ئهڤرۆ نيوز:
رێڤهبهریا كهشناسى و بیڤهلهرزان ل دهۆكێ ئهڤرۆ ئامارا 24 دهمژمێرێن بوورى یێن بهفر بارینێ ل سنورێ پارێزگهها دهۆك راگههاندن كو ل كانێ ماسێ و چهمانكێ پتر ژ ههموو دهڤهرێن دى یێن پارێزگههێ بهفر باریه و ب ڤى رهنگى:
مانگێشك 5 سم، ئامێدى 20 سم، سهرسنك 20 سم، بامهرنێ 21 سم، دێرهلوك 20 سم، كانێ ماسێ 23 سم، سیارهتیكا 18 سم، چهمانكێ 35 سم، دینارته 5 سم.
ئهڤرۆ نيوز:
توركيا وهلاتێ رووسيا گونههبار دكهت ب دهست سهرداگرتنا كومپانيێن توركى و ب ژڤانه دژى كومپانيێن رووسى ل رێكخراوا بازرگانيا جيهانى و دادگههێن نێڤدهولهتى سكالايێ دژى رووسيا تومار بكهت.
موستەفا ئێلیتاش وهزيرێ ئابووريا توركيا راگههاند كو سكالا ييێن گههشتيه وان كو ل باژاروكێن بچووك يێن رووسا، ههره ل كومپانيێن توركى هاتينه كرن و فشار ل سهر هاتيه دروست كرن كو پشكێن خوه رادهستى ههڤپشكێن رووسى بكهن.
ئهڤرۆ نيوز:
پشتى ژ ئهنجامێ وێ پێلا ڤان رۆژان يا بهفر بارينێ بۆ سهر ههرێما كوردستان و ب تايبهت ل دهڤهرێن چيايى، بوويه ئهگهرێ وێ چهندێ كو وهلاتى بچنه ناڤ بهفرێ و وهكو رهنگه خۆشيهكێ بۆ خوه دهربڕن.
ئهڤ وێنێن خوارێ ژى ژ لايێ ئێك ژ وان كهسان ڤه هاتنه گرتن يێن وهكو دهربڕين ژ بارينا بهفرێ چوويه سهرێ چيايى گارهى ب ناڤێ جهلال كهمال مزوورى.
![12463739_10205586091676105_450048583_n [800x600]](http://evronews.net/ku/wp-content/uploads/2016/01/12463739_10205586091676105_450048583_n-800x600.jpg)
![12463812_10205586086315971_688932089_n [800x600]](http://evronews.net/ku/wp-content/uploads/2016/01/12463812_10205586086315971_688932089_n-800x600.jpg)
![12467734_10205586088036014_10108478_n [800x600]](http://evronews.net/ku/wp-content/uploads/2016/01/12467734_10205586088036014_10108478_n-800x600.jpg)
![12476246_10205586092356122_168241936_n [800x600]](http://evronews.net/ku/wp-content/uploads/2016/01/12476246_10205586092356122_168241936_n-800x600.jpg)
![12476326_10205586093156142_2107655008_n [800x600]](http://evronews.net/ku/wp-content/uploads/2016/01/12476326_10205586093156142_2107655008_n-800x600.jpg)
![12483842_10205586090916086_2078512594_n [800x600]](http://evronews.net/ku/wp-content/uploads/2016/01/12483842_10205586090916086_2078512594_n-800x600.jpg)
![12498683_10205586092636129_759038754_n [800x600]](http://evronews.net/ku/wp-content/uploads/2016/01/12498683_10205586092636129_759038754_n-800x600.jpg)
![12498830_10205586092956137_237285826_n [800x600]](http://evronews.net/ku/wp-content/uploads/2016/01/12498830_10205586092956137_237285826_n-800x600.jpg)
![12506859_10205586084595928_1500107007_n [800x600]](http://evronews.net/ku/wp-content/uploads/2016/01/12506859_10205586084595928_1500107007_n-800x600.jpg)
ئهڤرۆنیۆز، ئهیاد بهرواری
رۆژناما Foreign Policy یا ئهمریكی، 10 جه ل جیهانێ دیاركرن كو پێشبینیا روودانا شهڕێ لێ كر ل سالا 2016 ێ.ل دووڤ وێ رۆژنامێ، ئهو دهڤهر سووریا، عیراق، یهمهن، باشوورێ سودانێ، ئهفغانستان، تشاد و لیبیا.
بهلاڤكر ژی كو ناكۆكیا ل توركیا (د ناڤبهرا ئهنقهره و پهكهكێ) مهترسیێن مهزن پهیدا دكهت.
ئهڤرۆ نيوز:
پشتی بورینا سێ روژا ژ دیارنامانا هاولاتی (شفان سامى) د ژیێ 31 سالێدا ئەڤرو کەلەخێ وی د ئاڤا خابیرێ زاخودا ب مری هاتە دیتن.
کومیسەر زێرەڤان عبدللە بەرپرسێ بەشێ قورتالکرنێ ل رێڤەبەریا بەرەڤانیا باژێرێ دهوکێ دا دیارکرن کو ژلایێ هاولاتیان ڤە تیمێن وان ل قەزا زاخو هاتنە ئاگەهدارکرن کو کەلەخێ ڤی هاولاتی بسەرئاڤ کەفتی و کەسوكارێن وی لسەر بویەرێ هاتن ئاگەهدارکرن و لاشێ وی بو پزیشکا داد ل زاخو هاتە رەوانە كرن.
ژ زاردەڤێ کەس و کارێن وی هاتيه دیارکرن کو ئەڤ کەسە بارێ وی یێ دەروونی نە دروست بوو.
ئهڤرو نیوز ،بارزان مزوورى
عهمید فههمى ئهحمهد یوسف، فهرماندێ سوپایێ 3 یێ زێرهڤانى ل میحوهرێ ناوهران بو مالپهرێ ئهڤرو نیوز دیار كر كو ئهو هێرشا چهكدارێن تیرورستێن داعش كرى بو سهر میحوهرێ ناوهران مهزنترین هێرش بو ل سهر ئاستێن میحوهرێن پێشمهرگهى و شكهستنهكا ب ئێكجار ل پشت خو هێلان و پشتى شكهستنا وانا ههردهم ههولدهن كو ورهیا چهكدارێن خو بزڤرینهڤه وهكو بهرى بهلێ فروكێن ههڤپهیمان و هێزێن پێشمهرگهى وان ههولێن وان تێك ددهن و ناهێلن ههولێن وا بهێنهجه ببن.
ناڤبرى دیار كر كو مووسل گرنگیا خو یا ههى بو چهكدارێن تیرورستێن داعش گهلهك ژ باژێرێ مووسل دترسن، نهوێرن هێزێن خو دناڤا مووسل كوم بكهن و ههر هێزهكا دگههیته مووسل بو دهرڤه وى باژێرێ بنه جه دكهن ژ ترسێن خهلكێ مووسل كو ئهو خهلك گهلهك بێزاربوویه ژ دهستههلاتا وان كو رابنه سهرخو و دژى وان شهرى بكهن.
ناڤبرى گوت : چهكدارێن تیرورستێن داعش جهێن گرنگ دناڤا باژێرێ مووسل ههر پێنج پرێن مووسل و ئاڤاهیێن بلند ههر جههك ژوان چهكهكێ دوشكهكێ دانایه ئێك یان دوو چهكدار لێ بنهجه كرینه ئهوێن دى بو دهرڤهى مووسل بنجههكرینه ژترسێن هاتنا خارا ههڤپهیمانان و هێزێن پێشمهرگهى ب فروكهیا بو ناڤ بارهگایێن وان یێن ناڤ سهنتهرێ مووسل و لدوڤ گازیا وان ب جیهازێن وان یێن گههاندنا پهیامێ بو ههموو بارهگایێن وان گازى ئێك دوو دكر كو لدوڤ بریارا ئهمیرێن وان ههموو جهێن چهكدار و بارهگایێن وان دناڤ مووسل بۆ دهوروبهران بهێنه گهورین ژبهر هاتنا ههڤپهیمانان و هێزێن پێشمهرگهى ب فروكهیا ب تایبهت پشتى وان پروسهیێن ههڤپهیمانان و پێشمهرگهیا ئهنجام دایى ل حهویجه و هندهك دهڤهرێن دى.
ناڤبرى زێدهتر گوت كو ئهو هێزێن ژ رومادى رهڤین بو مووسل هاتین ههموو ل دهرڤهى مووسل بنجهه كرینه و نهشیان بچنه دناڤ سهنتهرێ باژێرى ژ ترسێن چوونا ههڤپهیمانان و پێشمهرگهى .
دوماهیێ ناڤبرى ئاشكرا كر كو ئهو هێزێن داعش یێن رومادى هاتین نهشێن شهرێ پێشمهرگهى بكهن چونكو ناڤ و دهنگێ پێشمهرگهى گههشتیه وان كو ههر هێرشهكا چویه سهر پێشمهرگهى ب ساخى نهزڤرینهڤه لهوما خو دویر ژ پێشمهرگهى دكهن و ههولێن رهڤینێ دكهن بو دهرڤهى عێراقێ .
ئهڤرۆ نيوز:
بهرێ ماوهكێ كێم فلۆرێنتینۆ پێرێز سهرۆكێ يانا ريال مهدريد ب رهنگهكێ فهرمى دوورخستنا ڕافائێل بینیتێز ژ راهێنهريا يانا خوه راگههاند و زينهدين زيدان كره شوينگرێ وى.
زينهدين زيدان راهێنهرێ نوو يێ ريال د پهيڤهكێ دا گوت: ئهو دهمێ وهكو ياريكهر هاتمه ڤێ يانێ، من زانى چ يانهكا مهزنه ، ئهم خودان باشترين هاندهرين د جيهانێ دا ، دێ ههموو پێنگاڤان هاڤێژين بۆ سهركهفتنان.
د ماوێ 12 سالێن سهرۆكايهتيا فلۆرێنتینۆ پێرێز، ئهڤه 10 راهێنهر هاتنه گوهۆرين.
ئهڤرۆنیۆز، ئهیاد بهرواری
جوهی كولاڤهكێ بچووك ددانن سهر سهرێ خوه كو ناڤێ وی (كیباه)، د تهلمودێ دا هاتیه (سهرێ خوه ب پوشه دا تورهبوونا ئهسمانی ل هنداڤی ته نهبیت).
لهوما ئهو كولاڤه فهرزهكه ل سهر جوهیان دهمێ ئهداكرنا ڕێ و ڕهسمێن ئایینی، ب بۆرینا سالان ئهڤ چهنده بوویه ڕامانهكا كوور ل دهڤ جوهیێن توندڕهو و بیرا وان دئینیت كو یێ د چارچۆڤێ ئایینێ جوهی دا و یێ پێگیره ب ئهداكرنا رێنمایێن شهریعهتێ و فهرزێن وێ.
دیسا جوهیێن توندڕهو ئهڤرۆ كولاڤێن جۆرا و جۆر ب كاردئینن، ئهو جوهیێن ب زمانێ عبری دبێژنێ (حاردیم) و جوهیێن رۆژههلاتی كولاڤێن ڕهش ددانن سهر سهرێن، ئهو كولاڤێن ژ چهندین ڕهنگان پێك دهێن، دهربرینێ ژ جوهیێن ئایندار و ههلگرێن هزرێن نهتهوی و ئهو بكاردئینن.
ئهڤرو نیوز ،بارزان مزوورى
پێشهنگ بهدرخان محهمهد سهلیم، بهرپرسێ پشكا هاتنوچونا شێخان بو مالپهرێ ئهڤرو نیوز دیار كر كۆ ل دوڤ ئامارا سالا بورى 2015 ل سنورێ پشكا هاتنوچونا شێخان 107 رویدان رویداینه ژوانا 54 رویدان ژ جورێ لێكدان بوینه 34 رویدان ژ جورێ وهرگهریان بوینه دیسان 19 ژوان لێدان ئانكو “دهس ” بوینه و ژ ئهنجامێ ڤان رویدانا 204 كهس برینداربوینه ،26 كهسا گیانێ خو ژ دهست دایه ژ وانا 19 زهلام بوینه 7 ژ وان ئافرهت.
ناڤبرى دیار كر كو 157 شوفێرێن بێ مولهت هاتینه دهستهسهركرن و بو دادگههێ هاتینه رهوانهكرن.
ناڤبرى گوت كو سالا 2015 رویدان زێدهترى سالا 2014 بوینه لدوڤ ئامارا پشكا هاتوچونێ كو 78 رویدانێن جوراو جور یێن هاتنوچونێ دروست بوینه ،19 كهسا گیانێ خو ژ دهست دایه 159 كهس ژى برینداربوینه ،
ناڤبرى زێدهتر گوت كو رێژا ئافرهتێن گیانێ خو ژ دهست دایى بهرهڤ زێدهبونێ چوینه د سالا 2015 ل شێخان 7 ئافرهتا ب رویدانێن هاتنوچونێ گیانێ خو ژ دهست دایه .
نيشاندان