NO IORG
نووترين نووچه
Facebook

ئەڤرۆ، ئازاد نسری:

بەرپرسێ پشکا ئەزموونان ل رێڤەبەریا پەروەردا دھۆک رۆژئاڤا دیارکر کو دوھی 19\10 دەرگەھێ وەرگرتنا قوتابیێن دەرەکی ژ پۆلا پێنجێ بنەرەت ھەتا 11 ئامادەیی بۆ سالا خواندنێ 2014-2015 ھاتە ڤەکرن و ھەتا 30\11\2014 پێشکێش کرن دێ یا بەردەوام بیت و ل دووڤ دا دێ دەست ب وەرگرتنا قوتابیێن دەرەکی بۆ پۆلا 12 ئامادەیی ھێتە کرن.

خالد ئەحمەد خالد خویاکر کو ژ دایکبوویێن 1994 و بەر ب خوارێ مافێ ھەی پێشکێشی قووناغا بنەرەت بکەن، ژ دایکبوویێن 1995 ھەتا 1998 ژی ھەکە دو سالان ل ئێک پۆل کەفت بن وان ژی مافێ خواندنێ ل قوتابخانێن ب رۆژ نامینیت و دشێن پێشکێشی دەرەکی بکەن، لێ سالا خواندنێ 2013-2014 ناھێتە ھژمارتن کەفتن، ھەروەسا ژ دایکبوویێن 1999 و پێھەل ھەکە دو سالان ل پۆلا خوە کەفت بن مافێ ھەی ھەر بمیننە ل خواندنا ب رۆژ.

ل دۆر وان قوتابیێن مافێ دەرەکی ل پۆلێن 10 و 11 ئامادەیی ھەی دیارکر کو ئەو کەس دشێن پێشکێشی ڤان ھەردو پۆلێن ئامادەیی بکەن یێن مافێ خواندنێ ل قوتابخانێ نەمینیت ئەو ژی ژ دایکبوویێن 1990 و بەر ب خوارێ، ھەروەسا قوتابیێن دو سالان ل پۆلا خوە دمینن یان دێ چنە قوتابخانێن ئێڤاران یان ژی دێ پێشکێشی دەرەکی کەن، گۆت ژی ل دووڤ بڕیارا وەزارەتا پەروەردێ ئەڤ سالە پێشکێش کرن بۆ پۆلێن 10 و 11 پیشەیی نابیت.

خالد ئەحمەد ئاشکرا ژی کر ھەر قوتابیەکێ پێشکێشی دەرەکی وەرزی دکەت پێدڤیە شەش وێنان و کۆپیەکا ناسنامێ ل گەل خوە بینیت و دێ سەرەدانا پەروەردێ کەت و فۆرمەکێ وەرگریت و ل دووڤ دا دێ ل قوتابخانێ داگریت و پاشی دێ زڤڕینتە پەروەردێ و فایل دێ بۆ ھێتە ڤەکرن و وەکو قوتابیەکێ دەرەکی دێ ھێتە وەرگرتن، خۆیا ژی کر کو پشتی قوتابی دھێنە وەرگرتن، قوتابیێن ل سالا بۆری ئەزموونێن دەرەکی کرین جارەکا دی ھەر دێ چنە وان قوتابخانان، چونکو تۆمار بۆ وان ل وان قوتابخانان یێن ھاتینە ڤەکرن و یێن دی پەروەردە ل دووڤ پلانا خوە دێ ل سەر قوتابخانان بەلاڤ کەت.

نێچيرڤان بارزانى، سه‌رۆكێ حوكمه‌تا هه‌رێما كوردستانێ

ئەڤرۆ:
حوکمەتا ھەرێما کوردستانێ یا رەشنڤیسێ قانوونا ئینانا پارەی ب رێیا قەران بۆ ھەرێما کوردستانێ بەرھەڤ دکەت و دێ ھنێریتە پەرلەمانی دا کو بھێتە پەسەند کرن.
ب سەرۆکاتیا نێچیرڤان بارزانی، جڤاتا وەزیرێن ھەرێما کوردستانێ دوھی کۆمبوونەکا ئاسایی ئەنجامدا و تێدا وەزیرێ خواندنا بلند راپۆرتەک ل دۆر ئالۆزیا وەرگرتنا قوتابیان ل زانکۆ و پەیمانگەھان پێشکێشکر و تێدا دیار کر کو رێژا دەرچوونا قوتابیێن ئامادەی گەلەک ژ شیانێن وەرگرتنا زانکۆ و پەیمانگەھان و پێدڤیێن ھەرێمێ زێدەترە. ل دۆر ڤێ یەکێ سەرۆکێ حوکمەتێ دوپاتکر کو دڤێت ئارمانج ژ خواندنێ بھێتە دەستنیشانکرن و مخابن پتریا ئەوێن دخوینن ب تنێ ئارمانجا وان ئەوە ل دەزگەھێن حوکمەتێ بھێنە دامەزراندن و بێ گۆمان ئەڤە ئارمانجەکا شاشە، لەورا بڕیار ھاتە دان بۆردەک بھێتە دانان کو فەلسەفە و سیاسەتا خواندن و پەروەردێ دابرێژیت.
د بڕگا دویێ یا کۆمبوونێ دا کو ژ ئالیێ قوباد تالەبانی ڤە ھاتە پێشکێشکرن، بەحسێ پرسا وەرگرتنا قەرێن نێڤدەولەتی ھاتە کرن کو حوکمەتا ھەرێمێ ل گەل ئالیێن پەیوەندیدار کریە و گەھشتینە وێ باوەریێ کو ھەرێما کوردستانێ مافێ وەرگرتنا قەرێن نێڤدەولەتی یێ ھەی و بڕیار ھاتە دان پشتی دەستکاریان رەشنڤیسێ قانوونێ بھێتە پەسەند کرن و بۆ پەرلەمانێ کوردستانێ بھێتە ھنارتن.

ئه‌ڤرۆ نيوز، ڤه‌گێر سه‌عدولا:

کورد دەستێ خو د دەنە بەرچاڤێن خو و بەرێخودەنە ئاسمانی دەمێ کو دەنگێ فرۆکێن جەنگی دھێت. رۆژا سێشەمبییە 14ی ھەیڤا 10، ئەم یێ ل باکوورێ کوردستانێ/ باشوورێ تورکیا، ب تنێ دو کیلومەتران ژ سنورێ سوریێ/ رۆژاڤایێ کوردستانێ (باژێرکێ کوبانێ) د دوورین. فرۆکێن ئەمریکی و ھەڤپەیمانان یێ چەکدارێن تیروریستێن دەولەتا ئیسلامی بومبەباران دکەن یێن کو گەریلایێن کورد ژ چەند ئالیان ڤە دوورپێچکرین و ژل ایێ خو ڤە گەریلایێن کورد ژی بەرخودانێ دکەن دا کو بەرەڤانیێ ژ باژێرکی بکەن.

دەمێ دەنگێ فرۆکان ل ئاسمانی دھات ھندەک پەنابەران د گۆت “شێخێ مە ھات”، پەیڤا شێخ بۆ سەرکردێ خودان ھێز بکار دئینا و دگۆت “شێخ ئوباما ھات.”

ئەڤرۆ نیۆز ، سالار دۆسکی:

ژڤانە سۆباھی جڤاتا پارێزگەھا دھۆکێ ھەر ئێک ژ جێگرێن پارێزگەرێ دھۆکێ (ئيسماعیل محەمەد، کورد ئەسعەد و زیرەک دۆسکی بەرپەرسێ بەلندەرێن دھۆکێ و ئدریس نەبی رێڤەبەرێ کەمپان ل جڤاتێ مھێڤان بکەت و ئه‌گه‌رێن گیرۆبوونا کەمپان و رەوشا ئاواران ب گشتی ل پارێزگەھێ بھێتە شلوڤەکرن.

ئدریس ھەرکی بڕیاردەرێ جڤاتا پارێزگەھا دھۆکێ بۆ ئەڤرۆ نیۆز دیارکر کو ژڤانە سۆباھی 20\10\2014 دەمژمێر 11 سپێدێ دێ جڤاتا پارێزگەھا دھۆکێ مێھڤانداریا ھەر ئێک ژ جێگرێن پارێزگەرێ دھۆکێ ئيسماعیل محەمەد، کورد ئەسعەد و زیرەک دۆسکی بەرپەرسێ بەلندەرێن دھۆکێ و ئدریس نەبی رێڤەبەرێ کەمپان ل جڤاتێ کەت، ل سەر رەوشا ئاواران ب گشتی و ھۆکارێن گیربوونا کەمپان، کەنگی دێ ب دووماھی ھێن.

ناڤبری گۆتژی: “دڤێت لەز د چێکرنا کەمپان بھێتەکرن و ئایا دێ دەمێن خوە دا ب دووماھی ھێن یان و بەری سالا نوو دڤێت قوتابی دەواما خوە بکەن و ھەکە دەوام کەفتە پشتی 1\1\2015 ئه‌ڤە سالەک ژ قوتابیان چوو و باورەنامە ژ لایێ رێکخراوا یوئێن ڤە نەیا باروەر پێکریە.

ئه‌ڤرۆ نيوز، هه‌ژار مه‌عرۆف:

د ياريه‌كا گه‌را چارێ يا كۆما دويێ دا، ئه‌ڤرۆ ل ياريگه‌ها دهۆك، تيما ته‌پا پێ يا يانا دهۆك وه‌كهه‌ڤبوو ل گه‌ل تيما ته‌پا پێ يا به‌غدا.

گۆلا ئێكێ تيما به‌غدا ب رێيا ياريكه‌رێ خوه‌، ئه‌حمه‌تا مسته‌فا ل ده‌قيقا 28 تۆماركر و گۆلا دهۆك ژ لايێ ياريكه‌رێ وێ ئه‌حمه‌د دونى ل ده‌قيقا 58 هاته‌ تۆماركرن.

نوكه‌ دهۆك ژ سێ ياريان حه‌فت خال هه‌نه‌ و به‌غدا ژ دو ياريان چار خال يێن هه‌ين.

ئه‌ڤرۆ نيوز:

دايك ناڤێ نووترين به‌رهه‌مێ سترانێن هۆنه‌رمه‌ندا رۆژئاڤايێ كوردستانێ “ئالين”ێ يه‌ كو نوكه‌ ل ئه‌ورۆپا و باكوور و باشوورێ كوردستانێ به‌رهه‌مێ وێ به‌لاڤ بوويه‌ و ئێك ژ سترانێن ڤى به‌رهه‌مى ب كيلپ به‌لاڤ كريه‌.

ده‌رباره‌ى ڤى كارى ئالينێ گۆت: “ئه‌ڤه‌ ئه‌لبۆما من يا سيێ يه‌ و ژ 13 سترانێن ب شێوازێن جودا پێك دهێت”.

دایك، كەیفا من ژ تەرە تێن، بلبلێ دلشاد، لە رێگایە (ب زارڤێ سۆرانی)، ئەز ژ ڤان گەوران حەز دكەم، ئەڤینی، خەم و خەیاڵ، عەفرین، هۆنلی ( ب زمانێ سریانی)، هەی بیلم، ئەزێ هەرم ناڤ باخچێ گولا، خالخالوك، ناڤێ سترانێن ڤى به‌رهه‌مى نه‌.

ده‌رباره‌ى سترانا سريانى د ناڤ ڤێ ئه‌لبۆمێ دا گۆت: “زۆر جاران پرسيار ژ من دهێته‌ كر و ئه‌ز ڤى كارى بۆ دو ئه‌گه‌ران ڤه‌دگه‌رينم؛ ملله‌تێ مه‌ هه‌موو وه‌كو ئێك يێ روو ب رووى تيرۆرێ بووى و ديسا من ڤيا گيانێ به‌رگرى و حه‌ماسى د ناڤ خه‌لكێ مه‌ دا په‌يدا كه‌م كو نوكه‌ گه‌له‌ك يا پێدڤى يه‌”.

ئاشكه‌را ژى كر كو يا ب نيازه‌ به‌رهه‌مه‌كى ب چه‌ند زمانێن بيانى ژى به‌لاڤ بكه‌ت و گۆت: “نوكه‌ پتريا وى كارى ب دووماهى هاتيه‌، ژ به‌ر هندێ ژى ئه‌لبۆما من يا چارێ دێ ژ چه‌ند زمانان پێك هێت، ئه‌ڤ ئه‌لبۆمه‌ ژى دێ گه‌له‌ك ل گه‌ل يێن دى يا جودا بيت و من بڕيار دايه‌ ل دووماهيا 2015 وى به‌رهه‌مى به‌لاڤ بكه‌م”.

ل دووماهيێ ژى گۆت: “ئه‌ڤ ئه‌لبۆما من وه‌كو هه‌موو كارێن من يێن دى، پێشكێشه‌ بۆ پێشمه‌رگه‌يێ خوراگرێ كوردستانێ و گه‌لێ من ل شنگال و كۆبانێ”.

114

شەرێ ل ھەمبەر داعشێ نھا بوویە رۆژەڤا سەرەکی یا ھەموو ھێزێن جیھانێ و کوردان پتر ژ ھەر خەلکەکێ دی شەرێ داعشێ کریە و گەلەک قوربانی ژی داینە و یا راست نھا پرانیا شەرێ داعشێ ژی ل سەر ئاخا کوردان دھێتە کرن و ل کوردستانا سووریێ و عیراقێ کورد شەرێ داعشێ دکەن و کوردێن ئیران و تورکیا ژی ھاریکاریا برایێن خوە ل وی شەری دا دکەن و گەلەک دەزگەھێن راگەھاندنێ ژی دیار کرن کو کوردێن ئیران و تورکیا د شەرێ ل دژی داعشێ جھێ خوە گرتینە و ھندەک ژ وان جانێ خوە ژ دەست داینە، ژ بەر وی شەری و سەرکەڤتنا کوردان ھەموو ھێزێن جیھانێ بەرا خوە دانە و بۆ وان ھاتە سەلماندن کو کورد فاکتەرێ سەرەکی یێ ئارامی و دیموکراسیا ھەرێمێ نە و بەرۆڤاژی گۆتنێن ھەتا نھا ل دژی کوردان دھاتنە کرن کوردان بۆ جیھانێ نیشا دان ئەو گەلەک ئاشتیخوازن و دژی شەر و توندوتیژیێ نە.
ئەمریکا نھا ب رەنگەکێ راستەخوە ھەڤدیتنێ ل گەل پارتیا ئێکەتیا دیموکراتیک ل سووریێ دکەت کو ئەم دزانین ئەو پارتە ژی لقەکە ژ پارتیا کرێکارێن کوردستانێ و ئەوە ژی نیشا ددەت کو ئەمریکا ڤێجارێ دڤێت ل گەل ھەموو ھێزێن کوردی ھەڤپەیمانیێ دروست بکەت، چونکو شاندەک ژ پارتێن کوردی یێن ئیرانێ ژی سەرەدانا وەزارەتا دەرڤە یا یا ئەمریکا کرینە و ئەوە ژی ل سەر داخوازیا ئەمریکا بوویە و ئەوە ژی نیشا ددەت کو ئەمریکا نھا پتر ژ ھەر دەمەکێ گرنگیێ ددەتە رۆلێ کوردان بێگومان ئەوە ژی نیشا ددەت کو نھا د شەر و ئالۆزیێن کو ل ھەرێما رۆژھەلاتا ناڤین روو ددەن کورد مفادارێ ئێکێ نە و دشێن ژ وان دەلیڤان مفادار بن و ببنە ھێزەکا مەزن و چارەنڤیسێ خوە ژی ب خوە دیار بکەن.
داعش بوویە مەترسیەکا مەزن ل ھەمبەر مرۆڤاھیێ و ژ بەر وێ یەکێ ژی یێن کو شەرێ داعشێ بکەن ل دەف جڤاکێ نێڤدەولەتی وەک قارەمان دھێنە دیتن و ئەڤرۆکە چەکدارێن کورد بووینە قارەمان و ل ھەموو جیھانێ بەحسێ وان دھێتە کرن، ب تایبەتی ژی ھەر کەس بەحسێ قارەمانیا ژنێن کورد ل کۆبانێ دکەن و ئەوە ژی وەسا کریە کو ھێزێن جیھانێ سیاسەتا خوە ل ھەمبەر کوردان بدەنە گوھۆرین و ژ بەر وێ یەکێ دەلیڤەکا مەزن بۆ کوردان ھاتیە پێش و کورد مفادارێ ئێکێ یێ شەرێ ل ھەمبەر تیرۆرێ نە.
نڤیسەرێ ناڤدار یێ ئیرانێ

ئه‌ڤرۆ نيوز:

رێڤه‌به‌ريا گشتيا كه‌شناسيێ و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل هه‌رێما كوردستانێ ژ ئه‌نجامێ كه‌فتنه‌ به‌ر شه‌پۆلێن بلند و نزم يێن باران بارينێ رێژه‌كا زێده‌ يا بارانێ ل هنده‌ك ده‌ڤه‌ران باريه‌، ب ڤى ره‌نگێ ل خوارێ زێده‌تر رۆهن دبيت:

رێژێن باران بارينێ ل هه‌رێمێ ب ڤى ره‌نگى نه‌:

دهۆك 0.8 ملم‌، رێژا گشتى 64.2 ملم‌.

زاخۆ 5.5 ملم‌، رێژا گشتى 59.9 ملم‌.

ئاكرێ 9.4 ملم‌، رێژا گشتى 39.2 ملم‌.

مانگێشك 8.4 ملم‌، رێژا گشتى 79.2 ملم‌.

بامه‌رنێ 10.8 ملم‌، رێژا گشتى 87.2 ملم‌.

هه‌ولێر 03 ملم‌، رێژا گشتى 30.8 ملم‌.

پيرمام 28.9 ملم‌، رێژا گشتى 108.7 ملم‌.

سۆران 5.2 ملم‌، رێژا گشتى 86.8 ملم‌.

خه‌بات 0.8 ملم، رێژا گشتى 15.4 ملم.

سلێمانيێ 7.3 پله‌، رێژا گشتى 32 پله‌.

هه‌له‌بچه 3.6 پله‌، رێژا گشتى 33 پله‌.

كه‌ركووك 5 پله‌، رێژا گشتى 30 پله‌.

ئەڤرۆ، ڤەگێر سەعدوللا:

کورد دەستێ خو د دەنە بەرچاڤێن خو و بەرێخودەنە ئاسمانی دەمێ کو دەنگێ فرۆکێن جەنگی دھێت. رۆژا سێ شەمبییە ١٤ی ھەیڤا ١٠، ئەم یێ ل باکوورێ کوردستانێ/ باشوورێ تورکیا، بتنێ ٢ کیلومەتران ژ سنورێ سوریێ/ رۆژاڤایێ کوردستانێ (باژێرکێ کوبانێ) د دوورین. فرۆکێن ئەمریکی و ھەڤپەیمانان یێ چەکدارێن تیروریستێن دەولەتا ئیسلامی بومبەباران دکەن یێن کو گەریلایێن کورد ژ چەند ئالیان ڤە دوورپێچکرین و ژلایێ خو ڤە گەریلایێن کورد ژی بەرخودانێ دکەن دا کو بەرەڤانیێ ژ باژێرکی بکەن.

محەمەد گەورو یێ ٤١ سالی ل گەل ھەڤژینا خو و دو زارۆکێن خو ھەموو رۆژان دھێتە سەر سنوری دا کو ژ نێزێک بەرێخوبدەنە وی شەرێ ل کوبانێ دھێتە کرن. گەورو و خێزانا خو خەلکێ کوبانێ نە. ل ٢ یێ ڤێ ھەیڤێ ئەو رەڤیاینە و ب رەنگەکێ بەروەخت ل باژێرکێ سوروجێ ل باکوورێ کوردستانآ ئاکنجی بووینە.

گەوروی راگەھاند کو ئەو چاڤەرێی گەریلایێن YPG نە کو میلیشیاتان پاشڤە بزڤرینن دا کو ئەو و خێزانا خو بشێن بزڤرنە مال. ب سەدان ترۆمبێل ل سەر سنورێ سوریێ ماینە و خودانێن وان نەشیاینە دەرباز بکەنە تورکیا، رەنگە ب ھزاران پەنابەر وەکو گەوروی کەفتبنە د ڤێ نەخوشیێ دا. “من دو ترۆمبێل ل کوبانێ ھەبوون، لێ دەمێ کو ئەڤ رەڤین، ل سەر سنوری لەشکرێ تورکیا نەھێلا ل گەل خو بینینە تورکیا.” گەوروی گۆت.

“دوھی من فرۆکە د دیتن، لێ ئەڤرۆ ئەز نابینم، لێ من ئاگەە ژ دەنگێ وان ھەیە” گەوروی دەمێ کو دەستێ خو دانایە بەر چاڤێ، خو و بزاڤ دکری فرۆکێن جەنگی ل ئاسمانی ب بینیت، ب ڤی رەنگی بەردەوامی دا ئاخفتنا خو” ئەم گەلەک کەیفخوش دبین دەمێ مە گوە ل دەنگێ فرۆکێن جەنگی دبیت، لێ دا گەلەک باشتر بیت ھەکە فرۆکان چەکدارێن داعش بومبەباران کر بوون بەری کو ئەو ھاتبوونە د ناڤ کوبانێ دا.”

پێنج زەلام چەند میترەکان ژ مە د دووربون دەمێ دگەل گەوروی د ئاخفتنین “شێخێ مە ھات” ب کەنی ڤە د گۆت دەمێ کو دەنگێ فرۆکان ل ئاسمانی دھات، پەیڤا شێخ بۆ سەرکردێ خودان ھێز بکار دئینا و دگۆت “شێخ ئوباما ھات.”

ب درێژاھیا سنوری ھێزێن لەشکرێ تورکیا و دەبابێن وان ھەبوون. نێزیکی ٢٠٠ کوردێن خەلکێ کوبانێ و باکوورێ کوردستانێ ژی ل سەرێ گری بوون و بەرێخودا شەری. ھەر دەمێ دەنگێ بومبەکێ ھاتبوو، پتریا وان دەستێ خو درێژ دکرە جھێ بومبە ڤێ کەفتی و دەنگێ خو بلند دکر و بزاڤ دکرن ھەڤالێن وان ژی دیکێلا بۆمبەبارانکرنێ ب بینن.

چەند گەنجەک ل وێرێ بوون، ھندەک ژ وان کوردێن باکوور بوون و یێن دی ژی گەریلایێن YPG بوون کو د گۆتن ئەو دخوازن ڤەگەرنە کوبانێ ڤە، لێ لەشکرێ تورکیا رێ نادەتە وان دا ئەو ژ سنوری دەرباز ب بن و بچنە د ناڤ ئاخا سوریێ دا.

راکان قەندیل ١٩ سالی، ئێک ژ گەریلایێن YPG بوو دیار کر کو ئەڤە رۆژا وی یا چوارێ یە ئەو ل سوروجێ. ئەو ل گەل سێ ھەڤالێن خو یێن بریندار ھاتیە تورکی دەمێ کو د شەرێ کوبانێ دا بریندار بووین کو نوکە د ناڤ خەستەخانێن سوروجێ دانە.

“چەکدارێن دەولەتا ئیسلامی ب تانک و و چەکێ دی یێ گران ھێرش کرە سەر مە.” قەندیلی گۆت. “مە بەرسڤا وان دا. سێ ھەڤالێن مە بریندار بوون، ئەم پاشڤە زڤرین و مە بریندار ئینانە تورکیا. من گەلەک جاران بزاڤ کریە ڤەگەرمە کوبانێ ڤە، لێ لەشکرێ تورکیا رێ نەدایە من ئەز بچم.”

قەندیل یێ بەردەوام بوو ل سەر ئاخفتنێن خو، گەنجەکی گۆتێ” را بە دا نوکە بچینە کوبانێ،” پێشنیار کر کو سێ سێ یە پێکڤە بچن دا کو بشێن ژ ھێزێن تورکیا دەرباز ب بن و بگەھنە کوبانێ “ئەم دێ ل دەستپێکێ چین، دەمێ ئەم پیچەکێ دوورکەفتین یێن دی شنی دشێن ل دووڤ مە دا بھێن” ئەوی گەنجی ب ڤی رەنگی پلانا چوونا کوبانێ بۆ حەفت گەنجێن دی دیار دکر.

ئەو گەنج ھەموو چوون، لێ پشتی دەمژمێرەکێ ڤەگەریانە ڤە، ژ بەر کو لەشکرێ تورکیا ئەو زڤراندن.

گرۆپەکێ رۆژنامەڤانان ژی کو ھندەک ژ وان یێن ھەرێما کوردستانێ و کەنالێ NRT بوون بزاڤ کر بچنە د ناڤ کوبانێ دا ژ بۆ کو نووچە وێنەیێن باشتر بۆ بینەر و خاندەڤانێن خو ڤەگوھێزن، لێ لەشکرێ تورکیا ئەو ژی زڤراندن. ترۆمبێلەکا لەشکری یا تورکی نێزیکی ٢٠٠ میترەکان ل دووڤ وان دا ھات دەمێ د زڤراندن و ب ھوشیاری بەرێخودا وان ژ بۆ کو پشت راست بن ئەو یێ پاشڤە دزڤرن. وی دەمی دو ھەڤالێن قەندیلی کو ھەر دو خەلکێ باکوورێ کوردستانێ بوون ب لەحافان سەرۆچاڤێن خو ڤەشارتن دەمێ دیتی لەشکرێ تورکیا یێ نێزیک دبیت.

ئێک ژ وان کو نەڤیا ناڤێ خو دیار کەت گۆت”دەمێ کوردێن رۆژاڤا بزاڤێ دکەن ب رێکا سنورێ تورکیا بچنە کوبانێ، تورکیا وان پاشڤە دزڤرینیت، لێ دەمێ کوردێن باکوور دچن، تورکیا وان دەستەسەردکەت.” زێدەتر گۆت”تورکیا نێزیکی ٣٠٠ کوردێن باکوور دەستەسەرکرینە دەمێ وان بزاڤ کرین بچنە کوبانێ.”

دلسوز بەرازی، ھەڤالەکێ دی یێ راکان قەندیلی یە، ل گەل خێزانا خو ھاتیە تورکیا. ئەو ژی گەریلایێ YPG یە “دەمێ چەکدارێن داعش ب تانکان کوبانێ بومبەباران کری، YPGێ گۆتە مە کو وەلاتیێن سڤیل ژ باژێرکی دەربێخین، لەوما من مالباتا خو ئینا تورکیا” بەرزای گۆت. “نوکە ژی لەشکرێ تورکیا رێ نادەتە من ئەز ڤەگەرمە کوبانێ ڤە.”

ئه‌ڤرۆ نيوز:

ئه‌ميندارێ گشتيێ كۆمكارا عه‌ره‌بى، نه‌بيل عه‌ره‌بى، راگه‌هاند كو كۆمكارا وان هه‌موو هێزێن بيانى يێن سه‌ر ئه‌ردى ره‌تدكه‌ت.

ئه‌ڤرۆ رۆژا ئێكشه‌مبى د كۆنگره‌كێ رۆژنامه‌ڤانى يێ كو هه‌ر ئێك ژ ئيبراهيم جه‌عفه‌رى، وه‌زيرێ ژ ده‌رڤه‌ يێ عيراقێ و سه‌باح خالد وه‌زيرێ ژ ده‌رڤه‌ يێ كوێتێ تێدا پشكدار بووى، سكرتێرێ كۆمكارێ گۆت: “كۆمكارا عه‌ره‌بى گرنگيێ ب سه‌روه‌ريا وه‌لاتێن عه‌ره‌بى دده‌ت و هه‌موو هێزێن سه‌ر ئه‌ردى ل وان وه‌لاتان ره‌تدكه‌ت و ب تايبه‌ت عيراقێ، هه‌موو وه‌لاتان كاودانێن تايبه‌ت يێن هه‌ين و رێزێ ل وان كاودانان دگرين”.

زێده‌تر گۆت: “هه‌موو وه‌لاتێن عه‌ره‌بى دژى به‌لاڤبوونا توندوتيژى و وان بۆچوونێن سه‌يره‌ يێن هنده‌ك وه‌لاتێن مه‌ تووش بووينێ”.

ژ لايێ خوه‌ ڤه‌ وه‌زيرێ ژ ده‌رڤه‌ يێ عيراقێ هه‌لۆستێ كۆمكارا عه‌ره‌بى ل هه‌مبه‌ر هێزێن هه‌ڤپه‌يمانان ژ بوو نه‌هێلانا تيرۆرستان ل عيراقێ بلند نرخاند.

وه‌زيرێ ژ ده‌رڤه‌ يێ كوێتێ، سه‌باح خالد ژى گۆت: “مه‌ترسيا تيرۆرێ يا ل سه‌ر هه‌موو وه‌لاتێن عه‌ره‌بى هه‌ين و نه‌ ب تنێ عيراقێ”.

website security
WP Facebook Auto Publish Powered By : XYZScripts.com