ئهڤرۆ نيوز:
موسلمان شيان كهڤنترين خواندنا قورئانێ ل مهككێ ب رهنگێ تۆماركرى يا بهرى 130 سالان ئاشكهرا بكهن.
ل سهر تۆرێن جڤاكى ڤيديۆيهك هاتيه بهلاڤكرن كو مێژوويا وێ بۆ سالا 1885 زاينى دڤهگهريت دهما شاندهكێ مهسيحيان سهرهدانا مهككێ كرى.
ئهڤ تۆماره ب ئاميرێ ئهديسيون داهێنايى هاتيه تۆماركرن كو ژ كهڤنترين جۆرێ تۆماركرنا دهنگى دهێته هژمارتن كو تێدا ئێك ژ شێخێن وى سهردهمى سورهتا (الضحى) خوانديه.
ژێدهر: سومهريه نيوز
ل گور ژێدەرێن دەنگوباسێن پاکستانی کو ژ زاردەڤێ بەردەڤکێ دەستھەلاتێن خوەجھی یێن وی وەلاتی ڤەگوھاستنە، ررێک ھاتیە دان کو ماموستاێن ھەرێما خیبر باختونخوا چەکی ھەلبگرن د دەما دەوما خوە یا فەرمی دا، ئەو ژی ژ بەر کو گەلەک ھێرشێن چەکداری ل سەر قوتابخانان دھێنە کرن.
ئهڤرۆ نيوز:
ئهڤرۆ سپێدێ پێشمهرگێ كوردستانێ هێرشهكا داعش ل نێزيك چيايێ باشيك تێكدا كو بزاڤ كر هێرشێ بكهنه سهر پێشمهرگهيى و هژمارهك ژێ كوشت.
فهرماندهكێ هێزێن پێشمهرگهيى كو ئهڤرۆ نيوز ب باشى نهزانى ناڤێ وى بهێته بهلاڤكرن، راگههاند چهكدارێن داعش ئهڤرۆ رۆژا پێنجشهمبى بزاڤ كر هێرشێ بكهنه سهر هێزێن پێشمهرگهيى، بهلێ ژ بهر كو هێزێن پێشمهرگهيى پێشتر پێزانين ههبوون كو ئهو دێ هێرشى سهر پێشمهرگهيى كهن، ئامادهكاريێن خو كربوون و ل دهمێ هاتنا وان شيان ب رهنگهكێ باش بهرسينگێ وان ب چهكێ گران بگرن و هێرشێن وان تێك بشكێنن.
دهربارهيى زيانان ژى ئهڤى فهرماندێ پێشمهرگهيى دا زانين كو ئهوان چو زيان نهبوون و گۆت: “هندهك تهرمێن وان مانه ل جهـ ، بهلێ ب هژمار چو ئامار ل بهر دهستێ مه نينن”.
دوو بهرپرسێن پارتی دیموكراتی كوردیتان-سوریا PDK-S (بهشار ئهمین، ئهندامێ مهكتهبا سیاسی و عهبدولرحمن ئهبتان، ئهندامێ كومیتا ناڤهندی) ژ لایێ ئاسایشا PYD ڤه هاتنه گوله باران كرن.
ل گور داخویانیا عهبدولرحمن ئهبتان و وهكو كو د داخویانیا پارتیا نڤابری دا هاتیه (گوله بارانكرن ژ لایێ ئاسایشا PYD ل تاخا موفتی نێزیك رێڤهبهریا ئاڤی هاته كرن، ئهو ژی پشتی كو ههردو ژ ههڤپهیڤینهكه تهلهڤزیونی ل گهل كهنالا ARK دهاتن ب رێكا سكایب و تهكهز كر كو وان ئوتومبێلا خوه هێدی دهاژوت و پشتی كو نێزیكى سهد مهترهكی ژێ دوور كهتنئێكی ژ زیرهڤانێن خالا كونترولی ئهو گوله باران كرن).
ژ لایێ خوهڤه PDK-S ئهڤ كریاره شهرمهزار كر و دا خویاكرن كو كریارێن ب ڤی رهنگی خزمهتا دوزا مللهتێ كورد ناكهین و دڤێت TEVDEM دهڤ ژ ڤان جوره رهفتاران بهردهت.
ئەڤرۆ نیوز، زنار توڤی:
فەرماندێ سەربازیێ تیرورستێن داعش یێ ب ناڤێ ئەبو سەعەد داغستانی ل کوبانێ ب دەستێ شەرڤانێن کورد ھاتە کوشتن.
ئەڤ دەنگوباسە ژ لایێ لایەنگرێن داعشێ ڤە ل سەر تورا جڤاکی یا تویتەرێ ھاتیە بەلاڤکرن.
جھێ ئاماژە پێدانێیە کو ئەبو سەعەد داغستانی د چەند وێنە و گرتەیێن ڤیدیویی دا دەر دکەفت کو زاروکەک ھان ددا بو کوشتنا دو کەسێن سوری.
ئهڤرۆ نيوز:
رێڤهبهريا گشتيا كهشناسيێ ل ههرێما كوردستانێ راگههاند كو سوبههى ئهسمانێ دهۆكێ ژ ساهاتيێ هێته گوهۆڕين بۆ ئهورێن كێم و پاشان ژى ب تهمامى بيته ئهور و ب شهڤ دێ بهفر و باران بارن.
پشكا پێشبينيان ل رێڤهبهريا گشتيا كهشنايا ههرێمێ راگههاند كو ژ ئهنجامێ كارتێكرنا فشارێن نزمێن دهريا ناڤهراست ل وهلاتێ توركيا بۆ سهر ههرێما كوردستانێ ئهو پێشبينى دكهن كو سوبههى رۆژا ئهينى رێكهفتى 16\1\2015 ئهسمانێ دهۆكێ ژ ساهاتيێ هێته گوهۆڕين بۆ ئهورێن كێم و پاشان ژى ب تهمامى بيته ئهور و ب شهڤ دێ ل دهڤهرێن جودا باران باريت و ل دهڤهرێن چيايى ژى بهفر بباريت و دبيت ل سهنتهرێ پارێزگههێ ژى بباريت.
رێڤهبهريا گشتيا كهشناسيێ ل ههرێما كوردستانێ ئاشكهرا ژى كريه كو پلا گهرماتيێ ژى دێ نزم بيت ب رهنگهكى د ناڤبهرا 9 بۆ 0 پلان دا.
ل دۆر پێشبينيا رێژا ههوايى و مهودايێ ديتنێ ژى دايه زانين كو دێ ئاراستهيێ وى دێ باكورێ رۆژئاڤا بيت ب رهنگهكى دێ يێ ل سهر خوه بيت د ناڤبهرا 5 بۆ 20 كلم د دهمژمێرهكێ ماوێ ديتنێ ژى دێ 8 بۆ 10 كلم بيت و دهمێ باران بارينێ 7 كلم بيت.
ئهڤرۆ:
گەنجەکێ 25 سالی دلێ خوە بۆ رۆژناما ئەڤرۆ ڤەدکەت و دبێژیت: ئەز خودان مارکێتم ئەڤە 8 سالە ئەز ل بەر وێ مارکێتێ کار دکەم و کچەکا جیرانا مە بۆ تشت کرینێ دھێتە مارکێتا من کو ئەو قوتابیا قووناغا 12 ئامادەیی یە و ئەڤە ماوێ دو ھەیڤایە ڤیانا خوە بۆ من دیار کری و جارەکێ گۆتیە من کو ئەز حەز ژ تە دکەم، بەس من ئەو نەڤێت و ئەز نزانم چاوا و ب چ رێ بێژمێ کو من دل ل سەر تە نینە ژ بەر کو ئەز دزانم دێ دلێ وێ شکێت و ھەروەسا دێ بەرامبەر من ھەست ب کێماسیێ و شەرمێ کەت ھیڤیە ھوون چ دبێژن و ئەز چ بکەم؟
گهنجێ ھێژا:
کار کرن ناسناما گەنجێ بەرھەمدارە و ھەستکرن ب بەرپرسیارەتیا پێدڤیێن ژیانێ یە لەوما دبێژینە تە دەست خوش و ھەر وەسا ئەمانەت دکاری دا باشترین ساخلەتە لدەف گەنجی ئەڤجا بەردەوام بە لسەر ڤان ساخلەتا و گەنجێ خودان ساخلەتێن باش گەلەک کەس ژرەگەزێ دی حەزا خوە بو دێ دیار کەن و ھەر وەسا تە ژی دیتنێن جودا بەرامبەر وان دێ ھەبن و بەیڤێن جودا دێ ھەبن ھەتا بدووماھی بێت و ھەموو بەرسڤ چ کێماسی نینە بەلێ کارێ نەیێ دروست ئەوە ئەگەر یاری ب ھەستێن کەسێن دی بھێتە کرن و بزانە ئەو یا دژیێ سنێلیێ دا و دیتنێن وێ دوورن د ھەلسەنگاندنا مێشکی دا و ئەو نوکە ئێخسیرا سوزێ یە و ب ساناھی حەز ژێکرنێ دکەن و ب ساناھی دەست بەردانێ دکەن، راستە ب بەرسڤا نە دێ ھێتە ئێشاندن ئەڤجا عەقلانە سەردەریێ د گەل بکە کو وەسا ھەست بکەت ئاخفتنا وێ د چارچوڤێ ئاخفتنا مە یا نوو بوو ئانکو تو دیتنا خوە دێ دیارکەی و ھەر وەسا ھەر وەکی سوحبەتەکا روژانە یا ھاتیە کرن و بزانە پروژی پێکئینانا خێزانێ دڤێت بھێتە ئاڤاکرن لسەر بنەمایێ دیتنێت عەقلانە نە دل پێڤە بوونێ.
بهری چهند حهفتیهكان فلمهكێ هندی ب ناڤێ (PK) كو ب قارهمانیا ئهكتهرێ ب ناڤودهنگێ هندێ ئهمیر خان و ئانۆشكا شارما ل سهرانسهری سینهمایێن وهلاتێ هندستانێ هاته نیشادان.
زێدهباری چیرۆكهكا ئهڤینیێ و ستران و شاهی كو ئێك ژ بنهمایێن فلمێن هندی یه، ناڤهرۆكا فلمێ ناڤبری ئاماژێ ب وێ چهندێ دكهت كا چاوا خهلكهك ب رێیا ئاینی دئێته ههلهرهخساندن و ب سهردابرن ژ لایێ هندهك كهسان ڤه كو تنێ بۆ مهبهستێن كهسۆكی یێن تایبهت. ههر وسا ئاماژه ب هندهك نهریتێن دوور ژ ئاین و مرۆڤاتیێ دكهت كو ب ناڤێ ئاینی هاتینه بهلاڤكرن پێخهمهت بهرژهوهندیا هندهك كهسان.
وهك دئێته زانین كو هژمارهكا زۆرا ئاینان ل هندستانێ یا بهربهلاڤه، ژ وان گهلهك ئاین و رێچگهلهێین هندۆسی، ئیسلام ب رێچگهلهێین سنی و شیعی، مهسیحیهت، سیخ و گهلهكێن دی، كو د ڤێ فلمی دا ئاماژه ب ڤان ههمی ئاینان هاتیه كرن.
فلمێ ناڤبری بهرهنگاری نهرازیبوونێن مهزن بوو ژ لایێ هندۆسان ڤه، كو ل گهلهك جهان خوهنیشادانێن نهرازیبوونێ ئهنجامدان، ل گهلهك جهان هێرشكرنه سهر سینهمایا و تێكدان و پۆستهر و ریكلامێن فلمی هاتنه دراندن و سۆتن.. . ئهڤه ب كورتی.
ل سهر ناڤهرۆكا فلمی ل هندێ دهنگڤهدان ههبوو و راگههاندنا هندی ژی ل سهر هاته دهنگ و تا وێ رادێ كێشا فلمی گههشته دادگههێ و ل دووماهیێ دادگهها بلند بریار ل سهر دا.
لێ ل جیهانێ چ دهنگڤهدان نهبوو، ژ بهر كو پرانیا هندۆسان د چارچوڤێ هندستانێ دا دژین. نه رازیبوون و تێكدان و ههر رهنگڤهدانهكا ژ ئهنجامێ فلمی دهركهتی تنێ كارتێكرن تنێ ل سهر وان كهسان ههبوو یێن پێ هاتینه ئێشان وهك ئهو هزر دكهن.
ب دیتنا من (كو من ب خوه ژی ئهو فلم دیتی یه)، ههر وهسا دادگهها بلند ل وهلاتێ هندستانێ ژی بریارا دا و دیاركرن كو چ بێ بهاكرن و كێمكر ب ئاینان نه هاتییه كرن ب تایبهت هندۆسان، لێ بهردهوام كارێن تێكدهر و خراب هاتنه ئهنجامدان.
مهبهستا من ژ ڤێ چهندێ ئهوه كو توندرهو ل ههمی دهمان و ل ههمی جها و د ناڤ ههمی ئاین و جڤاكا دا یێن ههین و دێ ههبن ژی. لێ كهنگی دبیته بابهتێ راگههاندنێ و سیاسهتمهدارا ل جیهانێ؟ ئهڤه یا گرنگ و مهترسیداره! ل وی دهمێ دبیته بابهتهكێ جیهانی دهمێ سیاسهتا جیهانێ دڤێت بابهتهكێ بئازرینت ب ههر مهبهستهكا ههبیت.
ل سهرانسهری جیهانێ نوكه بهحس ل ئیسلاما توندرهو دئێته كرن، راسته ب ناڤێ ئیسلامێ كریارێن درنده ونه مرۆڤایهتی دئێنه ئهنجامدان، لێ ئیسلام ژ وان كریارا یا بێ گونههه.
یا ژ ههمیێ گرنگتر ئهوه، دهمێ كهسهك بێته پاشڤهبرن، یان ههر دهم تپلا تومهتهكێ بۆ بێته درێژكرن، د ئهنجام دا دێ نهچار بیت وێ كریارێ ئهنجام بدهت، ئهز باوهرم ژی ئهڤ چهنده ههتا راهیهكا باش یا هاتیه پهیرهوكرن.
ل سهر كریارا پاریس، جیهان ههمی هاته دهنگ و نهرازیبوونا خوه دهربرین ل سهر كوشتنا چهند كهسهكان، لێ كهس بهحس ل وێ چهندێ نهكر كو رێ ل ههمبهر رهفتارێن كو ژ ئهنجامێ وێ توندرهوی و كوشتن رووددهت بێته گرتن. ئازادی یا دهربرینێ نه دهربازبوونا سنۆرانه و بن پێكرنا پیرۆزی و بیروباوهرێن لایهنێن دی یه. ئهڤه نه پشتهڤانی بۆ تیرۆرستان بهلكو پێدڤی یه بهری ههر تشتی ل دووڤ ئهگهران بگهرین.
ئهرێ جوهی دێ رازی و بێ دهنگ بن ههكه بهحسێ پێخهمبهرێ خۆدێ مووسای (س. خ) هاته كرن؟ دێ مهسیحی رازیبن بهحس ل پێغهمبهرێ خۆدێ عیسای بێتهكرن؟ یان ههر كهسهكێ دی دێ رازی بیت بهحس ل پیرۆزیێن وی بێته كرن؟ بێ گومان نهخێر، لێ بۆچی تنێ دڤێت موسلمان ل سهر ڤێ چهندێ د رازی بن؟
دڤێت هزر د وێ چهندێ دا بێته كرن كو رێ ل ههمبهر دروستبوونا تیرۆرستان بێته كرن، نهك ژ ناڤبرنا تیرۆرستان، ژ بهر ههكه رێك ل ههمبهر دروستبوونا وان نهئێته گرتن دێ رۆژانه تیرۆرست پهیدابن.
نيشاندان