ئەڤرۆ نیوز:
راپورتێن برێتانی داینە دیارکرن یانا چێلسی یا لەندەنی دخوازیت ھەڤبەستێ ل گەل یاریزانێ ھەلبژارتیێ تورکیا و یانا بەرشەلۆنا ئەردا توران ئیمزابکەن، رۆژناما سپورت یا ئیسپانی د نوچەیەکێ خوە دا بەلاڤەکریە یانا چێلسی ھەڤبەستەک پێشکێشی یانا کەتەلونی کریە بۆ دەستڤە ئینانا شیانێن توران بۆ وەرزێ بھێت کو یانا چێلسی ل وەرزێ بوری ھەڤرکیا بەرشەلۆنا کر بۆ دەستڤە ئینانا ئەڤی یاریزانێ لێ ل دووماھیێ بەرشەلۆنا شیابوو شیانێن ئەوی ب دەستخوڤە بینت.
وێ رۆژنامێ ئاماژە ب وێ چەندێ ژێ کریە یانا بەرشەلۆنا دێ کومبوونەکێ ل گەل یاریزانێ ناڤبری کەت سەبارەت وێ ھەڤبەستا چێلسی سەرارای وێ چەندێ کو یاریزان دخوازیت بۆ سالەکا دی ژێ یێ بەردەوام بیت ل گەل بەرشەلۆنا لێ راپورتێن رۆژنامەڤانی وەسا داینە دیارکرن بەرشەلۆنا دخوازیت یاریزانێ خوە ل ماوێ بھێت ب فروشن تایبەت پشتی چەندین ھەڤبەست گەھشتی نە بەر دەستێ وی ژ یانێن ئورۆپی کو ژ ئەوانان ھەردو یانێن تورکی گەلاتەسەرای و فەنەربخچە و ئەرسینال لێ وەسا دھێتە دیارکرن دبیت یانا کەتەلونی یاریزانی ب فروشتە یانا چێلسی ژبەرکو کوژمەکێ باش یێ پارەی پێدایە ژ یا ھەمی یانێن دی بلندترە.

ئەڤرۆ نیوز:
راپورتێن رۆژنامەڤانی ل ئیسپانیا دیارکریە یاریزانێ یانا ریال مەدرید ئیسکوی چارەنڤێسێ خوە ل گەل یانا ریال مەدرید ئێکلاکر بوو وەرزێ بھێت کو دیارکریە ئەو دێ یاری ل یانا مەلەکی کەت بۆ وەرزێ بھێت و یێ بەرھەڤە بۆ دەست ب راھێنانێن یانا ریال مەدرید ١٥ ڤێ ھەیڤی و ھەمی ھەڤبەست رەتکرن ئەوێن ل ماوێ بوری بۆ ھاتن بۆ وێ چەندێ یاریێ ل یانا ریال بکەت و ژ گرنگترین ئەوان ھەڤبەستا یێن یانێن ئوڤانتوس و مانچستەر سیتی.

ئەڤرۆنيوز :
ئیدر لوپێز دھێتە ھژمارتن قارەمانێ یورۆیا ٢٠١٦ پشتی شیای خەونا ھەمی پرتوگالیا بکەتە راستی ئەوێن ماوێ ٥٦ سالانە چاڤەرێ قارەمانیا یورۆ ھەردیسان ھەر ل گەل دروست بوونا ھەلبژارتیێ ئەوان نەشیاینە قارەمانیەکا مەزن ل سەر ئاستێ ئورۆپا بۆ ھەلبژارتیێن ئێکێ ب دەستخوڤە بینن لێ ئیدر یێ رەگەز ئەفریقی شیا ڤێ خەونێ بکەتە راستی و شیا گولا سەرکەفتنێ ل دەمێ زێدەکری ل سەر ھەلبژارتیێ فەرەنسا مێڤاندارا قارەمانیێ توماربکەت.
ئیدر لوپێز یێ ٢٨ سالی ژ یاریزانێن بەربژار بوو نە ھێتە داخوازکرن بۆ پێکھاتیێ ھەلبژارتیێ پرتوگال ھەردیسان بەری دەستپێکرنا قارەمانیێ ب چەند رۆژا ژێ ھەر ناڤێ وی یێ بەربژار بوو بھێتە دورخستن ژ پێکھاتیێ لێ ل رۆژێن دووماھیێ راھێنەرێ پرتوگال سانتوس ل بریارا خوە لێڤەبوو دەلیڤە دایێ بۆ یورۆیا ٢٠١٦ ل گەل پێکھاتیێ پرتوگال ب مینت، د یاریێن قارەمانیێ دا ژی راھێنەری پشت بەستنەکا مەزن ل سەر ئەڤی یاریزانی نەکریە ل یاریا ئێکێ دا ل خولەکا ٨٤ یاری پێکر و ل یاریا دوێ بەرامبەر نەمسا ل خولەکا ٨٣ یاری پێکریە و پاش ل یاریا سیێ بەرامبەر ھنگاریا یاری پێنەکر و پاش ل یاریێن ئێکلاکری دا ل قوناغێن ١٦ و ھەشتێ و پێش دووماھیێ راھێنەرێ پرتوگالی یاری پێنەکر ئێک و ل یاریا دووماھیێ پشتی رونالدو توشی ھنگافتێ بوو و یاری ھەر زیکا ب کوارێزمای کری راھێنەرێ پرتوگالی نەچار بوو یاریێ ب ئیدر بکەت بۆ ماوێ ١١ خولەکێن دووماھیێ ژبەرکو چو ھێرشبەرێن دی ل سەر خەتێ نەمابوون و دەلیڤە پتر دایێ و پشتی یاری چوویە دەمێ زێدەکری یاریزانێ ناڤبری بۆ جارا ئێکێ شیا ب دروستی زێدەتر ژ ٤٠ خولەکا دەلیڤەیا خوە بینت و شیا نە ئارامیەکا مەزن بۆ یاریزانێن ھێلا بەرەڤانیا فەرەنسا دروست بکەت و چەندین تەپێن بلند ژ سەر سەرێ یاریزانێن فەرەنسی راکرن کو راھێنەرێ پرتوگالی ژی ئارمانجا ئەوی یا سەرەکی ئەو بوو تەپێن بلند و نە ئارامیێ بێختە د ھێلا بەرەڤانیا فەرەنسا ئەوێ گڤاشتنا فەرەنسا ل سەر گولا پرتوگال کێم بکەت و یاریزان د ئەرکێ خوە دا یێ سەرکەفتی بوو ئەو بۆ ل دقیقا ١٠٩ ب لێدانەکا ب ھێز شیا گولا ئێکێ پرتوگال توماربکەت و خوە کرە قارەمانێ یاریگەھا سان دونی و یورۆیا ٢٠١٦،یاریزانێ ناڤبری ژ سەرجەمێ حەفت یاریێن ھەلبژارتیێ پرتوگال یێن قارەمانیا یورۆ بتنێ سێ یاریا پشکداری کر کو ٥٤ دقیقا یاری کریە کو ژ ئەوانا ٣٠ دقیقێن دەمێ زێدەکری یێن یاریا فەرەنسا بوون.
ئیدر لوپێز دایکبوویێ ١٩٨٧ ل بیساو وەلاتێ غینیا بیساو دەستپێکا ژیانا خوە یا تەپا پێ وەکو یاریزانێن تیما ئێکێ ژ خولا پلا سێ پرتوگال دەستپێکریە ل سالا ٢٠٠٦ ل گەل یانا ئولیڤیرا ھوسپیتال کو ٢٣ یاریان ١٨ گول تومارکربوون و ل سالا ٢٠٠٧-٢٠٠٨ ھاتە ڤەگوھاستن بۆ یانا توریزنسی کو ل گەل وێ یانێ ژی دخولا پلا سێ دا یاری کر شیا ل گەل وێ یانێ ١٢ گولان توماربکەت ژ سەرجەمێ ٤٢ یاریان و ل پاش ل سالا ٢٠٠٨ ھەڤبەستا ئەکادمیکا دخولا پلا ئێک یا پرتوگال دا ئیمزاکر یێ بەردەوام بۆ ل گەل وێ یانێ ھەتا سالا ٢٠١٢ شیا ١٢ گولان ژ سەرجەمێ ٨٣ یاریان توماربکەت و ل سالا ٢٠١٢ تا ٢٠١٥ یاری ل گەل براگا یاری کر دخولا پلا ئێک یا پرتوگال دا د ٦٠ یاریان دا ل گەل تیما خوە یا نوو شیا ٢٦ گولان توماربکەت و ل سالا ٢٠١٥-٢٠١٦ ھەڤبەستا سوانزی ستی ئیمزاکر کو ل گەل یانا سوانزی نە یێ سەرکەفتی بۆ د ١٣ یاریان دا نەشیا چو گولان توماربکەت و ل ڤەگوھاستنێن زفستنا بوری ب شێوەیێ خواستن دا یانا لیل و ل گەل وێ یانێ شیا شەش گولان توماربکەت ل ١٣ یاریان و بەری قارەمانیێ یانا لیل شیا ب شێوەکێ فەرمی ڤی یاریزانی ژ یانا سوانزی بکرت.
د داخویانیەکا خوە دا پشتی یاری ب دووماھی ھاتی لوپێز دیارکر ھەردەم ئەوی باوەری ب خوە ھەبوو ئەگەر دەلیڤەیا باش بۆ ھاتبا دانێ دا شێت گولا توماربکەت ژبەرکو ئەوی باوەریەکا مەزن ب خوە ھەبوو .

ئەڤرۆ نیوز:
رۆژناما لاگازێتا دیلو سپورت یا ئیتالی دیارکریە یانا مانچستەر سیتی ئاریشەیەکا دارایی بۆ یانا یوڤانتوس دروستکر پشتی یانا ئینگلیزی ھەڤبەستەکا مەزن پێشکێشی یاریزانێ وێ یێ ھێلا بەرەڤانیێ و ھەلبژارتیێ ئیتالیا بونوتشی کری کو یانا مان ستی کوژمێ ھەشت ملیون یورۆیا وەکو موچەیێ سالانە پێشکێشی ئەوی یاریزانی کریە، بونوتشی سالانە سێ ملیون و نیڤا ل یوڤانتوس وەرگرت ئەڤ چەندە دێ یوڤانتوس نەچار کەت یان یاریزانێ خوە ب فروشنە مان ستی یان موچەیێ وی یێ سالانە بلندتر لێ بکەن.

ئەڤرۆ نیوز:
رۆژنامەیێن ئیتالی داینە دیارکرن داخوازیا یانا شاندونگ لونینگ یا چینی ھێرشبەرێ ھەلبژارتیێ ئیتالیا گرازینو بیلی تەماع کر ھەڤبەستا ئەوێ یانێ ئیمزابکەت و یا ب زحمەت بو ئەو یاریزان داخوازیا وێ یانێ رەتبکەت ژبەر ئەوی کوژمێ پارەی یێ بلند پێشکێشی ئەوی کری کو ژ یانا ساوسھامتون بھێتە ڤەگوھاستن بۆ خولا چینی ب ٤٠ ملیون یورۆیا بۆ دو وەرز و نیڤان، کو بیلی د قارەمانیا یورۆ دا شیابوو ئاستەکێ بلند ل گەل ھەلبژارتیێ ئیتالیا پێشکێش بکەت .