ئه‌ڤرۆ نیوز:
ژبه‌ر پێله‌كا ئاڤێ یا مه‌زن، په‌یامنێرا كه‌نالێ BFM یا فره‌نسى ب ناڤێ فانی أغستین د گه‌شته‌كا ده‌نگوباسان یا ئێكسه‌ر دا، ل رۆژا 20 شوباتێ كه‌ته ئه‌ردى.
https://www.youtube.com/watch?v=lyOEaiqQzNA
پێلێن ئاڤێ چ ب سه‌رێ ڤێ په‌یامنێرێ ئینا
نووترين نووچه
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
- مەسرور بارزانی: پێدڤییە بەرپرسێن پارتی زێدەتر خزمەتا خەلكی بكەن
- هیڤیدارین حوكمەتا فیدرال مووچەی نەكەتە پرسەكا سیاسی
- بەغدا مووچەی وەك كارەتەكا فشارا سیاسی بەرانبەر هەرێما كوردستانێ ب كار دئینیت
- مافێ چارەنڤـیس، مافـەكێ سروشتیێ نەتـەوەیا كـوردە
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
- نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
- سەرۆكێ حوكمەتا هەرێمێ دوپاتیێ ل بهێزكرنا پەیوەندییان ل گەل هندستانێ دكەت
- خسرۆ گۆران: روودانێن دەڤەرێ كاریگەری ل سەر هەلبژارتنێن ئیراقێ نابیت
- نێزیكی 50 هزار تیرۆرست و كەسوكارێن وان مووچەیێ شەهیدان ژ حوكمەتا ئیراقێ وەردگرن
سهرهكى Facebook
نێزیكى سێ ملیون وه‌لاتیێن عیراقى ئاواره بووینه
ئه‌ڤرۆ نیوز:
ئه‌سغه‌ر موسه‌وى وه‌زاره‌تا كوچ و كوچبه‌رێن عیراقێ راگه‌هاند كو ل دووڤ دووماهى ئامار دیاربوویه كو رێژا ئاواران ل هه‌موو عیراقێ گه‌هشتیه 521 هزار خێزانان و گۆت: هه‌كه هه‌ر خێزانه‌ك ژ 5 كه‌سان پێكبهێت، دێ بیته 2 ملیون و 600 هزار وه‌لاتى كو نوكه ئاواره‌بووین.
موسه‌وى دیاركر كو هه‌تا نوكه خه‌لكێ عیراقێ یێ ئاواره دبن، ب تایبه‌ت ل ده‌ڤه‌رێن پارێزگه‌هێن ئه‌نبار و دیالا و سه‌لاحه‌دین و مووسل و گۆت: پرانیا ئاواران نوكه ل كه‌مپێن پارێزگه‌هێن هه‌رێما كوردستانێ و خواریا عیراقێ دژین.
ناڤه‌رۆكا كومبوونا بارزانى و نه‌وشیروان مسته‌فا
ئه‌ڤرۆ نیوز:
سه‌رۆك بارزانى ل سه‌لاحه‌دین پێشوازیا نه‌وشیروان مسته‌فا رێكخه‌رێ گشتى یێ بزاڤا گۆڕان كر.
د كومبوونێ دا ب هویرى به‌حسێ ره‌وشا به‌ره‌یێن روى ب روى بوونا ل گه‌ل تیرورستان كر و سه‌ركه‌فتنێن پێشمه‌رگه‌ى بلند نرخاندن، هه‌روه‌سا ره‌وشا سیاسى یا هه‌رێم و په‌یوه‌ندیێن هه‌رێم و به‌غدا به‌حسكرن و به‌حسێ رێككه‌فتنا د ناڤبه‌را هه‌رێما كوردستانێ و به‌غدا كرن و ب پێنگاڤه‌كا ئه‌رێنى ل قه‌له‌م دا.
هه‌ر د كومبوونێ دا رژدى ل سه‌ر ئێكده‌نگی و ئێكهه‌لویستیا هێز و لایه‌نێن سیاسیێن كوردستانێ كر و ب رێزڤه به‌حسێ خوه‌راگریا خه‌لكێ كوردستانێ كر و رژدى ل سه‌ر وێ یه‌كێ كرن كو ره‌وشا نوكه یا به‌روه‌خته و كوردستان ب سه‌ربلندى دێ ڤێ قوناغێ ده‌رباز كه‌ت.
په‌یڤدارێ عه‌بادى: دێ ل سه‌ر هنارتنا پاران بۆ هه‌رێمێ د به‌رده‌وام بین
ئه‌ڤرۆ نیوز:
په‌یڤدارێ نڤیسینگه‌ها حه‌یده‌ر عه‌بادى، یێ سه‌رۆك وه‌زیرێن عیراقێ راگه‌هاند به‌غدا 250 ملیار دینار بۆ هه‌رێما كوردستانێ هنارتینه و دێ د به‌رده‌وام بين ژى و پابه‌ندبوونا به‌غدا ب رێككه‌فتنا ل گه‌ل هه‌رێما كوردستانێ دیاركر.
سه‌عد حه‌دیسی په‌یڤدارێ نڤیسینگه‌ها حه‌یده‌رعه‌بادى، یێ سه‌رۆك وه‌زیرێن عیراقێ بۆ KNN دیاركریه: ده‌رگه‌هێ به‌غدا ل هه‌مبه‌ر هه‌موو پارێزگه‌هێن عیراقێ و هه‌رێما كوردستانێ ڤه ژى یێ ڤه‌كریه و به‌غدا هیڤى خوازه كێشێن هه‌لاویستى یێن د ناڤبه‌را هه‌رێم و به‌غدا دا ل سه‌ر بنه‌مایێ دستوورى بهێنه چاره‌كرن.
ڤیدیۆ:سیلاڤا نیاگارا د زڤستانێ دا
ئه‌ڤ ڤیدیویه ب شه‌ش ملیون دولاران ل سه‌ر پۆلیسێن دوبه‌ى راوه‌ستیایه !
ئه‌ڤرۆ نیوز:
دوبه‌ى باژێرێ ئێكێ یه ل جیهانێ كو شیاى ئه‌و خوه‌شى و جوانیا تێدا هه‌ى بۆ جیهانێ بده‌ته به‌رچاڤكرن و هه‌بوونا پولیسێن دوبه‌ى ئێك ژ وان ئالاڤانه كو دوبه‌ى ته‌ناهیا ڤى باژێرى نیشا دده‌ت.
ئه‌ڤ ڤیدیویه یا پۆلیسێن باژێرێ دوبه‌یه كو كێمتره ژ دو ده‌قیقه‌یان، به‌لێ هنده‌ك ژێده‌ر ئاماژه ب وێ یه‌كێ دكه‌ن كو 6.5 ملیون دولارێن ئه‌مریكى ب ڤێ ڤیدیویێ ڤه هاتینه مه‌زاختن.
د ڤیدیویێ دا ترومبێلێن بوجاتی وماكلارین ومرسیدس G وأودی R8 ونیسان GT-R دهێنه نیشادان.
سه‌رۆك بارزانى و نه‌وشيروان مسته‌فا يێ د كۆمبوونێ دا
ئه‌ڤرۆ نيوز:
ئه‌ڤرۆ سپێدێ نه‌وشيروان مسته‌فا، رێكخه‌رێ ته‌ڤگه‌را گۆڕان سه‌ره‌دانا پيرمام كر ب مه‌ره‌ما كۆمبوونێ ل گه‌ل مه‌سعود بارزانى، سه‌رۆكێ هه‌رێما كوردستانێ.
ب گۆره‌يى پێزانينێن ئه‌ڤرۆ نيوز به‌رى نيڤرۆيا ئه‌ڤرۆ رۆژا دوشه‌مبى رێكه‌فتى 2015.2.23 سه‌رۆكێ هه‌رێما كوردستانێ و نه‌وشيروان مسته‌فا رێكخه‌رێ ته‌ڤگه‌را گۆڕان كۆمبوون و پشتى كۆمبوون ب دووماهى دهێت دێ به‌لاڤكريه‌كا هه‌ڤپشك به‌لاڤ كه‌ن.
بۆچوون به‌ر ب هندێ دچن كو سه‌رۆك بارزانى و نه‌وشيروان مسته‌فا ره‌وشا نوكه و ئه‌و كێشێن د ناڤبه‌را هه‌رێمێ و به‌غدا دا گه‌نگه‌شه بكه‌ن ب تايبه‌ت ژى پشتى سه‌رۆكێ هه‌رێما كوردستانێ چوويه ژ ده‌رڤه‌يى وه‌لاتى و ڤه‌گه‌ريايى كو ئه‌ڤه كۆمبوونا وى يا ئێكێ يه ل گه‌ل سه‌ركرده‌كێ حزبى، ل حه‌فتيا بۆرى ژى ل گه‌ل شاندێ دانوستاندكارێ هه‌رێما كوردستانێ كۆمبوو ئه‌وێ چوويه به‌غدا ل سه‌ر ئاستێ حكومى.
ره‌وشا زێر و زيڤى ب بازارێن دهۆكێ
ره‌وشا دراڤى ل بازارێن دهۆكێ
ئه‌ڤرۆ نيوز خزمه‌ته‌كا نوو راگه‌هاند
ئه‌ڤرۆ نيوز:
ژ بوو پتر خزمه‌تكرن و مفاوه‌رگرتنێ ژ نووچێن مالپه‌رێ ئه‌ڤرۆ نيوز و رۆژناما ئه‌ڤرۆ ژێده‌رێن هه‌وه‌يێن ده‌نگوباسان، مالپه‌رێ ئه‌ڤرۆ نيوز خزمه‌تا SMS ان راگه‌هاند.
مه‌ره‌م ژ ڤێ خزمه‌تا SMS ان ئه‌وه كو هه‌كه هوون دوورى ئه‌نترنێت ژى بى بشێى مفايى ژ نووچێن مه وه‌رگرى ب رێيا نامێن مۆبايلێ كو دێ ژماره 1 شوڕتكودێن كوڕه‌ك 2279 يان ئاسيا سێل 4593 هنێرێ دێ رۆژانه گرنگترين و گه‌رمترين نووچه گه‌هنه هه‌وه‌يێن هێژا.
ئه‌ڤ خزمه‌ته دێ رۆژانه گه‌رمترين و نووترين نووچان ب رێيا نامێن مۆبايلێ SMS گه‌هينيته هه‌وه كو دێ ژ لايێ ئه‌ڤرۆ نيوز ڤه و گرنگيا بابه‌تان هێنه هه‌لبژاتن و بهايێ هه‌ر كورته نامه‌كێ ژى دێ ب تنێ 60 دينارێن عيراقى بن.
ئه‌ڤرۆ نيوز بكه ژێده‌رێ خوه يێ پێزانينان دا به‌رده‌وام نووياتيان بخوينى.
نيشاندان
WP Facebook Auto Publish Powered By : XYZScripts.com