ئه‌ڤرو نیوز، بارزان مزوورى
ژێده‌ره‌ك ژ رێكخراوا چه‌كدارێن ئازاد ل ناڤ باژێرێ مووسل بۆ مالپه‌رێ ئه‌ڤرو نیوز ئاشكرا كر كو چه‌كدارێن تیرورستێن داعش نیشان و هێمایێن ئاینێ مه‌سیحیا ل دێرا ماركوركیس یێن مێژویى ل ناڤ باژێرێ مووسل ژناڤ برن و لدوڤ دا گورستانا نێزیك دێرێ تێك دا.
ناڤبرى ئاشكرا كر كو ئه‌ڤ دێره و كه‌ڤنارترین دێر د مێژوویا مه‌سیحیان دا دهێته هژمارتن ل پارێزگه‌ها مووسل.
ئه‌ڤرۆ نيوز:
حوكمه‌تا هه‌رێما كوردستانێ و نێچيرڤان بارزانى سه‌رۆكێ حوكمه‌تا هه‌رێما كوردستانێ برياداينه سه‌ره‌دانا به‌غدا نه‌كه‌ن، هه‌تا كو عيراق وه‌ك نيه‌ت پاقژيه‌ك هنده‌ك پاره‌ى نه‌هێريته هه‌رێما كوردستانێ.
دڤى بياڤى دا، د.تارق گه‌ردى ئه‌ندامێ په‌رله‌مانێ كوردستانێ راگه‌هاند : ئه‌گه‌ر به‌غدا يا پابه‌ند نه‌بيت ب رێككه‌فتنێ ڤێ دووماهيێ يا د ناڤبه‌را به‌غدا و هه‌ولێرێ، دڤێت ده‌رگه‌هێ دانوستاندنان بهێته گرتن و دڤێت هه‌ڤپه‌يمانيا كوردستانى ل به‌غدا و سه‌رۆك كومار خوه ژ حكومه‌تا عه‌بادى ڤه‌كێشن.
ژێده‌ر: باس نيوز
ئه‌ڤرۆ نیوز ، ملله‌ت جه‌مال:
تیما ته‌پا پێى یا یانا گاره ئه‌وا پشكدار د خۆلا پله ئێكا هه‌رێما كوردستانێ دا سه‌ركه‌فتنه‌كا گرنگ و ژ هه‌ژى لسه‌ر هه‌ڤرك و مێڤانا خوه یانا سۆلاڤ توماركر ب سێ گولا به‌رامبه‌ر گۆله‌كێ و سه‌رێ لیستا خۆلێ پاراست.
د نیڤا ئێكێ دا گاره بهێز هاته دناڤ یاریێ دا و شیا د نیڤ ده‌مژمێرا نیڤا ئێكێ دا سێ گۆلا ب رێكا یاریكه‌رێن خوه خسرۆ محه‌مه‌د ئه‌مین گۆله‌ك و مه‌نار تاها دو گول توماربكه‌ن و یاریێ هه‌تا راده‌كێ مه‌زن ب دووماهیك بینن.
دنیڤا دویێ دا گاره هه‌مى هێزا خوه ئێخسته دناڤ یاریگه‌هێ دا بو وێ چه‌ندێ ئه‌نجامێ یاریێ ب پارێزیت و سه‌ركه‌فتنا خوه مسوگه‌ر بكه‌ت و دڤێ چه‌ندێ یا سه‌ركه‌فتى بوو ده‌لیڤه نه‌دا گولا مێڤان یاریێ ب دلێ خوه بكه‌ت هه‌تا ده‌قیقا 85 سولاڤ جوداهى كێمكر ب توماركرنا گولا ئێكێ ب په‌نه‌له‌تیێ لێ ئه‌نجام هه‌ر ب سه‌ركه‌فتنا گاره بدووماهیك هات ب سێ گولا به‌رامبه‌ر گۆله‌كێ.
بڤێ سه‌ركه‌فتنێ گاره پێشه‌نگیا خولێ ب 24 خالان پاراست و هیڤیێن خوه گه‌شكرن بو ده‌ربازبوونێ بو خولا پلا نایاب.
ئه‌ڤرۆ نیۆز، قائید میرۆ
به‌رپرسه‌كێ پارتی دیموكراتی كوردستان ل قه‌زا مه‌خموور ب مالپه‌ڕێ ئه‌ڤرۆ نیۆز راگه‌هاند: ل سنورێ ناحیا باقرت یا سه‌رب قه‌زا مه‌خموور تنێ پێنج گوندێن كورددان لبن كۆنتڕۆلا تیرۆرستێن داعش ماینه، به‌لێ گوندێن عه‌ره‌ب تێدا ژ سه‌رجه‌مێ 37 گوندان تنێ ئێك هاتیه ئازادكرن.
ئه‌ڤی به‌رپرسێ پارتی كو نه‌ڤیا ناڤێ وی بهێته به‌لاڤكرن گۆتژی” پلانه‌ك هه‌یه كو ده‌مه‌كێ نێزیك گوندێن مایی ژی بهێته ئازادكرن، به‌لێ داعش گوندێن عه‌ره‌با كرینه هێلینا خوه و پێدڤیه هێرشێن دژوار بۆ بهێنه‌كرن.
ئه‌ڤرۆ نيوز:
سه‌رۆك كومارێ عيراقێ د.فوئاد مه‌عسوم، د كومبوونه‌كێ دا ل گه‌ل حه‌يده‌ر عه‌بادى سه‌رۆك وه‌زيرێن عيراقێ، سێ داخازى ژێ كرن، ئێك: كێشێن به‌غدا و هه‌ولێرێ چاره بكه‌ت ب تايبه‌ت پرسا هنارتنا مووچه‌ى و بله‌ز بهێته چاره‌كرن و چه‌ند پرۆژان بۆ هه‌له‌بجه بجهـ بينيت و هاريكاريا ئاوارێن قه‌ستا هه‌رێمێ كرى بكه‌ت و ژ ئاليێ خوه‌ڤه بۆ چاره‌كرنا كێشان، عه‌بادى دياركر ئه‌و چاڤه‌رێ هاتنا شاندێ كوردى بۆ به‌غدا دكه‌ن.
ئه‌ڤرۆ نیۆز، سالار دۆسكى
سروودا نشتیمانى یا (شنگال) ئه‌و ژ به‌رهه‌مێ تورا میدیایى یا رووداو ژ ئاواز و سه‌رپه‌رشتیا هونه‌رمه‌ندێ مه‌زن كورد (دلشاد مه‌حمه‌د سه‌عید) ژ هه‌لبه‌ستا (ئه‌دیب چه‌لكى)، دقوناغێن تۆماركرنێ دایه و هه‌تا نوكه چه‌ندین سترانبێژێن ئاست بلند و ب سه‌نگ دناڤا خه‌لكێ كوردستانێ دا ل سه‌ر ئاستێ هه‌ر چار پارچان پشكدارى تێدا كریه، ئه‌دیب چه‌لكى هه‌لبه‌ستڤانێ ڤى به‌رهه‌مى، دپه‌یچێ تایبه‌تێ خوه‌یێ فه‌یسبووكى دا دیاركریه كو سترانبێژ (ناریف فه‌قه) ژى ب كوپله‌كێ پشكدارى دبه‌رهه‌مى داكریه و دیسان هه‌مان ده‌م دا چه‌لكى چه‌ندین وێنێن سترانبێژا ناڤبرى ل گه‌ل هونه‌رمه‌ند دلشاد مه‌حمه‌د سه‌عید به‌لاڤه‌كرینه.
ئه‌ڤرۆ نيوز:
سه‌رۆكێ هه‌رێما كوردستانێ ب هه‌لكه‌فتا بيروه‌ريا كاره‌ساتا دلته‌زينا پارێزگه‌ها هه‌له‌بجه ل تۆرا جڤاكيا فه‌يسبۆكێ يێ تايبه‌ت ب خوه ڤه نڤيسينه‌ك ب كوردى و لاتينى و سورانى و عه‌ره‌بى به‌لاڤكر.
د ڤێ نڤيسينێ دا مه‌سعود بارزانى سه‌رۆكێ هه‌رێما كوردستانێ نڤيسيه: ل بیره‌وه‌ريا کارەساتا کیمیابارانکرنا ھەلەبجە، ھزاران سلاڤ ل گیانێ پاکێ شەھیدێن ھەلەبجە. ئەو باژارێ کو پێناسا مەزلوومیەت و قوربانیدانا گەلێ مەیە.
ديسا ل گه‌ل ڤێ نڤيسينێ سه‌رۆكێ هه‌رێما كوردستانێ، وێنه‌كێ خوه يێ ل گه‌ل هژماره‌كا پێشمه‌رگان دانايه.
ئه‌ڤرۆ نيوز، بارزان مزوورى:
ئەفسەرەک ژ یەکەیا ٥٢٥٢ يا ھێزێن پشته‌ڤانيا ئێك ل میحوەرێ ناوەران بۆ ئەڤرو نیوز دیار کر کو یەکەیا ٥٢٥٢ ئەڤروۆ سپێدێ هەتا نھا ١٠ قومبەلێن جورێ D_٣٠_١٢٢ ملم هاڤێتنه بارەگا و جھێن داعش ئەڤرۆ لێ بەرھەڤ بووین ل پارێزگەھا مووسل تایبەت دوو بارەگایێن دەست نیشانکرین ل نێزیک گوندێ خورسەبات و شەلالات ڤان ھەردوو جھان داعش پلانەک دارێشت بوو ھەردو پلان ب بارەگاڤە ھاتن بوردومان کرن.
ناڤبری دیار کر کو ھەر ١٠ قومبەلە ب نیڤا بارەگایێن وان کەفتینە ج ژوان خوسارەت نەبوویە، ل دووڤ پێزانینێن گەھشتینە وان ژمارەکا کوشتیا کەفتینە دەستێن وان دا، ئەو قومبەلێن بۆ وان ھاتینە رەوانەکرن ھەموویا نیشانێ ئینایی ج ژ وانا زیان نەگەھاندینە خەلکێ مووسل.
ناڤبری زێدەتر گۆت: “ئەڤرۆ مە تولا توپێن داعش ڤەکر ئەوێن د دو رۆژێن بوری دا بۆ پایتەخێ ھەرێمێ رەوانەکرین”.
https://www.youtube.com/watch?v=PlRZXehI4gA
ئەڤرۆ:
سترانبێژا زاخۆيى، مھاباد ئیبراھیم، یا بەرنیاس ب (مھاباد زاخۆیی) دیارکر کو ڤێ حەفتیێ دێ ب ئێکجاری ڤەگەریتە کوردستانێ، سترانبێژ مھاباد زاخۆیی، بۆ بەرپەرێ ھونەریێ ئەڤرۆ گۆت: ژ سالا ١٩٧٦ ێ وەرە ل وەلاتێ ئەمریکا مە، گەلەک خەریب بوویمە، ل سالا ٢٠١٠ من دڤیا بزڤرم، لێ کاودانێن ئابووری بووینە ئاستەنگ، پشتی باشبوونا کاودانان من پلێت بریە و ڤێ حەفتیێ دێ ڤەگەرم.
گۆت: گەلەک تشتێن نەباش لدەف ھەڤالا گولێ دبم، کو کوردستان پرە ژ (گەندەلیێ و واستەیێ) لێ پا من دڤێت ھەر ڤەگەڕم، چونکو ژ مالەک کورد پەروەرم کچا پێشمەرگەکی مە و خووشکا شەھیدەکی مە، دیسان سترانەکێ ب (پێشمەرگەی، شنگالێ، کوبانێ) بێژم .
جھێ ئاماژەپێکرنێ یە کو (مھاباد زاخۆیی) ل سالا ١٩٨١ ێ دەست ب سترانگۆتنێ کرییە و ٦ بەرھەم ھەنە.
نيشاندان