ئه‌ڤرۆ نيوز:
وه‌زاره‌تا په‌روه‌ردێ ل سه‌ر بريارا جڤاتا وه‌زيران سه‌باره‌ت كێمكرنا بهايێ خواندنێ چه‌ند برياره‌ك ده‌ركرن و بهايێ خواندنا نه‌حكومى ب رێژا 20% كێمكر.
وه‌زاره‌تا په‌روه‌ردێ ئه‌ڤرۆ برياردا بهايێ خواندنێ ل سه‌رجه‌م باخچه و قوتابخانه و په‌يمانگه‌هێن سه‌ر ب وه‌زاره‌تا په‌روه‌ردێ ڤه ب رێژا 20% كێم بكه‌ت.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 11ى شوباتا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1240 |
| 1 يۆرۆيێ ئه‌ورۆپى | 1380 |
| 1 ليرێ توركى | 420 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز:
رێڤەبەریا گشتی یا رەوشەنبیری و ھونەری ل پارێزگەھا دھۆکێ، ئەڤرۆ پێنج شەمبی 11/2/2016 ێ، بریاردا چەندین رێڤەبەریێن ب سەرڤە تێکھەل بکەت وەکو دەست پێشخەریەک بۆ بجھئینانا پلانێن چاکسازیێن حوکمەتا ھەرێما کوردستانێ.
ل دووڤ بەرپەرێ رێڤەبەریا گشتی یا رەوشەنبیری و ھونەری ل سەر تۆرا فیسبووکی، رێڤەبەریا چالاکیێن ویژەیی دێ چیتە ب سەر رێڤەبەریا سەنتەر و تیپێن ھونەری ڤە، ھەردو رێڤەبەریێن مەحفیرێن دەستکرد و ھونەرێ گرافیک دێ چنە ب سەر رێڤەبەریا شێوەکاری ڤە، رێڤەبەریا ھونەرێ کلتۆری دێ چیتە ب سەر رێڤەبەریا ھونەرێ مللی ڤە.
رێڤەبەریا گشتی یا رەوشەنبیری و ھونەری، بریار ژی دا، ئەو رێڤەبەریێن د ئاڤاھیێن ب کرێ ڤە وەکو رێڤەبەریێن( ھونەرێ شانۆیێ، ھونەرێ سینەمایێ، رەوشەنبیریا زارۆکان، سەنتەر و چالاکیێن ویژەیی) بھێنە ڤەگوھاستن بۆ ئاڤاھیێ رێڤەبەریا گشتی یا رەوشەنبیری و ھونەری ل ئێتیتێ.
ئه‌ڤرۆ نيوز:
ئه‌ندامه‌كێ لژنا قانوونى ئاشكه‌را دكه‌ت كو هنده‌ك لايه‌ن سه‌خته‌كاريێ د فورمێن ئاهێن خوارنێ يێن وه‌لاتيان دا دكه‌ن بۆ هه‌لبژارتن و ژمارا وه‌لاتيان ب ره‌نگه‌كێ نه‌يێ قانوونى زێده بوويه.
حه‌سه‌ن تۆڕان، ئه‌ندامێ لژنا قانوونى ل جڤاتا نوونه‌رێن عيراقێ د كۆنگره‌كێ رۆژنامه‌ڤانى دا راگه‌هاند: ژ ئه‌گه‌رێ خرابيا كاودانێن ئه‌منى و سياسى ب ره‌نگه‌كێ به‌رچاڤ ژمارا وه‌لاتيێن عيراقێ زێده كريه و ئه‌ڤه جهێ گۆمانێ يه.
تۆڕان گۆت: “رێژا وه‌لاتيان 5% زێده كريه، ئه‌و رێژا زێده ژى ل چو وه‌لاتێن جيهانيێ يێن دونيايێ نينه و هه‌ڤدژى وێ چه‌ندێ ژى پيڤه‌رێن ژمارێن خۆجهايه”.
ئه‌و ئێك ژى ئاشكه‌را كر كو د د ده‌مه‌كى كاودانێن ئه‌منى يێن شه‌ر و كوشتنێ و ژماره‌كا زۆرا وه‌لاتيان دمرن، به‌لێ ناڤێن وان د تۆمارێن ده‌نگه‌ران و فورمێن ئاهێن خوارنێ دا يێن هه‌ين، هه‌ڤدژى ڤێ چه‌ندێ ژمارا وه‌لاتيان ب ره‌نگه‌كێ نه‌يێ قانوونى زێده دبن.
حه‌سه‌ن تۆڕان داخواز ژ حوكمه‌ت و لايه‌نێن په‌يوه‌نديدار كر كو كارێ جدى بكه‌ن بۆ رێگريگرتن ل سه‌خته‌كاريكرنێ د فورمێن ئاهێن خوارنێ دا و زيانگه‌هاندنێ ب پرۆسه‌يا سياسى.
ئه‌ڤرۆ نیوز ، نه‌وزاد زاده هلۆرى:
ئه‌گه‌رێن وه‌ریانا پرچێ كێمیا و بلندوبنا جیوه‌یى و شه‌كرێ یه د له‌شى دا ، و ئه‌و خوارنێن كو بو ساخله‌میا پرچێ خرابن ئه‌ڤه‌نه.
1- خوارنێن گازى
خوارنێن گازیێن وه‌كو بیبسى و فانتا و جوریێن دن ژ ئه‌گه‌را زورى یا شه‌كرێ دبیته سه‌ده‌ما وه‌ریانا پرچێ.
2- شه‌كر
شه‌كر ئه‌گه‌ره‌كا دن یا وه‌ریانا پرچێ یه ، و پروتین ئێكه ژ پێدڤیێن سه‌ره‌كیێن پرچێ و دبیته سه‌ده‌ما رێگر بو گه‌هشتنا ئه‌ڤان پروتینا نبۆ پرچێ ، و خوه ژ خوارنا نه‌پێدڤى یا شه‌كرێ دویر بكه.
3- ئارێ سپى
ئارێ سپى زور جار ل گه‌ل شه‌كرێ دا دهێته خوارن وه‌كو شیرینى یان نانێ سپى ، و هه‌روه‌سا ماكه‌رونیێن سپى و نیشتاسته د له‌شى دا دگوهرین بو شه‌كرێ و دبیته سه‌ده‌ما ئه‌گه‌را ته‌نگ بوونێ و لاوازبوونا پرچێ ، و مفاى ل نانێ جه‌هى یان ئارێ بور وه‌ربگره ژ بوو خوارنێ.
4- خوارنێن كحولى
كحول دبیته سه‌ده‌ما كێمبوونا مژینا مادێن زینك كو ئێكه ژ مادده‌یێن كانزایێن پێدڤیێن ساخله‌میێ و گه‌شه‌پێدانا پرچێ ، و هه‌روه‌سا دێ بیته سه‌ده‌ما هشكبوون و شكه‌ستنا مویان ، و كحولێ كاریگه‌ریێن خراب لسه‌ر پیشتى هه‌نه و دێ بیته سه‌ده‌ما هندێ كو روخسارێ مرۆڤى پرت پرت ببیت و ل ژیێ خوه ده‌ربكه‌ڤى.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئه‌ينى رێكه‌فتى 12ى شۆباتا 2016ێ دێ ئه‌وره‌كێ كێم ل ئه‌سمانى هه‌بيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن دێ ئه‌وره‌كێ كێم ل ئه‌سمانى هه‌بيت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10 كم دا و هنده‌ك و ماوێ ديتنێ ژى دێ 9 بۆ 10كم بيت، پلێن گه‌رمێ ژى دێ د ناڤبه‌را (4 بۆ 13) پلان دا بيت.
ئەڤرۆ نیوز:
رێڤەبەرێ بەنگا ئاڤاھیان ل دھۆکێ بۆ ئەڤرۆ دیار کر کو بەری نوکە دەمێ کارمەندەکێ ئەمنی پێشینا ئاڤاھیان د وەختێ خوە یێ دەستنیشانکری دا نەئینابا زێدەھی دا کەڤیتە سەر، لێ ژ نھا پێڤە و ل دووڤ نڤیسارا ژمارە 45 ل 7/1/2016 بریار ھاتە دان چ زێدەھی نەچیتە سەر.
نافع بامەرنی رێڤەبەرێ بەنگا ئاڤاھیان ل دھۆکێ خویا ژی کر کو پێشینا ئاڤاھیان یێن ھەموو کارمەندێن وەزارەتا ناڤخۆیی و خانەشینی و پێشمەرگە و وەزارەتا پێشمەرگەی و ئەنجومەنێ ئاسایشا ھەرێما کوردستانێ ئەو ژی ب مەرجەکی پێدڤیە ھەر کارمەندەک پەسندەکێ ژ جھێن کارێ خوە بۆ بەنگا ئاڤاھیان بینت داکو قستێن ئاڤاھیان بکەڤنە سەر مووچێ وان و ئێدی زێدەھی نەچیتە سەر و گۆت “ھەر کەسەکێ کارمەندێ ڤان دەزگەھێن ئەمنی بیت پێدڤیە سەرا جھێن کارێ خوە بدەن بۆ دروستکرنا پەسندەکێ ئەو پەسەند بۆ بەنگا ئاڤاھیان بیت داکو پێرابوون بھێنە کرن بۆ برینا قستین پیشینا ئاڤاھیان”.
بامەرنی دیار ژی کر ھەکە مووچە ھەبن دێ قست ژ وان ھێنە وەرگرتن و ھەکە مووچە نەبن کارمەندێ دەزگەھێن ئەمنی زێدەھیا دکەڤیتە سەر پیشینا ئاڤاھیان نادەن و گۆت ژی “ھێشتا ب فەرمی چ نەگەھشتیە بەنگا ئاڤاھیان ل دھۆکێ بۆ راگرتنا پێشینا ئاڤاھیان ژ ھەموو فەرمانبەرێن حوکمەتێ، لێ پێشبینی دھێتە کرن حوکمەت بریارێ بدەت ئێدی چ پێشینە نەھێنە وەرگرتن، ھەتا قەیرانا دارایی چارەسەر دبیت نوکە ئەم زۆر ھەڤکاریا وەلاتیان ژی دکەین، چونکو راستی ژی خەلکی پارە نینە و نەشێت د وەختێ دەستنیشانکری دا قستێن خوە بۆ بەنگا ئاڤاھیان بینن ھەر چەندە نوکە رێژا وەلاتین قستێن ئاڤاھیان ددەن زۆر یا کێم بووی”.
نيشاندان
