ئه‌ڤرۆ نيوز، نيوار محه‌مه‌د سه‌ليم:
قادسيه بۆ قاره‌مانا كاسا ئێكه‌تيا ئاسيا پشتى د ياريا دووماهێ دا سه‌ركه‌فتن ل سه‌ر تيما هه‌ولێر ل ياريگه‌ها يانا شه‌باب يا ئيمارتى تۆمار كرى ب لێكدانێن په‌نه‌لتيان 4-2 پشتى ده‌مێ ياريێ ب دووماهى هاتى بێ گۆل.
وێنه: معرض كرة العراقية المصور
ئه‌ڤرۆ نيوز، نيوار محه‌مه‌د سه‌ليم:
قادسيه بۆ قاره‌مانا كاسا ئێكه‌تيا ئاسيا پشتى د ياريا دووماهێ دا سه‌ركه‌فتن ل سه‌ر تيما هه‌ولێر ل ياريگه‌ها يانا شه‌باب يا ئيمارتى تۆمار كرى ب لێكدانێن په‌نه‌لتيان 4-2 پشتى ده‌مێ ياريێ ب دووماهى هاتى بێ گۆل.
به‌رى نوكه قادسيه دو جاران گه‌هشتبوو دووماهيا ڤێ قاره‌مانيێ و هه‌ولێر ژى جاره‌كێ، به‌لێ چو تيم ب ڤى ناسناڤى نه‌هاتبوونه خه‌لاتكرن و ب ڤێ چه‌ندێ ژى تيما قادسيه بۆ جارا ئێكێ ب ڤى ناسناڤى هاته خه‌لاتكرن.
جڤاتا نوونه‌رێن عيراقێ ب ئاماده‌بوونا سه‌رۆكێ په‌رله‌مانى، سه‌ليم جبۆرى و سه‌رۆكێ جڤاتا وه‌زيران، حه‌يده عه‌بادى و 261 په‌رله‌مانتاران كۆمبوو.
كه‌نالێ عيراقيه يێ حوكمه‌تا عيراقێ راگه‌هاند كو هه‌ر ئێك ژ محه‌مه‌د غوبان بۆ وه‌زيرێ ناڤخۆ ب 197 ده‌نگان و خالد عوبه‌يدى بۆ وه‌زيرێ به‌ره‌ڤانيێ ب 173 ده‌نگان هاتنه هه‌لبژارتن.
ديسا دكتۆر رۆژ وه‌كو جێگرێ سه‌رۆكێ وه‌زيران و جاسم محه‌مه‌د جان وه‌كو وه‌زيرێ كۆچبه‌ران و عادل شه‌رشاب وه‌زيرێ گه‌شتيارى و به‌يان نورى وه‌زيرا كاروبارێن ژنێ هاتنه هه‌لبژارتن.
ئەڤرۆ نیوز، سالار دۆسکی:
ھەلگور حکمەت رێڤەبەرێ پەیوەندی و راگەھاندنێ وەزارەتا پێشمەرگێ کوردستانێ بۆ ئەڤرۆ نیوز گۆت: “چەکێ نوو ھاتیە ژ وەلاتێن (ئەمریکی، بریتانی، ئیتالی، فەرنسی، کەندەی، ئەلبانی، چیک) د گەل تەقەمه‌نيان ژی بۆ پێشمەرگێ کوردستانێ ھاتیە.
هه‌لگورد حکمەت گۆتژى: “پلان و بەرنامێن تایبەت ب ميحوەرێن پێشمەرگێ کوردستانێ ڤە هه‌نه و ھێرش دھێنەکرن و کا چەوا باش دزان، نەشێين دیارکەین دێ کەنگی ھێرشێ کەین و ھەموو محیوەران بەرنامە ھەیە و ئاماده باشيێ دانه”.
ل دۆر بھایێ رۆژانە یێ ھاڤێتنا چەکی ژی، ھەلگور حکمەت گۆت: “دڤێت شارەزایەکێ ئابووری ل گەل شارەزایەکێ لەشکری روونەخوار و دیارکەن چونكو چه‌ك گه‌له‌ك يێ گرانه”.
رێڤەبەرێ پەیوەندی و راگەھاندنێ وەزارەتا پێشمەرگێ کوردستانێ خۆيا ژى كر کو پێشتر راھێنان ژ لایێ پێشمەرگێ کوردستانێ ب ھندەک خەلکێ رۆژئاڤايێ کوردستانێ ھاتبوونەکرن، به‌لێ نوكه چو تشتێ وه‌سان نينه و گۆت: “رازیبوون ل سەر ھنارتنا چەکی بۆ کوبانێ هاتيه كرن، به‌لێ میکانيزما ھنارتنێ يا ب ساناھی نینە و ب تنێ ب رێیا فرۆکان دشێين، ئه‌و ژى هێشتا نه‌هاتيه كرن”.
ئه‌ڤرۆ نيوز، نيوار محه‌مه‌د سه‌ليم:
بڕياره ڤێ حه‌فتيێ ل سه‌ر دره‌نگ كه‌فتنا ده‌واما فه‌رمى ل هنده‌ك قه‌زايێن و ده‌ڤه‌رێن هه‌رێما كوردستانێ و پارێزگه‌ها دهۆكێ بڕياره ڤێ حه‌فتيێ په‌رله‌مانێ كوردستانێ مێڤانداريا وه‌زيرێ په‌روه‌ردێ بكه‌ت.
ئامينا زكرى، جێگرا سه‌رۆكا فراكسيۆنا پارتى ديموكراتى كوردستان ل په‌رله‌مانێ كوردستانێ ل سه‌ر په‌يجێ خوه يێ تۆڕا فه‌يسبۆكى به‌لاڤكريه كو د ڤێ حه‌فتيێ دا، وه‌زيرێ په‌روه‌ردێ، پشتيوان صادق، دێ بيته مێڤانێ په‌رله‌مانێ كوردستانێ.
ئاشكه‌را ژى كريه كو دێ ل دۆر رەوشا پەروەدێ و دەست پێ نەکرنا وەرزێ خواندنێ ل هەندەك قەزایێن پارێزگەها دهوکێ و رێکێن چارەسەریی بيت.
وه‌زرێ نوو يێ خواندنێ ل هنده‌ك قه‌زايێن سه‌ر ب پارێزگه‌ها دهۆك و پارێزگه‌هێ ب خوه ژى ژ ئه‌گه‌رێ هه‌بوونا ئاواران د ناڤ قوتابخانان دا ده‌ستپێنه‌كريه و جڤاتا پارێزگه‌هێ پێشوه‌خت گۆتبوو كو دبيت هه‌يڤا 12 قوتابخانه بهێنه ڤالا كرن و ده‌وام ده‌ست پێ بكه‌ت.
ئه‌ڤرۆ نيوز:
رێڤه‌به‌را گشتى يا كارگێرى و دارايى ل سه‌رۆكاتيا جڤاتا وه‌زيرێن حوكمه‌تا هه‌رێما كوردستانێ بۆ باس نيوز راگه‌هاند كو د ڤێ حه‌فتيێ دا، دێ دووماهى ب دانا مووچێن وان وه‌زاره‌ت و ده‌سته‌يان هێته دان يێن هه‌تا نوكه مووچه وه‌رنه‌گريتن.
چێنه‌ر خه‌فاف، رێڤه‌به‌را گشتى يا كارگێرى و دارايى ل سه‌رۆكاتيا جڤاتا وه‌زيرێن حوكمه‌تا هه‌رێما كوردستانێ ئاشكه‌را كر كو ڤێ حه‌فتيێ دێ مووچێ هه‌موو وه‌زاره‌ت و ده‌سته‌يێن مووچێ هه‌يڤا هه‌شت وه‌رنه‌گرتين هێت.
چێنه‌ر خه‌فاف گۆت: “ب گۆره‌ى وێ پلانا وه‌زاره‌تا دارايى كو ب مه دايه، ڤێ حه‌فتيێ دێ مووچێ هه‌موو وان وه‌زاره‌ت و ده‌سته‌يا ده‌ن يێن هه‌تا نوكه مووچێ هه‌يڤا هه‌شت وه‌رنه‌گرتين و پاشان ژى دێ به‌رنامێ دا مووچێ هه‌يڤا نه‌هـ هێته دانان”.
وه‌زاره‌تا دارايى و ئابوورى 30 ئيلۆنا 2014 ده‌ست ب به‌لاڤكرنا مووچێن هه‌يڤا هه‌شت كربوو، به‌لێ هه‌تا نوكه مووچێ وه‌زاره‌تێن ناڤخۆ، په‌روه‌رده، ساخله‌مى، خواندنا بلند، چاندن، ئه‌وقاف و كاروبارێن ئايينى، ئاڤه‌ندانكرن و بنه‌جهكرن و ده‌سته و هه‌رسێ سه‌رۆكاتيان مووچه وه‌رنه‌گرتيه.
رێڤه‌به‌را گشتى يا كارگێرى و دارايى ل سه‌رۆكاتيا جڤاتا وه‌زيرێن حوكمه‌تا هه‌رێما كوردستانێ خۆيا كر كو ژ داهاتێ په‌ترۆلێ و ناڤخۆ ئه‌و يێن شياين مووچێ هه‌يڤا هه‌شت دابين بكه‌ن ئه‌وێن هه‌تا نوكه نه‌هاتينه دان.
هه‌يڤانه بۆ دانا مووچێ فه‌رمانبه‌ران پێدڤى ب كۆژمێ 850 مليار دينارايه.
ئه‌ڤرۆ نيوز:
وه‌زيرێ ده‌رڤه يێ عيراقێ راگه‌هاند كو ئه‌و پارێ هه‌ڤپه‌يمانان هه‌مبه‌ر دربێن وان يێن ئه‌سمانى ل دژى داعش ناده‌نێ و دڤێت هه‌پڤه‌يمان هه‌موو وى پاره‌ى بده‌ن.
جه‌عفه‌رى د كۆنگره‌كێ رۆژنامه‌ڤانى دا ل جڤاتا نوونه‌رێن عيراقێ گۆت: “پارێ هێرشێن ئه‌سمانى دێ ل سه‌ر وه‌لاتێن هێزێن ئه‌سمانى بكار دئينن بيت و عيراق نه‌يا ئاماده‌يه چو پاره‌ى بده‌ت”.
هه‌ر وه‌كو تۆرا ميديا عيراقێ به‌لاڤكرى: “نابيت بێى ره‌زامه‌نديا عيراقێ هه‌پڤه‌يمان دربان ب وه‌شينن و چو لايه‌نان داخوازا هێزێن سه‌ر ئه‌ردى ژ عيراقێ نه‌خواستينه”.
ئاشكه‌را ژى كر كو نوكه وه‌لاتێ وى يێ روو ب رووى هێرشێن دژوارێن تيرۆرستى دبيت و يێ د ره‌وشه‌كا نه‌باش دا د بۆريت ل سه‌ر گه‌له‌ك ئاوايان و كارێ رژد بۆ ئاڤاكرنا هێزێن ئه‌منى دێ گرێداى وێ چه‌ندێ بيت كو ئێدێ عيراقێ پێدڤى ب هێزێن بيانى نه‌بيت و گۆت: “رێ دانا هێزێن بيانى دێ ب رێيا جڤاتا نوونه‌ران بيت و وێ ژى رێ نه‌دايه چو هێزان بهێنه ناڤا عيراقێ”.
گۆتژى: “مه بزاڤ كر ئيرانێ پشكدار كه‌ين ل ناڤ هێزێن هه‌رێمى و نێڤده‌وله‌تى بۆ دژايه‌تيكرنا تيرۆرێ، به‌لێ سه‌رنه‌گرت، سه‌ره‌راى وێ چه‌ندێ كو رۆله‌كێ مه‌زنێ ل سه‌ر ئه‌ردى هه‌يى”.
وه‌زيرێ ژ ده‌رڤه ل هه‌مبه‌ر جڤاتا نوونه‌ران گۆت: “عيراق نه‌يا به‌رپرسه ژ چێكرنا چو هه‌ڤپه‌يمانيێن نێڤده‌وله‌تى بۆ روو ب رووى بوونا مه‌ترسيا داعش، سه‌ره‌راى كو حكومه‌تا عيراقێ ب هه‌موو ره‌نگه‌كى هێزێن سه‌ر ئه‌ردى بۆ ناڤا عيراقێ ره‌تدكه‌ت، ب تنێ وه‌كو رێكخۆشكه‌ره‌ك ل سه‌ر ئه‌سمانێ عيراقێ بۆ هێزێن چه‌كدار”.
جه‌عفه‌رى پێدڤيا عيراقێ ب چه‌كى بۆ روو ب رووى بوونا مه‌ترسيا داعش دا زانين و گۆت: “مه داخواز ژ چ وه‌لاتان نه‌كريه، پێدڤيێن سه‌ربازى بهنێريته سه‌ر عيراقێ و سه‌ره‌ده‌ريا ل گه‌ل وه‌لاتێن بيانى ژ لايێ سه‌ربازى ڤه دێ ب گۆره‌ى مه‌رجان بيت و ژ وان ژى ته‌نسيق ل گه‌ل هێزێن عيراقى و هاريكاريا ئه‌سمانى و نه‌دانانا دربان ب ئارمانجێن ناڤ باژێران و وه‌لاتيان نه‌كه‌نه ئارمانج و پاراستنا سه‌روه‌رى يا نشتيمانى و پشت به‌ستن ل سه‌ر هاريكاريا مرۆڤايه‌تى يا په‌نابه‌ران”.
ئه‌ڤرۆ نيوز:
رێڤه‌به‌ريا گشتيا كه‌شناسيێ و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل هه‌رێما كوردستانێ ژ ئه‌نجامێ كه‌فتنه به‌ر شه‌پۆلێن بلند و نزم يێن باران بارينێ رێژه‌كا زێده يا بارانێ ل هنده‌ك ده‌ڤه‌ران باريه.
رێژێن باران بارينێ ل هه‌رێمێ ب ڤى ره‌نگى نه:
دهۆك 9.5 ملم، رێژا گشتى 63.4 ملم.
زاخۆ 16 ملم، رێژا گشتى 54.4 ملم.
ئاكرێ 10.2 ملم، رێژا گشتى 29.8 ملم.
مانگێشك 11.2 ملم، رێژا گشتى 70.8 ملم.
بامه‌رنێ 19.6 ملم، رێژا گشتى 76.4 ملم.
هه‌ولێر 6 ملم، رێژا گشتى 26.5 ملم.
پيرمام 6.4 ملم، رێژا گشتى 79.8 ملم.
سۆران 2.6 ملم، رێژا گشتى 81.6 ملم.
خه‌بات 4.8
سلێمانيێ 11.5 پله رێژا گشتى 24.7 پله.
هه‌له‌بچه 0.2 پله.
كه‌ركووك نه‌باريه، رێژا گشتى 25 پله.
نيشاندان