ئه‌ڤرۆ نیۆز ، هه‌ژار مه‌عروف:
پشتى ناڤێ 73 یاریكه‌ران بۆ هه‌لبژارتیێ لاوێن كوردستانێ هاتینه‌ داخوازكرن ئێكه‌تیا ته‌پا پێێ ل هه‌رێما كوردستانێ راگه‌هاندى یه‌ ئه‌و یاریكه‌رێن دێ پشكدارى د تاقیكرنا ده‌ستپێكى دا كه‌ن دێ ل سه‌ر كیستى خوه‌ پشكدارى كه‌ن ل سێ رۆژێن ده‌ستپێكێ یێن ئوتێل و هاتنوچون و خوارنێ .
ژێده‌ره‌كێ نێزیك ژ ئێكه‌تیا ته‌پا پێێ یا ناڤه‌ندى ل كوردستانێ دیاركر ئێكه‌تیا ناڤه‌ندى بۆ ده‌سته‌یا راهێنه‌رى دیاركرى یه‌ هه‌ر یاریكه‌ره‌كێ پشكدارى بكه‌ت پێدڤى یه‌ ئه‌و بخوه‌ مه‌زاختیێن سێ رۆژێن ده‌ستپێكێ ل خوه‌ بكه‌ت ژبه‌ركو نوكه‌ هژماره‌كا مه‌زن یا یاریكه‌ران پشكدارى كرى یه‌ و پشتى پێكهاتى بهێته‌ ده‌ست نیشانكرن بۆ قاره‌مانى و كه‌مپێن نافخوى دێ ئێكه‌تیا ناڤه‌ندى مه‌زاختیا ل ئه‌وان یاریكه‌ران كه‌ت.

ئه‌ڤرۆ نيوز:

ئه‌ڤرۆ د رۆژا ئێكێ يا قاره‌مانيا رولان گرانس دا، پله‌دارا دويێ ل جيهانێ يا رۆمانى سيمونا هاليب گه‌هشته‌ قووناغا دويێ ژ قاره‌مانيێ ته‌نسێ يا دهێته‌ هژمارتن قاره‌مانيا دويێ ژ گراند يا ئاشتيێ پشتى سه‌ركه‌فتن ل سه‌ر يا رۆستى يڤگينيا رۆدينا تۆماركرى ب ئه‌نجامێ 5-7 و 4-6.

هاليب دێ ل قووناغا دويێ ياريێ ل گه‌ل يا كرواتى ميريانا لوسيتش- بارونى كه‌ت ئه‌وا سه‌ركه‌فتن ل سه‌ر يا ئه‌مريكى لورن ديڤيس تۆمار كرى 3-6، 6-3 و 3-6.

يارى بۆ يا رۆمانى ئێك ژ به‌ربژێرێن ناسناڤى نه‌يا ب ساناهى بوو ئه‌وا سێ جاران هنارتن ژ ده‌ست دايى، ئه‌وێ ب خوه‌ ژى دانپێدان ب وێ چه‌ندێ كر كو يا دودل بوو د ياريا خوه‌ يا ئێكێ دا.

هه‌ر ل قووناغا ئێكێ يا رۆسى ئيكاترينا ماكارۆڤا پله‌دارا نه‌هێ سه‌ركه‌فتن ل سه‌ر يا ئه‌مريكى لويزا تشيريكۆ تۆماركر ب ئه‌نجامێ 4-6 و 2-6 و يا ئسپانى گاريين موگورۆزا يا پله‌دارا 21ێ سه‌ركه‌فتن ل سه‌ر يا كراواتى بيترا مارتيتش تۆماركر ب ئه‌نجامێ 2-6 و 5-7.

ئه‌ڤرۆ نيوز:

ئه‌ڤرۆ رۆژا ئێكشه‌مبى رێكه‌فتى 24ى گۆلانا 2015ێ يێ سويسرى روجێ فيدرێر پله‌دارێ دويێ ل سه‌ر ئاستێ جيهانێ گه‌هشته‌ قووناغا دويێ ژ قاره‌مانيا رۆلان گاروس يا فره‌نسى يا ته‌نسێ، قاره‌مانيا دويێ يا گراند يا ئاشتيێ ب سه‌ركه‌فتنا خوه‌ ل سه‌ر يێ كولۆمپى ئه‌ليخه‌ندرۆ ڤالا ب ئه‌نجامێ 3-6، 3-6 و 4-6.

فيدرێر قاره‌مانێ ڤێ قاره‌مانيێ ل سالا 2009ێ دێ ياريا خوه‌ يا بهێت ل گه‌ل يێ ئسپانى مارسيل گرانويرز يان يێ ئه‌لمانى ناتياس باتشينگه‌ر كه‌ت ئه‌وێن دێ ئێك ژ وان ژ ڤاڤارتنان ب سه‌ركه‌ڤيت.

ديسا يێ دى يێ سويسرى، ستانيسلاس ڤاڤرينكا پله‌دارێ هه‌شتێ ب سه‌ركه‌فت پشتى سه‌ركه‌فتن ل سه‌ر يێ توركى مارسيل ئيلهان تۆمار كرى ب ئه‌نجامێ 3-6، 2-6 و 3-6.

ڤاڤرينكا دێ د ياريا خوه‌ يا بهێت دا يێ سربى دوشان لايوفيتش يان يێ ئه‌رژه‌نتينى ماكسيمۆ گونزالێز كه‌ت، دبيت ل چارێك دووماهيێ فيدرێر و ڤاڤرينكا بكه‌ڤنه‌ به‌ر ئێك هه‌كه‌ هه‌ردو گه‌هشتنه‌ وێ قووناغێ.

هه‌ر ژ گه‌را ئێكێ ئه‌ڤرۆ يێ ئسپانى رۆبێرتۆ پاوتيستا پله‌دارێ 19ێ سه‌ركه‌فتن ل سه‌ر يێ ئه‌لمانى فلوريان مايه‌ر تۆمار كر ب ئه‌نجامێ 3-6، 1-6 و 3-6. يێ ئه‌لمانى فليپ كواشرايه‌ر پله‌دارێ 22ێ سه‌ركه‌فتن ل سه‌ر يێ يابانى گۆ سويدا تۆماركر ب ئه‌نجامێ 6-1، 6-0 و 6-2.

ئه‌ڤرۆ نیوز:

كریستیانو رونالدو وه‌كو پشته‌ڤانیه‌ك بۆ مانا كارلو ئه‌نچیلوتى نامه‌ك ئاراسته‌ى ئه‌نچیلوتى راهێنه‌رێ ریال مه‌درید كریه‌ و دنامێ دا نڤیسیه‌: هیڤیخوازم وه‌رزێ بهێت پێكڤه‌ بۆ ریال كار بكه‌ین.
كریستیانو رونالدو دیاركریه‌: ئه‌نچیلوتى راهێنه‌ره‌كێ مه‌زنه‌ و هیڤیخوازم پێكڤه‌ ل گه‌ل ریال بۆ وه‌رزێ بهێت كار بكه‌ین.

1 of 3

ئه‌ڤرۆ نیوز: