ژبه‌ر ڤی ئه‌گه‌ری رووسیا سه‌یه‌كێ دده‌ته فره‌نسا
ئه‌ڤرۆ نیوز: ڤه‌ده‌ر ره‌شاڤایی :
رووسیا پێششكێشكرنا سه‌یه‌كێ ئه‌لزاسی بۆ فره‌نسا دیاركرییه وه‌ك هه‌ڤخه‌میه‌ك پشتی سه‌یه‌كێ پۆلیسی د ئۆپه‌راسیۆنا لسه‌ر تیرۆرستان ل پاریس هاتییه كوشتن.
وه‌زیرێ ناڤخۆیئ رووسیا ڤلادیمێر كۆلۆكۆلتسێڤ ئاشكرا كر كو وی نامه‌ك بۆ هه‌ڤپایێ خوه یێ فره‌نسی بێرنارد كازانۆڤ نڤیسیه و تێدا گۆتیێ كو دێ سه‌یه‌كێ رووسیا بناڤێ دۆبرینیا پێشكێشی فره‌نسا كه‌ت ، دا شوونا سه‌یێ فره‌نسا دیزێل بگریت پشتی د ئۆپه‌راسیۆنه‌كا مه‌زن دا ل پاریس هاتیه كوشتن.
ناڤهاتی خویاكر ژی كو ئه‌ڤ سه‌یێ نوو دێ جهێ سه‌یێ پۆلیسی گریت د ئۆپه‌راسیۆنێن دژی تیرۆرێ دا و وه‌ك نیشانه‌كا هه‌ڤخه‌مییا رووسیا یه بۆ فره‌نسا پشتی هێرشێن تیرۆری ل وی وه‌لاتی په‌یدا بووی.
ژیێ سه‌یێ بناڤێ دۆبرینیا دو مه‌هن و به‌ری بگه‌هیته فره‌نسا دێ پشكنیێن ساخله‌میێ بۆ هێنه‌كرن.
