێ هاتنا ئێك مليۆن و800 هزار ئاوارايه يێن شه‌رێ سوريا و ناڤخۆيێ عيراقێ كو هاتينه هه‌رێما كوردستانێ و گۆتژى: “كێمبوونا بهايێ په‌ترۆلا هه‌رێما كوردستانێ روو ب روو قه‌يرانا دارايى يا هه‌رێما كوردستانێ بوويه، بزاڤێن مه بۆ چاره‌كرنا وان قه‌يرانان د به‌رده‌وامن، سۆپاسيا فه‌رمانبه‌ران و مووچه‌خورێن هه‌رێما كوردستانێ دكه‌م كو دڤان كاودانان دگه‌هن، به‌لێ هه‌تا نوكه مه رێيه چاره‌يه‌ك په‌يدا نه‌كريه، به‌لێ ب رژدى بزاڤێ وێ چه‌ندێ دكه‌ين كو وى مووچێ وه‌ك پاشكه‌فت دهێته راكرن كێم بكه‌ين و خه‌رجيێن خوه كێم كه‌ين دا ڤێ قه‌يرانێ چاره بكه‌ين”.
نيشاندان
