ئەڤرۆ:
گولچیێ بەرنیاس یێ ئیتالی و یانا یوڤانتوس جانلویجی بوڤون دیدارەکا خوە دا ل گەل گوڤارا فرانس فتبول دیارکر ھەر ئێک ژ مانوێل نویر یێ ئەلمانی و دی خیا ئیسپانی و کورتوا یێ بەلجیکی ژ باشترین گولچیانە ل سەر ئاستێ جیھان و ئورۆپا لێ ئاستێ ئەوان دێ وی دەمی باشتر دیاربیت ھەکە ھەتا دووماھیا ژیانا خوە بشێت پاراستنا ئاستێ خوە بکەن و ھەر چەندە ھەر ئێک ژ ئەوان شێوازی خوە یێ تایبەت یێ ھەی .
بوڤون ئەوێ خودانێ ١٥٧ یاریێن نیڤدەولی ل گەل ھەلبژارتیێ خوە زێدەتر دیارکر ئەو گولچی دێ یێ سەرکەفتی بیت دەمێ بشێت زێدەتر ژ دەە سالان ئاستێ خوە ل گوپیتکێ پارێزیت و ھەر چەندە دێ گەلەک یا ب زحمەت بیت لێ گولچیێ باش و خودان شیان ئەوە بشێت بۆ ١٠ سالان ئاستێ خوە یێ باش و سەرکەفتی پارێزیت.
ل دووماھیێ گولچیێ خودان شارازا بوڤون دیارکر ھەلبژارتیێ ئیتالیا ھەردەم ئەو ھەلبژارتی یە ب ئارمانجا ھەڤرکی و قارەمانیا پشکداریێ د ھەر قارەمانیەکێ دا بکەت ھەر چەندە کوما ئەوان یا ب زحمەتە لێ ئیتالیا ھەردەم خودانا شێواز و نەخشەیەکێ مەزنە بۆ قارەمانیێن ب ڤی رەنگی یێن مەزن .
ھەژی گوتنێ یە بوڤون ژیێ وی گەھشتی یە ٣٨ سالی و ھەتا نوکە ژی ل چو دەزگەھێن راگەھاندنێ دیارنەکری یە ئەوی ھزر ل ژیانا تەپا پێ کری یە و دیارکری یە ھەر دەمێ ئەو نە ھاتە داخوازکرن بۆ ھەلبژارتیێ ئیتالیا ئەو دێ وی دەمی دەست ژ یاریێن نیڤدەولی بەردەت.

ئەڤرۆ نیوز:
یانا چێلسی یا ئینگلیزی ل سەر داخوازیا راھێنەرێ خوە یێ ئیتالی دەست ب دانوستاندان کری یە ل گەل یاریزانێ ھێلا بەرەڤانیا یانا روما و یاریزانی نیڤدەولی یێ ئەلمانی ئەنتونی رودیگر، رۆژنامەیێن ئیتالی دیارکری یە یانەیا چێلسی یا لەندەنی ٣٠ ملیون یورۆ بۆ ئەڤی یاریزانی بەرھەڤکری نە داکو ل وەرزێ بھێت شیانێن وی ب دەستخوڤە بینت و بھێتە ڤەگوھاستن بۆ ناڤ پێکھاتیێ یانا لەندەنی ل مێرکاتویا بھێت.

ئەڤرۆ نیوز:
ھێرشبەرێ یانا ریال مەدرید کەریم بن زیما بۆ رۆژناما مارکا یا ئیسپانی دیارکر ئەوی ھزر ل چوونا خوە بۆ یانەکا دی نەکری یە ل ماوێ بھێت و ڤی دەمی ژی ژبەرکو ئەو نوکە یل باشترین و ئێک ژ مەزنترین یانا ل جیھانێ کەت ھەر چەندە گەلەک یانە داخوازی ژ ئەوی کری یە ب موچە و ھەڤبەستەکا مەزنتر ژ یا ریال مەدرید لێ پارە ھەر تشت نینە د ژیانێ دا و ھەبوونا وی د پێکھاتیێ یانا مەلەکی دا ژ ھەڤبەستێن مەزن یێن یانێن دی گەلەک مەزنترە.
رۆژناما مارکا ئەو چەندە ژی دیارکری یە ئەڤ داخویانیا یاریزانێ یانا ریال مەدرید بن زیمای بەرپرس و راھێنەرێ یانا مانچستەر یوناید مورینھو بێ ئومێدکری نە ژبەرکو ئەوان کوژمەکێ مەزن یێ پارەی تەرخانکری یە بۆ کرینا بن زیمای ژ ریال بۆ مان یوناید

زاخۆ،ھشیار دوبانکی:
پشتی باری ئابوورێ یێ یانێن ھەرێما کوردستانێ لاواز بوی ژ بۆ پشکداری کرنێ دخولا عیراقێ یا تەپا پێ دا شارەزا و کەسانێن دیڤجوونا وەرزشا ھەرێمێ کەن وەسا دەنە دیارکرن ئەگەر یانێن کوردستانێ پشکداریێ دخولا عیراقێ دا نەکەن دێ بازرگانێن وەرزشی ئەوێن ھەڤپشک ل گەل کارگێریێن یانان بتنێ زەرەمەندبن ئەوێن چەندین سالە ئەو مفای ژ یانێن کوردستانێ وەردگرن
فیسەل محەمەد ئێک ژوان کەسێن بەردەوام دیڤجوونا خولێن عیراقێ و ھەرێمێ کەت دبێژیت:بدیتنامن پشکداریا یانێن ھەرێمێ دخولا عیراقێ دا تنێ مەزاختنا پارایە و یاریزانێن بیانی پتر مفادارن ژ پشکداریا یانێن ھەرێمێ و ھەردیسان ل دەمێ دچنە کەمپێن دەرڤەی وەلاتی ژبەرکو یاریزان دەرڤەی ھەرێمێ پتر ژ یێن کورد ھەر چەندە ئەڤ سالە چەند یانا پشت بەستن ل سەر یایزانێن کورد کرن لێ مخابن چەند یانە ھەر وەکو خوە مان.
ھەردیسان ناڤبری گوت: پشکداریا یانێن ھەرێمێ دخولا عیراقێ دا بتنێ مفا ل ئەوان کەسان دبیت ئەوێن یاریزانا بۆ یانێن ھەرێمێ د ئینت و ھەر یانەکێ رێڤەبەرەکێ تایبەت ھەیە ژ وی پێڤەتر کەس نەشێت یاریزانان بینت و ھەردیسان مفای ژ کەمپێن دەرڤەی ھەرێمێ ژی دبینن و ل چەند یانا ئەو کەس کارمەندێن یانێ ژی نە و مفای ژێ ژ یانێ بخوە وەردگرن ب وێ بازرگانیێ و
داخازێ ژ حکومەتا کوردستانێ کەین بریارەکێ دەریخیت چو یانێن ھەرێمێ پشکداریێ دخولا عیراقێ دا نەکەن .
عەبدولرەحمان سوبحی شروڤەکارێ یاریا تەپا پێ دبێژیت : ئەگەر یانێن کوردستانێ پشت بەستنێ ل سەر خولا کوردستانێ بتنێ بکەن دێ گەلەک باشتر بیت ژبەرکو خولەکا رێک و پێکە و رێکخستنا وێ یا سەرکەفتی یە و ھەردیسان خولا باسکت بولێ ژێ بۆ یانا بھێتە ڤەکرن دێ گەلەک باشتر بیت ژبەرکو ل سەر ئاستێ یانێن کوردستانێ مە یانێن خودان شیان ھەنە ب یاریا باسکت بولێ و تەپا پێ.
زێدەتر ناڤبری گوت: ھەر دەمێ مە پشت بەستن بتنێ ل سەر خولا کوردستانێ کر دێ شین یاریزانێن پیشەکار یێن خودان شیان ل خوە کومکەین و ھەردیسان یانێن عیراقی دێ قەستا ھەرێما کوردستانێ کەن بۆ دانانا کەمپێن راھێنانی و دێ ژلایێ ئابوری ڤە ژێ ھەرێم یا مفاداربیت.

ئەبخازیا ، مللەت جەمال:
پشتی وی ئاستێ باشێ ھەر چار دادڤانێن کورد د قارەمانیا کونیفا دا پێشکێشکری لژنا دادڤانان کو پێک دھێت ژ دو کەسێن سویدی سەرسورمانیا خوە بو ئاستێ دادڤانێن کورد نیشان دا و دیارکر ژ دادڤانێن ھەرە باشێن قارەمانیێ نە ھەتا نوکە
لدور ڤێ چەندێ سەرۆکێ لژنا دادڤانان ل قارەمانیا کونیفا روجێر لوندباک گوت: مە باوەرنەدکر کو دادڤانێن کوردستانێ دێ بڤی ئاستێ باش ھێنە دیتن و ب راستی ھەر یاریەکا ئەم ددەینێ ئەم دزانین دێ ب باشترین شێوە و بێ ئاریشە برێڤەبەن
زێدەتر ناڤبری لدور چانسێ دادڤانێن کورد بو وەرگرتنا یاریێن قوناغێن بھێت گوت: مە بھێزترین یاریا قارەمانیێ کو دناڤبەرا خودانا ئەردی ئەبخازیا و ھەلبژارتیێ ئەرمینیا دابوو داڤانێن کورد و ل قوناغێن بھێت ژی ھەر یاریەکا ئەنجامێ وێ کارتێکرنێ ل ھەلبژارتیێ کوردستانێ نەکەت دێ دەینێ چنکو ھەتا نوکە چوو گازندە لسەر ئاستێ دادڤانیًَن کورد بو مە وەک لژنە نە ھاتینە