ئه‌ڤرۆ نیوز: ڤه‌ده‌ر ره‌شاڤایی:
وه‌زیرا ده‌رڤه یا ئه‌مریكا یا به‌رێ هیلاری كلینتۆن برێیا ڤیدۆ كلیپه‌كێ به‌ربژێریا خوه بۆ سه‌رۆكاتیا ئه‌مریكا یالا سالا 2016 ێ راگه‌هاند.
كلینتۆن كو پسپۆری د سیاسه‌تا ناڤخۆ و یا ده‌رڤه یا ئه‌مریكا دا هه‌یه دبێژیت وێ دڤێت ببیته قاره‌مانا ئه‌مریكا و ئێكه‌م سه‌رۆكا ژن یا ئه‌مریكا ،
تێ زانین كلینتۆن هه‌ڤركیا باراك ئۆباما ژی كربوو ل هه‌لبژارتنێن سالا 2008 ی لێ ئوباما پتر ده‌نگ ئینابوون د پارتا دیموكرات دا.
ئه‌ڤرۆ نیوز: ڤه‌ده‌ر ره‌شاڤایی:
راپه‌رێ ئه‌مریكی نێلی كو كۆنسێرته‌ك ل ئادارا ئه‌ڤ ساله ل باژێرێ هه‌ولێرێ گێرابوو، پشتی هاتیه ده‌سته‌سه‌ركرن ب كه‌فاله‌تا 10 هزار دۆلاران هات ئازاد كرن هه‌تا رۆژا دادگه‌هكرنێ كو 19 خزیرانێ یه.
راپه‌ر نێلی ئه‌ڤرۆ رۆژا ئێكشه‌مبی ل ویلایه‌تا تێنسی ل ئه‌مریكا بتۆمه‌تا هه‌بونا مادێن هۆشبه‌ر و چه‌كێ نه‌قانۆنی هاتبوو ده‌سته‌سه‌ركرن پشتی پۆلیسان باسا وی راوه‌ستاندی و ئه‌و ماده د باسا وی دا دیتی .
تێ زانین نێلی ئێكه‌م هونه‌رمه‌ندێ ئه‌مریكی یه كو كونسێرت ل هه‌رێما كوردستانێ گێرای پشتی رێكخراوا خێرخازییا روانگه ب ئاماده‌كاریێن ڤێ كونسێرتێ رابووی.
ئه‌ڤرۆ نیوز، ناجی به‌ده‌ل:
د.فه‌رسه‌ت مه‌رعی بسپور د بیاڤێ دیرۆكا تائیفی ل ئیسلامێ بو ئه‌ڤرۆ دیاركر ل قوناغێن دیرۆكی شرۆڤه‌یه‌كا ئاینی نه ب تێگه‌هه‌كێ كوردی به‌لكو ب هزره‌كا عه‌ره‌بی هاتیه‌‌كرن و بناڤێ ئاینی هاتینه خاپاندن و كورد ملله‌تێ دوێ بوینه پشتی عه‌ره‌با موسلمان بوینه و پاشی فارس و ئه‌و شیان ده‌وله‌تا فارسی دابنن كو خودان شارستانی بون و تورك ژی ل ئاسیا ناڤین بون و چ نه‌بون به‌س ب ئیسلامێ هاتن و ده‌ڤه‌ر هه‌مو داگیركرن ئێخستنه بن ده‌ستێ خوه مه‌زهه‌به‌ك بو خودانا ئه‌و ژی مه‌زهه‌بێ حه‌نه‌ڤی بو.
ناڤبری ئه‌و چه‌نده ژی دیار كر كوردان ده‌وله‌تا ئه‌یوبی چێكر و گه‌له‌ك نه‌ما هه‌تا بشێت ئاینی بو خزمه‌تا تاكی كورد بكار بینیت و ئیماراتێن كوردی نه شیان خو بگه‌هینین ئێك و ژ قوناغه‌كا كوچه‌ری بهینه قوناغه‌كا شارستانیه‌تی ده‌م دڤیا و چ ئیماراته‌كێ نه‌شیا وێ بكه‌ت.
فه‌رسه‌ت مه‌رعی گۆت: ته‌سه‌ئوف و ته‌ریقه‌ت ناڤ كوردان دا هه‌بو و تامه‌كا كوردی ژی دهات و گرێدایی كورده‌واری بویه نه بن چ كاریگه‌ریێن دی بویه .
فه‌رسه‌ت مه‌رعی ئه‌وچه‌نده ژی دیاركر ئه‌مێ د قوناغه‌كا نازك دا و دڤێت به‌ره‌ڤانیی ژ ئه‌ڤێ هه‌ریمێ بكه‌ین و سه‌قایه‌كێ هاریكار هه‌یه دناڤامه دا كو هنده‌ك كه‌سێن كورد باوه‌ریێ ب هزرین توندره‌و ب ئینن و دڤێت رێك و چاڤدێریا ئه‌وێ چه‌ندی بهێته‌كرن و ریك ب هه‌مو كه‌سان نه‌هێته‌دان بناڤێ ئاینی ره‌ئیا خوه بده‌ن.
ئه‌ڤرۆ نیوز، ناجی به‌ده‌ل:
د.هاشم زێباری ماموستایێ زانكویا نه‌وروز بو ئه‌ڤرۆ نیوز دیاركر رێككه‌فتنا ئیرانێ ل گه‌ل وه‌لاتێن پێنج كو ئێك یا گرنگ بوو و دێ دوێ دێ دورپێچا ئابۆری ل سه‌ر ئیرانێ ب ئاوایه‌كی به‌شه‌كێ نه‌خاسمه دكه‌رتی په‌ترۆلێ بهێته راكرن و بڤێ چه‌ندیێ د شێت بكوژمێ مه‌زنتر بهنێریت بو بازارێن جیهانێ،لێ ئاریشها سه‌ره‌كی ئه‌وه كو هنده‌ك وه‌لاتێن نه‌فت فرۆش وه‌كو سعودیێ و كویتێ و قه‌ته‌ر و ئیمارات یێ شه‌ره‌كێ ئابۆری د گه‌ل ئیرانێ دكه‌ن و نوكه رابوینه ب زێده‌كرنا به‌رهه‌م ئینانا په‌ترۆلێ بو بازارێن جیهانێ تا ئه‌نجام بهایێ ئێك به‌رمیل گه‌هانده ل بن سنورێن 50 دولاران.
دكتوری ناڤبری ئه‌و چه‌ند ژی دیاركر كو ئیران د ره‌وشه‌كا ئابۆریا خراب دا دژیت و پیدڤی ب داهاتێ په‌ترۆلێ یه بو رزگاربون ژ قه‌یرانێن خوه و گه‌شه‌پێدان ب پرۆگرامێ خویێ ناڤوكی و رێكه‌تنا ئیرانێ ژلایێ دیپلوماسی ڤه سه‌ركه‌فتنه‌ك بویه بو وێ لێ ژلایێ ئابۆری ڤه پتر زیان دگه‌هته ئیرانێ ژبه‌ر كو بهایێ نه‌فتێ به‌ردوام دئێته خوارێ.
د.هاشمی ئه‌و ئیكه ژی گوت:ئیران دێ رێككه‌فتنێ كه‌ته دلیڤه‌یه‌ك بو خورتكرنا په‌یوه‌ندیێن خوة یێن دیپلوماسی و سیاسی و پاشی ئابۆری و بازرگانی د گه‌ل ئه‌ورۆپا وه‌لاتێن دی تا بكاریت قه‌بارێ ل هه‌ڤگوهارتنێ یا خوه یا بازرگانی بلند بكه‌ت و داهاتی بده‌ستڤه بهینیت و نه بتنێ پشت گرێدایی داهاتی نه‌فتێ بكه‌ت.
ئه‌ڤرۆ نیوز: ڤه‌ده‌ر ره‌شاڤایی:
داوی داخویانیێن پاپای توركیا تۆره دكه‌ت و و وه‌زاره‌تا ده‌رڤه یا توركیا بالیۆزێ ئه‌نقه‌ره ل ڤاتیكانێ گازی دكه‌ت.
پاپا فرانسیس د سالڤه‌گه‌را 100 ێ یا كۆمكۆژییا ئه‌رمه‌ناییان لسه‌ر ده‌ستێ ئۆسمانییان رێوره‌سمه‌ك گێرا و تێدا ژ جڤاكا نێڤده‌وله‌تی خاست كو ڤێ كۆمكوژیێ وه‌ك جێنوساید بده‌نه نیاسین كو ئۆسمانیێن تورك لدژی خه‌لكێ سڤیلێ ئه‌رمه‌نی كربوو د شه‌رێ جیهانیێ ئێكێ دا.
ژ ئالیێ خوه‌ڤه توركیا كو هه‌تا نها دانپێدانێ بڤێ كۆمكوژیێ ناكه‌ت و د به‌ییاننامه‌كێ دا ئه‌ڤرۆ خوه‌یا كر كو ئه‌و ڤان داخویانیێن پاپای ره‌ت دكه‌ن.
مه‌ولود چاویش ئوغلو وه‌زیرێ ده‌رڤه‌یێ توركیا دا دیاركرن و گۆت كو گۆتنێن پاپای دوورن ژ راستیێت دیرۆكی، و پله‌یێن كه‌سایه‌تیێن ئایینی نه بۆ وێ یه‌كێنه كو داخویانییان لسه‌ر ڤان جۆره تشتان دا بده‌ن و كه‌رب و كینێ هه‌لده‌ن.
ئه‌ڤرۆ نیۆز، قائید میرۆ
په‌یڤدارێ وه‌زاره‌تا دارایی و ئابووریا حوكمه‌تا هه‌رێما كوردستانێ ره‌تكر، چو پاره‌یه‌ك ل وه‌ڵاتێ توركیا گه‌هشتبیته هه‌رێما كوردستانێ.
ئه‌حمه‌د عه‌بدولڕه‌حمان، په‌یڤدارێ وه‌زاره‌تا دارایی و ئابوورى بۆ ئه‌ڤرۆ نیۆز راگه‌هاند” هه‌تا مه‌غره‌بیا ئه‌ڤرۆ چو پاره‌یه‌ك ل وه‌لاتێ توركیا نه‌گه‌هشتیه هه‌رێما كوردستانێ و د ده‌مێ گه‌هشتنێ دا، دێ ئه‌شكرا كه‌ین.
ئه‌حمه‌دی گۆت ژی” جارێ پاره نه‌گه‌هشتیه هه‌تا بزانین دێ موچه‌یێ هه‌یڤا ئادارێ بیت یان نه، هه‌رده‌مێ پاره گه‌هشت دێ دارایی بڕیارێ ل سه‌ر ده‌ت.
ئه‌ڤ داخویانیا په‌یڤدارێ وه‌زاره‌تا دارایی و ئابووریا حوكمه‌تا هه‌رێما كوردستانێ د ده‌مه‌كێ دایه كو هه‌ر ئه‌ڤرۆ عه‌بدولره‌حمان عه‌لى ئه‌ندامێ په‌رله‌مانێ كوردستانێ كو سه‌ره‌دانا وه‌زیرێ دارایى كربوو راگه‌هاندبوو: 500 ملیون دولارێ توركیا،گه‌هشتیه هه‌رێما كوردستانێ.
ئه‌ڤرۆ نیوز:
ژ ئه‌گه‌رێ وه‌كهه‌ڤبوونا به‌رله‌شونه و سه‌ركه‌فتنا ریال، جوداهیا خالێن ناڤبه‌را ئێكه‌م و دوه‌مێ خولا ئسپانیا یێ كێمتر بووى و نوكه ریال چاڤه‌رێى وه‌كهه‌ڤیه‌كا دى یا به‌رشه‌لونه‌یه بۆ وێ یه‌كێ ببیته قاره‌مان، به‌لێ دده‌مه‌كێ دا دڤێت ریال د یاریێن خوه یێن مایى دا سه‌ربكه‌ڤیت.
ئه‌گه‌ر د یاریێن مایى یێن هه‌ردو یانان دا، ئه‌گه‌ر به‌رشه‌لونه یاریه‌كا دى وه‌كهه‌ڤ ببیت و ریال چو یاریا خوساره‌ت نه‌بیت، دێ ریال بیته قاره‌مان ژبه‌ر كو ریال ژ ئه‌نجامێ چوون و هاتنێ دا یێ ل سه‌ر به‌رشه‌لونه دا سه‌ركه‌فتى، ئانكو د یاریا ئێكێ دا ریال ب سێ گولان به‌رامبه‌ر گوله‌كێ سه‌ركه‌فتبوو، و د یاریا ڤه‌گه‌ریانێ دا به‌رشه‌لونه ب دو گولان به‌رامبه‌ر گوله‌كێ سه‌ركه‌فتبوو، د خولا ئسپانیا دا ئه‌گه‌ر دو یانه خالێن وان وه‌كو ئێك لێ بهێن، دێ پشت ب ئه‌نجامێ چوون و هاتنێ هێته به‌ستن و ب ڤێ چه‌ندێ دێ ریال بیته قاره‌مان.
ئه‌ڤرۆ نیوز:
ئه‌و پارێ كو بریاربوو ژ ئالیێ حوكمه‌تا توركیا بۆ هه‌رێما كوردستانێ بهێته هنارتن، ل دووماهیێ گه‌هشت.
عه‌بدولره‌حمان عه‌لى ئه‌ندامێ په‌رله‌مانێ كوردستانێ كو ئه‌ڤرۆ سه‌ره‌دانا وه‌زیرێ دارایى كربوو راگه‌هاند: 500 ملیون دولارێ توركیا، ئه‌ڤرۆ گه‌هشته هه‌رێما كوردستانێ.
دهێته چاڤه‌رێكرن ئه‌ڤ پاره‌یه بۆ موچێ هه‌یڤا سێ یێ فه‌رمانبه‌ران بهێته ته‌رخاكرن، دده‌مه‌كێ دا كو ژ نوو بریاره سوبه مووچێ هه‌یڤا 2 یێ وه‌زاره‌تا پێشمه‌رگه‌ى بهێته به‌لاڤكرن.
ئه‌ڤرۆ نیوز:
پۆلیسێن هندى تێستا فرۆكه‌كا بێ فرۆكه‌ڤان كرن ل باژێرێ لكناو ب مه‌ره‌ما وێ چه‌ندێ كو ا ده‌مێ خونیشادان دروست دبن بكاربینن بۆ ره‌شاندنا ده‌رمانێ (رۆند ژ جاڤان دهێت ) كو گه‌له‌ك جارا ده‌مێ ئاراستا خونیشاده‌ران خه‌له‌ت دچیت، پۆلیس نه‌چار دبن ڤى ده‌رمانى بكاربینن و رێگریێ ل خونیشاده‌ران بكه‌ن.
ئه‌ڤرۆ نیوز:
عه‌بدولڕه‌حمان عه‌لی ره‌زا ئه‌ندامێ په‌رله‌مانێ كوردستانێ دیاركر كو ئه‌ڤرۆ ئه‌و ل گه‌ل په‌رله‌مانتار عه‌لى حه‌مه سالح سه‌را وه‌زاره‌تا دارایى كریه و ل گه‌ل رێباز محه‌مه‌د وه‌زیرێ دارایى كومبووینه و گۆت: وه‌زیرێ دارایى ئه‌و ده‌نگوباسه ره‌تكرن كو مووچێ ماموستایێن گرێبه‌ست هه‌تا هه‌یڤا 6 بمه‌زێخن، به‌لكو ئاماژه ب وێ یه‌كێ كر كو هه‌تا هه‌یڤا 9 دێ موچێ ماموستایێن گرێبه‌ست مه‌زێخن.
نيشاندان