ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 10ى گۆلانا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1307 |
| 1 يۆرۆيێ ئه‌ورۆپى | 1470 |
| 1 ليرێ توركى | 485 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
ئه‌ڤرۆ نيوز:
سترانبێژێ ناڤدارێ تورك، ئيراهيم ته‌تليس پشتى ئه‌نجامدانا نشته‌رگه‌ريه‌كا مێشكى ب سه‌ركه‌فتيانه ل ويلايه‌تا مه‌يامى يا ئه‌مريكا، ڤه‌گه‌ريا توركيا و ره‌وشا ساخله‌ميا وى يا باشه.
ئيراهيم ته‌تليس د ڤه‌گه‌ريانا خوه سه‌ره‌دانا كۆمپانيا خوه يا كارى كر و سلاڤى كارمه‌ندان كر دا كو پشت راست بن ساخله‌ميا وى يا باشه و پاشان ژى ل به‌ر ده‌رێ ئۆتێلێ سلاڤ ل رۆژنامه‌ڤان كر يێن كو چاڤه‌رێيا وى دكر و گۆت: ئه‌ز يێ ماندوو مه دێ بێهنا خوه ڤه ده‌م، گه‌له‌ك حه‌ز ژ هه‌وه دكه‌م”.
ئه‌ڤرۆ نيوز:
نێچيرڤان بارزانى جێگرێ سه‌رۆكێ پارتى ديموكراتى كوردستان و سه‌رۆكێ حوكمه‌تا هه‌رێما كوردستانێ، سه‌ره‌دانا مه‌كته‌با سياسى يا ئێكه‌تى نشتيمانى كوردستان كر و ل گه‌ل ئه‌ندامێن مه‌كته‌با سياسى يا ئێكه‌تيێ كۆم بوو.
به‌رى ده‌مه‌كێ كێم يا ئه‌ڤرۆيا رۆژا ئێكشه‌مبى رێكه‌فتى 10ى گۆلانا 2015ێ نێچيرڤان بارزانى جێگرێ سه‌رۆكێ پارتى ديموكراتى كوردستان و سه‌رۆكێ حوكمه‌تا هه‌رێما كوردستانێ ب هه‌ڤالينيا هه‌ر ئێك ژ دلشاد شه‌هاب ئه‌ندامێ سه‌ركردايه‌تيا پارتى ديموكراتى كوردستان و سه‌فين دزه‌يى ئاخفتنكه‌رێ ناڤێ حوكمه‌تا هه‌رێما كوردستانێ سه‌ره‌دانا مه‌كته‌با سياسى يا ئێكه‌تى نشتيمانى كوردستان بكه‌ت، به‌لێ نوكه نه‌هاتيه زانين كا دێ ل گه‌ل كۆم بيت.
پێشتر ژى هه‌ر ئێك ژ عزه‌ده‌ين به‌روارى و فازل ميرانى ژى گه‌هشتبوونه مه‌كته‌با سياسيا ئێكه‌تى نشتيمانى كوردستان و ژ لايێ خوه ژى ڤه ئه‌وان ژى پێش وه‌خت يا ئه‌ڤرۆ كۆمبوونه‌ك د ناڤبه‌را خوه دا كربوو.
ب گۆره‌يى بۆچوونا شاره‌زايا وێرايى ره‌وشا نوكه يا عيراقێ و ئيرانێ و چوونا سه‌رۆكێ هه‌رێمێ بۆ ئه‌مريكا و ره‌وشا ئه‌منى و دارايى يا هه‌رێما كوردستانێ تێدا دبۆريت، دێ دانوستاندن ل سه‌ر ئه‌و ره‌وشا نوكه ل رۆژهه‌لاتێ كوردستانێ هه‌يى، گه‌نگه‌شه كه‌ن.
ديسا دێ ته‌وه‌ره‌كێ دى يێ دانوستاندنا پرسا نوكه يا راستڤه‌كرن و پێداچوونێ د دستوورێ هه‌رێما كوردستانێ دا بيت و ديسا ويلايه‌تا سه‌رۆكێ هه‌رێما كوردستانێ مه‌سعود بارزانى.
ئه‌ڤرۆ نيوز:
سه‌لاحه‌ين ده‌ميرتاش راگه‌هاند: هه‌ده‌پێ باوه‌رى يا ب ئاشتيێ هه‌يى و رێ ناده‌ين قووناغا چاره‌سه‌رى و ئاشتيێ تێك بچيت.
سه‌لاحه‌دين ده‌ميرتاش، هه‌ڤسه‌رۆكێ گشتيێ پارتيا ديموكراتا گه‌لان “هه‌ده‌په” د كۆمبوونا جه‌ماوه‌رى يا پارتيا وى دا بۆ بانگه‌شه‌يا هه‌لبژارتنێن په‌رله‌مانێ توركيا ئه‌وا بڕياره ل 7ى خزيرانا ئه‌ڤ ساله ب رێڤه بچيت ل باژێرێ بينگۆلێ ل باكوورێ كوردستانێ گۆتاره‌ك پێشكێش كر و راگه‌هاند: پارتيا وان دادپه‌روه‌رى و وه‌كهه‌ڤى و براتى و ئاشتى دڤێت.
گۆتژى: “بلا هه‌وه چو گۆمان نه‌بيت، هه‌ده‌په دێ ئاشتيێ ل وه‌لاتى دامه‌زرينيت و رێ ناده‌ت قووناغا چاره‌سه‌رى و ئاشتيێ تێكبچيت و هه‌ده‌پێ باوه‌ريا ب ئاشتيێ هه‌يى و رێ ب دروستبوونا شه‌رى ناده‌ت”.
ده‌ميرتاش ره‌خنه ل ئاك پارتى ژى گرت و گۆت: “ئاك پارتى ره‌وشێ تێك دده‌ت و پێنگاڤان به‌ر ب پاشڤه دهاڤێت، به‌لێ قووناغا چاره‌سه‌ريێ ب سه‌ركه‌فتنا هه‌ده‌پێ و ب ره‌نگه‌كێ ب هێز و ب له‌ز دێ يا به‌رده‌وام بيت و به‌ر ب پێشڤه چيت”.
ئەڤرۆ نیۆز، قائید میرۆ:
سەرکردەیەکێ ئێکگرتوویا ئیسلامی دیارکر كو ئەو چاڤەڕێی بەرسیڤا پارتی دکەن بۆ پشکداریکرن د ئیدارەیێن خۆجھێن دھۆک و ھەولێرێ دا.
ئەبۆ بەکر ھەلەدنی، ئەندامێ مەکتەبا سیاسیا ئێکگرتوویا ئیسلامی کوردستان بۆ ئەڤرۆ نیۆز گۆت: “ئێکگرتوویا ئیسلامیا کوردستانێ ب 17 پۆستان پشکداری د حوکمەتا خۆجھيا سلێمانیێ دا کریە و دەمەکێ نێزیک دێ بەرپرسێن ئێکگرتوو ل سلێمانیێ دەستبکار بن”.
ھەلەدنی گۆتژی: “ئەم ل دھۆک و ھەولێرێ چاڤەڕێ بەرسیڤا برادەرێن پارتی نە بۆ پشکداریکرنێ د حوکمەتێن خۆجھێن ھەردو پارێزگەھان ب ئەگەرێ ئەڤی شەڕێ داعش رێکەفتنا مە د گەل پارتی گیرۆ بوویە، بەلێ دڤێت برادەرێن پارتی لەزێ بکەت بۆ بەلافکرنا پۆستێن پارێزگەھێن دھۆک و ھەولێرێ”.
ئه‌ڤرۆ نيوز:
نێچيرڤان بارزانى جێگرێ سه‌رۆكێ پارتى ديموكراتى كوردستان و سه‌رۆكێ حوكمه‌تا هه‌رێما كوردستانێ، دێ سه‌ره‌دانا مه‌كته‌با سياسى يا ئێكه‌تى نشتيمانى كوردستان كه‌ت و ل گه‌ل ئه‌ندامێن مه‌كته‌با سياسى يا ئێكه‌تيێ كۆم بيت.
بڕياره ئه‌ڤرۆ رۆژا ئێكشه‌مبى رێكه‌فتى 10ى گۆلانا 2015ێ و ل به‌رى نيڤرۆ نێچيرڤان بارزانى جێگرێ سه‌رۆكێ پارتى ديموكراتى كوردستان و سه‌رۆكێ حوكمه‌تا هه‌رێما كوردستانێ ب هه‌ڤالينيا هه‌ر ئێك ژ دلشاد شه‌هاب ئه‌ندامێ سه‌ركردايه‌تيا پارتى ديموكراتى كوردستان و سه‌فين دزه‌يى ئاخفتنكه‌رێ ناڤێ حوكمه‌تا هه‌رێما كوردستانێ سه‌ره‌دانا مه‌كته‌با سياسى يا ئێكه‌تى نشتيمانى كوردستان بكه‌ت، به‌لێ نوكه نه‌هاتيه زانين كا دێ ل گه‌ل كۆم بيت.
ئەڤرۆ:
ژبەر ئارامیا گوندێن سەر سنووری یێن د ناڤبەرا باشوور و باکورێ کوردستانێ دا رۆژانە پتری 350 بارێن تۆڤچای و جگاران ب رێیێن قەچاخ ژ بەرواری بالا دچنە گوندێن باکورێ کوردستانێ و ئەوێن ڤی کاری دکەن، ڤێ چەندێ ب کارەکێ ب زەحمەت و وەستیان دبینن، لێ ژیارا خێزانێن وان ل سەر ڤی کاری یە، لەورا نەشێن ڤی کاری بھێلن.
عەگید حوسنی ئێک ژ وان یێن کو رۆژانە بارێن تۆڤچای و جگاران دبەت بۆ رۆژناما ئەڤرۆ دبێژیت “ھەر چەندە ئەڤە کارەکێ ب زەحمەتە ئەم دکەین، چونکی رۆژانە ل دورێن 3 دەمژمێران ھاتنوچوونێ دکەین و بارێن تۆڤچای و جگاران ژ گوندێن سەر سنووری دبەین بۆ کوردستانا باکور و ھەر بارەکی ئەم بەرامبەر(120_150) لیرێن تورکی دبەین، ب ڤێ رێکێ ئەم دشێین خێزانێن خوە خودان بکەین”.
شێخ موس حەمید کەسەکێ دییە دبێژیت “نوکە رەوشا مە یا دارایی ل تورکیا نەیاباشە، لەورا ئەم رۆژانە دھێنە گوندێن سنووری ب دەواران بارێن تۆڤچای و جگاران دبەین و مفایەکێ باش دگەھیتە مە و ئەگەر ئەڤ کارە ژی نەبا ئەم دا گەلەک ئاستەنگێن ژیانێ بینین، چونکی ئەم دشێین ب ڤێ رێکێ خێزانێن خوە خودان بکەین و ئەم خۆشیەکێ ژی بۆ خوە ژێ دبینین، چونکی ئەم گەلەک کەس دگەل ئێک ھاتنوچوونێ دکەین، ھەر چەندە ئەڤە کارەکێ قەچاخە و زۆر جاران ژیانا مە دکەفتیە د مەترسیێ دا، لێ نوکە ژیارا مە کەفتیە ل سەر پشتا ڤان دەواران و ئەم نەشێین ڤی کاری بھێلین”.
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى ئه‌سمان دێ ب تمامى ئه‌ور بيت و باران ژى دێ ل جهـ و ده‌مێن جودا باريت و باكورێ رۆژهه‌لاتێ باژێرێ دێ ره‌نگه‌كێ زێده‌تر باريت.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئه‌نجامێ فشارێن نزمێن گزيرتا عه‌ره‌بى بۆ سەر ھەرێما کوردستانێ ئەو پێشبینی دکەن کو سوبه‌هى رێكه‌فتى 11ى گۆلانا 2015ێ دێ ب تمامى ئه‌ور بيت و باران ژى دێ ل جهـ و ده‌مێن جودا باريت و باكورێ رۆژهه‌لاتێ باژێرێ دێ ره‌نگه‌كێ زێده‌تر باريت.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ يا نزم بلند بيت و يا بلند ژى پيچه‌ك هێته خوار وه‌كو هه‌ڤبه‌ركى ل گه‌ل رۆژێن به‌رى نوكه ب رەنگەکی د ناڤبەرا 21 بۆ 27 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باشوورێ رۆژئاڤا بیت ب رەنگەکی دێ ل سه‌رخوه بیت د ناڤبەرا 5 بۆ 15 کلم د دەمژمێرەکێ دا و ماوێ دیتنێ ژی دێ 10 کلم دا بیت.
ئەڤرۆ:
رێڤەبەرێ گشتیێ قەرزێن بچووک ئاشکرا کر کو گەلەک وەلاتیان قەرزێن بچووک وەرگرتینە و ژبەر تێکچوونا کاودانێن دارایی ێن ھەرێما کوردستانێ، نوکە ئەو وەلاتی نەشێن ب دروستی قەرزێن خوە بدەن، لەوما حەفتیا بھێت دێ کۆمبوونەکێ ئەنجام دەن ب مەرەما دیتنا چارەکێ کو د بەرژوەندیا وەلاتیان دابیت و ببیتە بارسڤکرنەک ھەتا ئەڤ کاودانە دەرباز دبن.
ئارام ئەنوەر رێڤەبەرێ گشتیێ قەرزێن بچووک ل ھەرێما کوردستانێ بۆ رۆژناما ئەڤرۆ گۆت “ھندەک گەنجان پارە وەک قەرزێن بچووک وەرگرتینە و چووینە شەڕی و دو حالەت نوکە ھەنە کو خوبەخش بووینە و پارە وەرگرتینە و شەھید بووینە، ب نڤیسارا ئەنجوومەنێ وەزیران ھاتینە ئاگەھدارکرن کو ئەڤ کەس بھێتە ئازاکرن ژ ڤی پارەی”.
رێڤەبەرێ گشتیێ قەرزێن بچووک دیار کر ژی کو پێشمەرگەی قەرزێن بچووک وەرنەگرنینە، چونکی ئێک ژ مەرجێن دانا قەرزێن بچووک بۆ گەنجان دڤێت مووچەخۆر نەبیت و چ مووچە نەبن، ئەگەر پێشمەرگە بیت دڤێت پێرابوون ل گەل بھێتەکرن و ئەڤە زێدەگاڤیە ھاتیەکرن، چونکی بەری وەربگریت سۆزنامەک نڤسیە کو چ مووچە نینن و وەرناگریت و گۆت “ھەکە ببیتە پێشمەرگە دڤێت سەرەدانا فەرمانگەھا قەرزێن بچووک بکەت و ب رێکێن قانوونی سەردەری دێ ل گەل ھێتەکرن، ھەکە ھندەک ھەبن داخواز کربیت و بووینە پێشمەرگە و ھێشتا پارە نەوەرگرتیە دڤێت مە ئاگەھدار بکەت”.
ئەڤرۆ:
بەرپرسێ پەیوەندی و راگەھاندنا پۆلیسێن پارێزگەھا دھۆکێ رائیدێ مافپەروەر ھێمن سلێمان بۆ ئەڤرۆ دیارکر کو پشتی دوھی 9ى گۆلانا 2015ێ چەند کەسێن خودانێن کارگەھان رێ یا کواشێ گرتین ترۆمبێلەکا بارھەلگرا گازێ ھاتە د ناڤ کۆمەلگەھا کواشێ دا دا بچیتە وێستگەھێ کارەبێ وان نەھێلایە بچیت، ئەوێن ل ناڤ ترۆمبێلا گازێ ھاتنە خوارێ و شەر پەیدا بوو و سێ کەس بریندار بوون.
ژ لایەکێ دیڤە حەمزە رەزیکی بەرپرسێ راگەھاندنا رێڤەبەریا گشتی یا ساخلەمیا دھۆکێ بۆ ئەڤرۆ دیارکر کو برینداربوونا ڤان دو کەسان یا سڤکە و رەوشا وان یا ساخلەمیێ یا باشە.
ل رۆژا پێنج شەمبی جێگرێ پارێزگەرێ دھۆکێ بەھزاد عەلی ئادەم دیارکربوو کو بریار ھاتیە دان ب ئێکجاری بارزنینگەھێن کواشێ بھێنە داخستن و گازا رەش ب ئێکجاری ژێ بھێتە برین و نابیت ئێدی گازا رەش بگەھیتە کواشێ، گۆت ژی ئەو کارگەھێن بەری نوکە دەستووری بۆ ھاتیە دان کو کارێ وەکو بلۆک و ئیسفەنج و ھەر کارەکێ دیێَ دەستووری پێ وەرگرتی پێدڤیە کارێ خوە یێ دورست بکەن ئەوێ دەستووری پێ وەرگرتی و دماوێ حەفتیەکێ دا وان پارزنینگەھێن گازێ راکەن ئەگەر نە دێ ھێنە سزادان و دەستوورێن وان ھێنە ڤەکێشان.
بەھزاد عەلی ئادەم د کۆنگرەکێ رۆژنامەڤانی دا ھەروەسا دیارکر کو ل رۆژا 7ى گۆلانا 2015ێ کۆمبوونەک ب سەرپەرشتیا پارێزگەرێ دھۆکێ ل گەل لایەنێن ساخلەمی، ژینگەە، باژێرڤانی و قایمقامێ سێمێلێ ھاتە بەستن و پشتی گەنگەشەکا بەرفرەە ھاتیە کرن، دیار بوو کو پارزنینگەھێن گازێ ل کواشێ مەترسیەکا مەزنن ل سەر ساخلەمیا خەلکی و بووینە ئەگەرێ تێک دانا ژینگەھێ چ یا ئەسمانی وەکو ھەوا یان یا ئەردێ چاندنێ کو جۆکێن بەرمایکێن وان گەھەشتینە گوندێ گرێ گەورێ ئەڤە ژی کارتێکرنەکا خراب دکەتە سەر ئەردێ چاندنێ و ساخلەمیا خەلکێ و دبنە ئەگەرێ پەیدابوونا ئێشێن بھێن تەنگیێ و ئێشێن پەنجەشێرێ ژێ پەیدا دبن و گازێن میسان یا کوژەک و H2S ژێ پەیدا دبن.
ھەروەسا دیارکر کو نێزیکی ٣٥ کارگەە ھاتینە ڤەگوھاستن بۆ پارزنینگەھان و ئەڤە ھەموو دێ ھێنە گرتن و گازا رەش ب ئێکجاری ژێ ھێتە برین.
نيشاندان