ئهڤرۆ نيوز:
رێڤهبهريا چاڤدێريا بازرگانى راگههاند كو ئهڤرۆ رێكهفتى 26ى كانوونا دويێ يا سالا 2016ێ بهايێ دراڤى ل بازارێن پارێزگهها دهۆكێ ب ڤى رهنگێ ل خوارێ يه:
| 1 دولارێ ئهمريكى | 1242 |
| 1 يۆرۆيێ ئهورۆپى | 1340 |
| 1 ليرێ توركى | 410 |
بۆ وهرگرتنا نووترين پێزانينان ل سهر رهوشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب رهنگهكێ بهردهوام سهرهدانا مالپهرێ ئهڤرۆ نيوز www.evronews.net بكه.
ئهڤرۆ نيوز، نيوار محهمهد سهليم:
رێڤهبهرێ سهخبێركرنا رێك و پرا ل پاێزگهها دهۆكێ راگههاند كو ژ ئهنجامێ وێ پێلا بهفر و بارانێ يا ب سهر پارێزگهها دهۆكێ دا هاتى بۆ ماوێ سێ رۆژايه بهردهوام رێيێن سهرهكى يێن سهر ب پارێزگهها دهۆكێ ڤه ڤهدكهن.
ئهندهزيارێ شارهزا، ديوالى حهمێ بريندار، رێڤهبهرێ سهخبێركرنا رێك و پرا ل پاێزگهها دهۆكێ، بۆ ئهڤرۆ نيوز گۆت: “ژ دهسپێكا ڤێ حهفتيێ وهره پێلهكا بهفر و بارانێ يا ب سهر ههرێما كوردستانێ و پارێزگهها دهۆكێ دا هاتى و ژ ئهنجامێ وێ چهندێ ژى بهردهوام رێ دهێنه گرتن”.
زێدهتر گۆت: “د ماوێ بۆرى دا، ههر رێيهكا سهرهكى يا پارێزگهها دهۆكێ زێدهترى سێ جاران هاتيه رامالين، بهلێ جارهكا دى بهفر دگريته ڤه”.
دهربارهى رێيێن نوكه هاتينه ڤهكرن ژى دا زانين كو نوكه رێيا سهرهكى يا پارێزگهها دهۆكێ بۆ زاويته و سووارهتووكا و سهرسنگ و ئامێديێ و ههتا دگههيته گهليێ بالندا ژى يا ڤهكريه. ژ دهۆك ههتا زاخۆ و باتيفا و بێگۆڤا و ههتا دگههيته كانى ماسێ ژى يا ڤهكرى يه. رێيا بامهرنێ و دچيت بۆ گهليێ ديهێ بابيرێ و ناڤ بهرواريان و رێيا چهمانكێ ههموو د ڤهكرى نه.
رێڤهبهرێ سهخبێركرنا رێك و پرا ل پاێزگهها دهۆكێ گۆتژى: “ژ شڤێدى وهره گهلهك جهـ يێن قهرسين ژ بهر هندێ ژى هيڤى دكهين كو خهلكێ مه ل دهمێ هاژووتنا ترۆمبێلێ لهزاتيێ ب كار نهئينيت، ههر چهنده ئهمێ ڤێرا دچين و خوێ د رهشينين، لێ ژ بهر كو ب تنێ مه ئاميرهكێ خوێ رهشاندێ ههيه، ئهم ڤێرا ناگههين”.
دهربارهى رێيێن گۆندان ژى گۆت: “نوكه مه رێيێن سهرهكى يێن ڤهكرين و پشتى ڤێ رێ دێ دهست ب ڤهكرنا رێيێن گوندان كهين و ئهوان ژى ڤهكهين”.
ئهڤرۆ نيوز، نيوار محهمهد سهليم:
د روودانهكا ترافيكى دا ل سهر جادا باتيفا بۆ كۆمهلگهها بێگۆڤا و ژ ئهگهرێ بهفر بارينهكا زێده ترۆمبێلهك وهرگريا و چار كهس تێدا بريندار بوون.
ئهفسهرێ مافپهروهر، مهسعود محهمهد عهبدولكهريم، بهرپرسێ بنگههێ هاتنوچوونا باتيفا بۆ ئهڤرۆ نيوز گۆت: “دوهى رۆژا دوشهمبى رێكهفتى 25ى كانوونا دويێ 2016 و ل دهمژمێر 8:00ى شهڤێ ل سهر جادا سهرهكى يا باتيفا بۆ كۆمهلگهها بێگوڤا ژ ئهگهرێ بهفربارينێ ترۆمبێلهكا ژ جۆرێ پيكئاپ نيسان رهنگێ سپى ژ بن كۆنترۆلا شوفێرى دهركهفت و د ئهنجام دا وهرگهريا”.
زێدهتر گۆت: “ژ ئهنجامێ ڤێ روودانێ چار كهس ب سفكى بريندار بوون و زيانێن مادى ب ترۆمبێلێ كهفت”.
ل رۆژانێن بهفر و باران رێژهكا زێده يا روودانان پهيدا دبن، سهرهراى وێ چهندێ كو رێڤهبهريا هاتنوچوونێ بهردهوام هوشداريێ ددهته شوفێران كو ل دهمێ بهفر و باران لهزێ ب كارنهئينن و د هشيار بن و ههكه كارهكێ گهلهكێ گرنگ نهبيت دهرنهكهڤن ب تايبهت رۆژێن بهفر بارين ههى.
![12607232_1124347764252926_2019304160_n [1024x768]](http://evronews.net/ku/wp-content/uploads/2016/01/12607232_1124347764252926_2019304160_n-1024x768.jpg)
![12607232_1124347704252932_802547968_n [1024x768]](http://evronews.net/ku/wp-content/uploads/2016/01/12607232_1124347704252932_802547968_n-1024x768.jpg)
ئهڤرۆ نيوز، زنار توڤی:
پێلەکا سر و سەرمایێ ب سەر دەڤەرا بەرواری بالا دا ھاتیە و بوویە سەدەم کو رێیێن چەندین گوندان بھێنەگرتن و ھاتنوچوون ژی بھێتە راوەستاندن.
وەلاتیێن چەند گوندەکێن دەڤەرا بەرواری بالا بۆ ئەڤرۆ نیوز دانە دیارکر کو ئەڤرۆ سپێدههيا رۆژا سێشهمبى رێكهفتى 26ى كانوونا دويێ 2016 ھەتا نڤیسینا ئەڤی نوچیەیی رێیا چەندین گوندان ژبەر سر و سەرمایێ جەمدینە و ھاتن و چوون راوەستایە و دەواما چەند قوتابخانە و فەرمانگەھێن میری ژی ھاتیە راگرتن.
نوكه ب چو رهنگهكى د شيان دا نينه دهڤهرێن ڤان گۆندێن سهر ب بهروارى بالان ڤه ژ ئهگهرێ سر و سهقهمێ ژ مالێن خوه ب دهركهڤن، دا كو ژ مهترسيا قهرسينێ رزگار ببن.
ئهڤرۆ نيوز:
وەزارەتا دارایی و ئابووری یا حوکمەتا ھەرێما کوردستانێ بڕیارەکا نوو دەربارەی بلندکرنا پلێن فەرمانبەران دەرئێخستیە و ل گۆرەی وێ بڕیارێ ژی د ئەڤ سالە دا پلێن چو فەرمانبەران ناھێنە بلندکرن.
ئەڤرۆ نیوز، بارزان مزووری:
رائید سەعدون، بەرپرسێ پشکا راگەھاندنا پۆلیسێن قەزا سوران بۆ ئەڤرۆ نیوز ئاشکرا کر کو دوھی پشتی نیڤرۆ 25 کانونا دویێ 2016 ھاتنە ئاگەھدارکرن کو ترۆمبێلەک کەفتیە د ناڤ رووبارێ بێخال دا، “پشتی تیمێن مە گەھشتینە جھێ روودانێ کو ترۆمبێلەک ژ جورێ بیجۆ تایبەت ھاتە دیتن، بەلێ شوفێر ھەتا نھا یێ بێ سەروشوونە”.
ناڤبری دیار کر کو ناسنامێن وی ھاتینە دیتن کو شوفێر ئیرانی یە ب ناڤێ “فەرھاد خەلیل” ل 22 ڤێ ھەیڤێ ھاتیە کوردستانێ ژ ئەگەرەکێ نەدیار کونترۆل ژ دەستا دەرکەفتیە ترۆمبێل چوویە د ناڤ روباری دا.
ئەڤرۆ نیوز: مللەت جەمال:
خشتێ نوبەداریا رادارێن رێڤەبەریا ھاتن و چوونا پارێزگەھا دھۆکێ بو رۆژا سێ شەمبی رێککەفتی 26/1/2016 دێ بڤی رەنگێ خوارێ بن لسەرانسەری پارێزگەھا دھۆکێ:
لناڤ سەنتەرێ باژێرێ دھۆک دێ بڤی شێوەی بن:
دانێ سپێدێ : 1- جاددا بارزان نێزیک قایمقامیێ
دانێ سپێدێ : 2- جاددا زرکا نێزیک گولخانا مالتا
ب شەڤ : 3- جاددا قازی محەمەد نێزیک یاریگەھا برا
ب شەڤ : 4- جاددا شەھیدێن ئێکی شواتێ نێزیک ھۆلا دیلان
رادارێن قەزا شێخان دێ لڤان جھان ھێنە دانان
1- جاددا سەرەکی یا شێخان گوندێ دووشیڤان
2- جاددا سەرەکی یا شێخان نێزیک کومەلگەھا مەھەت
رادارێن قەزا بەردەرەش دێ لڤان جھان ھێنە دانان:
1- جاددا بەردەرەش بو ناحیا کەلەک نێزیک گوندێ گەویلان
2- جاددا بەردەرەش بو ناحیا رۆڤیا نێزیک گوندێ ئامیان
رادارێن قەزا ئاکرێ دێ لڤان جھان ھێنە دانان
1- لسەر جاددا سەرەکی یا رۆڤیا دناڤبەرا زالگەھا ئاکرێ بوو دو ریانا گەرەکا رۆڤیا
2- لسەر جاددا سەرەکی یا میرزەند دناڤبەرا ترافیکا ئازادی بو ترافیکا قەلعێ
رادارێن قەزا سێمێل دێ لڤان جھان ھێنە دانان
1- جاددا سەرەکی یا تەناھی بو سێمێل نێزیک فاملی موول
2- جاددا سەرەکی دناڤبەرا سێمێل بو کومەلگەھا دوومیز
راداراێن قەزا زاخو دێ لڤان جھان ھێنە دانان
1- جاددا نێزیکی گوندێ مەلا عەرەب
2- جاددا سەرەکی نێزیک گوندێ بێرسڤێ
رادارێن قەزا ئامێدیێ دێ لڤانا جھان ھێنە دانان
1- جاددا سەرەکی یا دێرەلوکێ
2- جاددا سەرەکیا دناڤبەرا ئامێدیێ بو دێرەلووک نێزیک گوندێ گوھەرزێ
رادارێن ناحیا زاویتە دێ لڤان جھان ھێنە دانان
1- جاددا زاویتە بو دھوک
2- جاددا ئێتیت بو دھوک
ئهڤرۆ نيوز:
رێڤهبهريا گشتيا كهشناسى و بيڤهلهرزێ ل ههرێما كوردستانێ راگههاند كو ژ ئهنجامێ وێ شهپۆلا بهفر و بارانێ ل ويستگههێن جودا يێن ههرێما كوردستانێ رێژێن جودا يێن باران بارينێ تۆماركرينه و ل هندهكان ژى رێژێن بهفر بارينێ هاتينه تۆماركرن ب تايبهت ل دهڤهرێن چيايى و ب ڤى رهنگێ ل خوارێ:
ئەڤرۆ نیوز:
ل گۆرەی بریارا وەزارەتا خواندنا بلند ل ھەرێما کوردستانێ، خواندنا ئێڤاران و پارالێل بەرامبەر پارەی بۆ قوتابیێن پارێزگەھا دھۆکێ ھاتیە ڤەکرن و ناڤ نڤێسین ھەتا دو رۆژێن دی دێ یا بەردەوام بیت، ب مەرجەکی قوتابی بەری دەست ب خواندنێ بکەت پارێ خوە ھەموویێ بدەت کو کێمترین کۆلیژ ملیۆنەک و 750 ھزار دیناران دێ ژ ھەر قوتابیەکی وەرگریت و ھەتا 10 ملیۆن دیناران ژی دچیت، لێ دوھی رۆژا دوشەمبی پەرلەمانێ کوردستانێ کۆمبوونەک ئەنجام دایە و پێشنیازا کێمکرنا وی بھای کریە.
د. زۆزان سادق تروانشی، ئەندامێ لیژنا پەروەردێ و خواندنا بلند ل پەرلەمانێ کوردستانێ تایبەت بۆ ئەڤرۆ دیار کر، ژ بەر قەیرانا دارایی ل ھەرێما کوردستانێ کو جڤاک ھەموو ڤەگرتیە، دوھی لیژنا وان کۆمبوونەک گرێدا و تێدا ھندەک پێشنیاز ھاتینە نڤێسین بۆ ھندێ پارێ خواندنا ئێڤاران و سیستەمێ پارالێل ل زانکۆیێن ھەرێمێ بھێتە کێمکرن، چونکو رەوشا ئابووری یا ھەموو وەلاتیان تێکچوویە و د شیانێن وان دا نینن بەری دەست ب خواندنێ بکەن وی پارەی ھەموویێ بدەن.
ناڤبریێ ئاماژە دا وێ چەندێ، ئەڤرۆ رۆژا سیشەمبی دێ سەرەدانا وەزارەتا خواندنا بلند کەین بۆ ھندێ وان پێشنیازان ئاراستەی وان بکەین و رازەمەندیێ وەربگرین، چونکو نھا زانکۆیا دھۆک ملیۆنەک و 750 ھزار دینار ڤەبڕی دەستنیشانکرینە و دڤێت بەری قوتابی دەست ب خواندنێ بکەت وی پارەی بدەت و گۆت: مە پێشنیاز کریە بۆ کۆلیژێن مرۆڤایەتی بۆ خواندنا سالەکێ ب تنێ 800 ھزار دینار بھێنە وەرگرتن، بۆ کۆلیژێن زانستی ملیۆنەک و 500 ھزار دینار، بۆ پەیمانگەھان ب تنێ 500 ھزار دینار بھێنە وەرگرتن.
د. زۆزان ئاشکرا ژی کر کو دبیت ئەڤ کێمکرنە یا بەروەخت بیت ھەتا کو رەوشا ئابووری یا ھەرێمێ وەکو بەرێ ڤەدگەریتەڤە و گۆت: ھەتا دو رۆژێن دی ل 28/1/2016 دێ دەرگەھێ تۆمارکرنا قوتابیان ل زانکۆیێن ئێڤاران ھێتە گرتن و کەسێ مافێ تۆمارکرنێ نینە، لەوما نھا کێم کەس ھەنە ملیۆنەک و 750 ھزار دیناران د مالا خوە دا ھەبیت و ژ بەر ڤێ چەندێ ئەڤ پێنگاڤە دھێنە ھاڤێتن.
زێدەتر گۆت: تەوەرێ دی یێ دوھی گەنگەشە ل سەر ھاتیە کرن ئەو بوویە کو پارێ زانکۆیێن ئەھلی ژی ببیتە قست و فشار ل سەر قوتابیان نەھێتە کرن وی پارەی زوو بدەن، ھەرچەندە زانکۆیێن ئەھلی گەلەک دھاریکارن ژی، د دەمەکی دا نھا کورسەکێ خواندنێ ب دووماھی ژی ھات و ھەتا نوکە زانکۆیا نەوروز 90% و زانکۆیا جیھان 98% پارە ژ قوتابیان وەرنەگرتیە و فشار ژی ل سەر وان نەکریە وی پارەی زوو بدەن، ژ بەر کو قەیرانا دارایی یە و ھەموو خەلک تووش بووینە.
ئهڤرۆ نيوز:
رێڤهبهريا كهشناسى و بيڤهلهرزێ ل دهۆكێ راگههاند كو سوبههى رۆژا چارشهمبى رێكهفتى 27ى كانوونا دويێ يا 2016ێ ئهسمان دێ ساهى و هندهك ئهورێن گهلهك كێم بيت و دێ گهلهك سار ژى بيت.
پشكا پێشبينيان ل رێڤهبهريا گشتيا كهشناسى و بيڤهلهرزێ ل ههرێما كوردستانێ د نڤيسارهكێ دا كو دانهك بۆ ئهڤرۆ نيوز رهوانه كرينه راگههاند كو ژ ئهنجامێ هاتنا فشارێن نزمێن دهريا سۆر بۆ سهر ههرێما كوردستانێ دهێته پێشبينيكرن ئهسمان دێ ساهى و هندهك ئهورێن گهلهك كێم بيت و دێ گهلهك سار ژى بيت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژههلات بيت ب رهنگهكى د ناڤبهرا 5 ههتا 10 كم دا و هندهك و ماوێ ديتنێ ژى 8 بۆ 10 كم بيت، پلێن گهرمێ ژى دێ د ناڤبهرا (-3 بۆ 4) پلان دا بيت.
نيشاندان
