ئه‌ڤرۆ نيوز:
يانا به‌رشه‌لونه ل ناڤ ياريگه‌ها خوه ب گوله‌كێ بێ به‌رامبه تووشى شكه‌ستنه‌كا نه‌چاڤه‌رێكرى بوو ل سه‌ر ده‌ستێ يانا مالاگا د چارچوڤێ يارييێن حه‌فتيا 24 يا لاليگا.
يانا به‌رشه‌لونه سێ خالێن گرنگ ژ ده‌ستدان و برياره رۆژا 3 شه‌مبى ژ خولا يانێن پاله‌وانێن ئوروپا ببيته مهڤانا يانا مانچسته‌ر ستى.
ئه‌ڤرۆ نیوز ، هه‌ژار مه‌عروف:
ئێكه‌تیا ته‌پا پێى یا هه‌رێما كوردستانێ د كومبوونا خوه یا ئه‌ڤرۆ دا ژڤانێ یاریا دێربیا پارێزگه‌ها دهۆكێ ده‌ست نیشانكرن كو بریاره رۆژا چارشه‌مبیا بهێت ل یاریگه‌ها یانه‌یا زێره‌ڤانى بهێته‌كرن پشتى دوهى هاتیه پاشخستن ژبه‌ر سه‌قایێ باران بارینێ .
ژێده‌ره‌كێ نێزیك ژ ئێكه‌تیا ناڤه‌ندى یا ته‌پا پێى یا هه‌رێما كوردستانێ بۆ مالپه‌رێ ئه‌ڤرۆ نیوز دیاركر ژڤان بوو یاریى ئه‌ڤرۆ ل یاریگه‌ها گاره هاتبا كرن لێ ئێكه‌تیا ته‌پا پێى بریار دا رۆژا 26/2/2015 ل یاریگه‌ها زێره‌ڤانى بهێته‌كرن.
ناڤبرى ئاماژه ب وێ چه‌ندێ ژى كر بریاره ل حه‌فتیا بهێت یاریێن خولا هه‌رێما كوردستانێ نه هێنه‌كرن ژبه‌ر ئه‌و ئاریشه‌یێن دخولا پلا نایاب و پلا ئێك دا ل حه‌فتیێن بورى رویداین
ئه‌ڤرۆ نيوز:
وه‌زيرێ به‌ره‌ڤانيا ئه‌مريكا ره‌ت كر كو چ ژڤانه‌ك بۆ ئازادكرنا مووسل هاتبيته دانان، ئاشتون كارته‌ر، وه‌زيرێ به‌ره‌ڤانيا ئه‌مريكا ئاشتون كارته‌ر سه‌باره‌ت وان ده‌نگوباسێن به‌حسێ ئازادكرنا مووسل دكه‌ن و ژڤانێ بۆ هاتيه دياركرن گۆت: ئه‌ز هه‌موو ده‌مان يێ ڤه‌كرى مه ل هه‌مبه‌ر فه‌رمانده‌ييێن سه‌رباڤى بۆ ڤه‌ديتنا باشترين رێ بۆ سه‌ركه‌فتنێ، ئه‌ڤه پرسياره‌كه دهێته به‌ر سينگێ مه، به‌لێ ئه‌وا گرنگ ئه‌وه مووسل كونترۆل بكه‌ين، ئه‌م د پابه‌ندين بۆ سه‌ركه‌فتنێ، به‌لێ نه د چارچوڤێ ژڤانه‌كێ دياركرى دا.
ئه‌ڤرۆ نيوز:
ئێكه‌تيا ماموستايان ده‌نگوباسێ به‌لاڤكرنا مووچێ ماموستايان د ڤێ حه‌فتيێ دا ره‌ت دكه‌ت، عه‌بدولواحد محه‌مه‌د، سه‌رۆكێ ئێكه‌تيا ماموستايێن كوردستانێ بؤ رووداو راگه‌هاند: ئه‌و ده‌نگوباسێن به‌حسێ به‌لاڤكرنا مووچێ ماموستايان دكه‌ن دڤێ حه‌فتيێ دا، چ بنه‌مايه‌ك بۆ نينه، ئه‌م وه‌كو ئێكه‌تيا ماموستايان، مه رۆژا چوارشه‌مبيى، 18 شوباتێ ل گه‌ل وه‌زيرێ دارايى ئاخفتى يه و چ ژڤانه‌ك بۆ به‌لاڤكرنا مووچێ ماموستايان نه‌هاتيه دانان.
ژ ئاليێ خوه‌ڤه، ئومێد ئه‌مين كارگێرێ لقێ سلێمانيێ يێ ئێكه‌تيا ماموستايان دياركريه كو وان په‌يوه‌ندى ب وه‌زيرى دارايى كريه و سوز دايه د ڤێ حه‌فتيێ دا مووچێ ماموستايان ب چوار قوناغان به‌لاڤ دكه‌ت و گۆت: ل رۆژێن دوشه‌مبى و سێ شه‌مبى، دێ ماموستاييێن قه‌زا و ناحيا و 4 شه‌مب و 5 شه‌مب، ماموستاييێن ناڤه‌ندا باژێرى وه‌رگرن.
ئه‌ڤرۆ نيوز:
سه‌لاحه‌دين ده‌مرتاش هه‌ڤسه‌رۆكێ پارتا ديموكراتا گه‌لان د چوارچوڤێ پشكداريكرنێ د كونفرانسه‌كێ دا ئه‌و ده‌نگوباسه ره‌تكرن كو به‌حسێ هنده‌ك دكه‌ن كو په‌كه‌كه چه‌كى دانيت ب مه‌ره‌ما چاره‌كرنا پرسا كوردى ل توركيا.
سه‌لاحه‌دين ده‌مرتاش سه‌باره‌ت داخويانيا به‌رپرسێن توركيا كو په‌كه‌كه دێ چه‌كى دانيت و ل هه‌يڤا سێ ل چياى هێنه خوار، راگه‌هاند : ئه‌گه‌ر ل هه‌يڤا سێ په‌كه‌كه ژ چياى بهێته خور، ئه‌م نه دژى ڤێ يه‌كێ نه، به‌لێ ئه‌ڤه راست نينه، له‌ورا ژى ئه‌م نه‌شێن رێگر بين.
ئه‌ڤرۆ نيوز:
رێككه‌فتنا واشنتون و ئه‌نقه‌ره بۆ راهێنان و ئاماده‌كرنا هێزێن ئوپوزسيونا سووريا، دێ پێشمه‌رگه‌ى ژى ڤه‌گريت، هه‌ر چه‌نده ناڤه‌رۆكا رێككه‌فتا رۆژا پێنجشه‌مبى يا د ناڤبه‌را ئه‌نقه‌ره و واشنتون نه‌هاتيه ئاشكراكرن، به‌لێ ل دووڤ وان پێزانينێن به‌لاڤ بووى، دێ ئه‌ڤ رێككه‌فتنه مه‌شقدانا هێزا پێشمه‌رگه‌ى ژى ڤه‌گريت.
برياره هێزێن تايبه‌تێن توركيا، ل ئاخا وه‌لاتێ خوه راهێنانان ب هزار پێشمه‌رگێن هه‌رێما كوردستانێ بكه‌ن و راگه‌هاندنێن توركيا ژى به‌لاڤكريه كو ل دووماهى سه‌ره‌دانا نێچيرڤان بارزانى بۆ ئه‌نقه‌ره و كومبوونا وى ل گه‌ل ئه‌حمه‌دا داود ئوغلو ئه‌ڤ پرسه هاتيه به‌حسكرن.
شاخه‌وان عه‌بدولا بریارده‌رێ لیژنه‌یا به‌ره‌ڤانیێ ل جڤاتا نونه‌رێن عیراقێ بو ئه‌ڤرۆ نیوز دیاركر به‌شداریكرنا هێزا پێشمه‌رگه‌ی بو موسلێ پێدڤى ب ڤه‌كولینه‌كا باش هه‌یه و گۆت: گرتنا موسل بابه‌ته‌كێ سیاسی یه، نه بابه‌ته‌كێ ئه‌منی یه.
بریار ده‌رێ لیژنه‌یا به‌ره‌ڤانیێ ل جڤاتا نونه‌رێن عیراقێ دازانین دانانا وان سی بنگه‌هێن هاتینه ڤه‌كرن ل پارێزگه‌ها موسل بو مه‌شقپێدانا هیزێن پولیسێن عیراقێ، هه‌تا نها ئه‌وا پێدڤی بو ئه‌وان نه‌هاتیه‌كرن و ئه‌و هێز به‌شداریێ ل رزگاركرنا موسلی ناكه‌ن به‌لكو بو پشتی رزگاركرنێ دێ چنه موسلێ ئه‌ركێ رزگاركرنا وێ دێ وه‌زاره‌تا به‌ره‌ڤانیێ بیت.
شاخه‌وان عه‌بدولا گۆت ژى: ل سه‌ره‌دانێن مه بو وه‌زاره‌تا به‌ره‌ڤانیی دیاركربوو ئه‌گه‌ر هه‌ڤپه‌یمانیا نێڤ ده‌وله‌تی دژی تیرۆرێ ب كردار هاریكار نه‌بیت چ پێنگاڤان ناهاڤێژین بو رزگاركرنا موسلێ.
ناڤبری ئه‌و چه‌نده ژی دیاركر ئه‌ندامین سونه ل جڤاتا نونه‌ران ل حاله‌ته‌كێ شه‌رمانه و نونه‌راتیا سونه ناكه‌ن ژلایی سه‌ربازی ڤه و دڤێت ناڤ باژێران ئه‌و به‌رهه‌ڤیه تیدا هه‌بیت ده‌ما دچیت ل دژی داعشی راپه‌رن ئه‌ڤه چه‌نده ناهێته دیتن و ب رایا من هه‌تا هێزه‌ك ب سنویان بخو نه‌هێته درۆستكرن و مه‌شقپێدان و رێكخستن گرتنا موسلێ گرانه.
ئه‌ندامێ په‌رله‌مانێ عیراقێ دازانین ره‌وشا عیراقێ به‌ره‌ف خرابتر دچیت و هێزا عیراقێ ئه‌و هێز نینه بشیت سه‌رپه‌رشتیا هه‌مو سه‌نگه‌ران بكه‌ت و رایه‌ك درۆست بویه بو شیعه‌یان ژی كو كورێن خوه بو ده‌ڤه‌رین سونه نه ده‌نه كوشتن و ئه‌ڤه ژی نه بهێزیا داعشی یه به‌لكو ره‌وه‌كا سیاسی یه هیزدایه داعشێ .
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمان دێ ساهى بيت و ل گه‌ل هه‌بوونا هنده‌ك ئه‌ورێن كێم ل ده‌ڤه‌رێن جودا و ل دانێ سپێدێ دێ مژ بيت.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ فشارێن نزمێن ده‌ريا ناڤه‌راست بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رێكه‌فتى 2015.2.21 ئه‌سمان دێ ساهى بيت و ل گه‌ل هه‌بوونا هنده‌ك ئه‌ورێن كێم ل ده‌ڤه‌رێن جودا و ل دانێ سپێدێ دێ مژ بيت.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ دێ بلند بيت هه‌ڤبه‌ركى ل گه‌ل رۆژێن به‌رى نوكه ب ره‌نگه‌كى د ناڤبه‌را 9 بۆ 2 دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى باكوورێ رۆژئاڤا بيت ب ره‌نگه‌كى دێ يێ ل سه‌رخوه بيت د ناڤبه‌را 5 بۆ 10 كلم د ده‌مژمێره‌كێ دا و ماوێ ديتنێ ژى دێ د ناڤبه‌را 10 كلم دا بيت.
يانا هه‌ولێر يا وه‌رزشى هه‌ولێر هه‌ردو ياريكه‌رێن خوه يێن نوو يونس مه‌حمود و نه‌شته‌ت ئه‌كره‌م پێشكێشى ده‌زگه‌هێن راگه‌هاندنێ كرن.
دهێته چاڤه‌رێكرن هه‌ردو يارىكه‌ر ياريێ بۆ يانا هه‌ولێر د قاره‌مانيا كاسا ئاسيا دا بكه‌ن و نه‌شئه‌ت ئه‌كره‌م دێ ياريێ بۆ خولا نايابا عيراقى ژى كه‌ت.
ژ ئه‌گه‌رێ كێشا دارايى يا ئه‌ڤه دو ساله يانا هه‌ولێر تووش بوويێ، گه‌له‌ك ژ ياريكه‌رێن وێ يانه ب جهـ هێلا و قه‌ستا يانێن دى كر.
هه‌ر ئێك ژ ياريكه‌ران بورخا رۆبياتۆ و خورخى گۆتۆر ل گه‌ل گۆلچيێن تيمێ جه‌لال حه‌سه‌ن و ديدار حامد و ياريكه‌ران هه‌وار مه‌لا محه‌مه‌د و ئه‌مجه‌د رازى و بورهان سه‌هيونى.
حوكمه‌تا ناڤه‌ندى ل به‌غدا ل ڤێ دووماهيێ بڕيارا مه‌زاختنا 500 مليۆن ديناران بۆ هه‌ولێر ده‌ربڕى ژ بوو پشكداريكرنێ د قاره‌مانيا ئاسيا دا و به‌رپرسێن وێ يانێ ژى راگه‌هاند كو ئه‌و پاره ب تنێ دێ به‌هرا تيمێ كه‌ت بۆ ياريێن قووناغا ئێكێ ل ده‌مێ هاتنوچوونێ.
نيشاندان