ئەڤرۆ نیوز:
د یاریەکا نەچاڤەرێ کری دا روجێ فێدرێر یێ سویسری پلەدارێ سیێ ل سەر ئاستێ جیھانێ ل گەل پلەدارێ سێزدێ یێ ئەمریکی جو ئیسنەر خوسارەت بوو و قارەمانیا پاریس یا تەنسا ئەردی بجە ھێلا.
د کوما ئێکێ دا ھەردو یاریکەران ئاستەکێ باش پێشکێشکر و ب شەش خالان وەکھەڤبون و ل دەمێ سێرفی حەفت خالان دا ئیسنەر شیا کوما ئێکێ ب حەفت خالان بەرامبەر شەش خالان ژ فێدرێری بەت، د کوما دویێ دا روجێ فێدرێر شیا ڤەگەریتە ئاستێ خوە یێ باش و سەرکەفتنێ د ڤێ کومێ دا بینت ب ئەنجامێ شەش خالان بەرامبەر سێ خالان و د کوما سیی َدا ھەردو یاریکەران ئاستێ خوە یێ باش پێشکێشکر و شیان جارەکا دی ب شەش خالان وەکھەڤ ببن و د دەمێ سێرفی یێ حەفت خالان دا ئسنەر شیا دربەکێ کوژەک ل فێدرێر بدەت و ب سەرکەڤیت ب حەفت خالان بەرامبەر شەش خالان و یاریێ ب ئەنجامێ دو کومان بەرامبەر کومەکێ سەرکەفتنێ بینت، ب ڤی ئەنجامی یێ ئەمریکی ئسنەر گەھشتە قوناغا چارێک دووماھیا قارەمانیا فرەنسا و فێدرێر ژی قارەمانیا ناڤبیر ب خوسارەتی ب جە ھێلا.

ئەڤرۆ نیۆز، ھەژار مەعروف:
مالپەرێ فەرمی یێ یانا خەلیج یا سعودی ئەوا دخۆلا پلا نایاب دا یاریێ کەت دیارکری یە ئەوان ھەڤبەستا پیشەکارێ خوە و یاریکەرێ ھەلبژارتیێ عیراقی مەروان حسێن ھەلوەشاندی یە ژبەرکو یاریکەری ھنگافتنەکا مەزن ھەیە و نەشێت بەردەوامی ب دەتە یاریێن تیمێ بوو ماوێ بھێت .
ژلایێ خوڤە یاریکەرێ ناڤبری بوو مالپەرێن عیراقی دیارکری یە چو راستی بوو ھنگافتنا وی نین ئەو یێ بەرھەڤە یاریێ بکەت نوکە ھەتا دووماھیا سالێ لێ ھەڤبەستا وی ھاتیە ھەلوەشاندن ب رازەمەندیا ھەردو لاینە ژبەر چەند ئەگەرێن تایبەت .
ناڤبری ئاماژە ب وێ چەندێ ژی کر ل نێزیک دێ ھەڤبەستا یانەکا عیراقێ ئیمزاکەت کو چەندین یانا پەیوەندی پێ کری یە.

ئەڤرۆ نیوز، زنار:
کارگێریا یانا ریال مەدرید یا ئسپانی بەیاننامەکێ دا پشتەڤانیا بنزیمای راگەھاند و تێدا ھاتیە کو ھێرشبەرێ وێ یێ ڤەگەریا باژێرێ مەدرید و نوکەراھێنانێن یانێ دا پشکدارە.
ئەڤ چەندە ھاتە دیارکرن پشتی یاریکەرێ ناڤبری ژلایێ پولیسێن فرەنسا ڤە ھاتیە ئازادکرن پشتی ڤەکولین ب دووماھی ھاتی ل دۆر بابەتێ ھەتکبەریا سکسی دا، د ڤێ بەیاننامێ دا ھاتیە ھێرشبەرێ تیمێ کەریم بنزیما ڤەگەریایە راھێنانێن تیمێ و دوھی راھێنانێن دەمێ ئێڤاری ل گەل تیمێ ئەنجامداینە و نوکە ژ ھنگافتنا خوە ژی ساخ بویە و کارگێریا یانا ریال مەدرید پشتی کومبون ل گەل بنزیمای ئەنجامدای پشتەڤانیا خوە یا تمام بۆ یاریکەرێ ناڤبری دیاکریە و ھیڤی خواست بێ تاوان ژ ڤێ کێشی رزگاربیت.

ئەنجامێن شڤێدی یێن قارەمانیا یوروپا لیگ
ئەڤرۆ نیوز:
شڤێدی یاریێن گەرا چارێ ژ قارەمانیا یوروپا لیگ ھاتنە ئەنجامدان و ژ گرنگترین ئەنجامێن ڤێ گەرێ ڤی شێوێ ل خوارێ بون.

بشکتاش یا تورکی ١-١ لوکوموتیڤ موسکو یا روسی
کارباگا ئەگدام ئەزربیجان ١-١ موناکۆ یا فرەنسی
مارسیلیا یا فرەنسی ١-٠ سپورتینگ براگا یا پرتوگالی
سیون یا سویسری ١-١ بوردو یا فرەنسی
روبێن کازان یا روسی ٠-١ لێڤەرپول یا ئنگلیزی
ئەیاکس یا ھولەنجی ٠ -٠ فەنەرباخچە یا تورکی
سپارتاک براگ یا روسی ١-١ شالکە یا ئەلمانی
توتنھام یا ئنگلیزی ٢-١ ئەندرلەخت یا بەلچیکی
روزنبورگ یا نەرویژی ٠-٢ لازیو یا ئیتالی
لیگ پوزونان یا پولەندی ٠- ٢ فیورونتینا یا ئیتالی
ئەتلەتیکو بلباو یا ئسپانی ٥-١ پارتیزان بلگراد یا سربی
دینامو مینسک بیلاروسی ١-٢ ڤیاریال یا ئسپانی
بروسیا دورتموند یا ئەلمانی ٤-٠ گیلان بالا ئەزربیجانی
ناپولی یا ئیتالی ٥- ٠ میتولاند یا دانیمارکی

ئەڤرۆ نیۆز:
گولچیێ یانا زاخۆ یێ تیما خۆلا عیراقێ محەمەد حەمید زێدەتر ژ حەفتیەکێ یە راھێنانان ل گەل تیما خۆلا عیراقێ نە کری نە ژبەر چەند ئاریشەیێن دناڤبەرا وی و کارگێریا یانێ دا .
ژێدەرەکی نێزیک ژ یانا زاخۆ بۆ ئەڤرۆ نیۆز دیارکر ھەر پشتی یاریا ل گەل جەویە ب دووماھی ھاتی گولچیێ ناڤبری پەیوەندی ب تیمێ نەکری یە بەردەوام داخوازیا ژ کارگێریا یانێ کەت کو ژلایێ پاداشێن یانێ بوو بھێنە زێدەکرن ھەر دیسان داخوازیا پشکەکا دی ژی ژ ھەڤبەستا خوە ژ کارگێریا یانێ کری یە .
وی ژێدەری دیارکر ژی کارگێریا یانێ ھەمی داخوازیێن وی رەتکری نە ژبەرکو ئەوی ماڤێ خوە وەرگرتی یە ٥٠% ژ ھەڤبەستا خوە ھەر دەمێ یاریکەرێن دی پشکەکا دی ژی ھەڤبەستا خوە وەرگرت دێ وی دەمی یێ وی ژی ھێتە دانێ.
ھەژی گوتنێ یە محەمەد حەمید بەری نوکە ژی ل گەل یانا شورتە چەندین ئاریشەیێن تایبەت ھەبوون کو چەندین جاران ھاتبوو سزادان ژلایێ کارگێریا یانا شورتە ڤە .

ئەڤرو نیوز، زنار:
فوتو، قیس وەیس:
تیما فوتسالا زێرەڤانی نەشیا ب گەھیتە یاریا دووماھیا خولا ھەرێما کوردستانێ یا فوتسالێ پشتی دوھی د یاریا چارگوشا زێرین دا تووشی خوسارەتیەکا نە نەچاڤەرێ کری بوی ل سەر دەستێ کچێن ئەفرودێت ب ئەنجامێ نەهـ گۆلان بەرامبەر شەش گۆلان.
د ڤێ یاریێ دا ل نیڤا ئێکێ ئاستەکێ لاواز یاریکەرێن کچێن زێرەڤانی ھاتنە دیتن و ل دەهـ دەقیقەیێن ڤێ نیڤێ ئەفرودێت شیا پێنج گۆلان توماربکەت، لێ دووڤدا پشتی چەند گوھۆرین ھاتینە ئەنجامدان ئاستێ تیمێ باشر ھاتە دیتن شیان گۆلان توماربکەن لێ ھێزا بەرھەڤانیا ئەفرودێت رێگربوو ھەمبەر راستڤەکرنا ئەنجامێ یاریێ و نیڤا ئێکێ ب ئەنجامێ شەش گۆلان بەرامبەر سێ گۆلان ب دووماھی ھات.
دنیڤا دویێ دا ھەر دەسپێکا یاریێ کچێن زێرەڤانی چەندین بزاڤکرن بۆ راستڤەکرنا ئەنجامێ یاریێ لێ ژ دەسپێکا ڤێ نیڤێ ئەفرودێت شیا گۆلا حەفتێ ژی تومار بکەت بەرامبەر کاپتنا تیمێ سیپەل شوکر ل ژێر زێرەڤانیەکا چر یا یاریکەرێن ئەفرودێت بوو دیسان بو ئەگەر پەنەلتیەکێ ژی ژدەست بدەت و ھەتا یاری ل دووماھیێ ب ئەنجامێ نەهـ گۆلان بەرامبەر شەش گۆلان د بەرژەوەندیا ئەفرودێت یا باژێرێ سلێمانیێ ب دووماھی ھاتی و شیا ب ڤی ئەنجامی ب گەھیتە یاریا دووماھیا خولێ.
ژلایێ خوە ڤە تیما ئافرەتێن ھەولیر سەرکەفتن ل سەر پیرەمەگرون تومارکر ب ئەنجامێ نەهـ گۆلان بەرامبەر گۆلەکێ و یاریا بھێت ئافرەتێن ھەولێر دێ ل گەل کچێن زێرەڤانی کەت بۆ دیارکرنا لاینێ دویێ یێ یاریا دووماھیێ.

ئەڤرۆ نیوز، زنار:
بریارە ئەڤرۆ ئێڤاری ل دەمژمێر سێ پشتی نیفرو ھەردو یانێن زاخۆ و ھەولێر یاریەکا دێربی ل سەر ئاستێ کوردستانێ ل یاریگەھا فرەنسو حەریری بکەن ژ چارچوڤێ یاریێن گەرا ھەشتێ ژ خولا عیراقێ یا تەپا پێ بۆ یانێن نایاب.
ئەڤ یاریە دێ ھێتە چاڤەرێ کرن یا ب زەحمەت بیت بۆ ھەردو تیمان ژ بەرکو یانا ھەولێر ھەتا رادەیەکی ئەنجامێن وێ د باشن سەرەرای قەیرانا دارایی یا ڤێ یانێ و نوکە ل رێزا سیێ یە د کوما خوە دا ب ١٢ خالان ژ سێ سەرکەفتنا و و سێ وەکھەڤیان.
بەرامبەر یانا زاخۆ دێ د ڤێ یاریێ دا دو یاریکەرێن وێ یێن سەرەکی یاریێ ناکەن و نوکە باشترین تیم ل سەر ئاستێ عیراقێ دھێتە نیاسین و شیانێن ھەڤرکیێ ژی ھەنە لەورا نوکە ئەو ژی ل رێزا چارێ دھێت ب ١٢ خالان ب جوداھیا گۆلان ژ یانا ھەولێر خودانا رێزا سیێ و دھێتە پێشبینی کرن ئەڤرۆ یاریەکا بھێز و ژلایێ ھونەری و ھێزا لەشی ڤە ژلایێ ھەردو یانان ڤە بھێتە دیتن و پێشبینیا ھەر ئەنجامەکی ژی دھێتە کرن بۆ ڤێ یاریێ.