ئەڤرۆ نیوز
یانا گەلاتەسەرای یا تورکی حەزا خوە دیارکری یە بۆ ئیمزاکرنا ھەڤبەستا ستێرا بوسنی و یاریزانێ یانا روما ئیدین دزیکو ل مێرکاتویا بھێت ھەڤبەستێ ل گەل ئیمزابکەت و یانا تورکی دەست ب دانوستاندان ژی کری یە ل گەل یانا روما لێ ھەتانوکە نە گەھشتی نە چو رێککەفتنا ژبەرکو یانا روما ١٥ ملیون یورۆ ژ یانا گەلاتەسرای داخوزکری نە ب شێوەیێ فروتنا ڤی یاریزانی لێ یانا تورکی ئەڤ چەندە رەتکری یە کو ب ڤی کوژمی دزیکوی ب کریت و خواستی یە ب شێوەیێ خواستن بھێتە ل گەل ئەوان بۆ سالەکێ.

ئەڤرۆ نیوز،زنار تۆڤی:
ئەڤرۆ رۆژا دوشەمبی ب رەنگەکێ فەرمی یانا دیبۆرتیڤۆ لاکرۆنیا یا ئیسپانی دوورخستنا راھێنەرێ یانێ ئاشکراکر.
لدووڤ بەلاڤکرنا پەیامەکێ ژیانا دیبۆرتیڤۆ و ب بریارا کارگێریا یانێ گرێبەستا فیگتۆر سانجێزێ ئیسپانی و راھێنەرێ ئێکێ یێ وێ یانێ ھاتە ھەلوەشاندن.
ل ڤی وەرزی یانا دیبۆرتیڤۆ یا ئیسپانی د لالیگا ئیسپانی دا پلا پازدێ ب دەستڤەئینابوو پشتی شیای ژ سەرجەمێ ٣٨ یاریان ٤٢ خالان بدستڤە بینیت و مەترسیا دابەزینێ بۆ پلا دویێ ل سەر ھەبوو.
ب ڤی رەنگی ئێکەم راھێنەرێ لالیگایێ ژ پۆستێ وی دھێتە دەرکرن.

ئەڤرۆ، ھشیار دوبانکی:
پشتی قارەمانیا بارزانیێ نەمر ھاتیە رێکخستن ل زاخۆ ب پشکداریا ھژمارەکا تیمێن مللی ل سەر ئاستێ زاخۆ و رۆژانە دو یاری ل یاریگەھا دەلال یا وەرزشی یا یانا زاخۆ دھێنەکرن و بۆ دیڤچوونا یاریکەران یانا زاخۆ لژنەیەک دروستکری یە بۆ دیڤچوونا یاریکەران ژ ئەوان تیمێن پشکدار د قارەمانیێ دا.
ل دۆر ڤێ چەندێ سەکڤان سەعید ریڤەبەرێ تیما تەپا پێ ئەوا پشکدار دخولا ھەرێما کوردستانێ دا دبێژیت : پشتی قارەمانی ھاتیە رێکخستن کارگیریا یانا زاخۆ لژنەیەک پێک ئینا ب مەرەما ھەلبژارتنا ھژمارەکا یاریکەران بۆ تیمێن زاخۆ و تایبەت بۆ تیما زاخۆ یا پشکدار دخولا کوردستانێ کو دڤێ قارەمانێ دا ١٠٥ تیم پشکدارن و دناڤا ئەڤان تیمان دا یاریزانێن خودان شیان ھەنە و دێ چەند یاریزانان ھەلبژێرین بۆ تیمێن لاوان و تیما پشکدار دخولا کوردستانێ دا.
ھەردیسان ناڤبری دیارکر ژی لژنەیا ھاتیە پێک ئینا پێکھاتی یە ژ چار کەسان کو ئەو سەرپەرشتیا وێ لژنەیێ کەن و سێ کەسێن دی ژی خودان باوەرنامە و بسپورن د بوارێ وەرزشێ دا ل گەل دانە.

ئەڤرۆنيوز :

راھێنەرێ عیراقی و یانا دھۆک یێ بەری نوکە سائیر جەسام دیارکر ئەو مەندەھوش بوویە ب وێ رافتارا یانا وی یا ئوردونی بەعقە ب وی کری پشتی چەکەکێ بەنکێ یێ ڤالە دایێ ل بنکا ئوردونی کو وێ یانێ چو کوژمێ پارەی د بنکێ دا نەبوو.
زێدەتر سائیر جەسام بۆ دەزگەھێن راگەھاندنا ئوردونی دیارکری یە ئەو شیا یانا بەعقە ژ مەترسیا داکەفتنێ قورتال بکەت و ل یاریێن قوناغا دوێ باشترین ئەنجام ب دەستخوڤە تومارکرن دخولا ئوردون یا تەپا پێ دا و رێککەفتن ل گەل یانا ئوردونی کر بوو ئەگەر ئەو شیا یانێ دخولێ دا پارێزیت کوژمێ ١٥ ھەزار دولاران پێشکێشی وی بکەت و پشتی وێ یانێ ئەو کوژمە وەکو چەکەکێ بەنکێ دایێ و پاش دیڤچوونا وی چەکی کری یێ ڤالە یە و یانا ناڤبری چو کوژم ل بەنکا ئوردونی دا نەبوون ئەو مەندەھوش بووی ب ڤێ رافتارا یانێ ل گەل وی کری سەرارای ئەوان ئەنجامێن سەرکەفتی ل گەل ڤێ یانێ.

ئەڤرۆ،ھەژار:
راھێنەرێ فەرەنسێ زێدان د ماوەکێ کێم دا شیا ناڤێ خوە د گوپیتکا راھێنەرێن یانێن ئورۆپی دا دیاربکەت پشتی شیای ناسناڤێ قارەمانیا یانێن ئورۆپا قارەمانێن خولا ل گەل یانا مەلەکی ب دەستخوڤە بینت پشتی شیای د یاریا دووماھیا قارەمانیێ دا سەرکەفتنێ ل سەر یانا ئەتلەتیکو مەدرید ب لێدانێن پەنەلتیا توماربکەت.
راھێنەرێ یانا ریال مەدرید زێدان بۆ کەسێ ئێکێ د مێژویا ڤێ قارەمانیێ دا ب سێ شێوە ل گەل یانەکێ سێ جاران ناسناڤێ قارەمانیا چامپیونس لیگ ب دەستخوڤە بینت ئەوژی وەکو یاریکەر ل سالا ٢٠٠٢ دەمێ شیا گولا سەرکەفتنێ ل سەر یانا بایرن لیڤەرکوزن توماربکەت و سالا ٢٠١٤ وەکو ھاریکارێ راھێنەری و ٢٠١٦ وەکو راھێنەر کو بەری نوکە چو کەسان ب ڤی رەنگی سێ جاران ناسناڤ ب دەستخوڤە نەبریە.
زێدان سەرارای ژیێ وی یێ کێم د ژیانا راھێنەریێ دا کو پێنج ھەیڤە ئەرکێ راھێنەریا تیما ئێکێ یا ریال مەدرید وەگرتی یە لێ شیا ئێک ژ مەزنترین قارەمانی و ناسناڤان ل جیھانێ ب دەستخوڤە بینت و ھەردیسان پشتی ئەرکێ راھێنەریا یانا ریال مەدرید وەگرتی گوھورینەکا مەزن د ئاستێ ھونەریێ یانا ریال مەدرید دا پەیدابکەت د قارەمانیا چامپیونس لیگ و خولا لالیگا .
یاریا ئێکێ یانا ریال ب سەرپەرشتیا راھێنەرێ فەرەنسی ل گەل یانا دیپورتیڤو لاکەرونیا بوو دەمێ شیای سەرکەفتنێ ل سەر توماربکەت ب پێنج گولان بێ بەرامبەر ل ٩-١-٢٠١٦ ب ئاستەکێ ھونەری یێ بلند دوێ یاریێ دا پێشکێشکر، خوسارەتیا ئێکێ یا زێدان ل ٢٧-٢-٢٠١٦ بۆ ل گەل یانا ئەتلەتیکو مەدرید ب گولەکێ بێ بەرامبەر کو بەری وێ یاریێ حەفت یاریێن خوە دا زێدان یێ سەرکەفتی بوو پێنج سەرکەفتن و دو وەکھەڤی و کلاسیکویا ئێکێ یا زێدان ل ٢-٤-٢٠١٦ بۆ دەمێ شیای سەرکەفتنێ ل سەر بەرشەلۆنا توماربکەت ل یاریگەھا وێ ب دو گولان بەرامبەر گولەکێ.
زێدان دبیتە یاریزانێ حەفتێ ل گەل یانا خوە ناسناڤێ قارەمانیێ ب دەستخوڤە بینت وەکو یاریزان و راھێنەر کو بەری زێدان ھەر ئێک ژ میگیل مونیوز ل سالێن١٩٥٦-١٩٥٧-١٩٥٨ وەکو یاریکەر و ١٩٦٠-١٩٦٦ وەکو راھێنەر، جیوفانی تراباتونی ١٩٦٣-١٩٦٩-١٩٨٥ و یوھان کرویف ل سالێن١٩٧١-١٩٧٢-١٩٩٣-١٩٩٢ ، فرانک ریکارد ١٩٨٩-١٩٩٠ -١٩٩٥-٢٠٠٦، کارلوس ئەنشلوتی ١٩٨٩-١٩٩٠-٢٠٠٣-٢٠٠٧-٢٠١٤ ، پیپ گواردیولا ١٩٩٢-٢٠٠٩-٢٠١١.