ئه‌ڤرۆ نيوز:
د په‌خشێ راسته‌وخودا تووش دبيت
نووترين نووچه
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
- مەسرور بارزانی: پێدڤییە بەرپرسێن پارتی زێدەتر خزمەتا خەلكی بكەن
- هیڤیدارین حوكمەتا فیدرال مووچەی نەكەتە پرسەكا سیاسی
- بەغدا مووچەی وەك كارەتەكا فشارا سیاسی بەرانبەر هەرێما كوردستانێ ب كار دئینیت
- مافێ چارەنڤـیس، مافـەكێ سروشتیێ نەتـەوەیا كـوردە
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
- نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
- سەرۆكێ حوكمەتا هەرێمێ دوپاتیێ ل بهێزكرنا پەیوەندییان ل گەل هندستانێ دكەت
- خسرۆ گۆران: روودانێن دەڤەرێ كاریگەری ل سەر هەلبژارتنێن ئیراقێ نابیت
- نێزیكی 50 هزار تیرۆرست و كەسوكارێن وان مووچەیێ شەهیدان ژ حوكمەتا ئیراقێ وەردگرن
سه‌ره‌كى Facebook
ئێك ژ بهێزترين و مه‌زنترين وه‌لاتێن جيهانێ ژى پشته‌ڤانيا خوه بۆ كوردان دياركر
ئه‌ڤرۆ نيوز:
ماریا زاخارۆڤا پەیڤدارا وەزارەتا دەرڤە یا روسیا ل ئاڤاھیێ وەزارەتا دەرڤە د پرێس کۆنفرانسەکی دا پشتەڤانیا حوکمەتا خوە بۆ کوردان ئینا زمان. زاخارۆڤا ل سەر رەوشا تورکیا راگەھاند کو تورکیا ھەڤکارێ یەکێ یێ تیرۆرستێن داعشێ و کۆمێن سەر ب قاعیدەیە و گۆت: (د دەستێ مە دا بەلگەیێن کو ھاریکاریا تورکیا بۆ داعشێ و قاعیدە دسەلمینن، ھەنە و تورکیا یاریان ب ئاگری دکەت و دڤێت دەستێوەردانێ د رەوشا ناڤخوە یا سووریێ دا نەکەت و جارەکا دی سەروەریا ئاخا جیرانێ خوە بنپێ نەکەت).
ل دۆر رەوشا گشتی یا کوردان و ھەلویستێ روسیا ل ھەمبەر راگەھاندنا دەولەتا کوردی ل ھەرێما باشورێ کوردستانێ ژی زاخارۆڤێ راگەھاند کو کوردێن عیراقێ ل گەل عەرەبان پێکھاتەیا سەرەکینە ل عیراقێ و ھەر دەمێ بریارێ ل سەر ئاڤاکرنا دەولەتەکا سەربخوە وەربگرن ئەو دێ رێزێ لێ گرن و گۆت: (نەتەوا کورد د جۆگرافیا کو نھا تێدا دژیت ب ھزاران سال ھەنە و ھەبوونا وان د ھەموو پشکێن دیرۆکێ دا دیارە و ب سالان بۆ ئازادیا خوە خەبات کرینە و ھەر دەمێ دەولەتا خوە یا سەربخوە راگەھینن ئەم دێ رێزێ لێ گرن و ل دووڤ ھزرا مە مافێ کوردایە ل تورکیا، عیراقێ و سووریێ چارەنڤیسێ خوە دیار بکەن و ئەڤ مافێن وان یێن سروشتینە).
ل سەر شەرێ ل ھەمبەر داعشێ و کۆمێن سەر ب قاعیدە ڤە ژی ماریا زاخارۆڤا راگەھاند کو ھەکە تورکیا، قەتەر و ھندەک وەلاتێن دی ھەڤکاریا وان رێکخستنێن تیرۆرست نەکەن ئەو نەشێن خوە ل سەر پیان رابگرن و درێژە ب کریارێن تیرۆرستی بدەن و گۆت: (مە گەلەک جاران ھۆشداری دا وان وەلاتان دا کو دەست ژ ھەڤکاریا داعشێ و قاعیدە بەردەن و بەنزینێ نەکەنە سەر ئاگری، ژ بەر کو ھەر وەلاتەکێ ئاگری بلند بکەت ئەو ژی دێ تێدا سۆژیت و تشتێ مە ماتمای دھێلیت ئەمریکا، ئورۆپا و نەتەوێن یەکگرتیە ل ھەمبەر تورکیا، قەتەر و ھەڤکارێن دی یێن تیرۆرستان د بێدەنگن).
ل ئالیێ دی رابرت فیسک پەیامنێرێ ناڤدار یێ رۆژناما بریتانی ئیندێپێندێنت ل سەر رەوشا داویا سووریێ و عیراقێ و شەرێ ل دژی داعشێ راگەھاند کو د دەستێ وی دا بەلگە ھەنە کو ھندەک ئەندامێن داعشێ ب نھێنی د ناڤ حوکمەت و دەولەتا تورکیا دا کار دکەن و گۆت: (ئەز دێ د دەمەکی نێزیک دا بەلگەیێن د دەستێ خوە دا بۆ رایا گشتی ئاشکرا کەم و دیسان ل ئالیێ دی ھەکە ھندەک وەلات دەستێوەردانێ د کۆنگرێ سێیێ یێ جنێڤێ دا نەکەن ئەز باوەر دکەم دێ چارەکا سیاسی ژ کۆنگرێ دەرکەڤیت و دڤێت د کۆنگرێ دا نوونەرێن رۆژئاڤایێ کوردستانێ، عەرەبێن سوننە و عەلەوی جھێن خوە بگرن و مەرجێ دەست ژ کارکێشانا ئەسەدی ژی نەمینیت و بێی مەرج کۆنگرە بھێتە سازکرن).
ناڤه‌رۆكا كومبوونا نێچیرڤان بارزانى و نوونه‌رێن ماموستایان
ئه‌ڤرۆ نیۆز، قائید میرۆ:
به‌رهه‌م مسته‌فا، ئه‌ندامێ سكرتاریه‌تا ئێكه‌تیا مامۆستایان بۆ ئه‌ڤرۆ نیۆز راگه‌هاند مژارا سه‌ره‌كیا كۆمبوونێ وان ل گه‌ل نێچیرڤان بارزانى سه‌رۆكێ حكومه‌تا هه‌رێمێ پرسا گیرۆبوونا موچێ مامۆستایانه، چونكه هێشتا زۆربه‌یا مامۆستایێن سلێمانیێ نیف موچه وه‌رنه‌گرتینه.
به‌رهه‌می گۆتژی” ئه‌ز یێ گه‌شبینم چاره‌سه‌ریه‌ك بهێته‌كرن، ژبه‌ركو حوكمه‌تێ ژی ئه‌و نیه‌ت نینه موچه‌ی نیڤی بكه‌ت، كۆمبوونا سبه‌ی دێ چاره‌سه‌ریه‌ك هێـته دیتن مامۆستایێن سلێمانیێ و گه‌رمیان بایكۆتێ نه‌كه‌ن و نیف موچێ مایژی بهێته مه‌زاختن، هیڤیدارین ئه‌ڤ پرسه بهێته ئێكلاكرن و رۆژا 26ی هه‌یڤێ بایكۆت نه‌هێته‌كرن.
ماموستا سوبه چاڤه‌رێ بن، نێچيرڤان بارزانى دێ ل گه‌ل كۆم بيت
ئه‌ڤرۆ نيوز، ره‌وان نهێلى:
ب مه‌ره‌ما ئه‌نجامدانا دانوستاندنان ل دۆر وان بريارێن كو لقێن ئێكه‌تيا ماموستايان ل چه‌ند ده‌ڤه‌رێن سلێمانيێ داين سه‌باره‌ت داخستنا ده‌رگه‌هێن قوتابخانان ، برياره سوبه نێچيرڤان بارزانى سه‌رۆكێ حكومه‌تا هه‌رێما كوردستانێ و جێگرى وى ل گه‌ل به‌رپرسێن 12 لقێن ئێكه‌تيا ماموستايانكوم ببيت.
وه‌هبى يونس سه‌رۆكێ لقێ دهۆك يێ ئێكه‌تيا ماموستايێن كوردستانێ بۆ ئه‌ڤرۆ دياركر ئه‌و بۆ كومبوونا سوبه يا ل گه‌ل نێچيرڤان بارزانى هاتينه داخوازكرن كو برياره ل ده‌مژمێر 10 سپێدێ بهێته ئه‌نجامدان.
برياره پرسا دانا نيڤ موچێ ماموستايان و خرابيا ژيانا ماموستايان ل گه‌ل سه‌رۆكێ حكومه‌تێ بهێته به‌حسكرن و ل دووڤ گوتنا وه‌هبى يونس برياره به‌رى ل گه‌ل سه‌رۆكێ حكومه‌تێ كۆم ببن، ل سكرتاريه‌تا ماموستايان ل هه‌ولێرێ داخوازيێن خوه بكه‌نه ئێك.
ل پرانيا ده‌ڤه‌رێن سلێمانيێ ، لقێن ئێكه‌تيا ماموستايان بريار داينه هه‌تا موچێ وان بدروستى نه‌هێته دان، ئه‌و ده‌رگه‌هێن قوتابخانان ڤه‌كه‌ن و وه‌هبى يونس ره‌ت كر كو ئه‌و چ برياران بده‌ن ل دۆر گرتنا ده‌رگه‌هێن قوتابخانان ل سنورێ پارێزگه‌ها دهۆك.
بۆ وانه ل ئه‌ورۆپا وێنێ ڤێ كچێ بۆ كۆچبه‌ران دهێته نیشاندان
ئه‌ڤرۆ نیوز: ڤه‌ده‌ر ره‌شاڤایی:
ئه‌ڤ وێنێ ڤێ كچێ كو ته‌نۆره‌كێ كورت ل به‌ره و ب پێلاڤا چمك بلند و برێیه‌كا سه‌رنج راكێش روونشتییه، ل ئه‌ورۆپا بۆ كۆچبه‌ران دهێته نیشاندان و بۆ دهێته گۆتن كو “رامانا وێ ئه‌و نینه وێ سێكسكرن دڤێت ”
پشتی و پێلا كۆچبه‌ران بۆ ئه‌ورۆپا و هێرشێن بكۆم یێن سێكسی ژ ئالیێ هنده‌ك كۆچبه‌ران ڤه بۆ سه‌ر چه‌ند ژنێن ئه‌لمانی ل باژێرێ كۆلۆن ل ئه‌لمانیا و چه‌ند ده‌ستدرێژیێن دی ل ئه‌ورۆپا، چه‌ندین ئالییان كورسێن فێركرنا ره‌فتاران ژ ئالیێ سێكسی ڤه بۆ كۆچبه‌ران ڤه‌كرینه.
لیندا هه‌یگن ژ رێكخستیا (هیرۆ) كو به‌رپرسه ژ به‌رهه‌ڤكرنا 40 سه‌دێ یا كورسێن بۆ په‌نابه‌ران دهێنه ڤه‌كرن ل نه‌رویج بۆ رۆژناما (express) یا بریتانی گۆت: ئه‌ڤ كۆرسه بۆ وان كۆچبه‌رانه كو ژ وه‌لاتێن ئیسلامی ل رۆژهه‌لاتا ناڤین و باكۆرێ ئه‌فریقیا دهێن، هه‌كه‌ر كچه‌كێ كوره‌ك ماچی كر یان هه‌مبێز كر رامانا وێ ئه‌و نینه وێ دڤێت ئێكسه‌ر سێكسێ دگه‌ل بكه‌ت، ئه‌ڤه و گه‌له‌ك بابه‌تێن دی كو ل قۆتابخانێن دواناوه‌ندی دهێنه خاندن بۆ كۆچبه‌ران دهێنه نیشاندان، ژبه‌ر كو ئه‌و ژ هنده‌ك وه‌لاتان هاتینه كو كلتۆرێ وان گه‌له‌گ دگه‌ل كلتۆرێ ئه‌ورۆپا یێ جودا یه.
نه‌هـ رێیێن زانایان سه‌لماندی مرۆڤی دلشادتر دكه‌ن
ئه‌ڤرۆ نیوز: ڤه‌ده‌ر ره‌شاڤایی:
مرۆڤ چ جار ژ هزركرن و لێگه‌رییانا دلشادی و كه‌یفخوه‌شیێ ڤه نا وه‌ستیت، ئه‌ڤه چه‌ند رێنه زانایان سه‌لماندینه، بیچه‌كا كه‌یفخوه‌شییا ئه‌م لێ دگه‌رین بۆ مه دابین دكه‌ت.
1- پشكداریكرن د چالاكیێن كلتۆری دا : وه‌ك چوونا پێش یارییه‌كێ ڤه، سه‌ره‌دانكرنا مۆزه‌خانه‌كێ، ئاماده‌بوون ل شانۆگه‌ریا كو یان سمیناره‌كێ، دلێكۆلینه‌مێ دا ل سه‌ر 5 هزار كه‌سانل نه‌رویج ئه‌ڤ یه‌كه هاتییه دیاركرن.
2- نڤیسین و تۆماركرنا بیرهاتن و سه‌ربۆران: جار جار بیرهاتنێن خوه بنڤیسه، یێن خۆش و نه‌خۆش، و پاشی ب بۆرینا ده‌می هندك ژ وان بخوینه، دێ ب ره‌نگه‌كێ نه پێشبینیكری دلخۆشتر و سۆپاسدار تر بی .
3- ئاخڤتنه‌كا ل سه‌ر پێ دگه‌ل كه‌سه‌كێ نه‌نیاس بكه: ل ده‌ڤ كاشێری یان كه‌سه‌كێ خزمه‌ته‌كێ پێشكێشی ته دكه‌ت یان بۆ بێهنه‌كێ ل ده‌ڤ ته دروونیت، گۆتۆبێه‌كا كورت و ب رامان بكه، دێ گێولێ ته خۆشتر بیت.
4- كێمتر بتنێ بمینه: هه‌ول بده گه‌له‌ك نه‌مینه بتنێ، دگه‌ل مرۆڤێن باش گۆتنه‌كا بمفا بكه، هه‌روه‌كی زانایه‌كی پشتی لێكۆلینه‌كا خوه ل دۆر ڤێ یه‌كێ نیڤسی: ژیانا خوه‌ش یا د وێ یه‌كێ دا مرۆڤ یێ جڤاكی بیت و كێم بتنێ بیت، و گۆتن و ئاخڤتێن كوور ل شوونا ئاخڤتنێن ب سه‌رڤه سه‌رڤه بكه‌ت”
5- پاران ل سه‌ربۆران بمه‌زێخه نه ل ماده‌ی: ئه‌م دزانین مه‌زختنان پاران ل سه‌ر سه‌ربۆرێن ژیانێ گرنگتره ژ تشتێن مادی، لێ ئه‌م هه‌رده‌م ماده‌ی د هه‌لبژێرین ژبه‌ركو بۆ مه بساناهی تره ئه‌م تشتێ مادی دگه‌ل پارێ خوه هه‌ڤبه‌ر كه‌ین، و زوو ب زوو مفایێ سه‌ربۆرێ نزانین كو ساخله‌میه‌كا باشتر بۆ مه دئینیت.
6- ئارمانجێن بچیك دانه: بارا پتر ژ مرۆڤان ئارمانجێن مه‌زن ددانن، لێ نزانن بجهئینانا ئارمانجێن بچیك وه‌كی یێن مه‌زن مرۆڤی دلخۆش دكه‌ن بساناهی ترن و كێمتر مرۆڤ پێ تۆشی بێهیڤیبوونێ دبیت، بۆ نموونه هه‌كه‌ر تو شیا بگرنژینا خو كه‌سه‌كی كه‌یفخۆش بكه‌ی دێ تو ژی كه‌یفخۆش بی، تشته‌كێ ئۆتۆماتیكی یه.
7- ته‌ماشای تشتێن جوان بكه: زانایان سه‌لماندییه ته‌ماشاكرنا تشتێن جوان مینا دیزانه‌كا جوان و سه‌رنجراكێش هه‌ستێن نه‌رێنی و نه‌خۆش ل ده مرۆڤی كێم دكه‌ت، هه‌ڤده‌م دلشادی پتر دبیت.
8- فێقی و كه‌سكاتییان بخوه: لێكۆلینه‌ك ل نیوزیله‌ندا لسه‌ر 405 كه‌سان هاته كرن كو گه‌له‌ك فێقی و كه‌سكاتی دخارن دیاربوو كو وان كه‌سان ئاسته‌كێ پتر یێ داهێنان و هه‌ستێن ئه‌رێنی و چالاكییان و ئارمانجێن باش نیشان داییه.
9- گوهداری سترانێن ئارام و بخه‌م بكه: چێدبیت تو بێژی سترانێن بخه‌م مرۆڤی دلخۆش ناكه‌ن، لێ به‌رۆڤاژی مرۆڤ دلخۆش دكه‌ن و زانایان ژی ئه‌ڤ ئه‌گه‌ره دیاركرین:
سترانێن ئارام و بخه‌م مه دبه‌نه ناڤ ئاشۆپه‌كا جوان.
بێهنفره‌هی ژ خه‌ما و دلهینی بۆ مرۆڤی ژێ په‌یدا دبیت.
ده‌ربرینن ژ ئاریشێن مه بخوه و ئه‌م خوه دگه‌ل هه‌ڤبه‌ر دكه‌ین.
ب وێنه: باكووزیر و پێله‌كا بهێز یا به‌فرێ رۆژهه‌لاتا ئه‌مریكا دادپووشیت
ئه‌ڤرۆ نیوز: ڤه‌ده‌ر ره‌شاڤایی:
باكووزیر و پێله‌كا به‌فر و سه‌رمایێ سه‌ر ب ویلایه‌تێن رۆژهه‌لاتا ئه‌مریكا دا گرت و هه‌تا نها 11 ویلایه‌تان بارێ نه‌ئاسایی راگه‌هاندییه و ویلایه‌تا نیویۆرك گه‌شتكرن ل چه‌ند ناوچێن ویلایه‌تێ قه‌ده‌غه‌كرییه، پتری 70 سه‌نتیمان ل هنده‌ك ناوچان به‌فر بارییه و كاریگه‌رییه‌كا خراب ل سه‌ر چالاكیێن بازرگانی كرییه، پتری ده‌هـ كه‌سان د روودانێن ژ ئه‌نجامێ به‌فری روودای هاتینه كوشتن.
شوفێره‌كى گيانێ خوه ژ ده‌ستدا
ئه‌ڤرۆ نيوز:
رائيدێ مافپه‌روه‌ر بێوار عه‌بدوله‌عه‌زيز به‌رپرسێ راگه‌هاندنا به‌ره‌ڤانيا باژێرى ل پارێزگه‌ها دهۆكێ بۆ ئه‌ڤرۆ نيوز گۆت: ئەڤرو 2015/1/23 ل دەمژمێر 1:35 بنگەهێ نزاری یێ بەرەڤانیا باژێرێ دهوکێ هاتنە ئاگەهدارکرن ب هەبونا رووانەکا ترافیکی ل جادا سەرەکی دهوک شندوخا ، پشتی تيمێن مه، گه‌هشتينه جهێ روودانێ، شوفێرێن هەردووو ترومبێلا ما بونە ئاسێ و د ترومبێلێ دا بوون، به‌لێ تیمێن مە شیان لاشێن وان ژ ترومبێلا بینە دەر هەردوو بسلامەت بوون، به‌لێ تا شوفێرەک گەهاندیە نەخوشخانێ گیانێ خو ژ دەست دا و شوفێرێ دی ل بن چاڤدێریا نوژداری دایە.
جۆ بایدن هێرشی په‌كه‌كێ دكه‌ت
ئه‌ڤرۆ نیوز: ڤه‌ده‌ر ره‌شاڤایی:
جۆ بایدن جێگرێ سه‌رۆكێ ئه‌مریكا راگه‌هاند كو پارتا كاركه‌رێن كوردستانێ (په‌كه‌كێ) وه‌كی داعش گه‌فه بۆ توركیا، و خویاكر كو ب كورتی و رۆنی په‌كه‌كێ گرۆپه‌كا تیرۆری یه.
د سه‌ره‌دانه‌كێ دا ل توركیا، بایدن په‌كه‌كێ ئیدانه‌كر و گۆت: بتنێ داعش گه‌ف نینه بۆ توركیا به‌لكو په‌كه‌كێ ژی ب هه‌مان شێوه گه‌فه، ب كورتی و رۆنی په‌كه‌كێ گرۆپه‌كا تیرۆری یه، و كارێن ئه‌و ب به‌رده‌وامی دكه‌ن جهێ ئیدانه‌كرنێ نه”
پێشنيازيه‌كا نوو، دێ گوهۆرين ب سه‌ر نيڤ موچه‌ى دا هێت
ئه‌ڤرۆ نيوز: ره‌وان نهێلى:
مەولود باوەموراد، وه‌زيرێ هه‌رێمێ بۆ كاروبارێن حكومه‌ت و په‌رله‌مانێ ئاماژه ب وێ يه‌كێ كر كو ئه‌ڤرۆ د كومبوونا جڤاتا وه‌زيران دا، پێشنيازه‌كا نوو هاته به‌رچاڤكرن سه‌باره‌ت دانا موچان.
مەولود باوەموراد، وه‌زيرێ هه‌رێمێ بۆ كاروبارێن حكومه‌ت و په‌رله‌مانێ ئاماژه د وروكشوپێ دا ئاماژه ب وێ يه‌كێ هاته كرن كو كێمترين زيان ب موچه‌خوارێن حكومه‌تا هه‌رێمێ بكه‌ڤيت ب تايبه‌ت موچه‌خورێن پله نزم، ژبه‌ر هندێ بريارا دانا نيڤ موچه دێ گوهۆرين ب سه‌ر دا هێن و گۆت: ل دووڤ وى پرۆژێ پێشنياز كرى، ئه‌و كه‌سێ بلندترين پلا موچه‌ى هه‌ى، دێ زورترين كوژمێ پاره‌ى ژێ هێته برين، ئه‌وێن خودانێن موچێن كێمن دێ كێمتر پاره ژێ هێته برين.
نيشاندان
WP Facebook Auto Publish Powered By : XYZScripts.com