ئەڤرۆ نیوز:
وەزیرێ پەروەردا حوکمەتا هەرێما کوردستانێ پلاتفۆرمەک ل ژێر ناڤێ قوتابخانا ئەلەکترۆنی راگەهاند، کو دێ پۆرتالەک بیت و ب رێیا وێبسایتێ www.ewane.krd قوتابی دشێن سەرەدانا وی بکەن.
ئالان حەمەسەعید، وەزیرێ پەروەردا حوکمەتا هەرێما کوردستانێ راگەهاند، بۆ هەر قوتابیەکێ کۆدەکێ تایبەت هاتیە دروستکرن، کو دشێن ل وێرێ بابەتێن وانێن خوە ببینیت، یێن کو ل قوتابخانێ خواندی و هاتیە تۆمار کرن، هەروەسا بۆ مامۆستایان ژی ئەکاونت هاتیە دروستکرن و دشێن ل گەل قوتابیێن خوە د پەیوەندیێ دا بن.
ئەڤرۆ نیوز:
ئەڤرۆ پشتیوان سادق، وەزیرێ ئەوقاف و کاروبارێن ئایینی یێ هەرێما کوردستانێ د کۆنگرەکێ رۆژنامەڤانی دا راگەهاند، دبیت خەلک وەسا د راگەهاندنا جڤاتا وەزیران تێگەهشتبن، کو ل هەیڤا رەمەزانێ مزگەفت ناهێنە ڤەکرن، بەلێ ئەم هەوە دلنیا دکەین، کو هەر دەمێ بگەهینە هندێ کو مەترسی نەماینە، دێ دەرگەهێن مزگەفتان بەری یێن قوتابخانا و زانکۆ و فەرمانگەهێن حوکمەتێ هێنە ڤەکرن.
ئەڤرۆ نیوز:
رێڤه‌به‌رێ گشتی یێ ساخله‌میا پارێزگه‌ها دهوكێ د كونگره‌كێ رۆژنامه‌ڤانی دا راگه‌هاند: نۆشدارەکێ كارمه‌ندێ مه تووشی ڤایرۆسێ كۆرۆنایێ بوویه و ب سه‌دان نه‌خۆش چاره‌كرینه.
د. نزار عسمه‌ت رێڤه‌به‌رێ گشتی یێ ساخله‌میا پارێزگه‌ها دهوكێ د كونگره‌یه‌كێ رۆژنامه‌ڤانی دا راگه‌هاند: ئه‌و نۆشدارێ تووشی ڤایرۆسێ كۆرۆنا یێ بووی، كارمه‌نده‌كێ مه‌یە و ب سه‌دان نه‌خۆش چاره‌كرینه و بزاڤێن باش یێن ساخله‌می كرینه.
دیار كریه: ئه‌م دێ چاڤدێریا وی تووشبووی كه‌ین و هه‌ر كه‌سه‌كێ تێكه‌لی ل گه‌ل وی كری دڤێت بزانین و کانێ ژێده‌رێ وێ تووشبوونێ ل کیڤه بوویه.
هەروەسا گوت ژی: مه به‌ری چه‌ند رۆژان ژی گوت بوو، کو هێشتا مه‌ترسیا ڤایرۆسێ كۆرۆنا یێ ل پارێزگه‌ها دهوكێ مایه.
ئه‌ڤرۆ نیوز، ره‌مه‌زان هه‌رنى:
برنجێ خومالی یێ ئاكرێ كو سالانه ئه‌رده‌كێ زور ژ بۆ چاندن و به‌رهه‌مئینانا وێ دهێته دابینكرن ژلایێ جوتیاران ڤه و ل سه‌ر رووبار و كانیێن ئاڤێ ل ئاكرێ باش به‌رهه‌مئینانا برنجێ زێده‌كریه.
ئه‌حمەد جه‌میل ریڤه‌به‌رێ چاندنا ئاكرێ بۆ ئه‌ڤرۆ نیوز راگه‌هاند: ل ئاكرێ شه‌ش جۆرین برنجی دهێته چاندن وه‌ك (شه‌ش مه‌هی ،پینج مه‌هی ،سێ مه‌هی ، كه‌س نه‌دیتی ،سه‌درى) كو باشترین جۆری برنجی كو پتری هه‌موویان دهیت چاندن برنجی شه‌ش مه‌هیه و ب زۆرى ل ده‌ڤه‌را سۆرچیان دهێتە چاندن.
ناڤهاتی گوتژى: سال بۆ سالێ روبه‌روێ چاندنێ بۆ برنجى َزێده دبیت ، وه‌ك چاندن مه‌كینێن سپى كرنا پێشكى بسه‌ر جوتیاران دابه‌شكرینه ل گه‌ل دروستكرنا دو جهێن تایبه‌ت بۆ هشك كرنا برنجى و پاقژكرنێ كو ل سه‌ر رووبه‌رێ 500 مەترێن چار گوشه هاتینه دروستكرن ب كونكریتى.
دیار كر ژی: ژبه‌ر گرنگى دانا جوتیارا ب چاندنا برنجى به‌رهه‌مێ زێده‌كریه ئه‌ڤ سالە هه‌تا نوكه 9 هزار و هه‌شت سه‌د دونه‌مێن ئه‌ردی هاتینه به‌رهه‌ڤكرن بۆ چاندنا برنجى و پێشبینى دهێته كرن ئه‌ڤ رێژه زێده تر ببیت ژبه‌ركو نوكه ده‌ستپێكا وه‌رزێ چاندنێ یه.
ئەڤرۆ نیوز:
وەزارەتا ناڤخوە یا حوکمەتا هەرێما کوردستانێ قەدەغەیا هاتنوچوونێ ل هەر چار پارێزگەهێن هەرێما کوردستانێ هەتا ١/٥/٢٠٢٠ درێژ کر.
وەزارەتا ناڤخوە دیار دکەت کو دەمژمێر ٦ هەتا ١٢ شەڤێ قەدەغەیا هاتنوچوونێ ل هەموو هەرێما کوردستانێ دێ ب تەمامی هێتە بجهئینان.
وەزارەتا ناڤخوە داخواز ژ وەلاتیان ژی دکەت کو ژ بۆ پاراستنا خوە پێگیریێ ب رێنمایان بکەن.
ئه‌ڤرۆ نیوز، سالار دۆسکی:
د چارچووڤێ كومبوونه‌كا هه‌ڤپشك دا ل گه‌ل سه‌رۆكێ فراكسیونه‌كا په‌رله‌مانێ كوردستانێ وه‌زیرێ ناڤخوه دیاركر، كو هه‌كه ره‌وش بڤی ره‌نگی بیت، دێ سه‌رێ گولانێ ده‌رگه‌هێن قوتابخانه، زانكۆ و مزگه‌فتان هێنه ڤه‌كرن.
عه‌بدوستار مه‌جید سه‌رۆكێ فراكسیوونا كومه‌لا ئیسلامی یا كوردستانێ، كو ئه‌ڤرۆ ب مه‌ره‌ما چه‌ند پرسان سه‌رەدانا رێبه‌ر ئه‌حمه‌د وه‌زیرێ ناڤخوه ل حوكمه‌تا هه‌رێما كوردستانێ كریه، ئه‌ڤرۆ پشتی نیڤرۆ 23ی نیسانێ بۆ ئه‌ڤرۆ نیۆز ئاشكراكر كو رێبه‌ر ئه‌حمه‌د وه‌زیرێ ناڤخوه ل حوكمه‌تا هه‌رێما كوردستانێ دیاركر كو هه‌كه هه‌تا 2/5/ كاودانێن ڤایرۆسێ كورونا ل هه‌رێمێ بڤی ره‌نگی بن و چ نه‌خوش نه‌مینن دێ ده‌رگه‌هێن قوتابخانا و زانكۆ و مزگه‌فتان هێنه‌ڤه‌كرن.
ئه‌ڤرۆ نیوز، نه‌وزاد هلۆری:
ژ ئه‌گه‌ره‌كێ نه‌دیار شه‌ڤا بوری كه‌سه‌كێ نه‌ناسیا رابوویه ب برینا باهیفكێن ره‌زێ وه‌لاتیه‌كێ گونده‌كێ سنوورێ ناحیا شێلادزێ و زیانێن زۆر گه‌هاندنێ.
محه‌مه‌د ئه‌مین، وه‌لاتیه‌كێ گوندێ خاستوو ژوری یه ل سنوورێ ناحیا شێلادزێ بۆ ئه‌ڤرۆ نیوز گۆت: (شه‌ڤا بوری ژ ئه‌گه‌ره‌كێ نه‌دیار و ژلایێ كه‌سه‌كێ نه‌ناسیار ڤه، دارێن باهیفكێن پسمامێ من هه‌موو برینه و زیانێن زر گه‌هشاندنێ).
زێده‌تر گۆت: (پتری 100 باهیفك برینه و هژماره‌كا زۆر ژی تێكدایه، گه‌له‌ك كێم یێن هێلای دروست، دخوازین كو جهێن شوله‌ژێ دووڤچوونێ ل سه‌ر بكه‌ن).
ئەڤرۆ نیوز:
بەرپرسێن ساخلەمیێ ل ئیسپانیا ئەڤرۆ دیار کرن کو د ٢٤ دەمژمێرێن بۆری دا ٤ هزار و ٦٣٥ کەسێن دی تووشی ڤایرۆسێ کۆرۆنایێ بووینە و هژمارا گشتی یا کەسێن کو هەتا نها ل ئیسپانیا تووشی ڤایرۆسێ کۆرۆنایێ بووینە گەهشتیە ٢١٣ هزار کەسان و هەروەسا هەتا نها ل ئیسپانیا ژ بەر ڤایرۆسێ کۆرۆنایێ ٢٢ هزار و ١٥٧ کەسان ژی جانێ خوە ژ دەست داینە.
ل گۆر بەرپرسێن ساخلەمیێ یێ وەلاتێ ئیسپانیا هەتا نها ٨٥ هزار و ٩١٥ کەس ژی باش بووینە.
نيشاندان