ئەڤرۆ نیۆز، قائید میرۆ:

سەرۆکێ جڤاتا پارێزگەھا ھەولێرێ ھۆشداریێ ددەت وەلاتیێن دەرڤەی ھەولێرێ و دبێژیت، ھەر کەسەکێ ژ باژێڕی دەرکەڤیت رێکێ نادەین ڤەگەڕیت بۆ ناڤا باژێڕی.

عەلی رەشید، سەرۆکێ جڤاتا پارێزگەھا ھەولێرێ بۆ ئەڤرۆ نیۆز دیارکر” رێو جھێن توند یێن کەرەنتینکرنێ ھاتینە بجە ئینان و حوکمەت یا رژدە لسەر بجە ئینانا رێکارێن خۆپاراستنێ ژ ڤایرۆسێ کۆرۆنا بۆ پاراستنا ژیانا وەلاتیان.

عەلی رەشید گۆتژی” ھەگەر کەسەکی بڤێت ژ ھەولێرێ دەرکەڤیت رەنگە رێکێ بدەنێ، بەلێ ب چو شێوەیەکی رێک ناھێتەدان خەلک بھێتە ناڤا ھەولێرێ و یێن ژ دەرڤەی ھەولێرێ ماینە و ناڤەگەڕن ئەگەر خەلکێ باژێڕێ ژی بن.

ئەڤرۆ نیۆز، قائید میرۆ:

بڕیارە ڤێ ئێڤاریێ ھێزێن پێشمەرگەی ل نێزیک فڕۆکخانا نێڤدەولەتیا ھەولێرێ مانۆرەکا سەربازی ئەنجامبدەن و وەزارەتا نافخۆژی وەلاتیان لدۆر ئەڤێ روویدانێ ئاگەھدار دکەت.

دداخویانیەکێ دا کو وێنەیەک گەھشتیە مالپەڕێ ئەڤرۆ نیۆز وەزارەتا نافخۆ راگەھاندیە” ئێڤاریا ئەڤرۆ ھێزێن زێرەڤانی یێن ئەرکێ پاراستنا فڕۆکخانا نێڤدەولەتیا ھەولێرێ ھەیە دێ مانۆرەکا سەربازی ل نێزیک فڕۆکخانێ ئەنجام دەن.

وەزارەتا نافخۆ ئاماژەکریە” پێدڤیە وەلاتی ئاگەھداربن بۆ رێڤەچوونا مانۆرا سەربازی و ھەتا پێنج کیلۆمەتران دێ ڤەگریت، لەوڕا وەلاتیان ئاگەھدار دکەین ل رێڤەچوونا مانۆرا سەربازی.

ئەڤرۆ نیۆز، قائید میرۆ:

پشتی ژلایێ سەرۆک کۆمارێ عێراقێ عەدنان زورفی ھاتیە بەربژێرکرن بۆ پۆستێ سەرۆک وەزیرێن عێراقێ دخوازیت دگەل کوردان بگەھیتە رێکەفتنێ و شرۆڤەکارەکێ سیاسی ژی ئاشکراکر، کوردان دێ ھەلویستەکێ جودابیت دگەل عەدنان زۆرفی .

بەرپرسەکێ وەزارەتا پێشمەرگەی رەتکر ئەمریکا ھێزێن خۆ ل ھەرێما کوردستانێ ڤەکێشیت. تارق جەوھەر، شرۆڤەکارێ سیاسی بۆ ئەڤرۆ نیۆز دیارکر” ڤێجارێ دێ ھەلویستێ کوردان ھەمبەری عەدنان زورفی بەربژێرێ راسپاردی بۆ سەرۆک وەزیرێن عێراقێ یێ جودابیت، چونکە زورفی باگراوندەکێ جودا ھەیە دگەل محەمەد عەلاوی بەربژێرێ بەرێ یێ سەرۆک وەزیرێن عێراقێ و بەربژێرێ نوو تەکەست لسەر چارەسەرکرنا ئاریشەیێن ناڤبەرا ھەرێما کوردستانێ و بەغدا کریە.

ئەڤی شرۆڤەکارێ سیاسی گۆتژی” ھەموو ئەو ھێز و لایەنێن شیعی یێن دژایەتیا عەدنان زورفی دکەن بۆ پێک ئینانا کابینا حوکمەتا عێراقێ ئەو ھێزێن یێن سەرب ئیرانێ و نێزیکی ئیرانێ، کارڤەدانێن کورد و عەرەبێن سونە جھێ دلخۆشیێ نە ھەمبەر بەربژێرێ راسپاردی بۆ پێک ئینانا حوکمەتێ.

تارق جەوھەر ئاشکراکر” ددەمێ نوکەدا ئێک رێزیا کوردان یا گرنگە بۆ ڤێ قۆناغا عێراق تێدا دەرباز دبیت، بتایبەتی جیھان و دەڤەر یا بەرەف گۆھڕینێ دچیت ژبەر ڤایرۆسا کۆرۆنایێ و بھایێ پتڕۆلێ ژی داکەتیە، لەوڕا پێدڤیە کورد لەزێ بکەن بۆ ئەنجامدانا رێکەفتنێ دگەل بەغدا.