ئه‌ڤرۆ نیوز، بارزان مزووری:
جه‌هوه‌ر عه‌لی به‌گ بریكارێ میرێ ئێزدیان بۆ كارۆبارێن په‌یوه‌ندیان بۆ ئه‌ڤرۆ نیوز گۆت: (ل دووڤ بریارا ئه‌نجوومه‌نێ روحانیا ئێزدیان ئه‌ڤسالە رێوره‌سمێن جه‌ژنا سه‌رسالێ ب شێوه‌یه‌كێ گشتی ناهێنە گێران ژ به‌ر ره‌وشا نها یا كوردستان تێدا ده‌رباز دبیت و پێگیركرنا رێنمایێن وه‌زاره‌تا ساخله‌میا حكومه‌تا هه‌رێما كوردستانێ ژ بۆ پاراستنا ژیانا وه‌لاتیان ژ ڤایرۆسێ كورون).
ناڤهاتی خویاكر ئه‌ڤ جه‌ژنه دكه‌ڤیته چارشه‌مبیا بهێت 15/4/2020 خه‌لكێ مه یێ خوشتڤی دشێت ب شێوه‌یه‌كێ ئونلاین د مالێ خودا جه‌ژنا ئێك دو پرۆزبكه‌ن.
ناڤهاتی گۆت: (د ڤێ جه‌ژنێ دا داخاز ژ هه‌موو ئێزدیان دكه‌ین سه‌ره‌دانا گورستانێن خوە نه‌كه‌ن و وی كۆژمێ پاره‌ی بۆ هه‌ژارا دابین بكه‌ن).
ئەڤرۆ نیۆز، قائید میرۆ:
بڕیارە بەری ھاتنا ھەیڤا رەمەزانێ کابینا نوویا عێراقێ پێشکەشی پەرلەمانی بھێتەکرن و پەرلەمانتارەکا پارتی ژی ئاشکراکر” بەری مستەفا کازمی بھێتە بەربژێرکرن بۆ سەرۆک وەزیرێن عێراقێ دانوستان دگەل ھەرێما کوردستانێ ھاتینە کرن.
دکتۆر مەیادە نەجار، پەرلەمانتارا فڕاکسیۆنا پارتی لپەرلەمانَی عێراقێ بۆ ئەڤرۆ نیۆز دیارکر” بەری مستەفا کازمی بۆ پۆستێ سەرۆک وەزیرێن عێراقێ بھێتە بەربژێرکرن دانوستان دگەل لایەنێن سیاسیێن ھەرێما کوردستانێ ھاتینەکرن و بێی پرسا کوردان نافبری نەھاتیە بەبژێرکرن.
ئەڤێ پەرلەمانتارا پارتی گۆت” ڤێجارێ مالا شیعە ھەتا رادەیەکی یا ئێکگرتی بوویە ل دۆر دیارکرنا سەرۆک وەزیرێن عێراقێ.
دکتۆر مەیادە نەجار ئاماژەکر” کوردان چو مەرجێن بەروەخت نینە بۆ ھەر کەسەکێ دبیتە سەرۆک وەزیرێ عێراقێ، بەرۆڤاژی مەرجێ سەرەکی و بەردەوامێ کوردان بۆ ھەر حوکمەتەکا ل عێراقێ ئەڤە پێگیری ب دستووری بھێتەکرن و رێکەفتنا دگەل ھەرێما کوردستانێ بھێتە بجە ئینان.
ئه‌ڤرۆ نیوز، بارزان مزووری:
ناس محه‌مه‌د عارف شینوارناس ل قه‌زا شێخان بۆ ئه‌ڤرۆ نیوز گۆت:ئه‌وان باران بارینێن ل ڤان رۆژا ل ده‌ڤه‌را شێخان ڤه گرتی بلند بونا ئاستێ رۆبارێ گوملی بنگه‌هێ شینوارێن خه‌نس زیانێن مه‌زن پێ كه‌فتینه ژورێن پاسه‌وانا و چه‌ندین كه‌ل و په‌ل ژناڤ چوینه ئه‌و كامیرێن چاڤدێریا شینوارا دكه‌ن لبن ئاڤ كه‌فت بون ژكاركه‌فتینه.
ناڤهاتی خویاكر ئێك ژ پارچێن شینواری یێن گرنگ ل گه‌لیێ خه‌نس یێ دهێته نیاسین”گاهێ په‌ر”یێ ل بن ئاڤێ كه‌فتی ئه‌ڤه بۆ ماوێ چه‌ندین ساله رۆژ ب رۆژێ رۆیدانێن سرۆشتی كاریگه‌ریا خۆ ل سه‌ر دكه‌ن ل ڤان باران بارینا زیانێن مه‌زن ب وی گاهێ په‌ر یێن كرین ده‌رزێن لێ دروست بوین پێتڤی یه بله‌ز ڤه‌كولین ل سه‌ر ده‌رئینانا وی دناڤ ئاڤێ دا بهێته كرن ژبه‌ركۆ هه‌ر وه‌خته‌كێ رۆیدانێن سرۆشتی دروست دبن ئه‌و گاهێ په‌ر دكه‌ڤیته به‌ر وان روودانا.
ئەڤرۆ نیوز:
وەزارەتا ساخلەمیێ یا ئیرانێ راگەهاند کو هژمارا تووشبوویێن ب ڤایرۆسێ کۆرۆنایێ ل وی وەلاتی هەر رۆژ زێدەتر لێ دهێن و هەتا نها ب گشتی ل ئیرانێ ٧٤ هزار و ٨٧٧ کەس تووشی ڤایرۆسێ کۆرۆنایێ بووینە.
وەزارەتا ساخلەمیێ یا ئیرانێ ئەو یەک ژی دیار کریە کو ژ بەر کۆرۆنایێ هەتا نها ٤ هزار و ٨٦٣ کەسان ژی ل ئیرانێ جانێ خوە ژ دەست داینە.
ئەڤرۆ نیوز:
هێرش سەلیم جێگرێ رێڤەبەرێ گشتی یێ ساخلەمیا سلێمانیێ راگەهاند کو ئەو ب چو رەنگەکێ رازی نابن قەدەغەیا هاتن و چوونێ ل سلێمانیێ ب تەمامی بهێتە راکرن، چونکو هەتا نها ژی مەترسیا کۆرۆنایێ یا هەی و هەکە قەدەغە ب تەمامی بهێتە راکرن دێ رەوش گەلەک خراب بیت.
ناڤهاتی ئەو یەک ژی دیار کر کو هەر جهەک ل سلێمانیێ ل گۆر رێنمایان کار نەکەت دێ ب توندی هێتە سزادان و گۆت: (هندەک جه هەنە کو بۆ دەمێ ئێک هەیڤ هاتنە سزادان و دڤێت هەموو کەس و ئالی پێگیریێ ب رێنمایێن ساخلەمیێ بکەن دا رەوش د بەرژەوەندیا هەموو وەلاتیان دا ب دووماهی بهێت).
ئەڤرۆ نیوز:
لیرێ تورکی ل هەمبەر دۆلارێ ئەمریکی بەردەوام بهایێ خوە ژ دەست ددەت و ئەڤرۆ هەر سەد دۆلارێن ئەمریکی بەرامبەر ب ٦٨٠ لیرێ تورکیا معاملە پێ هاتە کرن و بسپۆرێن ئابووری یێن تورکیا ژی دیار دکەن هەکە حوکمەتێ چو بەرنامە ل هەمبەر دابەزینا بهایێ لیرەی نەبیت دێ ئابوورێ تورکیا تووشی کارەساتەکا مەزن هێت.
ژ بەر ڤایرۆسێ کۆرۆنا وەکو جاران گەشتیار سەرەدانا تورکیا ناکەن و ل ئالیێ دی تورکیا نەشێت بەرهەمێن خوە رەوانەی بازارێن جیهانێ بکەت و ژ بەر هندێ ژی رۆژ ب رۆژێ لیرێ تورکیا بهایێ خوە ژ دەست ددەت.
ئەڤرۆ نیۆز، قائید میرۆ:
ئەڤرۆ ٣٢ سال بۆرین لسەر تاوانا ئەنفالێن رەش یێن دژی خەلکێ کوردستانێ کو تێدا ١٨٢ ھزار کەس بووینە قوربانی و چوار ھزار گوندێن کوردستانێ ھاتنە وێرانکرن سەرۆکێ رێکخراوا ئەنفالێن کوردستانێ دبێژیت، پێدڤیە لسەر ئاستێ نێڤدەولەتی کار بۆ قەرەبووکرنا قوربانیان بھێتەکرن.
زەمان عەبدە، سەرۆکێ رێکخراوا ئەنفالێن کوردستانێ بۆ ئەڤرۆ نیۆز دیارکر” ئەڤا رژێما بەعس د ھەوا ئەنفالێ دا بسەرێ مللەتی َکورد ئینای د دیرۆکێ دا یا کێم وێنەبوویە، چونکە تاوانانێن دژی مرۆڤایەتیێ و جەنگی دژی وەلاتیێن سڤیل ھاتینە ئەنجامدان و ب دەھان ھزار وەلاتیێن سڤیل ھەر ل گەرمیان ھەتا بەھدنان ھاتینە بەرزەکرن و بن ئاخکرن.
زەمان عەبدە ئاماژەکر” پێدڤیە لسەر ئاستێ نێڤدەولەتی کار بھێتەکرن بۆ زێدەتر نیاسینا ئەنفالا کوردستانێ و پرسا قەرەبووکرنا کەس و کارێن وانژی بکەنە پرسەکا نێڤدەولەتی، چونکە پشتی ٣٢ سال بۆرین بسەر ئەنجامدانا ئەنفالا دژی کوردستانێ ھێشتا کەس و کارێن وانا نەھاتینە قەرەبووکرن.
ئه‌ڤرۆ نیوز:
وه‌زیرێ ساخله‌میا حكومه‌تا هه‌رێما كوردستانێ راگه‌هاند جڤاتا وه‌زیرێن هه‌رێما كوردستانی بریار دایه گرێبه‌ستێن كارمه‌ندێن ساخله‌میێ نوو بكه‌ت.
د. سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ راگه‌هاند: سه‌رۆكاتیا جڤاتا وه‌زیران بریاردایه ب نووكرنا گرێبه‌ستێن كارمه‌ندێن ساخله‌میێ، كۆ ته‌ڤایا كارمه‌ندێن گرێبه‌ست كۆ گرێبه‌ستێن ئاسایی و ئه‌و گرێبه‌ستێن ناڤدار ب گرێبه‌ستێن پێشڤه‌برن دێ هێنه نووكرن.
وه‌زیرێ ساخله‌میا حكومه‌تا هه‌رێما كوردستانێ ئه‌و چه‌نده ژی راگه‌هاند دڤان چه‌ند رۆژان دا ل وه‌زاره‌تا دارایی فه‌رمانا نووكرنا گرێبه‌ستان بۆئه‌وان هێته هنارتن، گیروبوونا نووكرنێ په‌یوه‌ندی ب ئه‌ڤێ ره‌وشا نوكه ڤه هه‌یه كۆ ده‌وام نینه، ل ڤان رۆژان فه‌رمان دێ هێت و مووچه‌یێن وان ژی بۆ هێنه مه‌زاختن.
وه‌زیرێ ساخله‌یا حكومه‌تا هه‌رێما كوردستانێ دا زانین به‌ری داكه‌تنا بهایێ پترۆلێ و هاتنا كورونایێ، حكومه‌تێ پلان هه‌بوو بۆ دامه‌زراندنا گرێبه‌ستان، به‌لێ نوكه ره‌وش زه‌حمه‌ته و هه‌رده‌مێ ره‌وش ئاسای بوو دێ كار بۆ هه‌میشه‌كرنا وان هێته‌كرن.
نيشاندان