ئه‌ڤرۆ نيوز:
رائيدێ مافپه‌روه‌ر بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ د داخۆيانيه‌كێ دا بۆ ئه‌ڤرۆ نيوز گۆت: “ئه‌ڤرۆ دەمژمێر 4:30 بەرێ سپێدێ ل سەر جادا گشتی یا ئیبراهیم خه‌لیل د ناڤبەرا کومەلگەها خیلەخ ـ باکرما، ژ ئەگەرێ لەزاتیێ ترومبێلەکا بچووک یا تورکی چو د بن ترومبیلەکا مەزن یا بارهەلگرا تورکی ڤە، د ئەنجام دا زیانێن مەزن ب ترۆمبێلا بچووک کەفتن”.
زێده‌تر گۆت: “ل دووڤ گۆتنا ديده‌ڤانه‌كێ روودان ب چاڤ ديتى ماوه‌كێ درێژ شوفێر نەشیا ژ ترۆمبێلێ دەرکەڤيت هه‌تا کو تیمیێن هاوار هاتنێ هاتین و شیان رزگار بکه‌ن، د ئه‌نجام دا شوفێرێن هه‌ردو ترۆمبێلان بريندار بوون”.
ئەڤرۆ نیوز:
ل پشت ھەر زەلامەکێ مەزن و سەرکەفتی دا ژنەکا مەزن و سەرکەفتی ھەبوویە ، و لژێر روناھیا ئەڤێ گوتنا سەری مروڤ دکاریت بێژیت ژ بوو سەرکەفتنێ پێدڤی یە مفا ژ شیان و ھزر و بیر و داھێنانێن ھەردویان بھێنە وەرگرتن داکو شارستانیەتا مروڤاتیێ بھێتە ئاڤەدانکرن، و شارەزایەکێ جڤاکی وەسا ددەنتە دیار کرن کو د نھا ژی دا زەلامان پێدڤی ب ژنێن مەزن ھەیە.
شارەزایێ جڤاکی دلێر جانگیر ددەتن خویا کرن کو چو جاران کەسەک بتنێ سەرکەفتنێ د کارێن خوەدا نائینیت و گۆت : ( پەرتوکێن جڤاکی و دەروونی و ڤەکولینێن لدور کەسانێن سەرکەفتی ھاتینە نڤیسین وەسا ددەنە خویا کرن کو پالدەرێ ئێکانەیێ سەرکەفتنا وان کەسان ئەو بوویە کو ھەڤژینەکا مەزن ل پشت وی ھەبوویە و بوویە سەدەم کو ئەو بکاریت لسەر کارێن خوە یێن مەزن سەرکەفتنێ بینیت ، ئانکو ژێدەرێ سەرکەفتنا وی ئەو بوویە کو ژنەکا سەرکەفتی ھەبوویە خوە ل وی کریە خودان کو سەرکەفتنێ دەستخوڤە بینیت).
دلێر زێدەتر گۆت: ( نە زەلام بتنێ دکاریت سەرکەفتنێ دکارێن خوەدا بینیت و نەک ژی ژن دکاریت سەرکەفتنێ بینیت و ئەگەر ھەر ئێکێ ژ وان ژی بزاڤێ بکەت بلا پشت راست بیت کو سەرکەفتنێ نائینن ب تایبەتی ئەگەر ئێک ژ وان ببیتە ھەڤرک لسەر یێ دن ).
ئەو شارەزایێ جڤاکی د درێژاھیا ئاخفتنێن خودا دیارکر ژی، د نھا دا ھەتا کو کوردستان بگەھیتە ئاستەکێ بلند و تاکێن جڤاکی ھەر ئێک ژلایێ خوەڤە سەرکەفتنێ بینیت دڤێت جارەک دن ژی گرنگی ب تەخا ژنان و پەروەردە و راھێناندانا وان ژلایێ پەروەردە و رەوشتی ڤە بھێتە دان داکو ئەو ژی بکارن د پشت زەلامان را ببنە ژێدەرەکی َمەعنەویێ ب ھێز بوو سەرکەفتنا وان ھەردووان ).
شارەزایێ جڤاکی ل دوماھیێ گۆت : ( بەھرا پتریا وان کەسانێن کو سەرکەفتن ئینایی ئەگەر دووڤچون بھێتـە کرن ئیلا ژنەکا سەرکەفتی ل پشت بوویە ، بەلێ ب مخابنیڤە د جڤاکی َمەدا ھەموو سەروەر و سەرکەفتن بوو زەلامی دھێنە ھژمارتن و ژ بیرکریە کو ھێزا ژنێ ب چاڤ ناھێتە دیتن بەلکو پتر ھێزەکا مەعنەوی بوویە ).
ئه‌ڤرۆ نيوز:
ئەندامێ لژنا دارایی ل جڤاتا نوونەرێن عیراقێ حاکم سرحان سلیڤانەی دیارکر نوکە شاندەکێ حوکمەتا ھەرێما کوردستانێ یی ل بەغدا دھێتە پیشبینی کرن ئەڤ شاندێ حوکمەتا ھەرێمێ دانووستاندنێ دگەل سەرۆک کۆمارێ عیراقێ بکەت ل سەر پرۆژێ بوودجا سالا ٢٠١٦ بکەن و رێکەڤتنەکا نوو ناڤبەرا حوکمەتا ھەرێمێ و حوکمەتا عیراقی دا بھێتە کرن ورێکەڤتنا سالا ٢٠١٥ بھێتە ھەلوەشان وگۆتژی ئەڤرۆ ١٠چريا دويێ دێ پرۆژی بوودجا سالا ٢٠١٦ گەھتە دەستێ ئەندامێن جڤاتا نونەرێن عیراقێ لێ گەنگەشە ل سەر ناھێتە کرن چونکو ئەندامێن تازیا سەرۆکێ لژنا دارایی ڤە مژوولن.
حاکم سرحان سلیڤانەی ئەندامی لژنا دارایی ل جڤاتا نوونەرێن عیراقێ گۆتژی ل دووماھیا ھەیڤا ١٢ ژ ئیسال دێ ماوەیێ رێکەڤتنا ناڤبەرا ھەرێمێ و عیراقێ دا ھاتیە کرن ب دووماھیی ھێت و ئێدی کار ب رێکەڤتنا سالا ٢٠١٥ ناھێتە کرن ئەم پیشبینی دکەین شاندێ ھەرێمێ ل بەغدا رێکەڤتنەکا نوو دگەل حوکمەتا عیراقی بکەت و تێدا مەرج بھێنە دانان داکو عیراق یا پێگیر بیت ب رێکەڤتنێ وسالا بھێت دروستاھی پشکا ھەرێمێ بھنێریت.
حاکم سرحان سلیڤانەی ئەوژی دیارکر ھەکەر بھایێ برمیلا پترولێ ژ ٤٠ دولاران زێدەتر بھێتە خارێ دێ عیراق تووشی قەیرانەکا زۆر مەزنا دارایی بیت ل سالا ٢٠١٦ و نوکە پرۆژێ بوودجا سالا ٢٠١٦ ی دا باج ل سەر ئینانا ترۆمبیلان و پترولێ و چەندین جۆرێن دی یێن کەرەستان یێ ھاتیە دانان لێ ھێشتا دیارنینە باج چەند ھاتیە زێدەکرن ئەڤە ھەموو دێ ھێتە کرن داکو عیراق خوە ل بەر قەیرانا دارایی بگریت.
دەربارێ دانا پیشینەیان ژی سالا بھێت سەرحان سلێڤانەی دیارکر دێ بەردەوامی ب دانا پیشینەیان ھێتە دان لێ چوو گەنگەشە ناھێنە کرن ل سەر وێ چەندێ وەلاتی بھێنە لێبۆرین ژ دانا پیشینەیان چونکو عیراق یا رەوشەکا ئابوورا نەخوش دایە و رێژەکا مەزنا پارەی دایە وەلاتیان بھانەیا پرۆژان دبوودجا سالا بھێت دا ئەڤ پیشینە دێ ھێنە ئێکلایکرن وپیدڤیە ھەر جۆرە پیشینەیەکا عیراقێ بھێتە دان ژ ھەرێمێ ژێ بگریت ھەر دەمێ روونشتنا ئێکێ ل سەر پرۆژێ سالا بھێت ھاتە کرن مە دیت پیشینە یان ھەر برگەکا پرۆژی بوودجا ٢٠١٦ نە د بەرژوەندا ھەرێمێ دایە ئەم دێ دژی وێ بەندێ و برگا پرۆژەی راوەستن ناھێلین سەر مە دا ببۆریت.
ئەندامی لژنا دارایی ل جڤاتا نوونەرێن عیراقی گۆت ھەکە سالا بھێت ژێ عیراق نەیا پێگیر بیت ب ھنارتنا پشکا ھەرێما کوردستانێ پێدڤیە ھەرێم ھەلویستەکێ توند وەربگریت وئەڤ سالە رێک ناھێتە دان چوو فراکسیون بتنێ گۆتنا گەنگەشێ ل سەر پرۆژێ بکەن بەلکۆ پێدڤیە ھەموو ب نڤیسین بیت ئەو نڤیسین بھێتە پێشکێشکرن بۆ لژنا دارایی و سەرۆکاتیا پەرلەمانی وپاشی دێ گەنگەشە ل سەر پرۆژەی ھێتە کرن ھەتا نوکە چوو فراکسیون ل جڤاتا نونەرێن عیراقی دژی پشکا ھەرێمێ نە راوەستاینە.
ئەڤرۆ نيوز:
پەرلەمانتارەکێ ھەرێما کوردستانێ ئاشکرا دکەت کو مەترسیا ھەرفینێ یا ل سەر سکرێ مووسلێ ھەی و حوکمەتا عیراقێ بەرپرسا ئێکێ یە کو وێ مەترسیێ ل سەر نەھێلیت و گۆت “ئەمریکیان ژی ھەست ب ڤێ مەترسیێ کریە”.
ئاری ھەرسین پەرلەمانتارێ فراکسیۆنا پارتی ل پەرلەمانێ کوردستانێ بۆ (تۆڕا میدیا رووداو) راگەھاند ل گۆر دووڤچوونەکا وان، مەترسی ل سەر سکرێ مووسلێ ھەیە و فاکتەرێن ھەرفینێ ھەنە و گۆت “ئەرکێ حوکمەتا فیدرالە کاری بۆ نووژەنکرنا وان جھان بکەت، کو مەترسیا ھەرفینێ ل سەرە و ھەکە بھەرفیت ھەردو باژارێن مووسل و بەغدا دێ بن ئاڤ بن”.
پەرلەمانتارێ فراکسیۆنا پارتی ل پەرلەمانێ کوردستانێ خویا ژی کر کو ئەڤە چەند سالە سکرێ مووسلێ پێدڤی نووژەنکرنێ یە، لێ ھاتیە پشتگوھخستن، لەورا مەترسیا ھەرفینێ زێدەتر بوویە و گۆت “کۆژمێ ٢٥٠ ھەتا٥٠٠ ملیۆن دۆلاران پێدڤینە بۆ نووژەنکرنێ”.
ھەروەسا ئاری ھەرسین گۆت “ئەمریکیان ژی ھەست ب ڤێ مەترسیێ کریە، لەورا نھا ل کۆمپانیەکا تایبەتمەند دگەڕیێن کو بشێت وان جھێن خرابی و مەترسیا ھەرفینێ ل سەر دروست بکەت”.
ھەژی گۆتنێ یە سکرێ مووسلێ مەزنترین سکرە ل عیراقێ و ل سالا ١٩٨٣ ژ ئالیێ دو کۆمپانیێن بیانی ڤە ھاتیە دروستکرن.
ئەڤرۆ نيوز:
ئەندامەکێ لژنا دارایی و ئابووری ل جڤاتا نوونەرێن عیراقێ ئاشکرا کر کو د بودجا عیراقێ یا سالا 2016 دا 12 ھزار پلێن دامەزراندنێ ل وەزارەتا ساخلەمیا عیراقێ بۆ دەرچوویێن دو کۆلیژان ھاتینە تەرخانکرن.
مەسعود حەیدەر، ئەندامێ لژنا دارایی و ئابووری ل جڤاتا نوونەرێن عیراقێ دیار کر کو ئەو 12 ھزار پلێن دامەزراندنێ ل وەزارەتا ساخلەمیا عیراقێ دێ بۆ دەرچوویێن کۆلیژێن پزیشکی و دەرمانسازی بن و گۆت:” ژبلی کەرتێ ساخلەمی و بەرگێریێ ھندەک وەزارەتێن دی د بودجا 2016 دا کێمترین پلێن دامەزراندنێ ب خوەڤە گرتینە”.
ئه‌ڤرۆ نيوز:
ديمه‌نێن ناڤ باژێرێ دهۆكێ، شوقێن ئه‌ڤرۆ ستى، ڤيديۆ ژ لايێ خورتين ئامێدى ڤه هاتيه گرتن.
ئه‌ڤرۆ نيوز، بارزان مزوورى:
رائيد به‌درخان حه‌جى، ل ميحوه‌رێ شنگال سه‌ر ب فه‌وجا سێ يا ليوا 12 يا وه‌زاره‌تا پێشمه‌رگه‌ى بۆ ئه‌ڤرۆ نيوز گۆت: “ئێڤارا دوهى رۆژا دوشه‌مبى رێكه‌فتى 9ى چريا دويێ هه‌تا دره‌نگى شه‌ڤ فرۆكێن هه‌ڤپه‌يمانان پێنج جاران بۆردۆمانا جهێن چه‌كدارێن داعش ل پشت سايلۆيا شنگال و بن مه‌زارێ سه‌يده زه‌ينه‌ب كر”.
زێده‌تر گۆت: “ل دووڤ پێزانينێن ب ده‌ست مه كه‌فتين ئه‌ڤ بۆردۆمانه بۆ سه‌ر وێ هێزا مه‌زن و گران بوو يا چه‌كدارێن داعش ل ده‌ڤه‌رێ كۆمكرى بۆ به‌رسينگگرتنا هێزێن پێشمه‌رگه‌ى ل ده‌مێ هێرشێ بۆ سه‌ر شنگال، به‌لێ ب هه‌موو ڤه هاته ژناڤبرن”.
دا زانين ژى كو پتريا بزاڤێن چه‌كدارێن داعش ل شنگال ده‌ما ببنه كريار چو ژ لايێ هێزێن هه‌ڤپه‌يمانان ڤه يان ژى پێشمه‌رگه‌ى دهێنه ژناڤبرن.
نيشاندان