ئه‌ڤرۆ نیوز:
ل گۆر ده‌نگوباسه‌كێ وه‌زاره‌تا خواندنا بلند، د كومبوونا ئه‌ڤرۆ یا وه‌زاره‌تێ دا بریار هاته دان كو سالا خواندنێ (٢٠١٤-٢٠١٥) ب سالا نه‌كه‌فتنێ (عدم رسوب) بهێته هژمارتن.
هه‌ر د كومبوونێ دا رژدى ل سه‌ر وێ یه‌كێ هاته كرن كو ئه‌ڤ بریارا عبورێ وان قوتابیان ڤه‌ناگریت یێن ژ ئه‌گه‌رێ غشێ یان ژ ئالیێ لژنا (ئینزیبات) بریارا كه‌فتنێ بۆ ده‌رچووى.
ئه‌ڤرۆ نیۆز، قائید میرۆ
فه‌رمانده‌كێ پێشمه‌رگه‌ی ل شنگالێ ئاشكراكر، ئه‌ڤرۆ هه‌ڤپه‌یمانان حه‌فت باره‌گایێن داعش ل رۆژئاڤایێ شنگالێ وێرانكرینه.
عه‌مید عزه‌دین سه‌عدۆ، فه‌رماندێ پێشمه‌رگه‌ی ل میحوه‌رێ شنگالێ ب ئه‌ڤرۆ نیۆز راگه‌هاند” ده‌مژمێر 10ی به‌ری نیڤرۆیا ئه‌ڤرۆ هێزێن هه‌ڤپه‌یمانان حه‌فت باره‌گایێن تیرۆرستێن داعش ل رۆژئاڤایێ شنگالێ كرینه ئارمانج، كو باره‌گا دكه‌ڤنه سه‌ر رێیا عێراق و سووریا و رێیا گشتیا هاتن وچوونا داعشه.
عه‌مید عزه‌دینی گۆتژی” ئه‌ڤێ بۆردومان ب چه‌كێ هه‌ره پێشكه‌فتی هاتیه‌كرن و زیانێن زۆر گه‌هاندینه تیرۆرستێن داعش، به‌لێ قه‌بارێ زیانێن گیانی نه‌هاتیه زانین تنێ مه زانیه ترۆمبێله‌ك ژی هاتیه ژناڤبرن و زیان هه‌بووینه.
ئه‌ڤرۆ نیۆز، قائید میرۆ
سه‌رۆكێ فڕاكسیۆنا پارتی ل جڤاتا پارێزگه‌ها هه‌ولێرێ ئاشكراكر، ژبه‌ر ڤێ ره‌وشێ هه‌موو دانوستاندنه‌ك لدۆر پشكداریا لایه‌نێن دی د حوكمه‌تا نافخۆیا هه‌ولێرێ دا هاتینه راگرتن.
كه‌نعان خه‌یلانی، سه‌رۆكێ فڕاكسیۆنا پارتی ل جڤاتا پارێزگه‌ها هه‌ولێرێ ب ئه‌ڤرۆ نیۆز راگه‌هاند” بۆ پێك ئینانا حوكمه‌تا خوه جها هه‌ولێرێ ئه‌م وه‌كی پارتی دگه‌ل بزاڤا گۆڕان رێكه‌فتبووین و مه چه‌ند پۆستێن گرنگ ژ رێڤه‌به‌رایه‌تیا ب گۆڕان دابوون، به‌لێ پشتی هنگی بۆمه ده‌ركه‌فت گۆڕان ئه‌ڤا ل په‌رله‌مانی كری ڤه‌گوهێزیت بۆ جڤاتا پارێزگه‌هێ و حوكمه‌تێن نافخۆیی.
خه‌یلانی گۆتژی” دده‌مێ نوكه هه‌موو جۆره دانوستانه‌ك لدۆر حوكمه‌تا نافخۆیا هه‌ولێرێ هاتیه راگرتن و ژبه‌ر ڤێ ره‌وشێ پڕۆسه‌یا دانوستانان بڕێڤه ناچیت، له‌وڕا دگه‌ل لایه‌نێ ئێكه‌تیێ و ئێكگرتووژی نه‌گه‌هشتین چو ئه‌نجامان.
ئه‌ڤرۆ نیوز:
سه‌را چوونا بن ئه‌رد چوونا 30 سه‌نتیمێن پرا خانى لژنه‌یه‌ك ژ باژێرڤانى و قائیمقامى و پارێزگارێ دهۆكێ هاتیه پێكئینان بۆ دووڤچوونا ئه‌نجامێن دووماهیێ. باژێرڤانیا زاخۆ ژى دبێژیت: هه‌كه لیژنه‌یا زانستى ره‌زامه‌ندى ل سه‌ر دانانا پرێ نه‌دان، دێ ل سه‌ر كیستێ كۆمپانیا دیزاینه‌رى جاره‌كا دى سه‌ر ژ نوو هێته درۆستكرن.
ئه‌ندازیار بژار مۆنیب بو رۆژنامه‌یا ئه‌ڤرۆ دیار كر، پرا خانى خه‌له‌تیه‌ك پشتى سه‌بكڕنێ تێدا هاتیه كرن، ئانكۆ پێشنیاز ئه‌و بوو 20 سم بۆ بن ئه‌رد پرۆژه بهێته خوار، لێ نۆكه گه‌هشتیه زێده‌ترى 30 سم، ئه‌م ل گه‌ل سه‌رپه‌رشتێن پرۆژه‌ى و كۆمپانیایێ جڤیاین و گۆت: ل دۆر ڤێ مه‌ره‌مێ لیژنه‌یه‌ك ژ باژێرڤانیا نوونه‌رێ قائیمقامى و پارێزگه‌هێ تێدا پشكدارن، مه خالێن خوه نڤێسین و پێشكێشى پارێزگه‌هێ كرینه، بۆ هندێ بریارا ئێكلاكه‌ر د ڤێ ده‌ربارێ دا بده‌ن.
محه‌مه‌د حه‌سه‌ن شۆفێرێ ته‌كسیێ بوو د ناڤخۆیا زاخۆ دا كار دكه‌ت بۆ رۆژنامه‌یا ئه‌ڤرۆ دیار كر، هندى ئه‌م چاڤه‌رێ دكه‌ین هه‌ردو پرێن خانى و ئۆڤه‌رپاسا سه‌رێ گۆندى درۆست بن، لێ هه‌ر جاره‌كێ بهانه‌یه‌كێ كارى گیرۆ دكه‌ن و كه‌س نینه لێپیچینه‌یان ژ كۆمپانیان وه‌ربگرن، ژ به‌ر هه‌موو هه‌ڤپشكێن ئێكن و گۆت: ژ قه‌ره‌بالغیێ كار تێدا بێ تام بوویه، رێیا سه‌ره‌كى د ناڤ بازارى دا و ل پشت بازارى دا ده‌رباز دبیت، ئه‌ڤه ژى شۆفێرێن ته‌كسیان ژ هه‌موویان زێده‌تر زیانێ ژ گیروكرنا ڤان پرۆژه‌یان دبینن.
كۆمپانیا زانین ژى ئاشكرا كر، گرانیا قه‌بارێ پرا خانى سێ هزار ته‌نن، ژ به‌ر گڤاشتنا كێبلێن ده‌وروبه‌رێن پرێ بۆ راگرتنا به‌لانسا پرێ ژ هه‌ردوولایان ڤه هاتینه دانان، نێزیكى 10 سم پر هاتیه خوار، ئه‌ڤه ژى تسته‌كێ نۆرماله ب ناڤێ كۆمپانیێ دبێژن: درێژاهیا پرا خانى 65 مه‌ترن و پشتى مه راوێژ ژى ل گه‌ل دیزاینه‌رێ پرێ كرى ل گۆره‌ى پێشبینیان هه‌تا نهۆ چو كارتێكرنێن خوه نه‌كرینه، چاره‌سه‌ریێن پێدڤى ژى بۆ دهێنه كرن.
بژار مۆنیب ته‌كه‌ستكر، ئه‌ندازیارێن وان پله‌یا زانستى یا پرۆفیسۆر نینن بكارن وێ وه‌كو لێپیچینه‌وه وێ بریارێ بده‌ن كا خه‌مسارى هاتیه كرن یان ژى كێشه نینن و گۆت: نه‌خشه‌سازێ پرێ پله‌یا وى یا زانستى پرۆفیسۆره، دێ مینیت راوێژ ب هنده‌ك پرۆفیسۆران بهێته كرن، دووڤچوونا وى بابه‌تى دهێته كرن، لیژنه‌یا زانستى بریار ل سه‌ر دانانا پرێ نه‌دان، جاره‌كا دى سه‌ر ژنوو دێ پر ل سه‌ر كیستێ كۆمپانیا دیزاینه‌رى هێته درۆستكرن.
ئه‌ڤرۆ نیوز: له‌يلان
سترانبێژێ گه‌نج هه‌ڤال ئیبراهیم، بۆ جارا ئێكێ ب رێكا به‌رپه‌رێ هونه‌رى یێ رۆژناما ئه‌ڤرۆ به‌حسێ ژیانا هه‌ڤژینیێ دكه‌ت.
سترانبێژێ به‌رنیاس(هه‌ڤال ئیبراهیم)د دیداره‌كێ دا بۆ به‌رپه‌رێ هونه‌رى یى َ رۆژناما ئه‌ڤرۆ ئاشكه‌راكر كو نوكه ئه‌و مژوولێ به‌رهه‌مه‌كى یه كو پێك هاتیه ژدوازده تراكان، لێ هه‌تا نوكه ئه‌ڤ به‌رهه‌مه یێ بێ ناڤه ژڤانه ل جه‌ژنا نه‌وروزێ بهێته به‌لاڤكرن.
هه‌ڤال ئیبراهیم چه‌ند نهێنێن ژیانا خوه دیاركرن و گۆت: من ل به‌رنینه بچمه ژ ده‌رڤه‌ى وه‌لاتى هه‌كه بچم ژبه‌ركاره‌كێ هونه‌رى، دێ چم و گه‌له‌ك سترانبێژ هه‌نه حه‌زدكه‌م سترانان ل گه‌ل چێكه‌م، لێ رۆژێت بهێن ب ئانه‌هیا خودێ دێ كارێن جوان ئه‌نجام ده‌م.
هه‌ڤالى دیاركر ژى كو هه‌تا نوكه‌خێزان پێك نه‌ئینایه و راسته گه‌له‌ك گۆتگۆت هاتینه به‌لاڤكرن كو وى هه‌ڤژینى پێك ئینایه، لێ وى چوئاخفتن و به‌رسڤ بۆ وان كه‌سان نینن و گۆت: تشته‌كێ نورماله هه‌ركه‌سه‌كێ وه‌رزشڤان بیت یان سیاسه‌تمه‌داربیت یان سترانبێژبیت خه‌لك دێ هه‌رگۆتگۆت ل دۆر وى كه‌سى به‌لاڤ كه‌ت.
ئه‌ڤرۆ:
قاسم سمێر فه‌رماندێ پێشمه‌رگه‌ى ل میحوه‌رێ شنگال دیار كر كو وان گه‌له‌ك پێخوه‌شه تله‌عفه‌ر به‌رى شنگالێ بهێته رزگاركرن، چونكو تیرورسَتێن داعش یێن ئه‌فغانى و پاكستانى و وه‌لاتێن دى یێن بیانى د شنگالێ دا نه‌ماینه ئه‌و تیرۆرستێن د ناڤ شنگال دا نوكه شه‌ڕى دكه‌ن هه‌موو عه‌ره‌بێن ده‌وروبه‌رێن شنگالێ و تله‌عفه‌رێنه و بۆ ئه‌ڤرۆ گۆت:(رزگاركرنا شنگال 12 ده‌مژمیران ڤه‌ناكێشیت).
ئه‌ڤرۆ نیوز:
پارزینگه‌ها بێجی كو مه‌زنترین پارزینگه‌هه ل عیراقێ و هه‌فتیا رابۆری ژلایێ هێزێن عیراقێ هاته كۆنترۆلكرن و چ كه‌ل و په‌لێن وێ نه‌هاتینه برن یان سوتن و هێشتا شیانێن سه‌رنوو بكارخستنێ هه‌نه.
رائید ئیراهیم جبوری پارێزگارێ سه‌لاحه‌دین راگه‌هاند:زێده‌باری سوتن و كاڤلكرنا پارزینگه‌ها بێجی ب ئه‌گه‌رێ شه‌رۆپه‌ڤچوونێن چه‌ند هه‌یڤێن رابۆری دناڤبه‌را هێزێن عیراقێ و گرۆپا تیرۆریست یا داعشێ،لێ پارزینگه‌ها بێجی شیانێن بكارخستنێ ماینه و دشێت كار بكه‌ت وه‌ك جاران و نها تیمه‌كا تایبه‌تمه‌ند ژ وه‌زاره‌تا پترۆلا عیراقێ مژیلی به‌رهه‌ڤكرنا راپۆرته‌كێ نه ل سه‌ر سه‌رونوو ده‌ست ب كاركرنێ بكه‌ت.
پارێزگارێ سه‌لاحه‌دین ئه‌و چه‌نده ژی دیاركر كو پارزینگه‌ها ناڤبری ل چه‌ند رۆژێن رابۆری چ جورێن ژناڤچونێ و دزییێ لێ نه‌هاتینه كرن وه‌ك ئه‌وا ل میدیایێن عیراقێ و جیهانێ دا به‌حس لێ هاتیكرن،پشتی ساله‌كێ ژ دورپێچكرن و داگیركرنا پارزینگه‌ها بێجی ژلایێ داعشێڤه رۆژا 17 تشرینا ئێكێ هێزێن ئه‌منی یێن عیراقێ پارزینگه‌ها بێجی ئازاد كرن و نها وه‌زاره‌تا پترۆلا عیراقێ مۆژیلی بكارخستنا وێ نه .
ئه‌ڤرۆ نیوز:
ئه‌ندامه‌كێ په‌رله‌مانێ عیراقێ ژ فراكسیۆنا ئێكه‌تی نیشتمانی كوردستان بۆ ئه‌ڤرۆ دیاركر كو ل ناڤ په‌رله‌مانێ دا بزاڤ یێن دهێنه كرن ژلایێ ده‌وله‌تا قانوونى و سونه‌یان ڤه بۆ گوهۆرینا حه‌یده‌ر عه‌بادى ژ پۆستى وى ودبێژیت :هه‌تا نوكه عه‌بادى چو بۆ كوردان نه‌كریه، لێ په‌رله‌مانتاره‌كێ عیراقی ژ فراكسیۆنا پارتی دیموكراتی كوردستان دبێژیت هه‌تا نوكه چو پرۆژه بۆ لادانا عه‌بادی نه‌گه‌هشتینه لژنا قانوونی ل په‌رله‌مانی و دبێژیت، هه‌لویستێ عه‌بادێ بۆ كوردان گه‌له‌ك ژ یێ مالكی باشتره. به‌ختیار شاوه‌یس ئه‌ندامێ په‌رله‌مانێ عیراقێ بۆ ئه‌ڤرۆ گوت” نوكه ره‌وشا سیاسى یا عه‌بادى گه‌له‌ك یا باش نینه وپێشبینى دهێته كرن ژ پۆستى سه‌رۆك وه‌زیران بهێته دوورخستن،چونكی نوكه هنده‌ك فراكسیۆنێن دناڤ په‌رله‌مانێ عیراقێ دا یێ كار ل سه‌ر گوهۆرینا عه‌بادى دكه‌ن ب تایبه‌تى سونه و ده‌وله‌تا قانوونێ”. به‌ختیار شاوه‌یس زێده‌تر گۆت” ئه‌و بریارێن عه‌بادى ده‌ركرین بۆ چاكسازیێ، زیان یا گه‌هاندیه سه‌نگا كوردان ل به‌غدا وعه‌بادى تشته‌ك بۆ كوردان نه‌كریه گه‌له‌ك، به‌ندێن دستوورى بۆ پاراستنا مافێن كوردان یێن هه‌ین، لێ عه‌بادى ل سه‌ر چو ژوان به‌ندێن دستورى یێن گرێدای كوردان ڤه كار نه‌كریه ب تایبه‌تى مادى 140 هه‌روه‌سا بۆ پێشمه‌رگه‌ى ژى عه‌بادى چو نه‌كریه”. ژلایێ خوه‌ڤه موحسن سه‌عدوون ئه‌ندامێ په‌رله‌مانێ عیراقێ ژ فراكسیۆنا پارتی و جێگرى سه‌رۆكێ لژنا قانوونى ل په‌رله‌مانێ عیراقێ بۆ ئه‌ڤرۆ گۆت” فراكسیۆنێن سیاسى چاڤه‌ڕێنه كا دى عه‌بادى شێت وان چاكسازیان ب جهبینی، یان نه و دێ هه‌موو تاوانباران ره‌وانه‌ى دادگه‌هى كه‌ت، یان نه. ئه‌وژى ده‌م بۆ پێدڤیه هه‌تا دیار دبیت كا دى عه‌بادى شێت ب جهبینت، یان ژى بریارێن چاكسازیێ ب تنێ بۆ رازیكرنا جه‌ماوه‌رێ فراكسیۆنێن، ئه‌و فراكسیۆنێن داخوازا گوهۆرینا عه‌بادى دكه‌ن، هێشتا وان ژى چو پێگوهۆر ده‌ستنیشان نه‌كرینه بۆ گرتنا جهێ عه‌بادى”. موحسن سه‌عدوونی ئه‌وژى دیاركركو دناڤ په‌رله‌مانى دا شیعه پترن ژ سونه‌یان، دناڤ سونه‌یێن په‌رله‌مانێ دا ژێ هه‌ڤدژى یا هه‌ى، له‌ورا سونه ب تنێ نه‌شێن عه‌بادى ژ پۆستى وى دوور بكه‌ن و پێدڤیه هه‌موو فراكسیۆنێن سیاسى دگه‌لدا كار بكه‌ن هه‌تا دشێن عه‌بادى وه‌كو سه‌رۆك وه‌زیران نه‌مینیت وپتریا فراكسیۆنان چاڤه‌ڕێی بجهئینانا بریارین عه‌بادى دكه‌ن بۆ چاكسازیێ و نه‌هێلانا گه‌نده‌لیێ”. گۆت ژى” ل دووڤ دستوورى پێدڤیه ئه‌و كه‌سێ جهێ عه‌بادى دگریت ژ حزبا دعوه بیت وهێشتا چو پرۆژه نه‌گه‌هشتینه لژنا قانونى بۆ گوهۆرینا عه‌بادى، به‌لێ ئه‌ز دبینم هه‌لویستى عه‌بادى ل گه‌ل كوردان گه‌له‌ك ژ هه‌لویستى مالكى باشتره”.
نيشاندان