ئهڤرۆ نیۆز، قائید میرۆ
ل باژێڕێ ههولێرێ تهرمێ كچه پارێزهرهكێ ب كوشتی هاتیه دیتن و پۆلیسێن پارێزگههێ دبێژن، چو كهسهك نههاتیهگرتن لدۆر كوشتنا پارێزهرێ.
نهقیب هۆگر عهزیز، پهیڤدارێ پۆلیسێن پارێزگهها ههولێرێ ب ئهڤرۆ نیۆز راگههاند” پشتی بهری سێ رۆژان پارێزهرهكا كچ بناڤێ ناز سلێمان یهعقوبی هاتیه رهڤاندن، ئهڤرۆ تهرمێ وێ ل باژێڕێ دریم ستی یێ باژێڕێ ههولێرێ هاته دیتن.
نهقیب هۆگر گۆتژی” تهرمێ ئهڤێ پارێزهرا كچ هاتیه نهشیرینكرن و دناڤ ترۆمبێلا وێدا هاتیهدیتن، بهلێ ههتا نوكه چو كهسهك ب تۆمهتا كۆشتنا پارێزهر ناز یهعقوبی نههاتیه دهستهسهركرن.
ئهڤرۆ نیۆز، قائید میرۆ
گورهی بڕیارهكا وهزیرێ خواندنا بلند پێدڤیه ههموو خوهدیێن باوهرناما ماستهرێ ددهمێ پێشكێشكرن بۆ خواندنا دكتۆرایێ و پێدانا ناڤ و نیشانێن زانستی زمانێ ئینگلیزی بزانن.
دكتۆر زۆزان سادق، ئهنداما لیژنا پهروهرده و خواندنا بلند لپهرلهمانێ كوردستانێ ب ئهڤرۆ نیۆز راگههاند” بهری سێ ههیڤان وهزیرێ خواندنا بلند بڕیارهك دهركرو تێدا هاتیه، پشتی وهرگرتنا باوهرناما ماستهر ددهمێ پێشكێشكرن بۆ دكتۆرایێ یانژی بدهستڤه ئینانا ناڤ و نیشانێن زانستی پێدڤیه تاقیكرنهكا زمانێ ئینگلیزی بكهن، گورهی بڕیارا وهزیری دڤێت قوتابی باوهرناما زمانێ ئینگلیزی بدهستڤه بینیت بهرۆڤاژی نهشێت پشكداریێ د پێشكێشكرنا خواندنا دكتۆرایێ و ناڤونیشانێن زانستی پێناهێنهدان.
زۆزانێ گۆتژی، ددهمێ خوه بڕیار دهركهتی زۆر بزاف هاتنهكرن بۆ نهدانانا ڤی مهرجی، بهلێ دیاره وهزیر ههر یێ رژدبوو لسهر بڕیارا خوه، رهنگه هندهك مامۆستایێن كۆلیژێن جۆدا وهكی شهریعه یان زمانێ كوردی و كۆلیژێن ماف پێدڤی ب زمانێ ئینگلیزی نهكهت، لێ ههردێ پێدڤی ب زمانێ ئینگلیزی ههبیت.
ئهڤرۆنیوز، ئهیاد بهرواری
پهیڤدارێ ههڤپهیمانیا نێڤدهولهتی راگههاند، 40% ژ هێزا داعشێ یا هاتیه ژناڤبرن و ئاماژه دا كو ئازادكرنا فهلوجه دی یا ب زهحمهت بیت و یا مووسل دێ ب زهحمهتتر بیت.
ستیف وارن پهیڤدارێ ههڤپهیمانیا نێڤدهولهتی یا دژی داعشێ، ئهڤرۆ د كونگرهكێ رۆژنامهڤانی دا ل ئاڤاهیێ بالیۆزخانا ئهمریكی ل بهغدا گوت” ههڤپهیمانیا نێڤدهولهتی 40% ژ شیانێن داعشێ یێن ژناڤبرین و مه ب هزاران چهكدارێن وێ یێن كوشتین و كارگهه و كریارێن ب فرۆتنا پهترۆلێ یێن داعشێ یێن ژناڤبرین”.
گوت ژی” د شهش مههێن بۆری دا چهندین دهڤهر یێن ژدهستێ داعشێ هاتینه ئازادكرن و ئازادكرنا فهلوجه دێ ب زهحمهت بیت و یا مووسل دێ ب زهحمهتتر بیت و نوكه 5 هزار چهكدارێن داعشێ یێن ل مووسل و ب سهدان ژی یێن ل فهلوجه”.
خویاكر ژی” ئارمانجا بهێت ئازادكرنا فهلوجه و هیت و چیایێ مهكحوله”.
ئهڤرۆ نيوز:
سهرۆك بارزانى ئهڤرۆ وهك نهريتهكێ سالانه ب مهرهما گههاندنا بير و بوچوون و سياسهتا گشتى يا ههرێمێ ب نوونهرێن ولاتان ل پهر پرسێن ناڤخو و ههرێمايهتى و دهولى، ل گهل ههموو قونسول و سهرۆكێن نوونهرايهتيێن ولاتان ل ههولێرێ كومبوو و چهندين تهوهر بهحس كرن ژ وانا شهرێ داعش، پهيوهندييێن ههرێمێ و بهغدا و رهوشا دارايى يا كوردستانێ.
سهرۆك بارزانى بهحسێ وێ قهيرانا دارايى كر يا كو ههرێم تووش بووى و ئاماژه ب چهند خالان دا ژ وان برينا بودجێ ههرێمێ و ئهرزانبوونا بهايێ نهفتێ و شهرێ داعش و مێڤانداريا ههرێمێ بۆ 1.8 مليون ئاوارا كو ژ ئهگهرێن سهرهكى ييێن دروستبوونا قهيرانا دارايى يا ههرێمێ دا زانين.
سهرۆك بارزانى داخواز كر كو ولاتێن وان زێدهتر ههڤكاريا پێشمهرگهى بكهن و دهاريكاريكرنا ئاواراندا، ههڤكاريا ههرێمێ بكهن ژبهر كو بارهكێ گران كهتيه سهر ملێن ههرێمێ.
ئهڤرۆنیۆز، ئهیاد بهرواری
ئیران چو دناڤ لیستا وان وهلاتێن ل سهر وهلاتیێن سعودی قهدهغهیه گهشتان بۆ بكهن، پشتی سیدارهدانا كهسایهتیێ ئاینی یێ شیعی (نهمر ئهلنهمر) ژلایێ سعودیێ ڤه و تێكچوونا پهیوهندیێن ئیرانێ و سعودییً و بڕینا سعودیێ بۆ پهیوهندیێن دبلۆماسی و بازرگانی ل گهل ئیرانێ.
ژ وهلاتێن دی یێن قهدهغهیه ل سهر سعودیان گهشتان بۆ بكهن ل دووڤ رۆژناما (ئهلوهتهن)، ئیسرائیله، ژبهر كو سعودی وی وهلاتی ب داگیركر دههژمێریت، دیسا وهلاتێ تایلاند ژبهر كوشتنا چار دبلۆماسیێن سعودی و بهرزهبوونا بازرگانێ سعودی (محهمهد رویلی) ل بانكۆك پایتهختێ تایلاند ل سالێن 1989 و 1990 كو ههتا نوكه تایلاندێ چو كهس ژبهر وان تاوانان نه هنارتینه دادگههێ، دیسا ههردو وهلاتێن سووریێ و عیراق د قهدهغهكرینه وهلاتیێن سعودی گهشتان بۆ بكهن، ژبهر خرابیا بارێ ئێمناهیێ و ههڤڕكیا تائیفی ل وان ههرو وهلاتان.
ههر وهلاتیهكێ سعودی یێ سهرپێچیا بریارا قهدهغهكرنا گهشتكرنێ بكهت، حوكمهتا سعودی سزا ددهت ئهوژی قهدهغهكرنا ئێكجاری یا گهشتكرنێ بۆ دهرڤهی سعودیێ بۆ دهمێ سێ سالان، زێدهباری سزایهكا دراڤی ئهوژی 10 هزار ریالێن سعودی.
ئهڤرۆ نيوز، رهوان نهێلى:
رۆژا 7/1/1992 ئانكو بهرى23 سالان چنار و هێمن چوبونه قوتابخانێ و ئيتر نهڤهگهريابوونه مال.
چنار و هێمن ئهو خووشك و برابوون كو ل سالا 1992 ێ ل باژارۆكێ سهيد سادق ژ ئهگهرێ هاتنا بهفرێ قهرسين و نهشيان ڤهگهرنه مال ههتا كو گيانێ خوه ژ دهستداين.
ئهڤ دو زارۆكه بابێ وان هاتبوو ئهنفالكرن، پشتى سهرههلدانا 1991 ێ ل كاڤلهكێ ئوردوگايێ شانهدهر نێزيك باژارۆكێ سهيد سادق ئاكنجى ببون، ههموو رۆژان سپێدى ب پيا دچوونه قوتابخانێ ل سهيد سادق، سالا 1992 بهفرهكا زوور هات، بۆ درهنگ بهلێ چنار و هێمن نهڤهگهريان مال، دايكا وان دكره ههوااار كو زارۆكێن وێ نههاتنه مال، سهرئهنجام خهلكێ سهيد سادق چوون لێگهريان، بهلێ ب مخابنى ڤه ديتن كو ڤان زارۆيا رێيا مال يا بهرزه كرى و هندى بهفر دهات و دونيا يا سار بوو، بن بهفرێ وهربووينه، هێمن ژ چنارێ بچووكتر بوو، هێمن زويتر چوكێن وى د سهرمادا شكهستبوون و كهتبوو ناڤ بهفرێ، چنارێ خوه ل سهر لاشێ برايێ خوهدا دابوو دا كو سهرما نهكوژيت، بهلێ دهمێ كو هاتينه ديتن، هێمنى گيانێ خوه ژ دهستدابوو و چنار ژى پشتى ڤهگوهاستينه نهخوشخانێ ئهوژى خودێ ئهمانهتێ خوه ژێ ستاند و بهرهڤ لايێ برايێ خوه فرى.
بۆ زانين پهيكهرهك ل سهيد سادق سهر ب پارێزگهها سلێمانيێ بۆ ڤان ههردو زارۆيان هاتيه چێكرن و وهكو ديار د وێنهى دا كو چنارێ خوه ب هێمن وهرگريه داكو ژ سهرمادا نهمريت ژبهر كو ژ وى بچووكتر بوو.
نيشاندان