ئهڤرۆ نیوز:
بێوار عهبدولعهزیز، بهرپرسێ راگههاندنێ ل رێڤهبهریا بهرهڤانیا باژێرى ل دهۆكێ بۆ ئهڤرۆ نیوز دیاركر، ئەڤرو رێکەفتی 2015/11/21 ل دەمژمێر 12 پشتی نیڤرو تیمێن بنگەهێ کەمپا دومیز هاتنە ئاگەهدارکرن ب هەبوونا رویدانەکێ ل شارع 25 قاتع 28 ل کەمپا دومیز.
بێوار عهبدولعهزیز دیاركر ژى كو تمێن وان شیان رویدانێ کونترول بکهن و چادرێن دەوروبەر هاتنە قورتالکرن و چ زیانێن گیانی نهبوون.
ئهڤرۆ نیوز: ڤهدهر رهشاڤایی :
رووسیا پێششكێشكرنا سهیهكێ ئهلزاسی بۆ فرهنسا دیاركرییه وهك ههڤخهمیهك پشتی سهیهكێ پۆلیسی د ئۆپهراسیۆنا لسهر تیرۆرستان ل پاریس هاتییه كوشتن.
وهزیرێ ناڤخۆیئ رووسیا ڤلادیمێر كۆلۆكۆلتسێڤ ئاشكرا كر كو وی نامهك بۆ ههڤپایێ خوه یێ فرهنسی بێرنارد كازانۆڤ نڤیسیه و تێدا گۆتیێ كو دێ سهیهكێ رووسیا بناڤێ دۆبرینیا پێشكێشی فرهنسا كهت ، دا شوونا سهیێ فرهنسا دیزێل بگریت پشتی د ئۆپهراسیۆنهكا مهزن دا ل پاریس هاتیه كوشتن.
ناڤهاتی خویاكر ژی كو ئهڤ سهیێ نوو دێ جهێ سهیێ پۆلیسی گریت د ئۆپهراسیۆنێن دژی تیرۆرێ دا و وهك نیشانهكا ههڤخهمییا رووسیا یه بۆ فرهنسا پشتی هێرشێن تیرۆری ل وی وهلاتی پهیدا بووی.
ژیێ سهیێ بناڤێ دۆبرینیا دو مههن و بهری بگههیته فرهنسا دێ پشكنیێن ساخلهمیێ بۆ هێنهكرن.
ئهڤرۆنیۆز، ئهیاد بهرواری
شیرهتكاریا ئهلمانیا ئهنگیلا میركل ل وێ بریارا خوه لێڤهبوو كو ئهلمانیا چو رادان بۆ هژمارا پهنابهرێن دێ پێشوازیێ لێكهت نادانیت.
ئنگیلا میركل شیرهتكارا ئهلمانیا، بهری نوكه داخوازیێن حزبا كریستیانا جڤاكی كو ههڤپشكێ بچووكێ ههڤالبهندا حوكمڕانه ل ئهلمانیا رهتكربوون ل دۆر دانانا رادهكی بۆ هژمارا پهنابهرێن ئهلمانیا وهردگریت.
میركلێ د پهیڤهكێ دا د كونگرێ حزبا زریستیانا جڤاكی یا باڤاری ل باژێرێ میونیخ راگههاند كو ئهو دخوازیت هژمارا پهنابهران كێم بكت ب ڕێیا چارهیهكا نێڤدهولهتی.
گوت ژی” گرفتا مهزن د هژمارا مهزن یا پهنابهران دا پێدڤیه بهێته دیاركرن كو ئێكهتیا ئهورۆپی نهشێت تووشێ زیانێن بهردهوام بیت ژبهر ڤێ پرسێ و پێدڤیه ههموو شیانێن خوه ب مهزێخین بۆ دیتنا چارهكا ئورۆپی و نێڤدههولهتی”.
ئهڤرۆنیۆز، سالار دۆسكى:
نهجیبا نهجیب بۆ ئهڤرۆنیۆز دیاركر كو عیراق یا دقهیرانا سیولا نهقدى دا، نه دقهیرانا دارایى دایه، داهاتێ وێ كێم بوویه، لێ پاره ههنه و عیراق نهیا ههژاره، (59) ملیار دۆلار و (90)تهنێن زێرى یهدهك ههنه، ههكه ب دروستى حوكمهتا عیراقێ ڤیابا كێشێن ههرێمێ چاره كهت، شیا قهرزهكى بدهته ههرێمێ و رێكێن چارهسهریێ ههبوون، بتنێ حوكمهتا عیراقێ دڤێت كلیلێن پهترۆلێ د دهستى دابن و پهرلهمانتارێن كورد ل بهغدا باوهرى ب حوكمهتا عیراقێ نهمایه.
نهجیبا هێشتا گۆت: یا گهشبین نینم حوكمهتا عیراقێ قهیرانێ ب دووماهى بینت، لێ یا گهشبینم حوكمهتا ههرێما كوردستانێ قهیرانێ ب دووماهى بینت و ب ئهڤان رێكان، حوكمهتا ههرێما كوردستانێ گههشته وێ باوهریێ كو حوكمهتا عیراقێ كێشان چارهسهرناكهت، دیسان دهرگههێن ڤهكرنا پهترۆلا ههرێمێ ڤهبووینه و نوكه وهلاتێ دكرن، پێشبینى ههنه بهایێ پهترۆلێ زێدهبیت ل سهرێ سالێ ههتا 60 دۆلاران بچیت.
ئهڤرۆ نیۆز، قائید میرۆ
جێگرێ فهرماندێ هێزا زێرهڤانی دیاركر، ئهڤرۆ ترۆمبێلهكا تژی چهكدارێن داعش ل میحوهرێ خازر ژلایێ ههڤپهیمانان هاته ژناڤبرن.
عهمید سهید ههژار، جێگرێ فهرماندێ فهرماندهیا زێرهڤانی ب ئهڤرۆ نیۆز راگههاند” بهری نیڤرۆیا ئهڤرۆ فڕۆكهیێن ههڤپهیمانان ترۆمبێلهكا ژ جۆرێ پیكاب یا چهكدارێن داعش كو چهكێ دۆشكه لسهربوویه ل گوندێ شێخ میری یێ دهڤهرا خارز كریه ئارمانج.
عهمید ههژاری گۆتژی” ئهڤ ترۆمبێلا داعش یا تژی چهكداربوویه و دخواست لڤینان بهرهف سهنگهرێن پێشمهرگهی بكهت، بهلێ ب چهكدارڤه هاتیه ژناڤبرن و هژمارا چهكدارێن ناڤا ترۆمبێلا نههاتیه زانین.
ئهڤرۆ نیۆز، قائید میرۆ
ل ناحیا دارهتوو یا نێزیك باژێڕێ ههولێرێ دوو زارۆیێن خهلكێ باكوورێ كوردستانێ د گومهكا ئاڤا بارانێ دا خهندقین.
نهقیب هۆگر عهزیز، پهیڤدارێ پۆلیسێن ههولێرێ ب ئهڤرۆ نیۆز راگههاند” پشتی دوهی سێ زارۆك ل ناحیا دێگهلهیا سهر ب پارێزگهها ههولێرێ خهندقین، ئهڤرۆ ژی دوو زارۆیێن دی كو خهلكێ باكوورێ كوردستانێ نه ل ناحیا دارهتوو یا باشوورێ ههولێرێ خهندقین.
نهقیب هۆگری دیاركر، پشتی دوڤچوون هاتیه كرن تهرمێ وان دناڤا گومهكا ئاڤێ دا هاته دیتن، كو ب ئهگهرێ باران بارینا رۆژێن بۆری ئاڤ تێدا كۆمبوویه.
ئهڤرۆنیۆز:
ب ههلكهفتا رۆژا جیهانیا چهسپاندنا مافێن زارۆیان ئهڤ رۆژه ل چهندین سازیێن جودا ل پارێزگهها دهۆكێ ب چالاكیێن ههمه جور هاته ساخكرن، ئهڤرۆ سپێدێ ل قوتابخانا بههدینان یا سهر ب پهروهردا دهۆك یا رۆژئاڤا ڤه ژى ب ههمان ههلكهفت چهندین بزاڤ هاتنه ئهنجامدان.
پشتى بلندكرنا ئالایێ كوردستانێ و سروودا ئهى رهقیب ژلایێ قوتابیان ڤه، پهیڤهك ژلایێ مامۆستا(بهدهل عهبدولباقى ) هاریكارێ رێڤهبهرێ قوتابخانێ ڤه هاته خواندن و تێدا چهندین برگێن مافێ زارۆكان هاتنه گۆتن و دیاركرن و چهندین شیرهت و ئاموژگارى ب ههمان ههلكهفت ل قوتابیان كرن..دووڤ دا رێڤهبهرێ قوتابخانا بههدینان (یاسین محسن نهقشهبهندى) چهندین قوتابیێن نموونهى خهلاتكرن كو خهلات هاتبوونه بهرههفكرن ژلایێ مامۆستا وانا زانستێ ل قوتابخانێ(ئاسیا عابد) ڤه هاتبوونه بهرههفكرن، دووڤ دا چهندین سروود و ستران ژلایێ قوتابیان ڤه هاتنه گۆتن كو هاتبوونه بهرههفكرن ژلایێ مامۆستایێ سروودێ ل قوتابخانێ ( سالار محهمهد) بوونه جهێ دلخوهشیا قوتابیان.
ئەڤرۆ نیوز، سالار دۆسکی:
مامۆستايهكێ زانكۆيا سهلاحهدين ئاشكهرا دكهت كو ب هێزبوونا لهشكرى ئانكو ب هێزبوونا ئابوورى و ددهته زاينن كو پێدڤيه ژبلى پهترۆلێ ههرێمێ بزاڤێ د ب هێزێبوونا داهاتێن دژى دا بكهت.
مامۆستایەکێ کولیژا ئابووری ل زانکۆیا سەلاحەدین گۆت: ب ھێزبوونا پێشمەرگێ کوردستانێ ئانکو بھێزبوونا لهشكرى و چێبوونا سەقامگێریێ ل ھەرێمێ، دێ کاریگەریەکا باش ھەبیت ل سەر ھەرێما کوردستانێ و دڤێت حوکمەتا ھەرێما کوردستانێ ژی پێنگاڤێن باش ب ھاڤێژیت بۆ زێدەکرنا داھاتێ خوە”.
د. ئدریس رەمەزان مامۆستایێ زانکۆیا سەلاحەدین ھێشتا بۆ ئەڤرۆ نیۆز گۆت: دڤێت ھزر ل ھندەک داھاتا بھێتەکرن کو نە ب تنێ داھاتێ ھەرێمێ پەترۆل بیت و ئەڤە ژی بۆ پاشەرۆژا ھەرێمێ دێ ب گرنگی ھێتە وەرگرتن.
ئهڤرۆ نيوز:
دو ڤهكۆلينێن وارێ ئهمنى و تهكنۆلژى پشتى ئهنجامدانا ڤهكۆلينێ گههشتنه وێ راستيێ كو ڤايبهر و وێنێن ڤيديۆ بێ كودكرن دهنێريت و ل سهر ئهنترنێتێ ژى ب ناڤۆنيشانهكى بهلاڤ دكهت كو يێ بهردهسته بۆ ههمووان و ههموو دشێن سهيڤ بكهن.
ههردو ڤهكۆلهرێن زانكۆيا نيوهێڤن، ئيبراهيم بهغيلى و جايسۆن مۆر، رۆژا چارشهمبى گرتهيهكا ڤيديۆى ل تۆڕا جڤاكيا يوتۆبێ بهلاڤرك و تێدا ئاشكهرا كر كو ڤهگوهاستنا داتايان د ڤايبهرى دا يا ڤهكرى يه كود ل سهر نينه.
ڤهكۆلهر شياينه داتا و ليكێن تايبهت ب رهنگهكى ل سهر ئهنترنێتێ ببينن كو د وێ رێ دا رێگرتن ل لڤينا داتايێن ل سهر ئهكاونتێن تايبهت ژ ئهگهرێ سيستهمێ كارپێكرنێ يێ ويندوز 7 كو ئهو ژى ب رهنگهكێ ئامادهكرى وهكو خالا گههشتنا واى فاى لێكريه بۆ ئێك ژ مۆبايلان كو د تاقيكرنێ دا ب كار ئينايه.
شارهزا وهسان دبينن كو ب دهستخستنا پێزانينێن ڤايبهرى كارهكێ ب زهحمهت نينه و هاككهر دشێن ب ساناهى ل رێيا درۆسكرنا خالهكا گههشتنێ يا سهخته ب دهست خوه بێخين. ههر كهسهك يان ههر كۆمپانيهك ژ كۆمپانيێن خزمهتگۆزاريێن ئهنترنێت، مۆبايل يان ئهڤێن دى كو كار ب خالا گههشتنا واى فاى دكهن و ئهو ژى د رێيا دهزگههێن سيخۆرى دا كار دكهن دشێن ههموو وان پێزانينان دهربارهى ب كارئينهران ب دهست خوه بێخن.
بهغيلى كو مامۆستايێ هاريكاره ب زانستێن كۆمپيۆتهرى دبێژيت: “كێشه ل ڤێره ئهوه كو خهلك ئاگههدار بن ئهڤ رهنگه كێشه يێن ههين و ئهو ب خوه بڕيارێ بدهن ئايا ڤايبهرى ب كار بينن يان ژى نه ههتا ئهو كێشه دهێته چارهكرن”.
بۆ ههردو ڤهكۆلهران ئهو چهند ديار بوويه كو ڤايبهر ماوێ حهفتيهكێ زانياريێن: وێنه، ڤيديۆ ل سێرڤهران سهيڤ دكهت و چو رێ نينه، ژ ئهگهرێ وێ چهندێ بزانيت كا ئهو بكارئينهره يان نه ژ بهر وێ چهندێ ههموو كهس دشێن ئهوان لينكان ڤهكهن و تهماشهى وێنه و پێزانين و ڤيديۆيان بكهن و ئهوا دڤێت ژ ئهنجام بدهن.
بڕياره سوبههى پشكا دويێ كو هندهك مهترسيێن دى يێن مهزنێن ڤايبهرى “Viber” نه، بهلاڤ كهين.
نيشاندان