ئه‌ڤرۆ نیوز، ره‌زوان رۆژبه‌یانى
كومیسه‌ر حازم محه‌مه‌د ژ راگه‌هاندنا هاتن و چوونا به‌رده‌ره‌ش بۆ ئه‌ڤرۆ نیوز دیاركر كو ئه‌ڤرۆ ل ده‌مژمێر 1 نیڤرۆ، روودانه‌ك د ناڤبه‌را دو ترۆمبێلێن بارهه‌لگر روودا و د ئه‌نجامدا شوفێره‌كى گیانێ خوه ژ ده‌ستدا و ئێك ژى برینداربوو و هاته ره‌وانه‌كرن بۆ نه‌خوشخانا ته‌نگاڤیا ئاكرێ.
ئەڤرۆ نیوز، ئەیاد بەرواری:
ڕێڤەبەرێ ئاڤدێریێ ل زاخۆ راگەھاند، ژ ئەگەرێ باران بارینێ، ئاستێ ئاڤێ ل ڕووبارێ خابیری مترەک و 40 سم یێ بلند بووی.
سەلمان سندی، ڕێڤەبەرێ ئاڤدێریێ ل زاخۆ بۆ ئەڤرۆ نیۆز گوت” ئاڤا ڕووبارێ خابیری ل زاخۆ ب ڕێژەکا بەرچاڤ یا بلندبووی، ژ ئەگەرێ بارینا بارانێ ل ڤان چەند رۆژێن بۆری”.
سەلمانی گوت ژی” ل 1/1/2016 ێ ئاستێ ئاڤێ ل ڕووبارێ خابیری گەھشتبوو 134 سم کو ڤەرێژا وێ 74 مترێن سێ جارکی بوون د چرکەکێ دا، بەلێ ئەڤرۆ ڕێکەفتی 9/1/2016ێ، ئاستێ بلندبوونا ئاڤا خابیری گەھشتیە 274 سم کو ڤەرێژا وێ 321 مترێن سێ جارکی د چرکەکێ دا دەرباز دبیت”.
ئه‌ڤرۆ نيوز:
به‌رپرسێ په‌يوه‌ندىێن وه‌زاره‌تا ئه‌وقافێ ئاماژه ب چوونا گه‌نجێن كورد بۆ ناڤ داعش دكه‌ت و دبێژيت: “ئێدى كه‌ش ناگه‌هيته داعش و 150 كه‌س ژى يێن ڤه‌گه‌رياين”.
مه‌ريوان نه‌قشه‌به‌ندى، به‌رپرسێ په‌يوه‌ندىێن وه‌زاره‌تا ئه‌وقافێ، بۆ مالپه‌رێ فه‌رميێ پارتى ديموكراتى كوردستان راگه‌هاند: د شه‌ش هه‌يڤێن سالا بۆرى وه‌ره چو گه‌نجه‌ك ل هه‌رێما كوردستانێ نه‌چوويه ناڤ رێزێن داعش و 150 كه‌س ژى ب رێيێن جودا ڤه‌گه‌رياينه و د بن ڤه‌كۆلنيێ دانه”.
به‌رپرسێ په‌يوه‌ندىێن وه‌زاره‌تا ئه‌وقافێ گۆتژى: “ئه‌گه‌رێ نه‌چوونا گه‌نجان بۆ ناڤ داعش په‌يوه‌ندى ب هشياريا خه‌لكى و لادانا مامۆستايێن ئاينى يێن توندره‌و ل مزگه‌فتان ڤه هه‌يه”.
ئاماژه ب وێ چه‌ندێ ژى كر كو هشياريا ده‌زگه‌هێ، ئه‌منى ژى ل ئاستێ تۆڕێن جڤاكى و نه‌هێلانا سانسۆركرنا وان په‌يوه‌نديان كارتێكرنا خوه هه‌بوويه.
نه‌قشه‌به‌ندى نه‌ڤه‌شارت ژى كو پتريا ئه‌و گه‌نجێن كورد يێن گه‌هشتينه داعش يان يێن هاتينه كوشتن يان ژى وان ب خوه يێن كوشتين.
ئه‌ڤرۆ نيوز:
ئه‌ڤرۆ رێكه‌فتى 7ى كانوونا دويێ يا سالا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا به‌ره‌ڤانيا باژێرى راگه‌هاند: شڤێدى ژ ئه‌گه‌رێ بارانا بارينێ چه‌ندين مال بن ئاڤ بوون و زيانێن گيانى ژى ل دووڤ خوه هێلان.
رائيدێ مافپه‌روه‌ر بێوار عه‌بدولعه‌زيز، به‌رپرسێ راگه‌هاندنێ ل به‌ره‌ڤانيا باژێرى ل دهۆكێ بۆ ئه‌ڤرۆ نيوز گۆت: “شه‌ڤا ئه‌ينى رێكه‌فتى 8ى كانوونا دويێ يا 2016ێ ل ناحيا دينارته يا سه‌ر ب قه‌زا ئاكرێ ڤه ژ ئه‌گه‌رێ باران بارينا دژوار چه‌ندين مال بن ئاڤ بووينه و زيانێن مادى و گيانى ژى ل دووڤ خوه هێلاينه”.
مهران لوقمان عوسمان رێڤه‌به‌رێ ناحيا دينارتێ ژى ئه‌ڤ نووچه‌يه راگه‌هاند و ئاماژه ب وێ چه‌ندێ كر كو له‌هيه‌كا مه‌زن رابوويه و چه‌ند مال بن ئاڤ بووينه.
دايه زانين ژى كو گه‌نجه‌كى ژى ژ ئه‌گه‌رێ شورته‌كێ كاره‌بێ گيانێ خوه ژ ده‌ست دا كو خه‌لكێ گۆندێ سه‌رگه‌لێ يێ سه‌ر ب ناحيا دينارته ڤه‌يه.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئێكشه‌مبى رێكه‌فتى 10ى كانوونا دويێ يا 2016ێ دێ ئه‌سمان ئه‌وره‌كێ ناڤه‌ندى بيت ل گه‌ل هنده‌ك ئه‌ورێن سڤك بيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن نزمێن ده‌ريا سپى يا ناڤه‌راست بۆ سه‌ر هه‌رێما كوردستانێ دهێته پێشبينيكرن ئه‌سمان ئه‌وره‌كێ ناڤه‌ندى بيت ل گه‌ل هنده‌ك ئه‌ورێن سڤك بيت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10 كم دا و هنده‌ك و ماوێ ديتنێ ژى 5 بۆ 8 كم بيت، پلێن گه‌رمێ ژى دێ د ناڤبه‌را (5 بۆ 11) پلان دا بيت.
ئەڤرۆ نیوز، نەوزاد زادە:
شڤێدی ل گوندەکێ سەر ب ناحیا مەزنێ یا قەزا مێرگەسوورێ ژ ئەگەرا سوپەیا نەفتێ و نەمانا ئوکسجینێ دوو کەسان گیانی َخوە ژ دەست دا و کەسەک ژی ب گرانی برینداربوویە.
دڤی واریدا غەفور ئەحمەد قایمقامێ قەزا مێرگەسوورێ تایبەت بۆ ئەڤرۆ نیوز گۆت : ( شڤێدی ژبەر سەدەما نەمانا ئوکسجینی َو سوپەیا نەفتێ دوو کەسان بناڤێ غەفور ئەحمەد و خانم غەفور کو دبنە باب ژ ئەگەرا حەندقینێ گیانی َخوە ژ دەست دایە و ئاکنجیێن گوندێ کەڤنە گوندن یا سەر ب ناحیا مەزنێ نە ، و دیسان دایکا کچێ ژی ژ ئەگەرا کارتێکرنا نەمانا ئوکسجینێ نھا ل بن چاڤدێریا چرە و رەوشا وێ نەیا باشە )
گوت : ( ماوەیێ دناڤبەرا روودانێ و پێحەسیانا خەلکی زور بوویە و کەسێ ئاگەھی ل روودانێ نەبوویە و ئەو د خەودا توشی ڤێ یەکێ بووینە ، و تەرمێن ھەردوو قوربانیان بوو نەخوشخانا داد ھاتیە ھنارتن و پەرێن ڤەکولینێ ژی ل بنگەھێ پولیسێن مەزنێ ھاتیە ڤەکرن )
گوتاره‌كه ژ نڤيسينا: بارزان جه‌هوه‌ر
بتنێ هه‌فتیه‌كێ ده‌رگه‌هێ ئیبراهیم خه‌لیل هاته گرتن بهایێ كیلویه‌كا له‌یموونان گه‌هشته 5 هزار دیناران ، و سندوقا لیموونان ژى گه‌هشته 50 هزار دیناران ، و ئه‌ڤه د ده‌مه‌كێ دا بهایێ به‌رمیله‌كا په‌ترولێ ل جیهانێ گه‌هشتیه 37 دولاران كو دبیته 44 هزار دینار ، ئانكو بهایێ له‌یموونان ژ بهایێ په‌ترولێ گرانتره ، و هه‌ر چه‌نده ئه‌ڤ هه‌ردوو د پیڤانێ دا پێكڤه ناهێنه به‌رواردكرن ژبه‌ركو ئێك ب لیترێ یه و یا دن ب كیلویێ ، به‌لێ مه‌ره‌ما مه ئه‌وه كو بۆ درۆستكرنا ده‌وله‌تێ ده‌ركه‌فت كى ژ وان ب بهاتره ؟
ئه‌وا كو حكومه‌تێ خوه توش كریێ ب كولانا بیرێن په‌ترولێ و ئه‌و هه‌موو سه‌رئێشانێن وێ دگه‌ل به‌غدا كرین ل شوونا وێ نیڤا ماندوبوونێ هه‌ڤكاریا كه‌رتێ چاندنێ كربایه باشتر بوو شوونا كو داخوازێ ل ئه‌ردوگانى بكه‌ت بو كیلویه‌كا له‌یموونان.
مرۆڤ بێى په‌ترول دژیت و ژیایه ژى به‌لێ بێى نان ناژیت و دێ ره‌زیل بیت ، و ل بیرا منه سه‌روكێ حكومه‌تێ دگوت : ( ئه‌گه‌ر كابینه‌یا داهاتى وه‌ربگرم دێ كه‌مه كابینه‌یا چاندنێ ) و ل بیرا منه هه‌تا نێزیكا هه‌شت ده‌فته‌رێن دولارى ئه‌گه‌ر شاش نه‌بم ددانه هه‌ر جوتیاره‌كێ هه‌تاكو بكارن بزاڤاخوه‌یا كه‌رتێ چاندنێ پێشبێخن ، به‌لێ وه‌كو هیگل دبێژیت : ( قانون بێ سزا چوو بهایێ خوه نینه ) و ئه‌و قانون و رێنمایێن بو ئه‌وان قه‌یران داناین و كارێ وان یێ دووڤچوونێ چو لى َهات و كى هاته سزادان ؟ ئه‌وێن كو ئه‌ڤ پاره وه‌رگرتى و داعیرایى كه‌س نوزانیت چو لێ هاتن یان كانێ یه به‌رهه‌مێ وان ؟ ئه‌رێ حكومه‌ت بوچى دووڤچوونێ بو ناكه‌ت ؟ ، و چه‌ند كه‌سان لگوندان خانو بۆ درستكرن هه‌تاكو ده‌ست ب چاندنێ و خودانكرنا ئاژه‌لان بكه‌ن ئه‌رێ كانێ یه و چو لێ هاتن و وان چوو چاندى یه ؟ب راستى بێسه‌روبه‌ریه‌كا زور ل ڤێ هه‌رێمێ هه‌یه و ئه‌ڤه زێده‌بارى حكومه‌تێ خه‌تانێن خه‌لكى ژى نه.
بناغێ درۆستكرنا ده‌وله‌تێ بتنێ په‌ترول و غاز نیه ، و هه‌رچه‌نده ئه‌ڤ یه‌ك وه‌كو ژێده‌رێ سه‌ره‌كیێ ب هێزه و د بورى دا و كارتێكرن هه‌بویه لسه‌ر گوهرینا سیاسه‌تا نیڤده‌ولى به‌رامبه‌ر هه‌رێما كوردستانێ ب تایبه‌تى د بابه‌تێن پشته‌ڤانیا راگه‌یاندنا ده‌وله‌ت و هه‌ڤكاریا هه‌رێمێ بو شه‌رێ دژى داعشێ و گه‌له‌ك سكته‌رێن دن ، به‌لێ دڤێت هرز دوێ یه‌كێ ژى دا بهێته‌كرن كو چه‌ندین وه‌لات هه‌نه ئێك دلوپا په‌ترول و غازێ ژى نینه و د رێزا وه‌لاتێن پێشكه‌فتیێن جیهانێ دایه.
ب رامانا هندێ كو ئێك رێزیا چاندنێ هه‌رده‌م دشیاندایه كو ئه‌م بێمه‌نتیێ د به‌رهه‌مێن ده‌رڤه‌دا د بارودوخێن ئالوزى و گرتنا سنووران ل وه‌لاتێن بیانى بكه‌ین شوونا په‌ترول و غازێ ، و مه گه‌رنتیا وزه‌یێ هه‌یه وهه‌رده‌ما مه بڤێت دكارین ده‌ربیین و بفروشین ، به‌لێ به‌رهه‌مێن وه‌كو نان ، ئاڤ ، كه‌سكاتى ، و مێوه ، كه‌رسته‌یێن پێشه‌سازیێ … هتد وه‌كو ژێده‌ره‌كى َدن یێ درۆستكرن و ئاڤاكرنا ده‌وله‌تێ نه و نابیت پشگوه ڤه بهێنه هاڤێتن.
حكومه‌تێ دكارى ئه‌و بودجا هنده‌یا زور كو ژ به‌غدا وه‌ردگرت و ل وێ په‌ترولا د فروتن پێدڤیێن كه‌رتێ پێشه‌سازى و چاندنێ هه‌ند د كه‌رسته‌یێن درۆستكرنێ و هه‌ند ژى د راهێنان و دابینكرنا بسپووران دا دابین كربانه هه‌تاكو توشى ئه‌ڤان رۆژان نه‌بین.
هه‌رێم خودانا زه‌ڤیێن ئێكجار باشه و ده‌ستى َكارى زوره و كه‌ش و هه‌وایێ وێ یێ گونجایه‌هه‌یه بو چاندنێ به‌لێ ب مخابنیڤه چو عه‌قلێن گونجاى نینه ، و كێم خه‌میا هه‌رێمێ بو كه‌رتێ چاندنێ د چاڤدێریكرنا هه‌فتیه‌كا سنووران دا بومه دیاربو .
پرسیار ئه‌وه ئه‌رێ ئه‌گه‌ر زێده‌تر سنوور بهێنه‌گرتن دێ بهایێ كه‌لوپه‌لان و كه‌سكاتى چوو لێ هێت یان ئه‌و حكومه‌تا ب هه‌زاران راوێژكارێن نه شاره‌زا هه‌یى ئه‌رێ بوچى ئه‌و راوێژكار هزرێ د ئه‌ڤان قه‌یرانان دا ناكه‌ت و پرۆژان بو به‌رهه‌ڤ ناكه‌ت ؟ یان ده‌زگه‌هێن مه‌یێن راگه‌یاندنێ هندى ب ئاریشه‌یێن سه‌روكاتیا هه‌رێمێ و په‌رله‌مانى و كێشه‌ێن دن یێن سیاسیڤه مژول بوچى هزر د ئه‌كته‌رناتیف و چاره‌سه‌ریا ئه‌ڤى بارودوخى نه‌كریه ؟ ئه‌رێ كیژان بو ده‌وله‌تێ ب بهاتر و گرنگترن په‌ترول یان له‌یمون.
كورمانجیكرن : نه‌وزد زاده هلۆرى:
نيشاندان