ئه‌ڤرۆ نيوز، نيوار محه‌مه‌د سه‌ليم:

ئه‌ندامه‌كا لژنا ئاماده‌كرنا دستوورى ل سه‌ر فراكسيۆنا زه‌ر يا پارتى ديموكراتى كوردستان راگه‌هاند كو بڕياره‌ سوبه‌هى لژنه‌ كۆمبوونا خوه‌ يا ئێكێ ئه‌نجام بده‌ت و هێشتا ديار نه‌بوويه‌ كا دێ كى بيته‌ سه‌رۆكێ لژنێ و ژ كيش لايه‌نێ سياسى بيت.

د. ڤالا فه‌ريد، ئه‌ندامه‌كا لژنا ئاماده‌كرنا دستوورى، بۆ ئه‌ڤرۆ نيوز گۆت: “سوبه‌هى زێده‌تر دێ كار ژ بوو دانانا ميكانيزمه‌كێ و چاوانيا كاركرنێ ل گه‌ل په‌يره‌وه‌كێ ناڤخۆ هێته‌ كرن ژ به‌ر كو د قانوونا ژماره‌ 4 يا سالا 2015ێ نه‌هاتيه‌ دياركرن كا دێ لژنه‌ ب چ ره‌نگ كارێن خوه‌ كه‌ت، ب تنێ ئاماژه‌ ب دو خالان هاتيه‌ كرن، ئێك دڤێت د 90 رۆژان دا لژنه‌ كارێن خوه‌ ب دووماهى بينيت و يا دژى دڤێت كارێن لژنێ ب سازان بن”.

زێده‌تر گۆت: “مهر‌ج نينه‌ ئه‌و كه‌سێ بۆ سه‌رۆكاتيا لژنێ دهێته‌ هه‌لبژارتن ئه‌ندامێ په‌رله‌مانێ بيت چونكو ب تنێ پێنج كه‌س ژ لژنا 21 كه‌سى ئه‌ندامێن په‌رله‌مانى نه‌ و ئه‌ڤێن دژى ژ ده‌رڤه‌يى په‌رله‌مانى هاتينه‌ هه‌لبژارتن”.

دا زانين ژى كو هێشتا چو بڕيار نه‌هاتينه‌ دان، كا دێ سه‌رۆك و جێگر و بڕيار ده‌ر هێنه‌ هه‌لبژارتن يان نه‌، به‌لێ ب گۆره‌يى هه‌موو لژنێن دهێنه‌ ئاماده‌كرن دڤێت ئه‌ڤ كه‌سه‌ د ناڤ دا هه‌بن.

ده‌رباره‌يى وێ چه‌ندێ كا دێ سه‌رۆكێ لژنێ ژ پارتى ديموكراتى كوردستان بيت يان لايه‌نه‌كێ دى، د. ڤالا فه‌ريد گۆت: “هه‌تا نوكه‌ نه‌شێم چو تشتان بێژم ژ به‌ر كو هێشتا چو تشت نه‌هاتيه‌ كرن، ب تنێ ئه‌م هاتينه‌ ئاگه‌هداركرن كو سوبه‌هى ده‌مژمێر 11:00 كۆمبوونا لژنێ يه‌”.

ئه‌ڤرۆ نيوز:

وه‌زاره‌تا ساخله‌ميێ ل حوكمه‌تا هه‌رێما كوردستانێ راگه‌هاند: هه‌وه‌كا نوو يا فاكسيندانێ دژى نه‌خۆشيا فالنجا زارۆيان ل سه‌رانسه‌رى هه‌رێما كوردستانێ ئه‌ڤرۆ رۆژا ئێكشه‌مبى 24ى گۆلانا 2015ێ ده‌سپێكر و دێ ماوێ پێنج رۆژان يا به‌رده‌وام بيت.

ب گۆره‌يى راگه‌هاندنه‌كا وه‌زاره‌تا ساخله‌ميا هه‌رێمێ كو وێنه‌ك ب ده‌ست ئه‌ڤرۆ نيوز كه‌فتيه‌، د ڤێ هه‌وێ دا، پێدڤيه‌ 805 هزار و 966 زارۆ بهێنه‌ فاكسيندان، ئه‌و ژى د رێيا دو هزار 240 تيمێن گه‌رۆك و جێگر كو ژ لايێ چار هزار و 480 كارمه‌ندان ڤه‌ دێ ب رێڤه‌ چيت و تێچوويێ ڤێ هه‌وێ ژى ژ لايێ هه‌ردو رێكخراوێن ساخله‌ميا جيهانى و يونيسێف ڤه‌ هاتيه‌ ته‌رخانكرن كو 406 هزار و 920 دۆلارێن ئه‌مريكى نه‌.

د راگه‌هاندنا وه‌زاره‌تا ساخله‌ميا حوكمه‌تا هه‌رێما كوردستانێ داخواز ژ دايك و بابان كريه‌ كو زارۆيێن خوه‌ فاكسين بده‌ن و ل دووڤ ده‌نگێ تيمێن فاكسيندانێ بچن دا كو زارۆيێن وان د دوور بن ژ وان نه‌خۆشيان و پاشه‌رۆژه‌كا ساخله‌م هه‌بيت.

ئەڤرۆ:
کەرنەڤالێ سیێ یێ پارێگەھا دھۆکێ دێ ھێتە سازکرن بەرھەڤیێن باش بو ئەوێ مەبەستێ ھاتینە کرن کو کەرنەڤالێ پارێزگەھا دھۆکێ ل پانوراما ئازادی یە ھێتە ئەندام دان .
ئەیوب رەمەزان رێڤەبەرێ گشتی یێ ھونەری ل پارێزگەھا دھۆکێ بو ئەڤرۆ دیارکر پرۆژە کەرنەڤالی یێ رێڤەبەراتیا گشتی یا رەوشەنبیریی یە و کو ل رۆژا ٢٦-٥ و دەمژمێر ١١ سپێدێ مۆزەخانا کەلتوری یا ئەلقوشێ و ژلایێ چەند ھەڤالەکان و ب ئاوایەکێ فەرمی و بو دەڤەرێ ھێتە ڤەکەرن .
ناڤبری ئەو چەندە ژی دیارکر دەربارێ پەنەلێن کەرنەڤالێ و رۆژا ٢٧-٥ ل دەمژمێر١٠:٠٠ دانێ سپێدێ، پانوراما پێشمەرگەی ل ئێنیشکێ ھێتەڤەکرن و ژلایێ رێڤەبەراتیا ئامێدیێ یا رەوشەنبیری ڤە ھاتیە درۆستکرن و ل گەل چەند ھونەرمەندەکان و ھەر ل ھەمان دەم کومەکا پەنەلێن زانستی و دیرۆکی و ل دۆر کەلتۆرێ پارێزگەھا دھۆکێ ژلایێ زانکۆیا دھۆکێ ب بەشداریا چەندین ماموستایان پسپور ل زانکۆیێ ھێنە پێشکێشکرن .
ئەیوب رەمەزان ئەو ئێکە ژی گۆت: دەمژمێر ٥:٠٠ ئێڤارێ کەرنەڤالێ پارێزگەھبونا دھۆکێ دەست پێ کەت ب کومەکا چالاکیێن جودا جودا دبیاڤێ کەلتۆری ،سینەما و موزیک و شانو و زانستی ساخلەمی و چاندن و باژێرڤانی و پەروەردە و زارۆک و مینۆمێنتێن پێشمەرگەی،
ناڤبریی ئەو چەندە ژی دیارکر ل دەمژمێر ٩:٠٠ بو ٩:٣٠ نیشادانا جلکێن کوردی ل ھەمو دەڤەرێن کوردستانێ و کومەکا چالاکیێن دی بو دەمێ سێ دەمژمێران ڤەکێشیت و دەمێ ئاھەنگێ و بەرنامەیێ ئاھەنگێ ژی کومەکا ستران بێژین ناڤ و دەنگێن کوردستانێ و شڤان پەروەر و عەبدولقەھار و حەسەن شەریف و عومەر کوفی ھەتا ١١:٠٠ شەڤێ ڤەکێشیت و ب شیانێن ئاسایی ئەڤ کارە دھێتە برێڤەبرن ژلایێ کادرێن رێڤەبەراتیا رەوشەنبیری ڤە کو ب شێوەیەکێ خوبەخشانە کار کریە بێ راوەستاندن لەورا ھەژی سوپاس کرنێ یە .
ئەیوبی ئەو چەندە ژی دیارکر ئارمانج ژ کەرنەڤالی ئەو ھەمو وەلاتیێن پارێزگەھێ خوە تێدا ببینن و ب بیتە کەرنەڤالەکا خەلکی بو خەلکی و برێکا رۆژنامەیا ھەوە داخوازیێ ژی ل ھەمو وەلاتیان و گەنج و داھێنەر و خودان شیان خو بەرھەڤ بکەن ل سالا بھێت خەلک بەشداریێ بکەت و سازیا رەوشەنبیری بتنێ کارێ رێکخستنێ رابیت و رەوشا ئابۆری و کاودانێن نھا ب سەر ھەرێمێ و پارێزگەھا دھۆکێ دا ھاتین دشیان دا نەبۆ ئەڤێ بکەین لەورا داخاز دکەین بو سالا بھێت خو بەرھەڤ بکەین.