ئەڤرۆ نیوز، سالار دۆسکی:
بینا قەرداغی رێڤەبەرا پرۆگرامێن کوردی ل فیستەڤالا دھۆکێ بۆ ئەڤرۆ نیۆز ئاشکراکر کو ھەژمارەکا باش ژ فلمێن کوردی گەھشتینە دەستێ لژنا فیستەڤالێ ، شیاینە ژ سەۆجەمێ 248 فلمان، 44 فلمان ژێبگرن بۆ پشکداریکرن ل فیستەڤالێ کو 9 ژ ڤی سەرجەمی کوردی نە.
ئاشکراکر ژی کو رۆژانە رێورەسمێن فەرشا سور بۆ ئەڤان فلمان دھێتە سازکرن ل ھۆلا کونگران ل زانکۆیا دھۆکێ و فلمێن پشکدار دێ ئەڤ بن.
ئەڤرۆ نیوز،زنار تۆڤی:
گەلەک پەنابەرێن کوردێن رۆژئاڤا و باشوور گەهشتینە وەلاتێن هنگاریا و سربیا،لێ رەوشا وان پەنابەران گەلەک دناڤ کەمپاندا گەلەکا خرابە و ژ بەر کو هەتا نوکە پتریا خزمەتگۆزاریێن دەستپێکی ژی بۆ وان دناڤ کەمپان دا نەهاتینه درۆستکرن، لەورا پتریا پەنابەران نەچارن دناڤ پارک و جهێن راوەستیانا شەمەندەفران ب شەڤ دمینن و ل وان جهان دنڤن.
هەروسا پولیس و سازیێن وان هەردو وەلاتان سەرەدەریەکا خراب دگەل پەنابەران دکەن، لەورا هنگاریا نوکە دیوارەکێ چار مەتران بلند دگەل سنورێ وەلاتێ سربیا دروستکریە، ژ پێخەمەت پەنابەر نەشێن بچنە وی وەلاتی.
ئەڤرۆ نیۆز، قائید میرۆ
پێشمەرگەیەکێ زێرەڤانی رۆژا سێشەمبیا بۆری وەرە بەرەف سەنگەرێن بەڕەڤانیێ چوویە و نەگەھشتیە جھێ مەبەست و چارەنڤیسێ وی دیارنینە.
رائید عەونی یوسف، ئەفسەرێ پێشمەرگەی ب ئەڤرۆ نیۆز راگەھاند” رۆژا سێشەمبیا بۆری پێشمەرگەیەک بناڤێ رزگار عەبدولا خەلکێ ناحیا وەرتێ یە، بەلێ ئاکنجیێ کۆمەلگەھا شاوێس یا نێزیک باژێڕێ ھەولێرێ یە و بەرەف سەنگەرێن پێشیێ چوویە ل چیایێ زەرتک، مخابن نەگەھشتیە دەواما سەربازی و یێ بەرزەیە.
رائید عەونی گۆتژی” رزگار عەبدولا پێشمەرگەیێ ھێزا دو یا فەرماندەیا زێرەڤانیە و گورە ئاخفتنا ھەڤژیناوی رزگار دەمژمێر ٨ی سپێدێ ب جلکێن سەربازی دەرکەفتیە و ٣٥ ھزارێن عێراقی ژی پێبووینە، ھەتا نوکە مە چو زانیاریی لدۆر چارەنڤیسێ رزگاری نینە و ڤەکۆلین دبەردەوامن لسەر وندابوونا وی.
ھەولێر، قائید میرۆ:
ھژمارەک کوردێن ئێخسير بن دەستێ چەکدارێن داعش ل زیندانەکا نھێنی خوە رزگارکریە و ١٨ ژ وان ئەف پێشمەرگەنە یێن ب ئێخسير ھاتینەگرتن.
غەیاس سورچی، پەیڤدارێ ئێکەتی نیشتیمانی کوردستان ل نەینەوا بۆ ئەڤرۆ نیۆز گۆت: “بەری چەند رۆژان ھژمارەکا گرتیێن کورد یێن ژ لایێ داعش ڤە ھاتینەگرتن، د زیندانەکا نھێنی دا ھاتبوو دەستەسەرکرن و دەرێ زیندانێ شکاندیە و خوە رزگارکریە، کو ھژمارا وان ٥٠ کەسن و ھەموو ژی کوردن، بەلێ ١٨ ژ وانا ئەف پێشمەرگەنە یێن ب ئێخسير ھاتینە گرتن”.
غەیاس گۆتژی: “ئەف 50 کەسێن خوە رزگار بووى داناڤا خانیێ ئەفسەرەکێ سەردەمێ رژێما بەعس ھاتبوونە زیندانیکرن و زیندانەکا تایبەت و نھێنی بوویە، بەلێ چو کەسەکێ زیندانی ژ مووسل دەرنەکەفتیە و ھەر ل مووسل خوە ڤەشارتیە”.
ئه‌ڤرۆ نيو، ھەولێر، قائید میرۆ:
ب ئەگەرێ ئاریشەیەکا جڤاکی تەقە ل ترۆمبێلەکێ ھاتە کرن و د ئەنجامدا ژن و زارۆیەکێ حەفت سالی ھاتنە کوشتن.
موقەدەم کاروان خۆشناو، پەیڤدارێ پۆلیسێن ھەولێرێ بۆ ئەڤرۆ نیۆز راگەھاند” ئێڤاریا دوھی ل ناحیا قوشتەپە یا باشورێ باژێڕێ ھەولێرێ ب ئەگەرێ ئاریشەیەکا جڤاکی، ھژمارەک چەکداران تەقە ل تڕۆمبێلەکێ کرینە و د ئەنجامدا ژنەک و زارۆیەک ھاتینە کوشتن و سێ کەسێ، دیژی برینداربووینە.
موقەدەم کاروانی گۆتژی” ھەردولایەنێن شەڕکەر خەلکێ قەزا چەمچەمالن و بەری نوکە دوژمنداربووینە، بەلێ ھێشتا ڤەکۆلین لدۆر چێبوونا روویدانێ بەردەوامن.
ئەڤرۆ نيوز:
بشار کیکی سەرۆکێ جڤاتا پارێزگەھا نەینەوا دیار کر بۆ سالا نوو یا خواندنێ کێشا نێزیکی دو ھزار قوتابیێن ئاوارەیێن پارێزگەھا نەینەوا کو ل سنورێ پارێزگەھا دھۆکێ ئاکنجی نە، چارەبوو و بۆ ئەڤرۆ گۆت:(ل سەر داخوازا سەرۆکێ زانکۆیا مووسل، مە رازیبوونا پارێزگەھا دھۆک و ھەولێر وەرگرت کو پشکێن ڤێ زانکۆیێ ل ھەولێر و دھۆک بھێنە ڤەکرن و قوتابیێن شەشێ ئامادەیی و قوتابیێن پار سال ژ بەر داعش نەشیان ل مووسل بخوینن دێ ل وان پشکان دەست ب خواندنا خوە کەن).
کیکی خویا ژی کر کو ل ھەولێرێ ژی دێ نێزیکی ھزار قوتابیێن ئاوارێن مووسل مفای ژ ڤەبوونا پشکێن ڤان زانکۆیان بینن و گۆت:(پشکێن وان دێ ل شێخان و سێمێل و عەینکاوە ھێنە ڤەکرن).
سپێده‌هيا ئه‌ڤرۆ رۆژا ئێكشه‌مبى و ل سه‌ر جادا سه‌ره‌كيا دهۆك – ئێتيت د روودانه‌كا ترافيكى دا چار كه‌س ب گرانى بريندار بوون.
رائيدێ مافپه‌روه‌ر بێوار عه‌بدولعه‌زيز به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى بۆ ئه‌ڤرۆ نيوز گۆت: “پشتى ئه‌م هاتينه ئاگه‌هداركرن كو روودانه‌كا ترافيكێ يا په‌يدا بوويى، تيمێن به‌ره‌ڤانيا باژێرى بنگه‌هێ به‌رۆشكى گه‌هشتنه جهێ روودانێ و كونترولا روودانى هاته كرن”.
زێده‌تر گۆت: “ب گۆره‌يى ئه‌و پێزانينێن ترافيكى شۆفێرێ ڤێ ترۆمبێلێ ل سه‌ر جادا سه‌ره‌كى يا ئيتيتى به‌ر دهۆكۆ ڤه دهات و له‌زاتيه‌كا زێده ب كار ئينايه و بوويه ئه‌گه‌رێ روودانێ”.
ئه‌ڤرۆ نيوز:
بڕياره ئه‌ڤرۆ رۆژا ئێكشه‌مبى رێكه‌فتى 30ى ته‌باخا 2015ێ گه‌ره‌كا دى يا دانوستاندنێن ناڤبه‌را پێنج لايه‌نێن سه‌ره‌كى ل هه‌رێما كوردستانێ برێڤه بچيت، بڕياره پێكهاتێن توركمان، كلد، سريان و ئاشوورى ژى تێدا پشكدار بن، ل گه‌ل وان لايه‌نێن كورسيه‌كا په‌رله‌مانى ب ده‌ست ڤه ئينايى.
چارشه‌مبيا بۆرى كۆمبوونا پێنجێ يا لايه‌نێن سياسى ب ئاماده‌بوونا نوونه‌رێن “پارتى ديموكراتى كوردستان، بزاڤا گۆڕان، ئێكه‌تيا نشتيمانى كوردستان، ئێكگرتوويا ئيسلامى كوردستان و كۆمه‌لا ئيسلامى” ده‌رباره‌يى پرسا سه‌رۆكاتيا هه‌رێمێ ب رێڤه چوو بوو، تێدا ل سه‌ر 13 خالان رێكه‌فت بوون.
ئه‌ڤرۆ نیوز:
وه‌زاره‌تا دارایى و ئابوورى ل حوكمه‌تا هه‌رێما كوردستانێ پێشتر راگه‌هاندبوو كو ئه‌ڤرۆ رۆژا ئێشكه‌مبى رێكه‌فتى 30ى ته‌باخا 2015ێ ئه‌ڤرۆ وه‌زاره‌ت و ده‌سته دێ مووێ هه‌يڤا تيرمه‌هێ وه‌رگرن.
1- وه‌زاره‌تا پلاندانانێ
2- وه‌زاره‌تا داد.
3- وه‌زاره‌تا ئاڤه‌دانكرنێ
4- وه‌زاره‌تا بازرگانى و پێشه‌سازى
5- وه‌زاره‌تا ڤه‌گوهاستنێ
6- وه‌زاره‌تا ره‌وشه‌نبيرى
7- وه‌زاره‌تا دارايى و ئابوورى
8- وه‌زاره‌تا سامانێن سرۆشتى
9- ده‌سته‌يا وه‌به‌رهێنانێ
10- ديوانا چاڤدێريا دارايى
11- ده‌سته‌يا ده‌سپاكيێ
12- ده‌سته‌يا مافێن مرۆڤى
13- ده‌سته‌يا ده‌ڤه‌رێن ده‌رڤه‌يى هه‌رێمێ
15- ده‌سته‌يا ژينگه‌هێ
ئەڤرۆ نيوز:
خوەنیشادانێن بەغدا ب پشکداریا ھزاران کەسان ل مەیدانا تەحریر د بەردەوامن و ل ڤێ حەفتیێ چەندین پارێزگەھێن دی ل باشوورێ عیراقێ ڤەگرتن و خوەنیشاندەران داخوازا بجھئینانا کارناما چاکسازیێ یا سەرۆک وەزیرێن عیراقێ و ھەلوەشاندنا پەرلەمانێ عیراقێ دکر.
محەمەد جبوری رۆژنامەڤانەکێ عیراقێ یە کو ل خوەنیشادانێن مەیدانا تەحریر ل بەغدا یێ بەرھەڤ بوو، بۆ رۆژناما ئەڤرۆ گوت” ب ھزارەھان خوەنیشاندەرێن عیراقی یێن نەرازی ژ رەوشا نوکە یا عیراقێ و ھەبوونا گەندەلیێ د ھەموو بیاڤان دا دناڤ دەزگەھێن حوکمەتێ و پەرلەمانێ عیراقێ، ئێڤاریا رۆژا ئەینی رژیانە سەر جادان و بەر مەیدانا تەحریر ھاتن و داخوازا دادگەھکرنا گەندەلان و بجھئینانا کارناما چاکسازیێ یا حەیدەر عەبادی کرن”.
جبوری خوەیاکر ژی” ھەر د ھەمان رۆژ دا، خوەنیشادانێن جەماوەری ب پشکداریا ھزارەھان وەلاتیان ل چەندین پارێزگەھێن عیراقێ ھاتینە ئەنجامدان و وان خوەنیشادانان ل گەل خوەنیشادانێن بەغدا ژی داخوازا ھەلوەشاندنا پەرلەمانێ عیراقێ دکر و دیسان گەلەک درووشمێن دناڤ وان خوەنیشادانان دا ژی داخوازا ھەلوەشاندنا جڤاتێن پارێزگەھان ژی دکر”.
دھێتە زانین ل رۆژا ئەینی یا بۆری ٢٨ تەباخێ، ئەینیا پێنجێ بوو کو وەلاتیێن بەغدا و پارێزگەھێن عیراقێ خوەنیشادانان دژی گەندەلیێ و نەبوونا خزمەتگوزاریان دکەن کو ژ ئەگەرێ وان خوەنیشادانان سەرۆک وەزیرێن عیراقێ ب پشتەڤانیا مەرجەعیەتا شیعی چەندین پێنگاڤ بۆ بجھئینانا داخوازیێن خوەنیشاندەران ھاڤێتینە.
نيشاندان