ئەڤرۆ نیوز:
شاندەکێ عیراقێ ب سەرۆکاتیا قاسم ئەعرەجی شیرەتکارێ ئاسایشا نشتیمانی یا عیراقێ سەرەدانا هەولێرێ کریە و ل دۆر چاوانیا بجهکرنا رێککەفتنا شنگالێ یا د ناڤبەرا هەولێرێ و بەغدا دا دێ ل گەل رێبەر ئەحمەد وەزیرێ ناڤخوە یێ حوکمەتا هەرێما کوردستانێ کۆمبیت.
ل گۆر زانیاریان شاندێ حوکمەتا عیراقێ دێ رۆژا پێنجشەمبیێ سەرەدانا مووسلێ ژی کەت.
ئەڤرۆ نیوز، عەلی حاجی:
رێڤەبەرێ ناحیا رزگاری د داخویانیەکێ دا بۆ ئەڤرۆ نیوز دیار کر بۆ دەما سێ ڕۆژانە ژلایێ کومپانیا کاڤین گروپ ڤە دەست ب دروستکرنا سایدەکێ ژ ناحیا رزگاری بۆ زاخۆ هاتیە کرن .
زێدەتر ئەندازیار سەروەر سەعید دوسکی گۆت: (پشتی چاڤەرێبوونەکا درێژ و سەروکێ حکومەتا هەرێما کوردستانێ بەرێز مەسرور بارزانی بریارا دروست کرنا جاددەیا سایدێ ژ ناحیا رزگاری بۆ زاخۆ دەرکری،بۆ دەما سێ ڕۆژایە ژلایێ کومپانیا کاڤین گروپ ڤە دەست ب دروست کرنا وی سایدی هاتیە کرن ب درێژاهیا هەشت کێلومەتر و نیڤان و کوژمێ هەشت ملیار دیناران ژئ بۆ دروست کرنا وێ ژلایێ حکومەتا هەرێما کوردستانێ ڤە هاتینە تەرخان کرن،ل دویف وی دیزاینێ هاتیە دانان دێ د ماوەیێ سالەکێ دا ئەو سایدە هێتە دروست کرن بەلێ ل دویف گوتنێن کومپانیا جێبەجێکار کو وەسا دیار کری یە دێ دماوەیێ دوو هەیڤان دا کارێ خوە ب دوماهی ئینن بەلێ دگەل هاتنا بارانێ د نوکە دا دێ بیتە ئەگەر کو کومپانی بتنێ مفای ژ روژانێن کەش و هەوایێ نورمال ببینن و ئەڤە ژی دێ بیتە ئەگەر ژ دەمێ کومپانیێ دیار کری کو دەما دوو هەیڤایە زێدەتر بچیت،د گوتنێن کومپانیێ دا وەسا هاتە دیار کرن ژی کو ئەو دێ هەمی هێزا خوە ئێخیتە سەر وێ جاددەیێ ژبەر کو هەمی کەل و پەل و ترومبێلێن خوە ئیناینە سەر وێ جاددەیێ دا کو د زووترین دەم دا ب دوماهی بهێت،نوکە دا جاددە هاتیە گرتن و جاددە ژی دێ پیچ پیچە هێتە گرتن ب رەنگەکێ کو ئەو رێکە نەهێتە گرتن دا کو ئاستەنگی بۆ شوفێران دروست نەبیت) .
ناڤهاتی ئەو چەندە ژی خویا کر سایدێ ژ ناحیێ دچیتە باژێرێ زاخۆ دێ ب ئوڤەر پاسا زاخۆ ڤە هێتە گرێدان و ب وی رەنگی چو ئاریشەیێن خرابیا رێیان ل سەر وێ جادەەیا نێڤ دەولەتی نامینن .
ل دووماهیێ ئاشکرا کر پشکەکا جاددەیا ژ ناحیا رزگاری بۆ کومەلگەها دێرەبوونێ دچیت نیڤەرو مابوو نوکە ژی ژلایێ کومپانیەکا پارێزگەها دهوکێ کار تێدا دهێتە کرن و نێزیکی ٨٪ کار تێدا ب دووماهی هاتیە و ب کوژمێ پێنچ ملیار دیناران بۆ جاددەیا نیڤەرو مایی هاتبوونە تەرخانکرن و دشێن بێژین هەر ژ دەروازەیێ ئیبراهیم خەلیل هەتا دگەهیتە نێزیکی تونێلا زاخۆ کو ل دەڤەرێن نێزیکی چیایێ بێخێرێ دا دەرباز بیت دێ بیتە دو سایدی و جاددەیەکا نێڤدەولەتی و ئەڤە ژی دێ خزمەتەکا مەزن ل خەلکێ دەڤەرێ و کەرتێ بازرگانی کەت ژبەر کو ب درێژاهیا وێ رێکێ هەمی هاتیە دوساید کرن.
ئەڤرۆ نیوز:
بۆ جارا ئێکێ ل کوردستانێ پشکا فرۆکەڤانیێ ل زانکۆیا سەلاحەدین ل هەولێرێ هاتە ڤەکرن و وەزارەتا خواندنا بلند ژی راگەهاند کو کۆمپانیا هواوی کو ئێکە ژ کۆمپانیێن مەزن ل جیهانێ چەندین کەرەستە بۆ خواندنا پشکا فرۆکەڤانیێ دابین کریە.
وەزارەتا خواندنا بلند یا حوکمەتا هەرێما کوردستانێ دیار ژی کریە کو ئەو دشێن نها قوتابیان بۆ خواندنا فرۆکەڤانیێ وەربگرن.
ئه‌ڤرۆ نیوز، بارزان مزوورى:
ئیسماعیل ئیبراهیم، رۆژنامه‌ڤان و چالاكڤانێ ئێزدى بۆ ئه‌ڤرۆ نیوز گۆت: حه‌فتیا بورى هێزه‌كا پولیسێن مووسل ب جلكێن مه‌ده‌نى ل مووسل هاته شه‌نگال شه‌ش گه‌نجێن شه‌نگال ده‌سته‌سه‌ركرن ئه‌و هێز سه‌ر ب پولیسێن مووسل بون ،ئه‌ڤه حه‌فتیه‌ك بورى ئه‌و گه‌نجێن ئێزدى نه‌هاتن رزگاركرن ئه‌ڤرۆ ده‌مژمێر 2 پشتى نیڤرۆ رێكه‌فتى16/11/2020 خه‌لكێ شه‌نگال خرڤه‌بوونه‌ك ئه‌نجام دا.
ناڤهاتى خویاكر ئالوزى كه‌فته دناڤ خرڤه‌بوونێ دا ئه‌و كه‌سێن خرڤه‌بووین ئه‌نجام داین هێرش كره سه‌ر زالگه‌ها پۆلیسان و زالگه‌ها پولیسان هاتە سوتن ترۆمبێلێن پولیسان كه‌فتنه ده‌ستێن خه‌لكى دا.
ناڤهاتى گۆت: ل گه‌ل ئه‌فسه‌رێن وان پولیسا ئاخفتینه كۆ هه‌تا سوبه ئه‌و كه‌س بهێن ئازادكرن ئه‌گه‌ر نه‌هێنە ئازاد كرن دێ به‌رده‌وام بن ل سه‌ر خرڤه‌بوونێ.
ئه‌ڤرۆ نیوز، مه‌حمود نهێلى:
سه‌رۆكێ باژێرڤانیا سه‌رسنكێ بو ئه‌ڤرۆ نیوز دیار كر: ژ بو به‌رهه‌نگاربوونا ئاریشه و روودانێن د وه‌رزێ زڤستانێ دا روودده‌ن ئه‌و خوه به‌رهه‌ڤ دكه‌ن و چه‌ندین جهێن مه‌ترسیا هه‌رفینێ ل سه‌ر سه‌خبێكرینه، و ته‌كه‌ز كر، كو ئه‌ڤ رێكاره دێ بنه ئه‌گه‌رێ كێمكرنا روودانێن هاتن و چونێ د وه‌رزێ زڤستانێ دا.
ئه‌ندازیار سه‌رجون خوشابا سه‌رۆكێ باژێرڤانیا سه‌رسنكێ دیار ژى كر: ئه‌و رێكێن ئاڤ دهێته سه‌ر و د زڤستانێ دا دبنه به‌ستى، سه‌خبێركرینه و ره‌خێن چه‌ندین جاده‌یان، جوێن ئاڤ رێژیێ لێ دروست كرینه، بو وێ یه‌كێ روودانێن هاتن و چونێ لێ دروست نه‌بن.
ناڤهاتى دیار كر: كو ئه‌و جاده و كولانێن مه‌ترسیا هه‌رفینێ ل سه‌ر هه‌موو هاتینه سه‌خبێكرن و مه‌ترسیا هه‌رفینێ ل سه‌ر كێم كریه و گۆت: هه‌موو جهێن مه‌ترسیا له‌هیان و رابوونا ئاڤێ ل سه‌ر، هاتینه سه‌خبێركرن و به‌ربه‌رست بو وان جهان هاتینه دروستكرن و دیار كر: ئه‌ڤه دورێن هه‌یڤه‌كێ یه ئه‌و به‌رده‌وامن ل سه‌ر رێكارێن خوه به‌رهه‌ڤكرنێ بو وه‌رزێ زڤستانێ و ته‌كه‌ز كر: كو ئه‌ڤ رێكاره دێ بنه ئه‌گه‌رێ كێمكرنا روودانێن هاتن و چونێ یێن ژ ئه‌گه‌رێ به‌ستى گرتنا جاده‌یان دروست دبوون بتایبه‌تى ژى ل سه‌ر جادا نێزیك ئاشه‌وا .
ئه‌ڤر نیوز، مه‌حمود نهێلى:
رێڤه‌به‌رێ به‌لاڤكرنا كاره‌با قه‌زا ئامێدیێ بو ئه‌ڤرۆ نیوز دیار كر: ژ ئه‌گه‌رێ لێدانا كێبلێ 33 كه‌یڤى یێ هێلا كاره‌بێ ل شێلادزێ ژ كار كه‌فتیه.
ئه‌ندازیار ئارام جه‌لال رێڤه‌به‌رێ به‌لاڤكرنا كاره‌با قه‌زا ئامێدیێ بو دهوك نیوز دیار كر: ژ ئه‌گه‌رێ لێدانا كێبلێ 33 كه‌یڤى ل نێزیك وێسته‌گه‌ها 132 كه‌یڤى ل دێره‌لۆكێ هێلا 33 كه‌یڤى یێ وێستگه‌ها شێلادزێ ژ كار ده‌ركه‌فتیه و بو ماوێ چه‌ندین ده‌مژمێران ناحیا شێلادزێ مایه بێ كاره‌یا نیشتیمانى و گۆت: تیمێن چاككرنێ ل دهوكێ هاتینه و یێن به‌رده‌وامن ل سه‌ر كارێ چاككرنا هێلێ و دووباره ڤه‌گه‌راندنا كاره‌بێ بو شێلادزێ.
ناڤهاتى دیار ژى كر: كو ژ ئه‌نجامێ بارینا بارانێ تیمێن سه‌خبێكرنێ نه‌شیانه ب دروستى كار بكه‌ن چونكه نابیت ئاڤ بگه‌هیته كێبلى ل ده‌مێ چاككرنێ دا و تا كو نهانیه‌ك بو هاتیه دروست كرن كارێ چاكرنێ ، گێرو بو و ناڤهاتى سوپاسا خه‌لكێ شێلادزێ ژى كر، بو هه‌ڤكارى و بهێن فره‌هیا وان دگه‌ل دا تا كاره‌با وان ڤه‌دگه‌ریته ڤه.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٦٥٩ کەسێن دی ل هەرێما کوردستانێ تووشی کۆرۆنایێ بووینە و هەروەسا ٢٣ نەخوشێن کۆرۆنایێ ژی مرینە.
وەزارەتا ساخلەمیێ هەروەسا راگەهاند ژی کو د ماوەیێ ٢٤ دەمژمێرێن بۆری دا ٢٣٢ نەخوشێن کۆرۆنایێ ژی ل هەرێما کوردستانێ ب تەمامی چارەسەر بووینە.
ئەڤرۆ نیوز:
د. جوتیار عادل پەیڤدارێ حوکمەتا هەرێما کوردستانێ راگەهاند کو ئەو پێشوازیێ ل ئاخڤتنێن پەیڤدارێ حوکمەتا عیراقێ دکەن کو دیار کربوو وان رێککەفتن ل گەل حوکمەتا هەرێما کوردستانێ هەیە و دێ ٣٢٠ ملیار دیناران بۆ هەرێمێ هنێرن.
ناڤهاتی ل دۆر ژڤانێ دابەشکرنا موچەی ژی دیار کر کو هەر دەمی بەغدا ٣٢٠ ملیار بۆ هەرێمێ هنارت دێ دەست ب دابەشکرنا موچێ مەها ١٠ هێتە کرن.
ئەڤرۆ نیوز، عەلی حاجی:
بەرپرسێ ناڤەندا بالا ل زاخۆ یا ئێکەتیا لاوێن دیموکراتا کوردستانێ بۆ ئەڤرۆ نیوز ئاشکەرا کر ڤەکرنا خولێن پیشەیی و وەرزشی بۆ گەنجێن دەڤەرا زاخۆ بەردەوام دهێنە ڤەکرن.
زێدەتر حکمەت محەمەد گۆت: (نوکە دا ئەو مژوولی ڤەکرنا خولەکا زمانێ ئینگلیزی نە کو د بەرنامەیێ وان دایە ٣٠ گەنجان ژ کچ و کوران پشکداری وێ خولێ بکەن کو ئەوا بۆ دەما ١٥ روژان دێ یا بەردەوام بیت و هەکە پێدڤی کر ژی دێ بۆ دەما چەند روژەکێن دیتر ژی درێژ کەن،هەر دیسان ل ناحیا رزگاری ژی خولەکا فێرکرنا زمانێ ئینگلیزیێ بۆ هەژمارەکا لاو و گەنجێن وێ ناحیێ هاتبوو ڤەکرن و ب دوماهی هات،هەر دیسان خولەکا فوتسالێ ژی بۆ هەژمارەکا تیمێن سەر ناڤەندا بالا ڤە ل زاخۆ هات بوو ڤەکرن و ئەو قارەمانی گەهشتیە قوناغێن دوماهیێ،د ئەڤ سالە دا مە گرنگی ب خولێن پیشەیی و فێرکرن و وەرزشی دایە پێخەمەتی دروست کرنا دەلیڤەیان بۆ گەنجان دا کو ئەو گەنجە ژی ژلایێ خوە ڤە بشێت داهێنانێ بکەت).
ناڤبری گۆت ژی هەر دیسان هەشت خولێن تەپاپێ نوکە د قوناغێن دەست پێکێ و دوماهیێ دانە و ئەو خول ژی ژلایێ ناڤەندا زاخۆ ڤە هاتینە رێکخستن و ب رێیا ڤەکرنا وان خولێن تەپاپێ ژی هەژمارەکا یاریزانێن باش نوکە پەیوەندی ب رێزێن تیمێن جودایێن یانا زاخۆ کرینە و ئەو خول دبیتە دەرفەتەک بۆ گەلەک یاریزانان بشێن شیانێن خوە دیار بکەن.
نيشاندان