ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ خشتێ به‌لاڤكرنا مووچێ هه‌يڤا كانوونا دويێ يا سالا 2016ێ راگه‌هاند.
ب گۆره‌ى وێ راگه‌هاندنا وه‌زاره‌تا دارايى، بڕياره ئه‌ڤرۆ رۆژا دوشه‌مبى رێكه‌فتى 22ى شوباتا 2016ێ دێ مووچێ هه‌يڤا كانوونا دويێ يا سالا 2016ێ يێ وه‌زاره‌تا ره‌وشه‌نبيرى و وه‌زاره‌تا پێشه‌سازى و بازرگانى و وه‌زاره‌تا چاندن و ژێده‌رێن ئاڤێ هێته به‌لاڤكرن.
ئه‌ڤرۆ نیۆز، قائید میرۆ
وه‌زاره‌تا په‌روه‌ردێ یا حوكمه‌تا هه‌رێما كوردستانێ مژۆلی نووكرنا گرێبه‌ستێن مامۆستایانه و پشتی هنگی دێ موچێ مامۆستایێن گرێبه‌ست هێنه مه‌زاختن.
ژێده‌ره‌كێ ئاگه‌هدار بۆ ئه‌ڤرۆ نیۆز راگه‌هاند” نوكه وه‌زاره‌تا په‌روه‌ردێ مژۆلی نووكرا گرێبه‌ستا وان مامۆستایانه ئه‌ڤێن سالێن بۆری بشێوه‌یێ گرێبه‌ست هاتینه دامه‌زراندن و گرێبه‌ستێن هه‌موویا دێ هێنه نووكرن، هه‌تا به‌رده‌وامبن لسه‌ر كارێ خوه وه‌كه مامۆستا.
ژێده‌ری گۆتژی” ئه‌گه‌رێ گیرۆبوونا موچێ مامۆستایێن گرێبه‌ستژی بۆڤێ چه‌ندێ ڤه‌دگه‌ڕیت و پشتی نووكرنا گرێبه‌ستا دێ موچێ مامۆستایێن گرێبه‌ست هێته مه‌زاختن.
ئه‌ڤرۆ نیوز: له‌زگین جۆقى:
ئه‌نداما لژنا ئابۆرى و وه‌به‌رهێنانێ ل جڤاتا نوونه‌رێن عێراقى نه‌جیبه نه‌جیب بۆ ئه‌ڤرۆ نیوز دیاركركو ئه‌ڤرۆ 22/2/2016 دێ گه‌نگه‌شه ل سه‌ر نه ره‌وانه‌كرنا پارێ گه‌نمێ جوتیارێن هه‌رێما كوردستانێ دگه‌ل وه‌زیرێ بازرگانیا عێراقى هێته كرن.
نه‌جیبه نه‌جیب گۆت ژێ: ل ده‌مژمیر 10 سپێدى رۆژا 22/2 دێ وه‌زیرێ بازرگانیێ عیراقێ ل په‌رله‌مانێ به‌رهه‌ڤ بیت و دێ گه‌نگه‌شه ل گه‌ل هێته كرن كا چاره‌نڤیسێ پارێ گه‌نمێ جوتیارێن هه‌رێما كوردستانێ َگه‌هشته كیڤه و بوچى گیروبوویه و دێ فشار لێ هێته كرن چاره‌نڤیسێ پارێ گه‌نمێ جوتیاران ئاشكرا بیت.
ئه‌ڤرۆنیۆز، سالار دۆسكى:
ب مه‌ره‌ما هاریكاریا زارۆیێن شه‌هیدان و پێشمه‌رگان، رێكخراوه‌كا جڤاكى سڤیل ل دهۆكێ رادبیت ب به‌لاڤه‌كرنا پێلاڤان ل سه‌ر 1000 زارۆیێن شه‌هیدان و پێشمه‌رگان.
هێرش ره‌شید به‌رپه‌رسێ رێكخراوا مه‌ند بۆ یه‌كسانیێ بۆ مالپه‌رێ ئه‌ڤرۆ نیۆز دیاركر كو ئه‌ڤ كاره ب هه‌فكاری ل گه‌ل هه‌یڤا سورا عیراقى تایێ دهۆك هاتینه ئه‌نجامدان و 1000 جوتێن پێلاڤا ل سه‌ر زارۆیێن كچ یێن شه‌هیدان و پێشمه‌رگه‌ى هاتینه به‌لاڤه‌كرن.
هێرشى ئه‌وچه‌نده‌ژى دیاركر كو ئه‌ڤ كاره ل دووڤ به‌رنامه‌كێ دارێتى هاتیه ئه‌نجامدان ل سه‌رانسه‌رى پارێزگه‌ها دهۆكێ و ئه‌ڤ كاره دێ یێ به‌رده‌وام بیت پێخه‌مت پتر خزمه‌تكرنا ڤى پێشمه‌رگى و كه‌س و كارێن سه‌ربه‌رزێن شه‌هیدان.
ئه‌ڤرۆ نیوز ، نه‌وزاد زاده هلۆرى:
مێلاك مه‌زنترین پارچا هناڤێن مرۆڤى یه كو پشكداره د 500 چالاكیان د له‌شى دا ، و به‌رپرسیارا ئێكێ یه د كریارا درۆست بوونا كورسترولێ ، و روله‌كێ بلند هه‌یه د پاقژكرنا خوینێ دا ، ئه‌و ده‌ما كو ب ئه‌گه‌را بكارئینانا ده‌رمانێن چاره‌سه‌ریێ ژه‌هراوى دبن ، و هاریكارا كریارا هه‌رسكرنێ یه ژبه‌رڤێ زور یا گرنگه پارێزگارى ل ڤێ پارچا ب مفایا له‌شى بهێته‌كرن و دور بكه‌ڤین ژ وان ره‌فتارێن كو كارتێكرنێ لسه‌ر مێلاكێ و كارێن وێ دكه‌ت.
ئه‌و سه‌ده‌مێن كو د بنه ئه‌گه‌را ژ ده‌ستدانا مێلاكێ پێكدێن ژ :-
1- زێده‌بوونا سه‌نگێ : زێده‌بوونا سه‌نگا له‌شى ” قه‌له‌وى ” ئه‌گه‌ره‌كه بو كێمبوونا دونیاتێن ” چه‌وریێن ” زۆر ل دورماندورێن مێلاكێ كو ئه‌ڤ یه‌ك ژى ئێكه ژ ئه‌گه‌رێن نه‌خوشیا مێلاكێ و هنده‌ك جاران ژى راوه‌ستانا مێلاكێ ب دوڤدا دهێت.
2- زێده‌گاڤیكرن د شه‌كرێ دا : زێده‌گاڤیكرن د شه‌كرێ دا زیانه‌كا زور ب خانه‌یێن مێلاكێ دگه‌هینیت ، و ئه‌و كه‌سانێن كو نه‌خوشیا شه‌كرێ هه‌یى زێده‌تر توشى نه‌خوشیێن جگه‌رى دبن كو دگه‌هیته رێژه‌یا 50% ژبه‌رڤێ پێدڤى یه دور بكه‌ڤن ل خوارنا شیریناهى و ڤه‌خوارنێن غازى و شیرین.
3- خوێ : زور خوارنا خوێ دبیته ئه‌گه‌را بلندبوونا په‌ستانێن خوینێ و ئه‌گه‌ره‌كه ژى بۆ كومبوونا دوهنیاتان ل دورماندورێن مێلاكێ و مه‌هین و گڤاشتنا ئاڤێ و شله‌مه‌نى و مه‌زنبوونا جگه‌رى زێده‌تر ژ قه‌باره‌ێ ئاسایێ خوه.
4- بكارئینانا حه‌ب و چاره‌سه‌ریێن وان : پرانیا مه ل ده‌ما هه‌ستكرن ب ژانێن كێم یێن ئێشانا له‌شى هه‌ر بوو نمووونه سه‌رئێشان ئێكسه‌ر هه‌وارێ بۆ خوارنا حه‌بان دبه‌ین یان ژى خوارنا حه‌بكێن كو جهێن وان دگرن وه‌كو ڤیتامین ، و ئه‌ڤه هه‌موو زیانان ب سلامه‌تیا مێلاكێ دگه‌هینن.
5- ڤه‌خوارنا مه‌یێ ئێكه ژ دیارترین سه‌ده‌مێن هه‌وركرن و ژناڤبرنا خانه‌یێن مێلاكێ یه.
6- كێشانا جگاران و بكارئینانا كه‌لوپه‌لێن بكارهاتیێن كه‌سانێن دن ب تایبه‌تى ل دما كێشانا ددانان و سه‌ردانكرنا جوانكاریا و سه‌رتراشخانان.
ئامێدیێ، مه‌حمود نهێلى
ژبه‌ر كێمیا رێژه‌یا قوتابیان و ل دووڤ رێنما و یاسایێن تایبه‌ت ب زانكویێ ڤه ژلایێ جڤاتا زانكویا دهۆك ڤه بریار هاتیه دان ل سه‌ر ڤه‌گوهاستنا كولیژا په‌وره‌دا بنیات یا ئێڤاریان ل ئامێدیێ بۆ دهوكێ و ل سه‌ر ڤێ یه‌كێ ژى قوتابیان نه‌رازى بوونا خوه دیار كریه و دێ خوه نیشاندانان ئه‌نجامده‌ن.
دكتور ئیحسان ته‌وفیق راگرێ كولیژا په‌روه‌ردا بنیات ل ئامێدیێ بۆ ئه‌ڤرۆ نیوز دیاكر، كو ڤه‌كرن و دایخستنا كولیژێ د ده‌ستێ وان دا نینه و گۆت: ( ژ به‌ر رێنمایێن تایبه‌ت و كێمیا قوتابیان كو پێدڤیه ژ 15 قوتابیان كێمتر نه‌بیت بریارا ڤه‌گوهاستن كولیژا په‌ره‌وه‌دا بنیات یا ئێڤاریان ل ئامێدیێ بۆ دهوكێ ژلایێ جڤاتا زانكویێ ڤه ده‌رچوویه).
ناڤبرى دیاركر كولیژا په‌وره‌دا بنیاتا ئێڤاریان ل ئامێدیێ ژ چوار به‌شان پێك دهێت و ژ قوناغا ئێك و دوو و ئه‌ڤ هه‌ر چوار به‌شه ب هه‌ردوو قوناغ ڤه دێ هێنه ڤه‌گوهاستن بۆ دهوكێ.
ل دۆر ڤێ یه‌كێ ژى قوتابى د نه‌رازى نه و گه‌فێن خوه‌نیشاندانان دكه‌ن ، ماموستا محه‌مه‌د مشه‌ختى وه‌ك ئێك ژ قوتابیێن ڤێ كولیژێ بۆ ئه‌ڤرۆ نیوز راگه‌هاند كو وان نه‌رازى بوونا خوه دیاركریه ل سه‌ر ڤێ بریارێ و گۆت : ( ئه‌م دوورێن 64 قوتابیانه و ئه‌ڤرۆ مه ل سه‌ر ڤێ یه‌كى خرڤه‌بوونه‌ك ئه‌نجامدایه و تێدا مه په‌یامه‌ك ژى به‌لاڤكریه و هه‌روه‌سا مه ناڤ و ئیمزایێن هه‌موویان كومكرینه و مه ل به‌ره سوبه‌هى به‌رى نیڤرۆ ل هه‌مبه‌ر ده‌رگه‌هێ زانكویا دهوكێ خوه نیشاندانه‌كى ئه‌نجام بده‌ین و دێ تێدا داخازا هه‌لوه‌شاندنا بریارا جڤاتا زانكویێ كه‌ین).
ئه‌ڤرۆ نیوز:
سه‌فین دزه‌یى په‌یڤدارێ حوكمه‌تا هه‌رێما كوردستانێ راگه‌هاند تاوه‌كو سپێده‌هیا ئه‌ڤرۆژى ده‌ست ب هنارتنا نه‌فتا هه‌رێمێ بۆ به‌نده‌رێ جه‌یهانێ توركى نه‌هاتیه كرن و ژ ئه‌گه‌رێ په‌قاندنا بوریا نه‌فتا هه‌رێما كوردستانێ رۆژانه زێده‌تر ژ 14 ملیون دولار زیان به‌ر ب هه‌رێما كوردستانێ دگه‌هن، ژبه‌ر كو رۆژانه هه‌رێم 610 هزار به‌رمیلان دهنێریت، ئه‌گه‌ر ب 22 تا 23 دولاران بهێته هژمارتن، رۆژانه نێزیكى 14 ملیون دولار زیان به‌ر ب هه‌رێمێ دكه‌ڤن.
پێنجشه‌مبیا چوویى وه‌زاره‌تا سامانێن سروشتى راگه‌هاند ژ ئه‌گه‌رێ په‌قینه‌كێ ژ بورتا نه‌فتا هه‌رێمێ بۆ به‌نده‌رێ جه‌یهانێ توركیا، هنارتنا نه‌فتا هه‌رێمێ هاتیه راوه‌ستاندن.
ئه‌ڤرۆ نیوز:
ئه‌مین به‌كر ئه‌ندامێ په‌رله‌مانێ عیراقێ راگه‌هاند ئه‌گه‌ره‌كا زۆر هه‌یه حه‌یده‌ر عه‌بادى گوهۆرینا د هه‌موو وه‌زیرێن كابینا خوه‌دا بكه‌ت و بۆ ڤێ مه‌ره‌مێ ژى شه‌ڤا 20 شوباتێ، فوئاد مه‌عسوم سه‌رۆك كۆمارێ عیراقێ ل گه‌ل سه‌رۆك فراكسیونێن كوردى ل په‌رله‌مانێ عیراقێ كۆم ببوو.
ئه‌حمه‌د حاجى ره‌شید سه‌رۆكێ فراكسیونا كۆمه‌لا ئیسلامى ئاشكرا كر چاوانیا گوهۆرینا وه‌زیرێن كوردان پێدڤى ب دانوستاندنێن نوو هه‌یه و گۆت” ئه‌م قه‌بوول ناكه‌ین ب ناڤێ كه‌سێن ته‌كنوكرات، عه‌بادى چه‌ند كورده‌كێن دى بئینیت و ل جهێ وه‌زیرێن كورد دانیت”.
ئه‌ڤرۆ نيوز:
فراكسیونا پارتى دیموكراتى كوردستان ل په‌رله‌مانێ كوردستانێ، پشتى كومبوونا خوه، راگه‌هاندنه‌ك سه‌باره‌ت ره‌وشا هه‌رێما كوردستانێ به‌لاڤ كر و راگه‌هاند” پێدڤیه د پێنگاڤێن چاكسازیێ دا، ره‌وشا ژیانا وه‌لاتیان و فه‌رمانبه‌ران ل به‌رچاڤ بهێته وه‌رگرتن”.
فراكسیونا پارتى دیموكراتى كوردستان پشته‌ڤانیا خوه‌ژى بۆ به‌رنامێ چاكسازیێ یێ سه‌رۆك بارزانى راگه‌هاندیه و چه‌ند خاڵه‌ك یێن پێشنیازكرى بۆ وێ یه‌كێ پرۆسا چاكسازیێ و قه‌یرانا دارایى ل به‌رچاڤ بهێته وه‌رگرتن، وه‌ك” ئاسایى كرنا ره‌وشا هه‌رێما كورد
نيشاندان