ئەڤرۆ نیوز:
د راگەهاندنەکێ دا سەرۆکێ حوکمەتا هەرێما کوردستانێ راگەهاند، لدووڤ ئەو شیانێن دارایی یێن نوکە ل بەر دەست حوکمەتا هەرێمێ، دێ دەست ب دابەشکرنا مووچەى هێتە کرن.
حوکمەتا هەرێمێ: دابەشکرنا مووچەی دێ دەست پێکەت
نووترين نووچه
- نێچیرڤان بارزانی سەرەخوەشیێ ل ئەیاد عەلاوی دكەت
- مەسرور بارزانی: ئیراقێ پێدڤی ب حوكمڕانییەكا دادپەروەرانە هەیە
- تێكگەهشتنەكا باش هەیە و د زووترین دەم دا حوكمەت دێ هێتە پێكئینان
- وەزارەتا كۆچ و كۆچبەران سكالا دژی داخوازیێن مە بۆ مافێن ئاوارەیان تۆمار كریە
- هەتا نوكە پێنج هەڤپەیمانی بۆ هەلبژارتنێن بهێن یێن ئیراقێ یێن هاتینە تۆماركرن
- كـلارا عـودیـشۆ: پـترییا كـریـستییانـێن ئـیراقێ چـووینـە ژ دەرڤـە
- سەرۆك بارزانی دوپاتیێ ل پێكڤەژیانێ د ناڤبەرا پێكهاتەیێن ئیراقێ دا دكەت
- نێچیرڤان بارزانی: سری سورەییا ئۆندەر نموونەیەكێ بلند یێ ئاشتیخوازیێ و مرۆڤپەروەریێ نیشادا
- ب ڕاگرتنا هنارتنا پەترۆلا هەرێمێ ئیراق دخوازیت زیانێ ل كۆمپانیێن ئەمریكی بدەت
- هەلبژارتنێن ڤێ جارێ دێ گوهۆڕینان ل ئیراقێ پەیداكەن
سهرهكى Facebook
ڤێ حه‌فتیێ په‌رله‌مان دێ ده‌نگی ده‌ت
ئه‌ڤرۆنیۆز، سالار دۆسكی:
ئه‌ندامه‌كێ په‌رله‌مانێ عیراقێ ئاشكراكر كو ره‌نگه هه‌تا سێ شه‌مبیێ یان چارشه‌مبیێ روونشتنا په‌رله‌مانێ عیراقێ بهێته‌كرن بۆ ده‌نگدان ل سه‌ر كابینا مسته‌فا كازمی، به‌ری حه‌فتیه‌كێ به‌رنامێ كابینا نوو بۆ په‌رله‌مانی هاتیه هنارتن، نوكه ناڤێن وه‌زیران ژی ئاشكراكر بوویه.
هندرین له‌زگین دۆسكی ئه‌ندامێ په‌رله‌مانێ عیراقێ ژ فراكسیونا پارتی دیموكراتی كوردستان، ئه‌ڤرۆ ئێڤاری 2 گولانێ تایبه‌ت بۆ ئه‌ڤرۆ نیۆز گۆت: (سالانه ل ده‌مێ دانانا میزانیا عیراقێ گڤاشتن ل سه‌ر هه‌رێما كوردستانێ دهێنه‌كرن، ئه‌ڤا دهێـته‌كرن گڤاشتنێن سیاسی نه چنكو كابینا نوو دهێته ئاڤكرن و مه‌ره‌م ئه‌وه كوردستان ب هنده‌ك مه‌رجێن به‌غدا رازی ببیت، چ بهانایێن دی نینن، پشست به‌ستن ل سه‌ر قانوونا سالا 2019 دهێته‌كرن و پرۆژێ 2020 هێشتا نه‌هاتیه دروستكرن و ل دووڤ قانوونێ هه‌كه بۆدجه نه‌هێته دروستكرن، كار ل سه‌ر قانوونا سالا پێشتر دهێته‌كرن و بجهئینان، ئه‌ڤا دهێته‌كرن گڤاشتنێن سیاسی نه و ده‌ستهه‌لادارێن به‌غدا هه‌موو بزاڤا دكه‌ین قه‌وار و هه‌یبه‌تا هه‌رێما كوردستانێ كێم بكه‌ن، مه ده‌ستور و قانوون هه‌نه و هه‌ر كێشه‌كا بڤی ره‌نگی دروست بیت دڤێت ئه‌و ئێكلا بكه‌ت).
هندرین دۆسكی ئه‌و ژی خۆیاكر كو دانوستاندنێن هه‌رێما كوردستانێ و به‌غدا به‌رده‌وامی هه‌یه و هه‌موو بزاڤێن مه ل سه‌ر وێ چه‌ندێ نه كو مووچێن هه‌رێما كوردستانێ بهێنه پاراستن و باوه‌ری بۆ به‌غدا دروست بیت كو مووچێ فه‌رمانبه‌رێن هه‌رێما كوردستانێ نه گرێده‌ن ب سیاسه‌تێ ڤه، سوباهی 3ی گولانێ شاندێ هه‌رێما كوردستانێ دێ چیته به‌غدا ڤه بۆ كێشێن هه‌لاویستی و ب هیڤی نه سوبه دێ شاندێ مه شێت بابه‌تێ مووچه‌ی و كابینا نوو ژ ئێك جودا كه‌تە ڤه.
دۆسكی ئاماژه كره وێ چه‌ندێ ژی كو كێشا كوردان ل گه‌ل مسته‌فا كازمی نینه، ب تنێ ئالیێن سیاسی نه كارتا مووچه‌ی بكارتینن به‌رامبه‌ر هه‌رێما كوردستانێ هنده‌ك تەنازلێ ژ مافێن خوه هه‌لبژارتنان بكه‌ت، كازمی یێ كابینا خوه دروست دكه‌ت ل دووڤ ده‌نگێن هه‌لبژارتنان و هه‌ر قه‌وا‌ره‌كێ به‌ربژێرێن خوه پێشكێشكرینه و ئه‌ڤا دهێـته‌كرن بۆ وێ چه‌ندێ یه كو قه‌بارێ هه‌رێمێ ل ناڤ كابینا كازمی بهێتـه‌كێمكرن و ئه‌ڤه لایه‌نێن شیعی دكه‌ن و نه كازمی یه.
هه‌مان ئه‌ندامێ په‌رله‌مانی ئه‌و ژی گۆت: (ناڤێن به‌ربژێرێن كابینا مسته‌فا كازمی هاتینه دیاركرن لایه‌نێ شیعه و سوننه و كورد و هه‌ر ئێك ل دووڤ سه‌نگا ده‌نگێن خوه یێن هه‌لبژارتنان پوستێن وه‌زاره‌تات وه‌ك پێشترن و وه‌زیرێن كوردان ل كابینا كازمی (دارایی، ئاڤه‌دانكرنێ و داد) و ناڤ هاتینه دیاركرن و ب تنێ پوستێ وه‌زیرێ دارایی مایه هێشتا ناڤێ وی نه‌هاتیه ئاشكراكرن، چنكو هێشتا دانوستاندن دبه‌رده‌وامن) .
هندرینی ئه‌و ژی ئاشكراكر كو ره‌نگه هه‌تا سێ شه‌مبیێ یان چارشه‌مبیێ روونشتنا په‌رله‌مانێ عیراقێ بهێته‌كرن بۆ ده‌نگدان ل سه‌ر كابینا مسته‌فا كازمی و چه‌ند رۆژ ماینه و دێ لایه‌نێن سیاسی گه‌هنه چاره‌كێ چونكو كازمی به‌ری حه‌فتیه‌كێ به‌رنامێ كابینا خوه هنارتیه په‌رله‌مانی و ناڤێن لیستا وه‌زیران ژی ئاشكراكریه و هه‌رده‌مێ ده‌نگ بۆ كابینا وی هاته‌دان پرۆژێ قانوونا 2019 یا به‌روه‌خت نامینت و دێ ده‌نگدان ل سه‌ر پرۆژه‌كێ نوو هێـته‌دان و دێ شێواز و سه‌رده‌ریكرنا حوكمه‌تا به‌غدا ل گه‌ل كوردستانێ دناڤا وێ قانوونێ دا هێته دیاركرن.
زه‌كاتا هه‌رێمێ كێمبوویە
ئه‌ڤرۆنیۆز، سالار دۆسكی:
به‌رپرسێ په‌یوه‌ندیان ل وه‌زاره‌تا ئه‌وقاف و كارۆبارێن ئایینی ل حوكمه‌تا هه‌رێما كوردستانێ، ئاشكراكر كو نه‌بوونا سندوقه‌كا زه‌كاتێ ل كوردستانێ بوویه ئه‌گه‌ر كو زه‌كات ب شێوه‌كێ نه رێكوپێك بهێته به‌لاڤه‌كرن و ئه‌ڤساله ژ سالێن بووی زه‌كات كێمبوویه.
مه‌ریوان نه‌قشه‌به‌ندی به‌رپرسێ په‌یوه‌ندیان ل وه‌زاره‌تا ئه‌وقاف و كارۆبارێن ئاینی ل حوكمه‌تا هه‌رێما كوردستانێ، ئه‌ڤرۆ پشتی نیڤرۆ 2ی گولانێ تایبه‌ت بۆ ئه‌ڤرۆ نیۆز گۆت: (ره‌نگ زه‌كاتا ئه‌ڤساله بگه‌هیته (10) ملیون دۆلاران، ئه‌ڤساله ل گه‌ل سالێن بوری دێ كێمتر بیت، چنكو كاودانێن ئابووری نه وه‌ك سالێن پێشترن).
نه‌قه‌شه‌به‌ندی ئه‌و ژی گۆت: (ل دووڤ هژمارا ده‌وله‌مه‌ندێن كوردستانێ پێشبینی دهێـته‌كرن كو زه‌كاتا ئه‌ڤساله (10) ملیۆن دولار بیت، ل سالا 2010 ده‌مێ مه دوڤچوون كری و پرسیار ژ ده‌وله‌مه‌ند و رێكخراوێن خێرخوازی هاتیه‌كرن زه‌كاتا وێ سالێ دناڤبه‌را (20 بۆ 30) ملیۆن دولاران دا بوو وی ده‌می كاودانێن ئابووری گه‌له‌ك دباش بوون، نوكه كاودانێن خه‌لكێ كوردستانێ هاتینه گوهورین و نه وه‌ك سالێن پێشترن).
مه‌ریوانی ئه‌و ژی دیاركر كو ژ نه‌بوونا سندوقه‌كا دانا زه‌كاتێ خه‌لكێ مه ب شێوه‌كێ نه رێكوپێك زه‌كاتێ دده‌ت و هه‌موو وه‌لاتان سندوقێن زه‌كاتێ هه‌نه و ناڤێن هه‌ژاران دهێنه نڤێسن و دیسان ب ئه‌وان پاران كارگه‌ه دهێنه دانان و خه‌لك ل به‌ر كار دكه‌ت و ده‌لیڤێن كاری دهێنه دیتن و ب شێوه‌كێ دادپه‌روه‌رانه زه‌كات دهێته به‌لاڤه‌كرن.
به‌رپرسێ په‌یوه‌ندیان ل وه‌زاره‌تا ئه‌وقاف و كارۆبارێن ئاینی ل حوكمه‌تا هه‌رێما كوردستانێ ئه‌و ژی خۆیاكر كو زه‌كات ب تنێ پاره نینه به‌لكو ده‌خل و دانه و زێره، ته‌رش و كه‌واله و دڤێت سندوقه‌ك هه‌بیت ئه‌ڤان هه‌موویان كوم بكه‌ت.
ل مەها بۆری ئیرانێ ١٣ کورد ل سێدارە داینە
ئەڤرۆ نیوز، هۆشەنگ تاجر:
شەریف ئەحمەدی ئەندامێ رێکخراوا مافێن مرۆڤی یا رۆژهەلاتێ کوردستانێ بۆ ئەڤرۆ نیوز دیار کر کو ل مەها بۆری ئیرانێ ١٣ کورد ل سێدارە داینە و مەترسیا سێدارەدانا گەلەک گرتیێن دی ژی هەیە.
ناڤهاتی راگەهاند کو نها ل جیهانێ هەموو کەس بەحسێ کۆرۆنایێ و مەترسیێن وێ دکەن، ئانکۆ رۆژەڤا جیهانێ ب گشتی کۆرۆنا یە و رژێما ئیرانێ ژی شیایە مفای ژ هندێ وەربگریت و کوردان ل سێدارە بدەت.
ناڤهاتی راگەهاند ژی بەری نها وەکو رێکخراوا مافێن مرۆڤی یا رۆژهەلاتێ کوردستانێ وان داخواز ژ گەلەک رێکخراوێن جیهانێ کرینە کو ل هەمبەر سێدارەدانا کوردان بێدەنگ نەبن و گۆت: (لێ مخابن وەلاتێن جیهانێ ژ بەر بەرژەوەندیێن خوە یێن ئابووری یێن ل گەل ئیرانێ ل هەمبەر سێدارەدانا کوردان بێدەنگن).
گەلەک شانێن نهێنی یێن داعشێ د ناڤ کەرکووکێ دا هەنە
ئەڤرۆ نیوز:
نەجات حسێن بەرپرسێ لقێ کەرکووکێ یێ رەوتا حیکمە راگەهاند کو دەمەکە داعش ل کەرکووکێ و دەوروبەرێن وێ گەلەک چالاک بوویە، نها ب دەهان شانێن نهێنێ یێن داعشێ د ناڤ کەرکووکێ دا هەنە.
ناڤهاتی ئەو یەک ژی دیار کر کو شەڤانە چەکدارێن داعشێ ل دەوروبەرێن کەرکووکێ دبنە دەستهەلاتدار و هێزێن لەشکرێ عیراقێ ژی نها ئەو شیان نینن بشێن کۆنترۆلا دەوروبەرێن کەرکووکێ بکەن.
ل عیراقێ كه‌سه‌ك نینه بریارێن ئێكلاكه‌ر بده‌ت
ئه‌ڤرۆنیۆز، سالار دۆسكی:
مامۆستایه‌كێ زانستێن سیاسی ل زانكۆیا صه‌لاح الدین، دیاركر كو ئیرانێ پێگوهورێن باشتر هه‌بوون ژ مسته‌فا كازمی بۆ پوستێ سه‌رۆك وه‌زیرێن عیراقێ، كازمی نێزیكی ئه‌مریكا‌یه، خویاركر كو جهێ داخێ یه ئێكرێزیا كوردان نوكه وه‌ك پێدڤی نینه و ئه‌و لایه‌نێن نه پشكدار د حوكمه‌تێ دا كاودان ب ده‌لیڤه دیتی نه.
پروفیسور هاریكار د. سالح عومه‌ر عیسا مامۆستایێ زانستێن سیاسی ل زانكۆیا سه‌لاحەدین بۆ ئه‌ڤرۆ نیۆز دیاركر كو به‌غدا نوكه كاودانێن به‌ر ته‌نگ دایه و هه‌تا نوكه ل سه‌ر دروستكرن كابینا نوو دناكوكیێ دانه و عیراقێ كه‌سه‌ك نینه بریارێن ئێكلاكه‌ر بده‌ت، هاتنا ڤایرۆسێ كورونایی و ئه‌رزانبوونا بهایێ په‌ترۆلێ قه‌یرانا دارایی ژی ل عیراقێ دروست بوویه، ب گشتی عیراق ل ژێر فشارێن ئیرانێ و ئه‌مریكا دایه و هه‌ر وه‌لاتیه‌كی ئارمانجه‌ك هه‌یه.
پروفیسور، سالح مه‌لا عومه‌ر ئه‌و ژی خۆیاكر كو هاتنا ڤایرۆسێ كورونایێ و نزمبوونا بهایێ په‌ترۆلێ گه‌له‌ك گڤاشتن ل سه‌ر كوردستانێ دروست كرینه و داهات كێمبوویه و به‌غدا ئه‌ڤێ چه‌ندێ ب ده‌رفه‌ت دبینت، به‌غدا بزاڤێ دكه‌ت ده‌ستهه‌لاتێن ئابووری ل كوردستانێ وه‌ربگریت و هه‌موو ده‌ستهه‌لات ل به‌غدا بیت.
هه‌مان مامۆستا ئاشكراكر كو پێدڤیه ئه‌ندامێن په‌رله‌مانێ عیراقێ پشكا كوردان گوتاره‌كا ئێكگرتی هه‌بیت و داخویانیێن وا كاریگه‌ریێ ل سه‌ر بۆچوونێن وه‌لاتێن بیانی ژی دكه‌ن ل سه‌ر ملله‌تێ كورد كو كورد ئه‌گه‌رێ هه‌بوونا ئاریشا نه ل عیراقێ و ئه‌ڤه دبیته ئه‌گه‌ر پشته‌ڤانیا ده‌رڤه بۆ كوردان كێم بیت و دڤێت ئه‌و ئه‌ندام په‌رله‌مان هه‌ستێ به‌رپرساتیێ زێده‌تر هه‌بیت.
نەتەوێن ئێکگرتی ل دۆر رەوشا عیراقێ هۆشداریێ ددەت
ئەڤرۆ نیوز:
جینین پلاسخارت نوونەرا تایبەت یا سکرتێرێ گشتی یێ نەتەوێن ئێکگرتی ل عیراقێ راگەهاند کو هەتا نها ژی کابینا نوو یا حوکمەتا عیراقێ نەهاتیە ئاڤاکرن و گەلەک ئاریشێن مەزن ژی ل عیراقێ هەنە.
ناڤهاتیێ هۆشداری دا ئالیێن سیاسی یێن عیراقێ کو هەکە د زووترین دەم دا رەوشا هەی نەهێتە چارەسەرکرن دێ عیراق بەر ب چارەنڤیسەکێ نەدیار ڤە چیت و دڤێت ئالیێن سیاسی چارەسەریەکێ بۆ رەوشا نها یا ئالۆز پەیدا بکەن.
ساخلەمیا سۆران هۆشداریێ ددەتە وەلاتیان
ئەڤرۆ نیوز:
د. کاروان جەمال رێڤەبەرێ ساخلەمیا سۆران راگەهاند کو هژمارا تووشبوویێن ب کۆرۆنایێ ل سۆران زێدەتر دبن و ئەو یەک ژی کارێ کارمەندێن ساخلەمیێ و ئالیێن پەیوەندیدار زەحمەتتر لێ دکەت و ژ بەر هندێ ژی دڤێت وەلاتی پێگیریێ ب رێنمایان بکەن.
ناڤهاتی راگەهاند کو مخابن د ماوەیێ چەند رۆژێن بۆری دا ٢٠ حالەتێن تووشبوویێن کۆرۆنایێ ل سنورێ سۆران هاتینە تۆمار کرن و ئەو یەک ژی مەترسیەکا مەزن بۆ هەموو وەلاتیان ل سۆران و دەوروبەرێن وێ دروست دکەت و دڤێت وەلاتی ژی پێگیریێ ب رێنمایان بکەن.
وه‌زاره‌تا ساخله‌می 39 رێنمایێن نوو بۆ ده‌ستپێكرنا ده‌وامێ به‌لاڤكرن
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ 39 رێنمای به‌لاڤكرن كو تێدا رێ و ئاوایێن خۆ پاراستنێ بۆ ده‌ستپیكرنا دواما فه‌رمی دیاریكرینه.
لگۆری نفیسارا وه‌زاره‌تا ساخله‌میا حكومه‌تا هه‌رێما كوردستانێ 29/4/2020ده‌ركه‌تینه، ئاماژه ب وێ چه‌ندێ دایه كۆ ب كۆمه‌كا رێنمایا ل ده‌مێ ده‌ستپیكرنا ده‌واما فه‌رمی بهێنه بكارئینان، پێدڤیه خشته‌یه‌ك بۆ رێكخستنا دوامێ هه‌بیت و قه‌ره‌بالغی دروست نه‌بیت و فه‌رمانبه‌ر دو مه‌تران ژێك دوور بن، نابیت بۆ به‌رهه‌ڤبوونێ په‌نجه‌موورا گشتی كار پێ بهێته‌كرن و هاتیه ته‌ئكیدكرن فه‌رمانبه‌ر هه‌می ماسكان بكار بینن، نابیت كۆمبوون بهێنه‌كرن خارن بهێته خارن ل ده‌مێ زۆر پێدڤی نه‌بیت پێ، رێك ب سه‌ره‌دانكرنێ نه‌هێته دان.
وه‌زاره‌تا ساخله‌میا حكومه‌تا هه‌رێما كوردستانێ د ئه‌وان 39 رێنمایێن به‌لاڤكرین ته‌ئكید ل سه‌ر پاقژ و بژینیێ و تافێلكرنا فه‌رمانگه‌هێ و ترۆمبێلێن وێ ل گه‌ل ده‌ستشیتنا به‌رده‌وام و دانانا هه‌وا گوهوران، هه‌ر فه‌رمانبه‌ره‌كی كوخك و په‌رسیف لێ بوو بلا موله‌تا بهێنڤه‌دانێ بده‌نێ.
راگه‌هاندنا 39 رێنمایێن نوو یێن وه‌زاره‌تا ساخله‌میێ كۆ ئیمزایا د.سامان به‌رزنجی ل سه‌ره و ئه‌ڤ چه‌نده بۆ خو پاراستنێ یه رێگرتنه ژ ڤایرۆسی.
بھایێ پتڕۆل دێ بلند بیت
ئەڤرۆ نیۆز، قائید میرۆ:
بھایێ پتڕۆلێ داکەتیە و چاڤدێرژی وەسا دبینن داکەتنا بھایێ پتڕۆلێ دەمکی بیت بسپۆرەکێ کەرتێ پتڕۆلێ ژی پێشبینی دکەت، بھایێ پتڕۆلێ بگەھیتە پێنجی دۆلاران.
دکتۆر عەلی بەلو، شارەزایێ کەرتێ پتڕۆلێ بۆ ئەڤرۆ نیۆز دیارکر” داکەتنا بھایێ پتڕۆلێ ددەمێ نوکەدا تنێ ژبەر رەوشا نوکەیا جیھانێ و پێشبینی دھێتەکرن گۆھڕین بکەڤنە بھایێ پتڕۆلێ، ژبەر ئەمریکا رازینابیت ھەتا دەمەکێ درێژ بھایێ پەتڕۆلێ یێ نزمبیت.
ژلایێ خۆڤەژی دکتۆر رۆندک فارس، بسپۆرا ئابووری گۆت” داکەتنا بھایێ پتڕۆلێ بتایبەتی یا تکساس ژبەر نەبوونا کڕیارانە، ئیدی پشتی گرێبەست ھاتینە نۆکرن ھێدی ھێدی بھایێ پتڕۆلێ بلند دبیت.
دکتۆر عەلی بەلو ئاشکراکر” بھایێ ئێک بەرمیلا پتڕۆلێ ئەڤسالەدا دێ بگەھیتە نێزیکی ٥٠ دۆلاران، بەرۆڤاژی داکەتنا بھایێ پتڕۆلێ کاریگەری لسەر ئیفلاسبوونا کۆمپانیێن جیھانی ھەیە.
نيشاندان
WP Facebook Auto Publish Powered By : XYZScripts.com