ئه‌ڤرۆنیوز, ره‌زوان رۆژبه‌یانى:
كومیسه‌ر حازم محمد ژ راگه‌هاندنا هاتن و چوونا قه‌زا به‌رده‌ره‌ش بۆ ئه‌ڤرۆ نیوز خویاكر كو ئه‌ڤرۆ ل رێكه‌فتێ 29/5/2015 ل ده‌مژمێر (5:00) ئیڤارێ ل سه‌ر رێیا گشتى یا ناڤبه‌را به‌رده‌ره‌ش و ناحیا روڤیه ل نێزیك گوندى ئامیان ب ئه‌گه‌رێ پێكدادانا دوو ترومپێلان ژ جۆرێ شوفه‌رلێت و ئوپل فیكترا شه‌ش كه‌س بریندار بوون و هاتنه ره‌وانه‌كرن بۆ نه‌خوشخانا ته‌نگاڤیا ئاكرێ و گوت : دوو كه‌س د ناف ڤیكترا دا بریندار بوونه كو هه‌ردوو برایێت ئێكن و بریندارێن ترومپێلا شوفه‌رلێت ژى هه‌مى ئه‌ندامێ ئێك خیزانن كو ژنه‌ك و زه‌لامه‌ك و دوو زارونه و ژیانا ئێك ژوان زاروكان ل بن مه‌ترسێ دانه .
كومیسه‌ر حازم دیار كر كو ئێك ژ شوفێران لێبورینا ب خه‌له‌تى ب كار ئینایه.
ئه‌ڤرۆنیۆز، قائید میرۆ
به‌ری نیڤرۆیا ئه‌ڤرۆ ل باژێڕێ هه‌ولێرێ، گه‌نجه‌كی هه‌ڤالێ خوه كوشتن و پۆلیسێن هه‌ولێرێ رادگه‌هینن كو، بكوژ هاتیه ده‌سته‌سه‌ركرن و ڤه‌كۆلین ژی د به‌رده‌وامن.
رائید كاروان عه‌بدولكه‌ریم، په‌یڤدارێ پۆلیسێن پارێزگه‌ها هه‌ولێرێ ب ئه‌ڤرۆ نیۆز راگه‌هاند” به‌ری نیڤرۆیا ئه‌ڤرۆ هێزێن پۆلیسێن هه‌ولێرێ ل هه‌بوونا روویدانه‌كا كوشتنێ ل تاخێ سه‌ربه‌ستی رۆژئاڤایێ باژێڕێ هه‌ولێرێ هاتینه ئاگه‌هداركرن و پشتی پۆلیس گه‌هشتیه جهێ روویدانێ ده‌ركه‌فتیه، كه‌سه‌كی هه‌ڤالێ خوه یێ 35 سالی كوشتیه”.
رائید كاروانی گۆتژی” بكوژێ ئه‌ڤی گه‌نجی كو هه‌ڤاله‌كێ وی بوویه ژلایێ پۆلیسان ڤه هاتیه ده‌سته‌سه‌ركرن و ئه‌گه‌رێ كوشتنا هه‌ڤالێ خوه بۆ ڤێ چه‌ندێ ڤه‌گه‌ڕاندیه كو به‌ری نوكه پێكڤه مامه‌له كریه و ڤه‌كۆلین ل دۆر روویدانێ به‌رده‌وامن”.
ئه‌ڤرۆ نیۆز، قائید میرۆ
بزاڤ دهێنه‌كرن پارچه‌یێن ئه‌ردی بسه‌ر هێزێن پێشمه‌رگه‌ی بهێنه به‌لاڤكرن و ل گوره‌ی زانیاریێن مالپه‌ڕێ ئه‌ڤرۆ نیوز، حوكمه‌تا هه‌رێما كوردستانێ رازیبوونا خوه دایه دیاركرن بۆ به‌لافكرنا پارچێن ئه‌ردی بسه‌ر پێشمه‌رگه‌ی.
باپیر كامه‌لا، ئه‌ندامێ لیژنا پێشمه‌رگه‌ی ل په‌رله‌مانێ كوردستانێ ب ئه‌ڤرۆ نیۆز راگه‌هاند” پڕۆژه‌یه‌ك بۆ پتر باشتركرنا ژیانا پێشمه‌رگه‌ی هاتیه به‌رهه‌ڤكرن و گوره‌ی ئه‌ڤی پڕۆژه‌ی پێدڤیه حوكمه‌ت پارچێن ئه‌ردی لسه‌ر هێزێن پێشمه‌رگه‌ی به‌لاف بكه‌ت، به‌لێ هێشتا نه‌بوویه بڕیار و پێدڤی ب فه‌رما سه‌رۆكایه‌تیا جڤاتا وه‌زیران هه‌یه.
ژلایه‌كێ دیڤه گوره‌ی زانیاریێن ده‌ست ئه‌ڤرۆ نیۆز كه‌فتی، بشێوه‌یه‌كێ ده‌ستپێكی حوكمه‌تا هه‌رێما كوردستانێ رازیبوونا خوه دایه دیاركرن بۆ به‌لافكرنا پارچێن ئه‌ردی بسه‌ر وان پێشمه‌رگه‌یێن به‌ری نوكه مفادارنه‌بووینه، حوكمه‌ت یا به‌رهه‌ڤه ئه‌ردی بده‌ته پێشمه‌رگه‌ی ئه‌ڤێ ب ئه‌ردی رازینه‌بیت دێ خانی و شوققه بۆ هێنه ئاڤاكرن”.
ئه‌ڤرۆ نیۆز: ڤه‌ده‌ر ره‌شاڤایی:
فوئاد مه‌عسۆم سه‌رۆك كۆمارێ ئیراقێ پشتی گیرۆبوونێ بۆ ده‌مه‌كی ل داویێ په‌یمانا جنێڤ لدۆر سێداره‌دانێ ئیمزاكر .
ژێده‌ره‌كی ژ كومسیونا قانۆنی ل په‌رله‌مانێ ئیراقێ ئاشكرا كر كو ئه‌گه‌رێ گیرۆكرنا ئیمزاكرنا حوكمێ سێداره‌دانێ ژ ئاليێ مه‌عسۆم ڤه ژبه‌ر نه به‌رێكڤه‌هاتنا ئالیێن سیاسیێن ئیراقی بوو كو سه‌رۆك كۆمارێ ئیراقێ دڤییا ئاشتبوونا نیشمانی بجهبینیت دناڤ وان ئالییان دا.
د دوباره دادگه‌هكرنا هنده‌ك كه‌یسێن قانونی دا هنده‌ك تاوانباركری بێ گونه‌هـ ده‌ركوڤتبوون، له‌ورا داخاز هاتبوو كرن ئه‌ڤ بریارا بجهئینانا حوكمێ سێداره‌دانێ بهێته پاشخستن.
ل مه‌ها بووری سه‌رۆكاتییا ئیراقێ راگه‌هاندبوو كو 500 كه‌یسێن سێداره‌دانێ ل ئیراقێ هه‌نه كو 160 كه‌یس گرێدایی تیرۆرێ نه،پشتی پێرابوونێن قانونی بداوی دهێن فوئاد مه‌عسۆم دێ په‌سه‌ند كه‌ت.
ئه‌ڤرۆ نیۆز: ڤه‌ده‌ر ره‌شاڤایی:
په‌رله‌مانتاره‌كێ كورد ئاشكرا كر كو رێكه‌فتنا نه‌فتێ دناڤبه‌را هه‌ولێرا و به‌غدا دێ بداوی هێت ژبه‌ركو هه‌رێما كوردستانێ ژ ده‌ستپێكا مه‌ها داهاتی مه‌ها خزیرانێ ئێدی نه‌فتا خوه بۆ حكومه‌تا به‌غدا برێیا سۆمۆ را ناهنێریت.
عه‌لی حه‌مه سالح ئه‌ندام په‌له‌مانێ كوردستانێ گۆت كو حكومه‌تا هه‌رێمێ نها 650 هزار به‌رمیلان رۆژانه هه‌نارده دكه‌ت كو داهاتێ وێ یێ مه‌هانه دگه‌هیته 900 ملیۆن دۆلاران.
ناڤهاتی ئه‌و یه‌ك ژی خویاكر كو حكومه‌تا هه‌رێمێ بریاردایه راسته‌وخۆ نه‌فتا خوه بفرۆشیت دا بشێت مووچه‌یێ فه‌رمانبه‌رێن خوه بده‌ت، بڤێ یه‌كێ ژی دێ ئاریشان دناڤبه‌را هه‌ردو ئالیان په‌یدا كه‌ت زێده‌باری په‌یداكرنا كاریگه‌ریێ لسه‌ر پاشه‌رۆژا ئه‌ندام په‌رله‌مان و به‌رپرسێن كورد ل به‌غدا .
هه‌روه‌سا ڤی په‌رله‌مانتارێ كورد دیاركر كو هه‌رێمێ برێیا هوشیار زێباری وه‌زیرێ داراییێ ئیراقێ نامه‌ك بۆ عه‌بادی سه‌رۆك وه‌زیرێن ئیراقێ هنارتیه تێدا نه‌خشه رێیا چاره‌سه‌ركرنا ڤێ ئاریشێ رۆنكریه و هێشتا هه‌رێم چاڤه‌رێی داوی به‌رسڤا به‌غدایه لدۆر ڤێ یه‌كێ.
ئه‌ڤرۆ نیوز:
وه‌زاره‌تا بارزگارنى و پیشه‌سازى ب نڤیساره‌كا فه‌رمانى بریارا هه‌لوه‌شاندنا موله‌تا كاركرنێ بۆ 116 كارگه‌هان ل دهۆكێ، 77 كارگه‌هان ل هه‌ولێرێ و 8 كارگه‌هان ل سلێمانیێ ده‌ركریه، و ئه‌گه‌رێ وێ ژى ڤه‌گه‌راندى یه بۆ وێ چه‌ندێ كو ئه‌و كارگه‌ه پابه‌ندى رێنمایى نه‌بوویه و ئه‌گه‌ره‌كى دى، ئه‌و كارگه‌ه بۆ وێ مه‌ره‌مێ نه‌هاتینه ڤه‌كرن كو موله‌ت پێ وه‌رگرتى، به‌لكو یێن كرینه پێشانگه‌ه و مه‌خزه‌ن و دوكان.
ئه‌ڤرۆ نیوز:
ئه‌سیل نوجێفى پارێزگارێ نه‌ینه‌وا سه‌باره‌ت بریارا دوورخستنا وى ژ ئالیێ په‌رله‌مانێ عیراقێ ڤه، ل باژێرێ هه‌ولێرێ كونگره‌كێ رۆژنامه‌ڤانى سازكر و گۆت: ئه‌گه‌رێ دوورخستنا من ئه‌و بوویه كو به‌رده‌وام من به‌حسێ میلیشیاتێن شیعه ل عیراقێ كریه و نوكه دووپات دكه‌م كو ئه‌و هێزه نه یا قانوونى یه و ده‌رڤه‌ى سیسته‌مێ ده‌وله‌تێ یه.
نيشاندان