ئهڤرۆ نيوز:
رێڤهبهريا چاڤدێريا بازرگانى راگههاند كو ئهڤرۆ رێكهفتى 25ى شوباتا 2016ێ بهايێ دراڤى ل بازارێن پارێزگهها دهۆكێ ب ڤى رهنگێ ل خوارێ يه:
| 1 دولارێ ئهمريكى | 1260 |
| 1 يۆرۆيێ ئهورۆپى | 1385 |
| 1 ليرێ توركى | 425 |
بۆ وهرگرتنا نووترين پێزانينان ل سهر رهوشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب رهنگهكێ بهردهوام سهرهدانا مالپهرێ ئهڤرۆ نيوز www.evronews.net بكه.
ئهڤرۆ نيوز:
بو دەربازبوون ژ قەیرانا دارایی حکومەتا ھەرێما کوردستانێ ھەموو رێیا د گریتە بەر ، د نھا ژی دا بو بچوککرنا ھەیکەلێ نویێ حکومەتێ وەسا بریارە کو پشکەکا رێڤەبەری و فەرمانگەھێن حکومەتێ بھێنە کێمکرن.
گوران ئازاد ئەندامێ پەلەمانێ کوردستانێ بۆ ” خەلک ” دیارکر کو چارەسەریا قەیرانا دارایی بتنێ ب ئێک بریارێ ناھێتە کرن ئەڤا کو حکومەت دکەت ئێکە ژ چارەسەریان.
لدور چەوانیا ئەنجامدانا ئەڤێ بریارێ ناڤبری گوت ژی: (دڤێت حکومەت بگەھیتە ئەنجامەکێ).
ئەو یەک ژی دیارکر کو ئەڤ ھەیکەلێ حکومەتێ د دەمەکێ دا درۆست بویە کو پارە گەلەک ھەبوویە و بارەگا بو وان فەرمانگەھان ھاتینە کرین و ب کرێ گرتن و فەرمانگە بو ھاتینە چێکرن و ھەموو پێکھاتەیێن خزمەتگوزاری بۆ ھاتینە دابینکرن بەلێ دنھا دا ئەڤ یەک نەمایە.
گوران ئازاد دیارکر ژی کو حکومەتا مە ژ 11 وەزارەتان پێکدھێت و دکارین رێڤەببەین بێآ کو مە دەستە ھەبن ژبەرڤێ دڤێت ئەم خوە ژ ڤێ یەکێ رزگار بکەین و پێدڤی یە حزبێن مە ژ ھندەک پوستێن خوە تەنازولێ بکەن.
ل بارا چەوانیا بجھکرنا ئەڤێ بریارا حکومەتێ پەرلەمانتاری ئەو یەک ژی دیارکر کو بو کێمکرنا ھەیکەلێ حکومەتێ دڤێت ئەڤ یەک ببیتە پرۆژە و بچیتە پەرلەمانی و بێی رەزامەندی یا پەرلەمانی حکومەت نکاریت بریارا دوماھیێ لسەر ڤی بابەتی بدەت.
ل بارا دەنگویێ وێ یەکێ کا ئەرێ ئەو فەرمانبەرێن وان وەزارەت و دەستیان دێ مینن یان دێ چنە سەر رێڤەبەریێن دن و دێ بێ دەوام موچەیێ بنەرەتی بو وان ھێتەدان پەرلەمانتارێ کوردستانێ گوت: (ل ژ لایێ قانونی ڤە تشتێ ھوسا نینە و نە ژی دبیت).
گوت ژی: (ئەم دێ لسەر کێمکرنا بودجەیێ ب کاربرنێ دناڤ حکومەتێ دا ئاخڤین نەک موچەیێ فەرمانبەران و موچەیێ فەرمانبەران لگورەی قانونێ ھاتیەدان و کەسێ ماف نینە دەستکاریێ تێدا بکەت).
ئەڤرۆ نیوز:
ل زاخۆ ب رێژا 30% کارەب ب ھەدەر دچیت، داھاتێ ھەیڤانە کێمبوویە د ناڤبەرا 600 ملیون دیناران ھەتا ملیار دینارەکێ یە، خەلک ژی دبێژن رێژەک ژ وان ژ بەر قەیرانان بھایێ کارەبا گشتی نادەن. رێڤەبەرێ بەلاڤکرنا کارەبا گشتی ل زاخۆ راگەھاند، پار سال 625 سەرپێچی ل سەر کارەبێ ھاتبوونە کرن و ب کۆژمەیێ 103 ملیۆن دیناران ھاتنە سزادان.
ئەندازیار خالد سالح، رێڤەبەرێ بەلاڤکرنا کارەبا گشتی ل زاخۆ بۆ ئەڤرۆ دیار کر، زاخۆ ب 20 ملیار 658 ملیون دیناران مالان و میری و چاندن و بازرگانی و پێشەسازی دەیندارێن کارەبێ نە، ژ ڤێ رێژێ نێزیکی شەش ملیاران دام و دەزگەھێن حوکمەتێ قەردارن.
ھەر ل گۆر گۆتنێن رێڤەبەریا بەلاڤکرنێ 52 ھزار 229 پشکدار ل زاخۆ ھەنە، سەرباری کێشانا ھێلێن کارەبێ ژ سەرجەمێ 179 گۆندێن زاخۆ، ب تنێ شەش گۆندان نەگەھشتینێ ئەو ژی خەلک تێدا نینن، زێدەباری 10 مێگاواتێن کارەبێ ل سێ کەمپێن ئاوارێن زاخۆ دھێنە مەزاختن، د دەمەکێ دا نھۆ ب تنێ 100 مێگاوات دگەھنە مە کو مە 11 وێستگەھێن ڤەگۆھاستنێ ھەنە، چو وێستگەھێن بەردەوام یان مۆبایل بن، ھەر ھەکی د کاری دانە و گۆت: داھاتێ ھەیڤانە یێ رێڤەبەریا کارەبێ د ناڤبەرا 600 ملیۆن ھەتا ملیار دیناران دایە.
ل دۆر مەزاختنێن کارەبێ، ھەتا حەدێ ئاسایی 12% کارەب بەرزە دبیت، لێ 18% ژی کارەب نھۆ ب ھەدەر دچیت، واتە رێژەیا گشتی دکەتە ب رێژا 30% ب ھەدەر دچیت و گۆت: سزایێن قانوونی غرامەیە، پار سال 625 سەرپێچی ل سەر کارەبێ ھاتبوونە کرن ب کۆژمەیێ 103 ملیۆن دیناران ھاتنە سزادان.
ئەڤرۆ نیوز:
رێڤەبەرێ حەج و عومرێ ل پارێزگەھا دھۆکێ بەحسێ وەرگرتنا پارێ ژ کەسانێن چوونا عومرێ دکەت کو پێشتر ھاتیە راگەھاندن ئەڤ پارە بۆ پێشمەرگەیە، دیسان دیار دکەت کو وەلاتی ھەنە ناچنە عومرێ و خوەیاکرینە کو دێ وی پارەی ل سەر ھەژار و دەست کورتان بەلاڤ کەن و بخێرترە و گۆت: ب تنێ بەرپرسێ پەیوەندیان ل وەزارەتا ئەوقاف و کارۆبارێن ئاینی بۆ رۆژنامێ گۆت بوو پێشنیاز دکەم ئەڤ پارە بچیتە سندوقەکێ وەک داھاتەک بۆ پێشمەرگێ کوردستانێ، چو راستی بۆ بابەتی نینە و ب تنێ ئەڤە پێشنیازەک بوویە ل راگەھاندنێ ھاتیە بەلاڤەکرن و نەبوویە بریار.
شێخ شەمسەدین تاھر شوشی، رێڤەبەرێ حەج و عومرێ ل پارێزگەھا دھۆکێ د ھەڤدیتنەکێ دا ل گەل رۆژناما ئەڤرۆ دیار کر، وەرگرتنا پارەی ژ کەسانێن دچنە عومرێ ئەڤ سالە نەھاتیە، بەلکو پار و پێرا ژی ھەبوویە، ل سالێن بۆری 50 دۆلار دھاتنە وەرگرتن و ئەڤ سالە ب مەرەما زێدەکرنا داھاتی بۆ حوکمەتا ھەرێما کوردستانێ ئەو 50 دۆلار بووینە 100 دۆلار.
شەمسەدینی ھێشتا گۆت: نابیم کەسەکێ ناڤێ پێشمەرگەی ئینابیت بۆ دابینکرنا 100 دۆلاران ژ کەسێن بچیتە عومرێ و رێڤەبەرێ گشتیێ حەج و عومرێ ل پارێزگەھا دھۆکێ د کۆنگرەکێ رۆژنامەڤانی دا ئاماژە ب وێ چەندێ کریە کو ئەڤ پارە بوویە 100 دۆلار ب مەرەما زێدەکرنا داھاتێ ھەرێمێ.
شەمسەدینی گۆت ژی: خزمەتکارێن پێشمەرگێ کوردستانێ ینە و ئەڤ تەناھی و ئارامیا تێدا دژین بەرھەمێ ڤی پێشمەرگەی یە و کەسەکی ب خوە گۆت بیت ژی بۆ خوە گۆتیە کو پارە بۆ پێشمەرگێ کوردستانێ ھاتیە وەرگرتن، ب تنێ بەرپرسێ پەیوەندیان ل وەزارەتا ئەوقاف و کارۆبارێن ئاینی مەریوان نەقشەبەندی بۆ رۆژنامێ گۆت بوو پێشنیاز دکەم ئەڤ پارە بچیتە سندوقەکێ وەک داھاتەک بۆ پێشمەرگێ کوردستانێ، چو راستی بۆ بابەتی نینە و ب تنێ ئەڤە پێشنیازەک بوویە ل راگەھاندنێ ھاتیە بەلاڤەکرن و نەبوویە بریار و ئەڤ پارە وەکو داھات بۆ حوکمەتا ھەرێما کوردستانێ دچیت، ھەکە بزانین کۆمپانیەک ب ناڤێ پێشمەرگەی یا پاران ژ خەلکی وەردگریت کو بۆ پێشمەرگەی بلا ب بەلگە بۆ مە بھێـتە دیارکرن و ئەو کومپانی دێ ھێتە سزادان.
ھێشتا گۆت: ئەڤ پارە بۆ لیژنێن سەرپەرشتیێ نە کو دچنە مەککێ و ژوورا عەمەلیاتان دھێتە دروستکرن و ب کارێن خوە رادبن. رێڤەبەرێ حەج و عومرێ گۆت ژی: کۆمپانیێن مۆلەت ھەین کو خەلکی ببەنە عومرێ ل سەرانسەری پارێزگەھا دھۆکێ ئەڤ سالە دەە کومپانی نە، پیشتر ھاتبوو راگەھاند کو ھەر کەسەکێ بھێت ب خوە تەندەران بکریت، لێ دیارە ھەموو کەسان پێ چێ نابیت و ھەر کۆمپانیەکا بۆ دکەڤیت دڤێت دو دەفتەران بۆ ماوێ چەند ھەیڤان و ھەتا رەمەزان ب دووماھی دھێت ئەو دێ وی پارەی ژ رێڤەبەریا گشتی یا حەج و عومرێ وەرگریت، ڤان کۆمپانیێن سەرەکی ماف ھەیە سێ کومپانیێن باوەرپێکراو ل گەل خوە بدەتە کاری
زێدەتر دبێژیت: ل سالا بۆری 5655 کەس ل پارێزگەھا دھۆکێ چووبوونە عومرێ و ئەڤ ل گەل سالێن دی ئەڤ رێژە گەلەک کێمبوویە و گومان نینە دێ ھێشتا کێمتر بیت ئەڤ رێژە و ئەڤە بۆ چەندین گەران دھێتە ڤەگەراندن، ئەگەرێ ئێکێ ژ بەر قەیرانا نوکە یا حوکمەتا ھەرێما کوردستانێ کەفتیە تێدا و عومرە سونەتە، بکەت دێ بیتە خودانێ خێران و نەکەی گونەھکار نابی، دیسان مە گولێ بوویە ژ وەلاتیان گەلەک دبێژن جھێ بچمە عومرێ دێ ھاریکاریا دەست کورت و ھەژران کەین، دیسان خەلکەک ھەیە خوە ل ھیڤیا پشککێشانێ گرتی یا چوونا حەجێ کو ژڤانە ل ھەیڤا سێ بھێتە کێشان و نەشێت ھەر دو جھان مەزاختنێ بکەت بچیتە عومرێ و پاش ناڤێ وی ل حەجی دەرکەڤیت.
ناڤبری ئەو چەندە ژی ئاشکرا کر، ھەر 130 کەسێن بچنە عومرێ مامۆستایەکێ ئاینی ل گەل دا دھێتە دانان و ئەڤە ژلایێ رێڤەبەریا گشتیا ئەوقاف و کاروبارێن ئاینی ڤە دھێنە دەست نیشانکرن، دیسان ھەر کۆمپانیەکا بچیت دڤێت ھەموو کەسێن دبەتە عومرێ دڤێت پشکنین بۆ بھێنەکرن و دەرزیک بۆ بھێنە دانان و لیژنەک ژی بۆ ڤێ مەبەستێ ھاتیە دانان.
ئهڤرۆ نيوز:
سترانبێژ مژدين سالح گهلهك جاران ژ ئهگهرێ نڤيسينێن خوه دبيته جهێ گهنگهشێ ل سهر تۆڕێن جڤاكى، ڤێ جارێ ژى بهايێ تايبهتێ خوه ديار كريه بۆ ههر كهسێ بڤێت ببينيت.
مژدينێ راگههانديه كو رۆژانه نامێن زۆر بۆ وێ دچن و داخوازا وێ چهندێ دكهن كو ل نێزيك ههڤدو ببينن، بهلێ ههر كهسێ حهزا ڤێ چهندێ ههبيت ل كافتريايهكێ يان ئۆتێلهكێ دا، لێ ب مهرجهكى ئهو ئۆتێل ژى جههكێ گشتيێ وێ بيت دشێت وێ ببينيت.
بهلێ مژدين د ڤێ دهربارێ دا دبێژيت: “بهرامبهر وێ چهندێ ئهو كهس دڤێت پێنج هزار دۆلاران بدهتێ”، ههر وهكو ئهو ژى دبێژيت: “داشكاندن د وى بهاى دا نينه”.
ئەڤرۆ نیوز:
سەرۆکاتیا جڤاتا نوونەرێن عیراقێ راگەھاند، کو ئەو ڕاستەوخوە چاڤدێریا بادەکا ئاشکراکرنا پارێ ژ عیراقێ بۆ دەرڤە دھێتە دەرکرن دکەت و دێ ناڤێن وان بەرپرسێن ئەو کارە کری ھێنە ئاشکراکرن و دێ لێپرسین ژی دگەلدا ھێتە کرن.
سەرۆکاتیا جڤاتا نوونەرێن عیراقێ لژنەکا بلند ب سەرۆکاتیا (ھەمام حەمودی) جێگرێ ئێکێ یێ سەرۆکێ جڤاتا نوونەران و (ئارام شێخ محەمەد) جێگرێ دویێ یێ سەرۆکێ جڤاتا نوونەران، یا پێکئینای بۆ سەرپەرشتیکرنا ڕاستەوخوە یا بادەکا ڤەگەڕاندنا پارێن عیراقێ یێن ھاتینە دزین و بۆ دەرڤەی وەلاتی ھاتینە ھنارتن، سەرۆکێن شەش لژنێن جڤاتا نوونەران ژی ئەندامن د وێ لژنا بلند یا جڤاتا نوونەران دا.
ل دووڤ بەیاننامەکێ نڤیسینگەھا (ھەمام حەمودی) جێگرێ ئێکێ یێ سەرۆکێ جڤاتا نوونەرێن عیراقێ، حەمودی دووپاتی ل سەر رژدبوونا خوە یا کری بۆ دووڤچوون و ئاشکراکرنا ھەموو پارێن ھاتینە دزین و دیارکرنا ناڤێن وان بەرپرسێن پارە بۆ دەرڤەی عیراقێ برین و دێ لێپرسین ژی دگەلدا ھێتە ئەنجامدان.
بەیاننامێ دیارکریە ژی کو سەرۆکاتیا جڤاتا نوونەران ب باشی زانی کو سەرۆکێن لژنێن (دەستپاکیێ، دارایی، دەرڤە، قانوونی، ئاسایش و بەرگری و لێپرسین و دادپەروەری) ئەندامێن وێ لژنا بلند یا جڤاتا نوونەران بن، ھەروەسا ھندەک کەسایەتیێن دی ژی دێ بنە ئەندام وەکو سەرۆکێ دەستەیا دەستپاکیێ و دیوانا چاڤدێریا دارایی.
دەستەیا دەستپاکیێ ل عیراقێ ل ڕۆژا 31 ئادارا 2014 ێ، ئاشکار کربوو کو گوژمێ وی پارەیێ ل عیراقێ ھاتیە دزین و ھنارتن بۆ دەرڤەی وەلاتی یێ گەھشتیە ترلیۆنەک و 14 ملیۆن دۆلارێن ئەمریکی، ئاماژە دا ژی ک چەندین بەربەست و ڕێگری د پرسا ڕادەستکرنا تاوانباران و ڤەگەڕاندنا وان پاران دا یێن ھەین.
ئهڤرۆ نيوز، نهوزدا زاده هلۆرى:
قوتابیەکا کورد بناڤێ ” نور نزار رەمزی ” کو بەری نھا ل زانکویا سەلاحەدین ل ھەولێرێ دخواند وەکو قوتابیەک ب رێیا پروگرامێ تواناسازی یا حکومەتا ھەرێما کوردستانێ ل وەلاتێ پولونیا خواند و ئەڤرۆ ماستەر ب پلەیا نایاب دەستخوڤە ئینا و بوویە ئێکەمین قوتابیان کورد یا پروگرامێ تواناسازی.
قوتابی نورا ل پشکا Seeds And Technology ل زانکویا Poznan University of Life Sciences د خواندن و د ماوەیێ سال و نیڤان دا شیا باوەرناما ماستەرێ بناڤ و نیشانێن Seed yield and quality of snake melon (Cucumis melo (L.) Naud. Var. Flexuosus) of the Kurdish Origin ب پلەیا نایاب دەستخوڤە بینیت و ببیتە ئێکەمین قوتابیان پروگرامێ تواناسازی ل دەرڤەیێ کوردستانێ.
قوتابیان ناڤبری ڤەکولینا خوە لسەر جورەکێ تروزیێن کوردی درۆستکر بوو کۆ ئەڤ یەک ژی دھێتە ھژمارتن ئێکەمین ڤەکولینا زانستی یا بڤی رەنگی ل وەلاتێ پولونیا ،و ئەڤ جورێ تروزیان ل وەلاتێ پولونیا ناھێتە چاندن و ڤەکولەرێن پولونیا حێبەتیا خوە بو چێکرنا ئەڤێ ڤەکولینا جوری ل وەلاتێ خوە دەربری.
ڤەکولینا قوتابیان ناڤبری بەحس لسەر پێکھاتە و شێوە و ژینگەھا چاندنا توفکێ ئەڤی جورێ تروزی ل کوردستانێ دکەت و ل گەل وەلاتێ پولونیا بەراورد کریە ئەڤە ژی پشتی چاندن و ڤەکولین و دوڤچوون لسەر کرین بو دەما چەندین ھەیڤان ھەتاکو تروزی لێھاتیە بەرھەمئینان ، و دوڤدا ڤەکولین لسەر پێکھاتەیێن وێ کریە و پاشان بەراوردکریە ل گەل ئەو تروزیێن کو ل کوردستانێ دھێنە بەرھەمئینان د ئەنجام دا دیاربوو کو ب رێژەیا 95% وەکو ئێکن.
پروفیسوور و ماموستایێن زانکویا ناڤبری حێبەتیا خوە بو ئەڤی جورێ تروزی ب سەرکەفتیانە دەربری و بریار دا کو ل وەلاتێ پولونیا بەرھەم بینن و ژ ئەڤرۆ وێڤە جورەکێ چاندنێ دێ ل وەلاتێ خوە بینن.
دھێتە زانین کو قوتابی نور ئێکەمین قوتابیا کوردە ب رێیا پروگرامی َتواناسازی ل وەلاتێ پولونیا دخونت.
ئەڤرۆ نيوز:
رێڤەبەرێ پاسپۆرتان ل دھۆکێ ئاشکرا کر کو ئەگەرێ راوەستانا دروستکرنا پاسپۆرتان بۆ ئاریشێن ئەنتەرنێتێ د زڤریت.
نەوزاد مەجید سلێمان، رێڤەبەرێ پاسپۆرتان ل دھۆکێ دیار کر کو دروستکرنا پاسپۆرتان ل دھۆکێ ژئەگەرێ ئاریشێن ھێلا ئەنتەرنێتێ ھاتیە راوەستاندن و بۆ وار گۆت: “ل دەمەکێ نێزیک ئەڤ ئاریشە دێ ھێتە چارەکرن و جارەکا دی پاسپۆرت ل دھۆکێ دێ بۆ وەلاتیان ھێنە چێکرن”.
ل دووماھیێ ناڤھاتی ئاماژە دا وێ چەندێ کو بڕیارە رێڤەبەریەکا نوو بۆ چێکرنا پاسپۆرتان ل پارێزگەھا دھۆکێ بھێتە ڤەکرن.
نيشاندان
