ئه‌ڤرۆ نیۆز، قائید میرۆ
ئه‌ڤرۆ ب هاریكاریا سه‌ندیكا پارێزه‌رێن كوردستانێ هه‌شت چالاكڤانێن مه‌ده‌نی ژلایێ پۆلیسێن هه‌ولێرێ هاتنه ئازادكرن.
پارێزه‌ر ئه‌یاد كاكه‌یی، سه‌رۆكێ لقا هه‌ولێرێ یا پارێزه‌ران ب ئه‌ڤرۆ نیۆز راگه‌هاند” پشتی دوهی هه‌شت چالاكڤانێن مه‌ده‌نی ژلایێ هێزێن پۆلیسا لهه‌مبه‌ر په‌رله‌مانێ كوردستانێ هاتینه ده‌سته‌سه‌ركرن، هه‌ر ئێڤاریا دوهی مه وه‌كی سه‌ندیكا ده‌ست بكارێ خوه‌كر و ئه‌ڤرۆ هه‌ر هه‌شت چالاكڤان ژلایێ پۆلیسێن هه‌ولێرێ هاتنه ئازادكرن.
ئه‌ڤرۆنیۆز، سالار دۆسكى:
ئه‌حمه‌د عه‌بدوللا زبێر رێڤه‌به‌رێ راگه‌هاندنێ ل رێڤه‌به‌ریا گشتى یا په‌ره‌ردێ ل پارێزگه‌ها دهۆك بۆ مالپه‌رێ ئه‌ڤرۆ نیۆز ئاشكراركر كو ئه‌ڤرو كومبوونا ئاسایی یا جڤاتا په‌روه‌ردێ ل كوچكا رێڤه‌به‌ریا گشتی یا په‌روه‌ردا پارێزگه‌ها دهوكێ هاته سازكرن كو به‌حسێ ئاریشا پارێن وانه بێژا هاته كرن ژبه‌ر كو ئه‌ڤه بو ماوێ ( 4 ) هه‌یڤانه نه‌هاتینه مه‌زاختن وبریار هاته دان، داخاز ژ پارێزگه‌رێ دهوكێ و وه‌زیرێ په‌روه‌ردێ ببهێته كرن بو دیتنا چاره‌سه‌رییه‌كا بله‌ز ومه‌زاختنا پارێ وانه‌بێژا ، دیسا پشتی پارێزگه‌رێ دهوكێ داخازا ئاماره‌كێ ژ رێڤه‌به‌ریا گشتیا په‌روه‌ردێ كرى بریار هاته دان بزویترین ده‌م ئاماره‌ك بهێته ئاماده‌كرن سه‌باره‌ت وان ماموستایێن هاتن وچوونێ بو ژده‌رڤه‌ی باژێری دكه‌ن وپشتی بدوماهی دهێت بهێته ره‌وانه‌كرن بو كارگێریا پارێزگه‌ها دهوكێ بۆ دیتنا چاره‌سه‌رییه‌كێ بۆ ماموستایێن هاتن وچوونێ دكه‌ن كو نێزیكی ( 2000 ) ماموستانه‌و داخاز هاته كر ن كو ئه‌و ئه‌زموونێن زانستی یێن ( تێست – TEST ( كو سالانه بو قوتابیێن پولێن ( 6 -8 ) بنه‌ره‌تی و ( 11 ) ئاماده‌یی دهێنه كرن و ژبه‌ر كاودانێن نوكه وقه‌یرانا دارایی چاڤ خشاندنه‌ك ژلایێ وه‌زاره‌تێ لسه‌ر ڤێ بریارێ بهێته كرن.
ل دووماهیێ كومبوونێ جاره‌كا دی دووپاتى ل سه‌ر وێ یه‌كێ كر كو ده‌رگه‌هێ قوتابخانا ب هیچ ره‌نگه‌كی ناهێنه گرتن وروژانه ده‌وام دێ هێته كرن و ئه‌ڤ بریاره ده‌مكی نه ( وه‌ختی ) نه وهه‌ر وه‌خته‌كێ كاودان ئاسایی بون ده‌واما ماموستایان ژی وه‌كی جاران دێ ئاسایی بیت.
ئه‌ڤرو نیوز،بارزان مزوورى
عه‌مید فه‌همى ئه‌حمه‌د،فه‌رماندێ سوپایێ 3 یێ زێره‌ڤانى بو مالپه‌رێ ئه‌ڤرو دیار كر كو كو داعش شیانێن شه‌رى نه‌مایه و هه‌موو جورێن ته‌كتیكا به‌رامبه‌رى پێشمه‌رگه‌ى ئه‌نجام دایه و پێشمه‌رگه‌ى سه‌ركه‌فتن ب سه‌ر وان ته‌كتیكا وان ئینایه و ئه‌و شكه‌ستى نه و گۆت: دوماهى ته‌كتیكا وان نها رابووینه ئه‌و زیندانیێن ل ده‌ف وان بو ده‌رڤه‌ى باژێرێ مووسل ب گروپ گروپ به‌لاڤكرینه ب مه‌ره‌ما كولانا تونێلێن بن عه‌ردى و ب شه‌ڤ و روژ كارى ب وان زیندانیا دكه‌ن.
ناڤبرى دیار كر كو ئه‌و تونێلێن دهێنه كولان ژ ترسێن پێشمه‌رگه‌ى و فروكه‌یێن هه‌ڤپه‌یمان دكولن چونكو روژانه پێشمه‌رگه ب چه‌كێ گران ل به‌ر وان راوه‌ستیایه و هه‌ر لڤینه‌كا دكه‌ن پێشمه‌رگه وان گوله‌باران دكه‌ت ،
ئه‌ڤرۆ نيوز:
كومبوونا كوميتا كاراكرنا په‌رله‌مان و حكومه‌تێ كو ل مه‌كته‌با سياسى يه‌كگرتووى ئيسلامێ كوردستان هاتيه ئه‌نجامدان، ب دووماهى هات و ل سه‌ر وێ يه‌كێ رێككه‌ڤتن كو سه‌ره‌دانا گۆران بكه‌ت و په‌رله‌مانى كارا بكه‌ن.
ئه‌ڤرۆ ئێكه‌م كومبوونا كوميتا كاراكرنا په‌رله‌مان و حكومه‌تێ ل مه‌كته‌با سياسى يا يه‌كگرتوو ب به‌رهه‌ڤبوونا نێچيرڤان بارزانى و رۆژ نوى شاروه‌يس و عومه‌ر محه‌مه‌د ژ يه‌كگرتوويا ئيسلامى و د.فوئاد حسێن سه‌رۆكێ ديوانا سه‌رۆكايه‌تيا هه‌رێمێ برێڤه‌چوو.
مه‌لا به‌ختيار به‌رپرسێ ده‌سته‌يا كارگێرى يا مه‌كته‌با سياسى يا ئێكه‌تيا نيشتمانيا كوردستان راگه‌هاند ئێكه‌م لايه‌ن كو دێ سه‌ره‌دانا وان ده‌ن دێ بزاڤا گۆران بيت و پاشى كومه‌ل و لايه‌نێن ديتر.
ئەڤرۆ نیوز، زنار تۆڤی:
دەرھێنەر و سینەماکارێ کوردێ مەزن یەلماز گۆنای سەرھاتیەکا ژیانا خۆ ڤەدگۆھێزیت دەمێ قوتابی ل وەلاتێ تورکیا و دبێژیت،دەمێ ئەز قوتابی ل قوناغا سەرەتایی ل قوتابخانێن تورکی،دەمێ ماموستایەکێ پۆلێ زانی ئەز کوردم،وی ماموستای ددانا من خۆ ھەکە من پرسیارا وی بەرسڤ دابا یان ژی بەرسڤ نەدا با.
پشتی من خواندنا خۆ بدوماھی ئینای و ئەز دەرچوویم،من دەست ب چێکرنا فلمان کر،من گۆە لێ بوو کو ئێشا پەنجەشێرێ یا ھاتیە وی ماموستای،لێ من ھەمی داھاتیێ وی فلمی بۆ چارەسەریا وی ماموستای مەزاخت،لەورا ھەمی ھەڤال و ئەو کەسێن ئەز نیاسیم حێبەتی مان.
گۆنای دبێژیت،من گۆتە وان ئەڤ کارە نە کارێ مرۆڤایەتیێ و (زەمیریە)،لێ من دڤیا ئەو ماموستا شەرم ژ نەفسا خۆ بکەت،ھەروەسا بزانیت کو کورد نە گیانەوەرن،لێ وان شیانێن ژ وان مەزنتر ھەنە بۆ لێبۆرینێ.
ئەڤرۆ نیۆز، قائید میرۆ:
پەرلەمانتارەکێ پارتی ئاشکراکر، شاندێ ھەرێما کوردستانێ لسەر داخوازا ئەمریکا سەرەدانا بەغدا کریە و بدەستێ ڤالاژی ڤەگەڕیایە.
شاخەوان عەبدولا، پەرلەمانتارێ پارتی لپەرلەمانێ عێراقێ ب ئەڤرۆ نیۆز راگەھاند” سەرەدانا شاندێ ھەرێما کوردستانێ بۆ بەغدا لسەر پێشنیارا ئەمریکایە و کارەکێ باشبوو، ژبەرکو ئەمریکا ئەف داخوازکریە و ئیدی حوکمەتا ھەرێما کوردستانێ تۆمەتبارنابیت ب تێکچوونا پەیوەندیێن دگەل بەغدا.
شاخەوانی گۆتژی” بەری شاندبچیت بۆمن داخویانی داینە کەنالێن راگەھاندنێ کو شاندێ ھەرێمێ دێ ب دەستێ ڤالا ڤەگەڕیت و نوکەژی ئەز یێ رژدم لسەر بۆچوونا خوە، ژبەرکو بەغدا ناخوازیت ئاریشەیێن دگەل ھەرێما کوردستانێ بھێنە چارەسەرکرن.
ئەڤرۆ نیۆز، قائید میرۆ:
ھژمارەک دەزگەھێن راگەھاندنێ بەلافکریە ئەڤرۆ ل میحوەرێ مەخموور ھژمارەک گوندێن بن کۆنتڕۆلا داعش ژلایێ حەشدا وەتەنی و پێشمەرگەی ھاتینە ئازادکرن.
ئەحمەد ئەنوەر، پەیڤدارێ میحوەرێ مەخموور ب ئەڤرۆ نیۆز راگەھاند” کو راستە ئەڤرۆ شەڕۆ پێکدادان ل میحوەرێ مەخموور چێبوویە دناڤبەرا داعش و ھێزێن ئەمنی، بەلێ چو گوند نەھاتینە ئازادکرن.
ئەنوەری گۆتژی” شاشیەک د پلانا ئازادکرنا ئەڤان گونداندا ھەبوو، میحوەرێ مەخموور سبە دێ بفەرمی داخویانیەکێ لدۆر ڤێ چەندێ بدەت.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 1ى شوباتا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1243 |
| 1 يۆرۆيێ ئه‌ورۆپى | 1345 |
| 1 ليرێ توركى | 415 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نيوز:
سترانبێژا گەنج لۆکا زاھیر ئاشکەرا کر، ھەتا نوکە چەندین جاران ژ وێ ھاتیە خواستن وەکو ئەکتەر پشکداریێ د فلمێن سینەمایی یێن کوردی دا بکەت، لێ ئەو رازی نەبوویە، و دبێژیت: ھەتا دمرم دێ بەس سترانان بێژم.
ناڤھاتیێ گۆت: دەمێ من دەست ب ھونەری کری، من سترانگۆتن ھەلبژارت، و سوپاس بۆ خودێ و ھەموو ئەو کەسێن ھاریکاریا من کرین، ئەڤرۆ ئەز خوە ب سترانبێژ دبینم، لەورا من ل بەرە نینە ژبلی سترانان چو کارێن دی بکەم.
ھێشتا گۆت: راستە ئەڤ داخوازە ژ من ھاتیە کرن، لێ ئەز رازی نەبوویمە، چونکو کارێ من نە ئەکتەری یە.
ل دۆر نووترین کارێ خوە یێ ھونەری گۆت: ئەلبۆمەکا سترانان یا دقۆناغا تۆمارکرنێ دا، و بتنێ چەند کارێن کێم ماینە، لێ ژبەر کاودانان ئەڤە دەمەکە مە راگرتیە، و ھیڤیا من ئەوە ل دو ھەڤێن بھێن ب دووماھی بینم، و بۆ نەورۆزێ بەلاڤ بکەم.
نيشاندان
