ئەڤرۆ نیوز:
ژێدەرەکێ ژ وەزارەتا دارایی و ئابووری یا حوکمەتا هەرێمێ راگەهاندیە، رۆژا دوشەمبی، ٢٣ ئادارا ٢٠٢٠ دێ مووچێ هەیڤا 12 یێ سالا بوری یێ وەزارەتا پەروەردێ هێتە دابەشکرن.
رۆژا دوشەمبی دێ مووچێ ڤێ وەزارەتێ هێتە دابەشکرن
نووترين نووچه
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
- بەختیار تالەبانی: بارەگەهێ بارزانی یێ بوویە ناڤەندا بڕیارا كوردی
- چارەنڤیسێ ئیراقێ ب هنارتنا پەترۆلا كوردستانێ و راگرتنا كڕینا غاز و كارەبا ئیرانێ ڤە یێ گرێدایە
- حەشدا شەعبی رێگرە ل پێشبەری ئیمزاكرنا رێككەفتنەكا نوو د ناڤبەرا ئیراقێ و ئەمریكا دا
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
- نێچیرڤان بارزانی: فیدرالی و دەستكەفتێن دستووری و كاریگەرییا ئەڤرۆ یا كوردستانێ بەرهەمێن سەرهلدانێ نە
- مەسرور بارزانی: سەرهلدان ئێك ژ سەروەریێن مەزن یێن گەلێ كوردستانێ یە كو هەردەم جهێ شانازییا مەیە
- دوپاتیێ ل رێكخستنا ناڤمالا كوردی دكەین
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
سهرهكى Facebook
رێڤەبەریا گشتی یا ئاسایشێ راگەهاندنەک بەلاڤکر
ئەڤرۆ نیوز:
د به‌یاننامه‌کێدا رێڤه‌به‌ریا گشتی یا ئاسایشێ دوورخستنا رێڤه‌به‌رێ ده‌روازێ سنووری یێ ئیبراهیم خه‌لیل ژ پۆستێ وی ب ئەگەرێ پابه‌ندنه‌بوونا وی ب رێنمایێن ساخلەمیێ راگه‌هاند.
ده‌قێ به‌یانناما رێڤه‌به‌ریا گشتی یا ئاسایشێ:
پشتی ڤەکۆلینا سه‌ره‌تایی بۆمە ده‌ركه‌فت، کو ئه‌فسه‌رێ مە عه‌مید عه‌بدولوه‌هاب محه‌مه‌د عیسا، رێڤه‌به‌رێ ئاسایشا ده‌روازێ ئیبراهیم خه‌لیل، كو ب مۆله‌تا فه‌رمی سه‌رەدانا ئه‌لمانیا كربوو، ل رێكه‌فتی 14/3/2020 ل دەمێ ڤەگه‌یانێ ل فرۆكخانا نێڤده‌ولە‌تی یا هه‌ولێرێ، پابه‌ندی رێنمایێن لژنا بلند یا حكومه‌تا هه‌رێما كوردستانێ بۆ روو ب رووبوونا ڤایرۆسێ كۆرۆنا یێ نه‌بوویه و جهێ كه‌ره‌نتینێ بجهـ هێلایە، لەوما وه‌ك پێنگاڤا سه‌ره‌تایی بۆ سزادانێ، مە بڕیار دا ب دوورخستنا ناڤهاتی ژ پۆستێ رێڤه‌به‌راتیا ئاسایشا ده‌روازێ ئیبراهیم خه‌لیل.
وەلاتیێن خۆشتڤی دلنیا دكه‌ین، كو كه‌س ژ قانوونێ بلند تر نینه و سه‌رپێچیكار دێ سزایێ قانوونی وه‌ر‌گریت.
رێڤه‌به‌ریا گشتی یا ئاسایشێ
21 ئادارا 2020
وەزارەتا ساخلەمیا عیراقێ: 21 حالەتێن دیتر تۆشی کۆرۆنا یێ بووینە
حالەتەکێ دیتر یێ کۆرۆنا یێ ل کوردستانێ هاتە تۆمار کرن
ئەڤرۆ نیوز:
وەزیرێ ساخلەمیا هەرێما کوردستانێ راگەهاند، ئێکەم حالەتێ نوو یێ توشبوون ب کۆرۆنایێ ل دەڤەرا راپەڕین هاتە تۆمارکرن و کەسێ توشبوو ژی گەنجەکێ ٣٧ سالیە و کارمەندێ بەنزینخانێ بوویە و سەرەدانا دەرڤەی وەلاتی ژی نەکریە.
وەزارەتا ساخلەمیا هەرێمێ دیار کریە ژی، د بەردەوامیا پشکنین و لێگەریانێ لدووڤ گۆمانلێکریان، توشبوویەکێ ڤایرۆسێ کۆرۆنا یێ ل ناحیا سەنگەسەر یا گرێدای دەڤەرا راپەرین هاتە دەستنیشانکرن.
نوکە هژمارا توشبوویان ل هەرێما کوردستانێ گەهشتە ٤٨ کەسان، کو ٣٧ ژ وان ل باژێرێ سلێمانیێ نە و 9 کەس ل هەولێرێ و کەسەک ژی ل پارێزگەها دهۆکێ و کەسەک ژی ل ئیدارا راپەرین.
د نووترین ئامارێن ل سه‌ر ڤایرۆسێ كورونایێ ل جیهانێ
ئه‌ڤرۆ نیوز:
د نووترین ئامارێن به‌لاڤكری ل سه‌ر به‌لاڤبوونا ڤایرۆسێ كورونایێ ل سه‌ر ئاستێ جیهانێ توشبوویێن وێ گه‌هشتیه 276 هه‌زار و 462 كه‌سان و ئه‌و كه‌سێن بڤی ڤایرۆسی مرین ژی 11 هه‌زار و 417 كه‌س بوون.
مالپه‌رێ ولد ئومیته‌ر یێ جیهانی د به‌لاڤكرنا نووترین ئاماردا راگه‌هاند: ل جیهانێ و ل 185 وه‌لاتان 276 هزار و 462 كه‌س تووشی ڤایرۆسێ كورونایێ بوون و 11 هزار و 417 كه‌س ژی بڤی ڤایرۆسی مرینه.
ئه‌و چه‌نده ژی هاتیه‌دیاركرن كۆ 173 هزار و 91 كه‌س ل بن چاڤدێریێ دانه و 7 هزار و 911 كه‌س ژی ره‌وشا ساخله‌میا وان نه‌جیگیره و ل بن چاڤدێریا چردانه و 91 هزار و 959 كه‌س ژی ژ ئه‌ڤێ ڤایرۆسی ساخ بووینه و نه‌خوشخانه بجهـ هێلاینه.
مالپه‌رێ ناڤبری ئه‌و چه‌نده ژی راگه‌هاند ل ده‌مێ 24 ده‌مژمێرێن بوری دا ل چینێ كۆ جهێ به‌لاڤبوونا ڤایرۆسی بوو 41 كه‌س تووشبووون و 7 كه‌س پێ مرینه و ل ئیرانێ 19 هزار و 644 تووشبوو هه‌نه و هزار و 433 كه‌س مرینه و ل ئیتالیا ژی نوكه ل پله‌یا دوێ دهێت بۆ توشبوونێ ب ڤایرۆسی كۆ 47 هزار و 21 توشبوویی هه‌نه، 4 هزار و 32 كه‌س پێ مرینه، هه‌ده‌ڤ ل عیراقێ ژی 208 كه‌س توشی ڤایرۆسی بووینه و 17 كه‌س مرینه.
رێڤه‌به‌رێ ساخله‌میا دهۆك: 608 وه‌لاتی هاتینه كه‌ره‌نتینه‌كرن
ئه‌ڤرۆ نیوز:
رێڤه‌به‌رێ گشتی یێ ساخله‌میا دهۆكێ د كۆنگره‌یه‌كێ رۆژنامه‌ڤانی دا دیاركر ل دهۆک ٦٠٨ وه‌لاتی هاتینه کەرەنتینەكرن و هەتا نوكه بتنێ ئێك حاڵەتی توشبوون ب ڤایرۆسی کۆرۆنایێ هاتیه تۆمارکرن.
د. نزار رێڤه‌به‌رێ گشتی یێ ساخله‌میا دهۆكێ د كۆنگره‌یێ رۆژنامه‌ڤانی دا راگه‌هاند 608 وه‌لاتی ل دهۆكێ هاتینه كه‌ره‌نتینه‌كرن و به‌رده‌وام ژی چاڤدێریا ساخله‌میا ئه‌وان و پشكنین بۆ دهێنه‌كرن.
رێڤه‌به‌رێ گشتی یێ ساخله‌میا دهۆكێ ئه‌و چه‌نده ژی دیاركرهه‌تا نوكه بتنێ ئیك حاله‌تێ توشبوون ب ڤایرۆسێ كورونایێ هاتیه توماركرن و بۆ ده‌مێ 5 رۆژان قهدهغهیا هاتنوچونێ ل پاریزگه‌هێ هاتیه راگه‌هاندن.
هه‌رێمێ بازرگانیا ترانزێت ژی راوه‌ستاند
ئه‌ڤرۆ نیوز:
رێڤه‌به‌راتیا گشتی یا گۆمركان ل وه‌زاره‌تا دارایی و ئابووری یا حكومه‌تا هه‌رێما كوردستانێ بازرگانیا ترانزێت راوه‌ستاند.
لگۆری نڤیساره‌كا رێڤه‌به‌راتیا گشتی یا گۆمركان كۆ هاتیه ئاراسته‌كرن بۆ ته‌ڤایا رێڤه‌به‌راتیێن گۆمركان، راوه‌ستاندنا بازرگانیا ترانزێت كۆ ئه‌ڤرۆ 21/3/2020 ب شێوه‌یه‌كێ ده‌مكی دێ هێته راوه‌ستاندن.
راوه‌ستاندنا بازرگانیا ترانزێت ل هه‌رێما كوردستانێ ئێكه ژ رێكارێن حكومه‌تا هه‌رێما كوردستانێ بۆ رێگرتن ژ به‌لاڤبوونا ڤایرۆسێ كورونایێ.
بازرگانیا ترانزێت ب وێ بازرگانیێ دهێته گۆتن كۆ وه‌لاته‌كێ هه‌ڤسیێ كوردستانێ هنده‌ك كه‌ل و په‌لان ب سه‌ر ئاخا هه‌رێمێ بۆ وه‌لاته‌كێ دی یێ كوردستانێ بهنێریت.
ئیرانێ ده‌ست ب مانوره‌كا سه‌ربازی كر
ئه‌ڤرۆ نیوز:
سوپایێ ئیرانێ مانوره‌كا سه‌ربازی بناڤێ (لبیک یان ئیمام خامنەى) ده‌ستپیكر و مه‌به‌ستا ئه‌ڤێ مانورێ ژی ده‌رئێخستنا شیانێن هێزێن چه‌كدارێن ئیرانێ یه.
میدیایێن ئیرانی به‌لاڤكرن، مانور دێ پرانیا پارێزگه‌هێن ئیرانێ بخوڤه‌گریت دناڤا وان ژی دا پارێزگه‌ها قومێ یه، هه‌ر چه‌نده ب ئه‌گه‌ری ڤایرۆسێ كورنایێ هاتوچون یا توخیبداركریه.
لگۆری میدایێن ئیرانی رێ و ئاوایێن پێدڤی هاتینه بكار ئینان و ته‌ڤایا ئه‌و ترۆمبێل و پێدڤی یێن سه‌ربازی كۆ دێ هێنه‌بكار ئینان هاتینه پاقژكرن و تافیلكرن و مه‌ترسیا ڤه‌گۆهاستنا كورونایێ ژێ ناهێته‌كرن.
ده‌ست پێكرنا ئه‌ڤێ مانورا سه‌ربازی دده‌مه‌كی دایه كۆ ئیران ب ئه‌گه‌ری به‌لاڤبوونا كورونایێ ل ره‌وشه‌كا مه‌ترسیدار دایه نوكه زیده‌تری 20 هزار وه‌لاتیێن وێ تووشی ئه‌ڤی ڤایرۆسی بووینه.
ئه‌ڤرۆ فروكه‌یه‌كێ ل سه‌ر فه‌رمانا سه‌رۆك وه‌زیرێ عیراقێ گه‌شتكر
ئه‌ڤرۆ نیوز:
ده‌سته‌یا فروكه‌ڤانیا مه‌ده‌نی یا عیراقی راگه‌هاند: سپیده‌هیا ئه‌ڤرۆ فروكه‌یه‌كا عیراقی ژ باله‌فرخانه‌یا به‌غدا به‌ره‌ڤ نیودلهی یا پایه‌ته‌ختێ هندستانێ چوو.
د راگه‌هاندنه‌كێ دا كۆ ده‌سته‌یا فروكه‌ڤانیا مه‌ده‌نی ل عیراقێ به‌لاڤكر، ل سه‌ر فه‌رمانا سه‌رۆك وه‌زیری عیراقێ ئه‌وێ فروكه‌یێ گه‌شتكریه و ب مه‌به‌ستا ئه‌وێ گه‌شتێ ژی ڤه‌گه‌راندنا ئه‌وان عیراقی یێن ب مه‌به‌ستا خاندنێ و چاره‌سه‌ریێ چووبونه وێری پێدڤی ب ڤه‌گه‌راندنێ هه‌یه.
هه‌ر د وێ راگه‌هاندنێ دا هاتیه كۆ چه‌ندین وه‌لاتی یێن عیراقی ب مه‌به‌ستا خاندنێ و چاره‌سه‌ریێ چو بوون و پێدڤی ب ڤه‌گه‌راندنێ هه‌یه.
ب ئه‌گه‌ری به‌لاڤبوونا كورنایێ ل چه‌ند رۆژێن بوری حكومه‌تا عیراقێ ته‌ڤایا گه‌شتێن ئاسمانی بۆ ده‌رڤه‌ی وه‌لاتی و به‌رۆڤاژی راوه‌ستاندن.
ئوردنێ قهدهغهیا هاتنوچونێ راگه‌هاند
ئه‌ڤرۆ نیوز:
حكومه‌تا ئوردنێ بۆ رێگرتن ژ به‌لاڤبوونا ڤایرۆسێ كورونایێ ل ته‌ڤایا وه‌لاتی قهدهغهیا هاتنوچونێ راگه‌هاند.
شاهـ عه‌بدوللا یێ دوێ مه‌رسومه‌كا شاهانه ده‌رخستن و ده‌سه‌لات دا حكومه‌تێ بۆ ئه‌وێ چه‌ندێ كۆ هه‌مو بزاڤ و به‌رهنگاربوونه‌كێ بۆ رێگرتن ژ به‌لاڤبوونا ڤایرۆسێ كورونایێ بكه‌ت.
حكومه‌تا ئوردنی بریار دا ل ده‌مژمێر 7 سپێدێ یا ئه‌ڤرۆ 21/3/2020 تا ده‌مه‌كێ نه‌دیار هاتنوچون ل ته‌ڤایا وه‌لاتی قه‌ده‌غه‌یه.
سوپایێ ئوردنێ بۆ بجهكرنا بریارا قه‌ده‌غه‌كرنا هاتنوچونێ ته‌ڤایا جاده و كولانێن وه‌لاتی هاتینه به‌لاڤكرن .
لگۆری دوماهی ئامار، تانوكه 85 كه‌س ل رودنی تووشی ڤایرۆسێ كورونایێ بوون و ئێك كه‌س ژی ساخ بوویه.
نيشاندان
WP Facebook Auto Publish Powered By : XYZScripts.com