ئەڤرۆ نیوز، عەلی حاجی :
د دو روودانێن جۆدا یێن ترافیکی دا ل باژێرێ زاخۆ ل روژا چارشەمبی، چار کەس بریندار بوون و زیانێن مادی ژی بەر ب ترومبێلان کەڤتن.
کومیسەر بەشیر یوسڤ ژ راگەهاندنا هاتن و چوونا زاخۆ گۆت : روودانا ئێکێ ل شەڤا روژا چار شەمبێ ١١/١١/٢٠٢٠ ل دەمژمێر ٦:٣٠ێ ل گوندێ کەرپتێ ژ ئەگەرێ روودانەکا ترافیکی ترومبێلەکا پیک ئاپ ژ ئەگەرێ بلەز هاژووتنا ترومبێلێ ژلایێ شوفێرێ ڤە دبیتە ئەگەر ترومبێل دبن کونترولا شوفێری دا دەردکەڤیت و خوە ل ستونەکێ کارەبێ دەت و د ئەنجام دا دو کەس بریندار دبن و زیانێن ماددی بەر ب ترومبێلێ و ستونێ کارەبێ بکەڤیت.
ناڤهاتی گۆت ژی : روودانا دووێ د هەمان شەڤ دا و ل دەمژمێر ٨:٠٠ شەڤ ل جادا سەرەکی یا دێرەبونێ ژ ئەنجامێ روودانەکا ترافیکی کو ترومبێلەکا بارهەلگر د بن کونترولا شوفێری دا دەرکەڤیت و خوە ل کلبستونێن نیڤا جادێ دا دەت و د ئەنجامێ وێ روودانێ دا دوو کەس بریندار دبن و زیانێن مادی ژی لدووڤ خوە پەیدا کرن .
نيشاندان