ئەڤرۆ نیوز، ئەیاد بەرواری:
رێڤەبەرێ ھەلبژارتیێ عیراقێ یێ تەپا پێی ئاشکراکر کو دەستەیا راھێنانا ھەلبژارتیێ عیراقێ بریارا دوورخستنا یاریکەر (عەلی عەدنان) ژ ھەلبژارتیێ عیراقێ دایە ژبەر نەھاتنا وی دناڤ شاندێ ھەلبژارتیێ عیراقێ ل پارێزگەھا دھۆکێ.
باسل گورگیس د داخۆیانیەکێ دا بۆ سومەریە نیۆز گوت” سەرەرای وێ چەندێ یاریکەر عەلی عەدنان نوکە یێ ل بەغدا، بەلێ ل گەل شاندێ ھەلبژارتیێ عیراقێ نەھات، لەوما دەستەیا راھێنەریێ بریارا دوورخستنا وی دەرکر ژبەر نەھاتنا وی”.
گوت ژی” پشتی وی یاریکەری ھەڤبەستا خوە ل گەل یانا ئودینیزی یا ئیتالی ئیمزاکری، پێدڤی بوو ل گەل شاندێ ھەلبژارتیێ عیراقێ با”.
دھێتە زانین عەلی عەدنان ب شێوەکێ فەرمی ژ یانا (تشایکور ریزا سپۆر) یا تورکی چوویە دناڤ رێزێن یانا (ئودینیزی) یا ئیتالی دا ئەوا ل خۆلا پلا ئێک یاریێ دکەت و ب ڤێ چەندێ دبیتە ئێکەمین یاریکەرێ عیراقی یاریێ ل خۆلا ئیتالی بکەت.
ھەلبژارتیێ عیراقێ نوکە یێ پارێزگەھا دھۆکێ و بریارە ل رۆژا ٤ ڤێ مەھێ یاریەکێ ل گەل یانا زاخۆ بکەت ب ھەلکەفتا ڤەکرنا یاریگەھا زاخۆ یا نێڤدەولەتی.

ئه‌ڤرۆ نيوز:

رۆژنامه‌كا ئه‌فريقيا باشوورى رۆژا ئێكشه‌مبى 31ى گۆلانا 2015ێ بابه‌تێ پێدانا 10 مليۆن دۆلاران ب فيدراسيۆنا نێڤده‌وله‌تى يا فيفايێ كره‌ بابه‌تێ خوه‌ يێ سه‌ره‌كى يێ لاپه‌رێ ئێكێ وه‌كو دانپێدانا ئێكێ يا تۆمه‌تا خستيه‌ به‌ر فيفايێ دهێته‌ زانين.

دانى جورجن، به‌رپرسێ ئێكه‌تيا ته‌پا پێ يا ئه‌فريقيا باشوور دانپێدان ب وێ چه‌ندێ كر كو ل سالا 2008ێ جاك وارنه‌ر يێ جێگرێ سه‌رۆكێ فيفايا وه‌لاتێ وى، 10 مليۆن دۆلار ب فيدراسيۆنا نێڤده‌وله‌تى يا ته‌پا پێ “فيفا”يێ دايه‌.

سه‌رۆكێ ئێكه‌تيا ته‌پا پێ يا ئه‌فريقيا باشوور راگه‌هاند كو ئه‌وان ب چو مه‌ره‌مێن به‌رتيلكرنێ ئه‌و پاره‌ نه‌دايه‌ فيفايێ، به‌لێ ده‌زگه‌هێن دووڤچوونا ڤى كه‌يسى ژى دكه‌ن ئاماژێ ب وێ چه‌ندێ دكه‌ن كو پێدانا ڤى پاره‌يى نه‌يا قانوونى يه‌.

ب تۆمه‌تا وه‌رگرتنا به‌رتيلان حه‌فت ئه‌ندامێن فيفايێ هاتينه‌ ده‌سته‌سه‌ركرن و پێنج كه‌سێن دژى ل بن گه‌فێ نه‌ و ژ لايێ داواكاريا گشتيا ئه‌مريكا و سويسرا.