گەلەک ڤەکۆلینان پیستێ ئەسمەر باشتر ژ یێ سپی دیتیە ژ لایێ تووشبوونا نەخۆشیێن پیستی و کێمتر دکەڤنە بەر کارتێکرنا ھۆکارێن ژینگەھێ، ئەڤە ڤەکۆلینەکا نووی دوپات دکەت کو ژنێن ئەسمەر کێمتر ژ ژنێن پیست سپی تووشی خەمۆکیێ دبن.
ڤەکۆلەران کارڤەدانێن پتر ژ ١٤٠٠ ژنێن ئەسمەر بدەستڤەئینان، و پتر ژ ٣٤٠ ژنێن سپی کو پشکداری د ڤەکۆلینەکێ دا کربوون، وەسا دیار بوو کو ١٠% ژ ژنێن ئەسمەر گازندە ژ ل ھەڤدانێن ساخلەمیا دەروونی کرن د قووناغەکا ژیانا خوەدا، بەرامبەر ٢١% ژ ژنێن سپی.
دیسان ژنێن پیست سپی پتر د بەرھەڤبوون بەحسی تووشبوونا خوە ب خەمۆکیێ بکەن د ١٢ ھەیڤێن بۆری دا، و تووشبوونا وان ب ھەڤدانا گێولی د قووناغەکا ژیانا خوە دا.
بەرھەڤکەرا ڤەکۆلینێ “ئادی ویڤر” ژ زانکۆیا میشیگان ل “ئان ئاربۆر” دیار کر کو ئەڤ ئەنجامە پێنگاڤا ئێکێ یا گرنگە بەر ب تێگەھشتنا کارتێکرنێ ژیانا گوندان و نفشی و ئایینی ل سەر خەمۆکیا توند د ناڤ ژنێن ئەسمەر و یێن سپی دا، ئاماژە دا کو پێدڤیە پتر ڤەکۆلین دڤی بیاڤی دا بھێنە کرن.

ئەڤرۆ نیوز، رەڤین سالح لاوەند:

رۆژناما دەیلی مەیل یا بریتانی ئاشکرا کر کو روودانەکا سەرنجراکێش پەیدابوویە، دەمێ ژنەکا بریتانی ل دەمێ دوگیانیێ دلێ وێ بۆ ١١ خولەکان راوەستیایی، پشتی چار رۆژێن ژبیرڤەکرنێ، ئەڤ ژنە شنی ژ بێھوشیا خوە ل نەخوشخانێ ھشیار بوو، ڤێ ژنێ ژ بەر نەخوشیا خوە ژبیر کر بوو یا ب دووگیانە.

نوشداران دیارکر کو (ھێلاری وێلسون ) دژیێ ٤١ سالیێ دایە، یامری بوو ل سەر تەختێ خوە پشتی تووشی جەلتەکا دلی یا توند بوویی ل دەمێ زارۆبوونا (فێلێکس).

گروپێ نوشدارێن ب چارەسەریا وێ رابووین پشت راست کر ئەڤ ژنە ب شێوەیەکێ نە چاڤەرێکری پشتی چار رۆژێن د بێ ھوشیێ دا بوراندین ھشیار بوو، ئەڤێ ژنێ ژبیر کربوو یا ب دوگیانە یان زارۆیەک یێ بوویی، نەدزانی چ ھاتیە روودان، نوشداران وێنێ زارۆیێ وێ یێ شنی ژ دایکبوویی نیشا وێ دا.

گروپێ نوشداران ل سەر رەوشا ئەو ژنا بریتانی پتر رونکرن دان کو ھێلاری قورتالکرنا وێ ژ مرنێ گەلەکا سەیر بوو، چونکو دەرفەتا ساخبوونا وێ تنێ ٣٠% بوو، ھەروەسان دبیت کارتێکرنەکا مەزن ل سەر مێشکێ وێ کربا ب رێژا ٨٥%ێ.