NO IORG
نووترين نووچه
Facebook

ئه‌ڤرۆ نيوز:

دهێته‌ چاڤه‌رێكرن حه‌فتيا داهاتى مووچێ هه‌يڤا گۆلانێ يێ خانه‌نشينكريان و مووچێ هه‌يڤا خزيرانێ يێ وه‌زاره‌تا پێشمه‌رگه‌ى بهێته‌ به‌لاڤكرن.

هه‌تا نوكه‌ ب تنێ مووچێ هه‌يڤا گۆلانێ يێ خانه‌نشينكريێن له‌شكرى و شارستانى به‌لاڤ نه‌كريه‌، د وێ ده‌ربارێ دا شێرزاد سورچى، سه‌رۆكێ به‌نكا زاگرۆس بۆ رووداو گۆت: “هه‌تا نوكه‌ ليستێن مووچێ خانه‌نيشنيكريێن له‌شكرى و مه‌ده‌نى نه‌گه‌هشتيه‌ ده‌ستێ به‌نكان”.
رێڤه‌به‌رێ به‌نكا زاگرۆس ئاشكه‌را ژى كر كو به‌نكان ئاماده‌يا ته‌مام كريه‌ و چاڤه‌رێ ليستێن مووچه‌ى و دابينكرنا پارێن پێدڤى نه‌ بۆ به‌لاڤكرنا مووچێ خانه‌نشينكريان.
ده‌رباره‌ى ده‌سپێكرنا پرۆسا به‌لاڤكرنا مووچێ هه‌يڤا خزيرانێ، ژێده‌ره‌كێ تايبه‌ت ل به‌نكا ناڤه‌ندى يا هه‌رێما كوردستانێ بۆ رووداو گۆت: “چاڤه‌رێ دهێته‌ كرن ل ناڤه‌راست يان دووماهيا حه‌فتيا بهێت مووچێ هه‌يڤا خزيرانێ يێ وه‌زاره‌تا پێشمه‌رگه‌ى بهێته‌ به‌لاڤكرن”.

ئه‌وى ژێده‌رى ئاشكه‌را ژى كر كو دهێته‌ چاڤه‌رێكرن هه‌ر د حه‌فتيا بهێت دا مووچێ هه‌يڤا گۆلانێ يێ خانه‌نشينكريێن له‌شكرى و شارستانى بهێنه‌ به‌لاڤكرن.

 

ئه‌ڤرۆ نيوز: ره‌وان نهێلى:

رۆژنامه‌ڤانێ بريتانى يێ كو هاتيه‌ گرتن ژ ئاليێ رێكخراوا داعش يا تيرورست ڤه‌ نوكه‌ ل مووسله‌ و بۆ جارا دوێ ڤيديويه‌ك ل دۆر مووسل به‌لاڤكريه‌ و د ڤيديويێ دا به‌حسێ وێ وێرانكاريێ دكه‌ت يا ژ ئه‌نجامێ هێرشێن هه‌ڤپه‌يمانان ل سه‌ر باكوورێ مووسل دروست بووى و ئه‌ڤ وێنێ ل خوارێ، وێنێ زانكۆيا مووسله‌ كو به‌ر ب هێرشێن هه‌ڤپه‌يمانان كه‌فتى و ئه‌ڤرۆژنامه‌ڤانه‌ د ڤييويێ دا به‌حس دكه‌ت.

46

45

 

47

 

ئه‌ڤرۆ نيوز: ره‌وان نهێلى:

ل دووڤ ئاژانسێن ده‌نگوباسان سه‌رتراشێ فرانسو هولاند سه‌رۆكێ فره‌نسا، هه‌يڤانه‌ 10 هزار دولاران وه‌ردگريت، به‌لێ ئه‌ڤ سه‌رتراشه‌ يێ ل هه‌موو وان جهان ئاماده‌يه‌ كو سه‌رۆكێ فره‌نسا دچيتێ، ل سالا 2012 سه‌رتراشێ وى گرێبه‌ست گرێدايه‌ و ل دووڤ گوتنا پارێزه‌رێ وى، ئه‌و سه‌رتراش يێ ل هه‌موو ئاهه‌نگ و خوشى و نه‌خوشيێن خێزانا خو بێ به‌هره‌، چونكه‌ چ باژێر و و ده‌وله‌تا سه‌رۆكێ فره‌نسا دچيتێ ئه‌و سه‌رتراش يێل گه‌ل شاندى.

 

ئه‌ڤرۆ نيوز:

پشتى زێده‌بوونا دراڤێ ژ جۆرێ 50 هزار دينارى يێ عيراقى ل بازارێن هه‌رێما كوردستانێ و به‌لاڤبوونا ده‌نگويێ مامه‌له‌نه‌كرن ب وى دراڤى ژ لايێ چه‌ندين كه‌سان ڤه‌، لقێ به‌نكا ناڤه‌ندى يا عيراقى ل هه‌رێما كوردستانێ هه‌موو لايه‌كى پشت راست دكه‌ت كو مامه‌له‌كرن ب وى دراڤى يا ئاسايى يه‌.

50 هزار دينارێ عيراقى ژ لايێ به‌نكا ناڤه‌ندى يا عيراقى ڤه‌ ده‌رچوويه‌ و ل ده‌سپێكا ئه‌ڤ ساله‌ كه‌فتيه‌ بازارێن عيراقێ و ل گه‌ل جه‌ژنا ره‌مه‌زانێ و هاتنا گه‌شتيارێن عه‌ره‌ب ژ ناڤه‌راست و باشوورێ عيراقێ بۆ هه‌رێما كوردستانێ مامه‌له‌كرن ب وى دراڤى ل هه‌رێما كوردستانێ ژى زێده‌ بوويه‌.
لقێ به‌نكا ناڤه‌ندى يا عيراقى ل هه‌رێما كوردستانێ د راگه‌هاندنه‌كێ دا وه‌لاتيان پشت راست دكه‌ت كو ل هه‌رێما كوردستانێ ژى كار ب دراڤێ 50 هزار دينارى يێ عيراقێ دهێته‌ كرن هه‌ر وه‌كو پشكێن دى يێن عيراقێ.
دراڤێ 50 هزار دينارى ژبلى زمانێ عه‌ره‌بى هه‌ر ئێك ژ زمانێن كوردى و ئنگليزى ژى ل سه‌ر هه‌نه‌ و پانيا وى 65 ملمه‌تره‌ و رێژيا وى 150 مليمه‌تره‌.

ئه‌ڤرۆ نيوز، نيوار محه‌مه‌د سه‌ليم:

فه‌رهاد ئه‌ترووشى، پارێزگارێ دهۆكێ، دوهى ل رێڤه‌به‌ريا هاتنوچوونا پارێزگه‌ها دهۆكێ چه‌ند ئه‌فسه‌رێن رێڤه‌به‌ريا هاتنوچوونا پارێزگه‌ها دهۆكێ خه‌لاتكرن و چه‌ند رێڤه‌به‌رێن پشكان ژى گوهاڕتن.

د په‌يڤه‌كێ ژى دا راگه‌هاند كو مه‌ره‌م ژ گوهۆڕينا ئه‌وان 10 رێڤه‌به‌ران ئه‌و نينه‌ كو د ئه‌ركێ خوه‌ دا د خه‌مسارن يان خه‌له‌تى كرينه‌، به‌لێ ل دووڤ سيسته‌مێ كارگێرى پێدڤيه‌ هه‌ر چار سالان جاره‌كێ رێڤه‌به‌ر بهێنه‌ گوهۆڕين.

رائيدێ مافپه‌روه‌ر، ئازاد تاها، به‌رپرسێ راگه‌هاندنا رێڤه‌به‌ريا هاتنوچوونێ ل پارێزگه‌ها دهۆك ژى بۆ ئه‌ڤرۆ نيوز گۆت: “مه‌ره‌م ژ ڤان گوهۆڕينان ئه‌و نه‌بوويه‌ كو كێم ته‌رخه‌مى د ئه‌ركێ خوه‌ دا كريه‌، به‌لێ مه‌ره‌م پێ ئه‌وه‌ دا كو بشێن زێده‌تر ل دووڤ شيان و ده‌سته‌لاتا خزمه‌تا خه‌لكێ خوه‌ بكه‌ن”.

ب گۆره‌ى ئه‌و نڤيسارا ب ده‌ست ئه‌ڤرۆ نيوز كه‌فتى يا كو ئه‌ڤ گوهۆڕينه‌ تێدا هاتينه‌ به‌رچاڤ كرين ديار دبيت كو رێڤه‌به‌رێن هاتنوچوونێن قه‌زايان ل گه‌ل رێڤه‌به‌رێ هاتنوچوونا ده‌رگه‌هێ ئيبراهيم خه‌ليل و كه‌له‌ك ل گه‌ل رێڤه‌به‌رێ پشكا هۆنه‌رى/تۆماركرن ل باره‌گايێ رێڤه‌به‌ريێ هاتينه‌ گوهۆڕين.

ئه‌ڤێن ل خوارێن نڤيسارا فه‌رمى و ناڤێن وان رێڤه‌به‌رانن يێن هاتينه‌ گوهۆڕين و كا بۆ كيرێ ژى هاتينه‌ ڤه‌گوهاستن:

2

1

لۆگۆيێ حوكمه‌تا هه‌رێما كوردستانێ

ئه‌ڤرۆ نيوز:

حوكمه‌تا هه‌رێما كوردستانێ سوبه‌هى رۆژا پێنجشه‌مبى كره‌ بهێنڤه‌دانا فه‌رمى ب هه‌لكه‌فتا 14ى تيرمه‌ه‌هێ.

سه‌فين دزه‌ى ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند: ب گۆره‌ى قانوونا په‌رله‌مانێ كوردستانێ ده‌رباره‌ى بهێنڤه‌دانێن فه‌رمى، سوبه‌هى رۆژا پێنجشه‌مبى 14ى تيرمه‌ها 2016ێ ل داموده‌زگه‌هێن حوكمه‌تا هه‌رێما كوردستانێ بهێنڤه‌دانا فه‌رمى يه‌.
14ى تيرمه‌ها 2016ێ دووماهى ب ده‌سته‌لاتا پاشاتيێ ل عيراقێ هات د رێيا كوده‌تايا عه‌بدولكه‌ريم قاسم و سيسته‌مێ حوكمى ل عيراقێ بۆ كۆمارى.

110

ئەڤرۆ نيوز:
راھێنەرێ یانا زەورا یێ نوو سائیر ئەحمەد بریار دا راھێنانێن یانا زەورا بھێنە پاشخستن بۆ ماوەکێ دی ژبەر ئەو پلا گەرمێ یا بلند ئەوا نوکە ل بەغدا کو بریار بوو ل رۆژا شەمبیا بوری یەکا ئێکێ یا راھێنانی یا یانا زەورا بۆ وەرزێ نوو خولا عیراقێ ل یاریگەھا شارجیا ل باژێرێ بەغدا دەستپێکربا لێ ژبەر بلندبوونا پلا گەرمێ راھێنەرێ ناڤبری بۆ کارگێریا یانێ دیارکریە بۆ ماوێ شەش ھەتا حەفت رۆژان راھێنانێن یانێ ھێنە پاشخستن .
د دەنگوباسەکێ فەرمی دا ل سەر مالپەرێ خوە یێ کومەلاتی یانا زەورا نڤێسینەک بەلاڤەکریە کو راھێنەری بو ئەوان دیارکریە راھێنانێن یانێ دناڤبەرا ١٤ ھەتا ١٦ ڤێ ھەیڤی ھێنەکرن وەکو خوبەرھەڤکرن بۆ وەرزێ نوو یێ خولا عیراقێ و قارەمانیا ئاسیا یا تەپا پێ.
دوێ نڤێسنێ دا ئەو چەندە ژی ھاتیە دیارکرن راھێنەرێ زەورا دێ کەمپەکا نافخوی بۆ ماوێ ھەیڤەکێ دانیت وەکو خوبەرھەڤکرن بۆ وەرزێ نوو بۆ ھەردو قارەمانیێن ئاسیا و خولا عیراقێ یا تەپا پێ .

ئەڤرۆ نیوز:
رێڤەبەریا گشتی یا ھاتنوچوونا ھەرێما کوردستانێ ئاشکرا کر کو بۆ بەرچاڤ وەرگرتنا رەوشا ئابووریا وەلاتیان د ڤێ قەیرانێ دا مەرجێ نووکرنا تابلۆیێن ترۆمبێلان گوھۆرین تێدا ھاتیەکرن و د دەمێ نووکرنا سالنامێ دا شۆفێر یێ ئازادە تابلۆیا خوە نەگوھۆریت، ھاتنوچوونا پارێزگەھا ھەولێرێ ژی رەتکر کو چو بڕیارێن ب ڤی رەنگی گەھشتبنە وان و تەکەزکر، دڤێت ددەمێ نووکرنا سالنامێ دا تابلۆ ژی بھێتە گوھۆرین.
رێڤەبەریاا گشتییا ھاتنوچوونا ھەرێما کوردستانێ د راگەھاندنەکێ دا دیار کر کو ھەر شوفێرەکێ سالناما ترۆمبێلا خوە نوو بکەت، پێدڤی ناکەت تابلۆیا تڕۆمبێلێ ب گوھۆریت و چو مەزاختیان بکەت، ئەو ژی بۆ بەرچاڤ وەرگرتنا رەوشا ئابووریا وەلاتیان دڤێ قەیرانێ دا، بەلێ ھەکە شۆفێر ب حەزا خوە ب گوھۆریت چو ئاریشە نینە، ب مەرجەکی ھەکە تابلۆیا ئەڤێ تڕۆمبێلا سالنامە بۆ دھێتە نووکرن تێکنەچووبیت و ژمارێن ل سەر نەھاتبنە رەشکڕن و بۆ ڤێ مەرەمێ رێڤەبەری یێن پارێزگەھان ھاتینە ئاگەھدارکرن، وەلاتیان نەچار نەکەن تابلۆیێن نوو گرێ بدەن.
رائید فازل حاجی، پەیڤدارێ ھاتنوچوونا پارێزگەھا ھەولێرێ بۆ رۆژناما ئەڤرۆ دیارکر کو چو بڕیارێن ب ڤی شێوەی نەگەھشتینە رێڤەبەری یێن پۆلیسێن ھاتنوچوونێ و ھەر ل دووڤ رێنمایێن بەرێ سالنامێن ترۆمبێلان دھێتە نووکرن و ددەمێ نووکرنێ دا پێدڤیە شۆفێر تابلۆیا تڕۆمبێلا خوە ژی ب گوھۆریت و بەرۆڤاژی مامەلێن وی شۆفێری ناھێنە ب رێڤەبرن و گۆت: “مەرجێ نووکرنا سالناما تڕۆمبێلێ ئەوە کو تابلۆیا خوە ب گوھۆڕیت و تابلۆیا نوو گرێدەت یا کو ب شێوێ فسفۆر ھاتیە چێکرن”.

ئەڤرۆ نیوز:
پەیڤدارێ وەزارەتا کارەبا حوکمەتا ھەرێما کوردستانێ راگەھاند، زێدەبوونا ئاواران ل ھەرێما کوردستانێ فشارەکا مەزن ل سەر کارەبێ کریە و بوویە ئەگەر کو رۆژانە نێزیکی 300 مێگاواتێن کارەبێ ب بەردەوامی بۆ 30 کەمپێن ئاواران بچیت و کارەبا 24 دەمژمێری بۆ ئاوارێن عەرەب ژی ژ ئالیێ وەزارەتا مەڤە ھاتیە دابینکرن و گۆت: ب تنێ بەرھەمئینانا غازا سرۆشتی دێ کێشا کارەبێ چارەسەرکەت و نھا حوکمەتا ھەرێمێ شیایە رۆژانە نێزیکی دو ھزار مێگاواتێن کارەبێ ژ غازا سرۆشتی بەرھەم بینیت
محەمەد ئەمین ھەورامی، پەیڤدارێ وەزارەتا کارەبا حوکمەتا ھەرێما کوردستانێ راگەھاند، نھا نێزیکی ملیۆنەک و 600 ھزار ئاوارێن عیراقێ و پەنابەرێن رۆژئاڤایێ کوردستانێ ل ھەرێما کوردستانێ ھەنە و دناڤا 30 کەمپان دا ھاتینە ئاکنجیکرن و ئەڤە ژی بوویە ئەگەر کو فشارەکا مەزن ل سەر کارەبا ھەرێما کوردستانێ بھێتە کرن و ناچارکرینە کو کارەب ب شێوەیەکێ بەردەوام بۆ وان ئاوارە و پەنابەران بھێتە دابینکرن.
ناڤبری ئاماژە دا وێ چەندێ، ل گۆرەی ئامارێن ل بەردەست، ب شێوەیەکێ بەردەوام 300 مێگاواتێن کارەبا ھەرێما کوردستانێ بۆ ئاوارە و پەنابەران دھێنە مەزاختن و کارەبا وان یا 24 دەمژمێری یە و نەشێین کارەبێ ژ وان ببڕین و گۆت ژی: ل گەل ھاتنا ئاوارەیان بۆ ھەرێما کوردستانێ و ل گۆرەی پلانا وەزارەتا کارەبێ، ئاوارە ژی وەکو جھێت خزمەتگۆزاری وەکو نەخۆشخانە و قوتابخانە ھاتینە ھژمارتن و کارەب ب شێوەیەکێ بەردەوام بۆ ھاتیە دابینکرن و بۆ ڤێ مەرەمێ ژی ب بەردەوامی نێزیکی 600 مێگاواتێن کارەبێ دچن.
محەمەد ئەمین ھەورامی، پەیڤدارێ وەزارەتا کارەبا حوکمەتا ھەرێما کوردستانێ خویاژی کر، زێدەبوونا ئاواران ل ھەرێما کوردستانێ فشارەکا مەزن ل سەر کارەبێ کریە و بوویە ئەگەر کو رۆژانە نێزیکی 300 مێگاواتێن کارەبێ ب بەردەوامی بۆ 30 کەمپێن ئاواران بچیت و گۆت: ل گۆرەی شیانێن وەزارەتێ، نھا بۆ وەرزێ ھاڤینێ رۆژانە نێزیکی 16 دەمژمێران کارەبا گشتی بۆ وەلاتیان دھێتە بەردان.
ئاماژە ب وێ چەندێ کر، نھا شیانێن ھەرێما کوردستانێ بەرھەمئینانا دو ھزار و 750 مێگاواتێن کارەبێ نە، بەلێ ئەڤ ھێزە نابیتە ئەگەر کو کارەبا 24 دەمژمێر بۆ گشت وەلاتیان بھێتە بەردان و گۆت: نھا خواستا وەلاتیان بۆ کارەبا گشتی رۆژانە چار ھزار و 500 مێگاواتن و واتە وەزارەتا کارەبێ دشێت ب تنێ نیڤا خواستا وەلاتیان دابین بکەت و کار ل سەر ھندێ دھێتە کرن کو بەرھەمئینانا کارەبێ زێدەتر لێ بھێت.
پەیڤدارێ وەزارەتا کارەبا حوکمەتا ھەرێما کوردستانێ ئاشکرا کر کو ب تنێ بەرھەمئینانا غازا سرۆشتی دێ کێشا کارەبێ چارەسەرکەت و نھا حوکمەتا ھەرێمێ شیایە رۆژانە نێزیکی دو ھزار مێگاواتێن کارەبێ ژ غازا سرۆشتی بەرھەم بینیت و گۆت: باشترکرنا رەوشا غازا سرۆشتی، دێ رەوشا کارەبا گشتی گەلەک باشتر لێ کەت.
نە ڤەشارت ژی کو نھا ژ بەر ھاتنا ئاواران، رێژا وەلاتیان ل ھەرێما کوردستانێ زێدەتر لێ ھاتیە ب رێژا ئێک ل سەر سێ و ئەڤە ژی بوویە ئەگەر کو خواست ل سەر کارەبا گشتی 25% زێدەتر لێ بھێت.

286

ئەڤرۆ نیوز:
مالپەرێ فوتبول یێ ئیتالی بەلاڤەکریە ھێرشبەرێ ھەلبژارتیێ ئیتالیا و یانا یوڤانتوس رازیبوویە یاری ل خولا ئەلمانیا بکەت پشتی یانا ڤولڤسبورک ھەڤبەستەک پێشکێشی یانا یوڤانتوس کری بۆ کرینا زازای و پشتی یانا یوڤی کومبوون ل گەل ئەوی یاریزانی کری ئەو ژی رازیبوو یاری ل وێ یانێ بکەت ل وەرزێ بھێت داکو بشێت پتر دەلیڤەیا خوە وەکو یاریزانەکێ سەرەکی بینت و بھایێ ڤەگوھستنا زازای ٣٠ ملیون یورۆنە .

website security
WP Facebook Auto Publish Powered By : XYZScripts.com