ئه‌ڤرۆ نيوز، نيوار محه‌مه‌د سه‌ليم:
ب گۆره‌ى ئه‌و پێزانين ل دۆر سه‌قايى هه‌ين، گۆمان دهێته كرن سوبه‌هى ل پارێزگه‌ها دهۆكێ ل به‌ر به‌رێ نيڤرۆ باران بباريت.
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو ئه‌ڤرۆ پلا گه‌رماتيا سه‌قايێ دهۆكێ هه‌تا راده‌كى هاتبوو خوارێ و بلندترين پلا گه‌رماتيێ 33 بوو و نزمترين پله ژى 20 كو ئه‌ڤێ ل خوارێ نزمترين و بلندترين پلێن گه‌رمێ بوون ل هه‌رێما كوردستانێ:
ب گۆره‌ى وان پێزانينێن ب ده‌ست ئه‌ڤرۆ نيوز ژى كه‌فتين ئه‌ڤ شه‌ڤه دبيت هنده‌ك باران ل هنده‌ك ده‌ڤه‌رێن سه‌ر ب پارێزگه‌ها دهۆكێ ڤه بباريت و سوبه‌هى ژى دێ ئه‌سمانێ دهۆكێ هه‌تا راده‌كى ئه‌ور بيت و ل ده‌مژمێر 11 بۆ ئێك دهێته پێشبينيكرن ل هنده‌ك ده‌ڤه‌رێن پارێزگه‌ها دهۆكێ باران ببياريت و ئه‌ڤ باران بارينه دبيت سه‌نته‌رێ باژێرێ دهۆكێ ژى ڤه‌گريت.
د راگه‌هاندنه‌كێ دا، ده‌سته‌يا ده‌ستپاكيا هه‌رێمێ راگه‌هاند كو د چارچوڤێ ڤه‌گه‌راندنا فورما ئاشكه‌راكرنا به‌رژوه‌نديێن دارايى بۆ ده‌سته‌يا ده‌ستپاكيا هه‌رێما كوردستانێ ئه‌ڤرۆ 28\9\2014 “قوباد جه‌لا حوسامه‌دين ته‌له‌بانى” جێگرێ سه‌رۆكێ جڤاتا وه‌زيران سه‌روه‌ت و سامانێ خوه بۆ ده‌سته‌يا ده‌ستپاكيا هه‌رێمێ ئاشكه‌را كر.
ب گۆره‌ى قانوونا هژماره 3 يا سالا 2011 ده‌سته‌يا ده‌ستپاكيێ دێ ناڤه‌رۆكا نامێ ل ده‌ف خوه پارێزيت.
ژێده‌ر: باس نيوس
ئەڤرۆ نیوز، لەزگین جۆقی:
بەرپرسێ ھۆبا ئابووری ل ئاسایشا باژێری دھۆکێ بۆ ئەڤرۆ نیوز دیارکر کو ئەوان دەست ب سەر تانکەرەکێ پانزینێ دا گرتیە کو پانزینا حکومی ژ پانزینخانەکا حکومی یێن ٩٠٠ دیناری بۆ پانزینخانەکا ئەھلی بریە دا کو ب ١٢٠٠ دیناران بفرۆشیت.
پێزانینێن زێدەتر ل دۆر بابەتی د رۆژناما ئەڤرۆ یا ھژمار ١٥٠١ دا بخوونن…
ئەڤرۆ نیوز، رەڤین سالح لاوەند:
پشتی روودانێن ل شنگالێ و زۆمار رووداین و خەلکەکێ زۆر دەربەدەر بووین، بریکارێن کۆمپانیێن دەرڤە داخوازێ ژ کۆمپانیێن خوە کرن کو دەرمانان بۆ پەنابەران فرێکەن، کۆمپانیا دینک فارما یا ئەلمانی ب بھایێ ١٢٥ ھزار دولاران دەرمان بۆ پەنابەرێن ھەرێما کوردستانێ فرێکرن.
محەمەد یوسف، رێڤەبەرێ کۆمپانیا زاویتە فارما یا دەرمانا و پێدڤیێن نوشداران ل دھۆکێ، دیارکر کو پشتی روودانێن ل شنگالێ و دەشتا نەینەوا و زۆمار رووداین و خەلکەکێ زۆر دەربەدەربووین، بریکارێن کۆمپانیێن دەرڤە پێدڤی زانی داخوازێ ژ کۆمپانیێن دەرڤە بکەن دەرمانان بۆ پەنابەرا فرێکەن.
گۆتژی: “ئێک ژ وان کۆمپانیا دینک فارما یا ئەلمانی یە کو ب لەز رابوو ب فرێکرنا دەرمانا ب بھایێ ١٢٥ ھزار دولاران، چەندین کۆمپانێن دی یێن بەرھەڤیا خوە دکەن بۆ فرێکرنا دەرمانان، بەری ھینگێ مە بەشداری یا کری فرێکرنا دەرمانان ل پەروکێن شەری بۆ تیمێن نوشداری ئەوێن ناڤ ئاوارەیان”.
نوشدار محەمەد عەلی سەرۆکێ سەندیکا دەرمانسازا لقا دھۆک خویاکر کو ئەڤ کۆمپانیە نە ب تنێ گرنگی پێدانێ ددەتە کارێ خوە یێ بازرگانی، بەلکو گرنگیێ ددەتە کارێن مرۆڤایەتیێ ژی و گۆت: “ئەڤ کۆۆمیانێن ب ڤی رەنگی دیار بیت کو یا گرێدایە مافێن مرۆڤان ژی ڤە”.
گەلەک جۆرێن ماسیان ھەنە ژ وانا یێن جوان و یێن دڕندە و یێن سەیر ژی ھەنە، یا ژ ھەموویان سەیرتر ماسیا “چێل”ە یا خودانا دو شاخێن درێژ و وەکو سندۆقەکێ یە دو شاخێن درێژ ژێ دەردکەڤن. نھێنیا ناڤێ ماسیا سەیر ل دووڤ یا د سایتێ “Scief facts ” ھاتی، جوداھیا ڤێ ماسیێ یە و ھەردو شاخێن وێ یێن درێژن کو ژ ئەنیا وێ دەردکەڤن و وەکو شاخێن چێلێ یان یێن گای نە، ئەڤە وێ ژ دوژمنان دپارێزن کو گەلەک بزەحمەتن بھێنە داعویران، زێدەباری کو گوشتێ وێ یێ ژەھراوی یە و دبیتە رێگر کو دوژمنێن وێ نێزیک نەبن.
سالوخەتێن وێ یێن دی، ئەڤ ماسیە یا شەرمینە، ژ گرۆپێ وان ماسیانە یێن وەکو سندۆقان، ڤێ ماسیێ گەلەک رەنگ ھەنە وەکو کەسک و زەر و پرتەقالیێ ڤەبووی و ھندەکان ژی ھندەک پنیێن سپی یان شین ل سەر لەشێ وێ ھەنە و وەرارێ دکەت ھەتا قەبارێ وێ دگەھیتە ٤٦سم.
ئەڤ ماسیە د دەریا سۆر و رۆژھەلاتێ ئەفریقیا و ھەتا رۆژھەلاتێ ئەندونیسیا و گزیرتێن مارکیز و ھەتا باشوورێ ژاپۆنێ و ل نێزیک ئەفریقیا باشوور د ئەقیانۆسێ ئەتلەنتی دا ھاتیە دیتن، ژ ئێک متر و ھەتا ٤٥ متران د بن دەریایێ دا دژیت و دشێت ھەتا ١٠٠ متران ژی د بن ئاڤێ ڤە بژیت.
به‌رهه‌ڤكرن، به‌يار زاويته‌ى:
ب گۆره‌ى نوچه‌يه‌كێ مالپه‌رێ نوفه‌ل يێ لاتينى، سه‌رۆكێ كۆمارا توركيا ره‌جه‌ب ته‌يب ئه‌ردوكان دانپێدانێ ب وێ چه‌ندێ دكه‌ت كو ئه‌مريكا باشوورێ كوردستانێ ژ ده‌ستێن داعش ئيناده‌ر هه‌كه نوكه د ده‌ستێ داعش دابايه.
دايه زانين كو ده‌ما ئه‌ردوگان ژ ئه‌مريكا ڤه‌گه‌ريايى ل گه‌ل رۆژنامه‌ڤانێن تورك به‌حس ل سه‌ره‌دانا خوه كر، ب گۆره‌ى ڤى مالپه‌رى فكرت بلايا د نڤيسينا خوه ل رۆژناما ميلليه‌ت يا توركى چاپا دوهى دا نڤيسيه كو ئه‌ردوگان ل سه‌ر مه‌ترسيا ل سه‌ر باشوورێ كوردستانێ و كۆبانێ گۆت: “هه‌كه ئه‌م بێژين كو مه‌ترسى گه‌له‌ك يا مه‌زن نه‌بوو، ئه‌ڤه هندێ دگه‌هينيت كو مه ئاگه‌هـ ژێ نينه، 140 هزار كه‌س هاتينه وه‌لاتێ مه. ژ لايێ دى ڤه 60 هزار ئێدزى هاتينه. ئه‌ڤه د 10 هه‌تا 15 رۆژان دا قه‌وميه، گه‌لۆ راسته توركيا ل هه‌مبه‌ر هه‌لويسته‌كێ وه‌سا ده‌ستگرێدايى ببيت؟”.
ئاماژه ب وێ چه‌ندێ ژى كريه كو ده‌وله‌تێن ئێكگرتيێن ئه‌مريكى ژى ب فرۆكێن خوه هاته ناڤ مه‌يدانێ و گۆت: “دبيت هه‌كه ژ به‌ر ئه‌مريكا نه‌بايه، نوكه باشوورێ كوردستانێ نه‌دبوو”.
مالپه‌رێ نوفه‌ل وێ چه‌ندێ ژى دده‌ته زانين كو ئه‌ردوگان ب دانپێدان كرينه كو كوردستانێ ل هه‌مبه‌ر داعش هاريكارى ژ توركيا خواست، به‌لێ توركيا هاريكارى نه‌كر و ب گۆره‌ى وى مالپه‌رى ئه‌ڤه وێ چه‌ندێ دگه‌هينيت كو ئه‌ردوگان يێ ئاماده بوو باشوورێ كوردستانێ بكه‌ڤيته ده‌ست داعش.
به‌رهه‌ڤكرن: نيوار محه‌مه‌د سه‌ليم
ئه‌ڤرۆ نيوز، نيوار محه‌مه‌مد سه‌ليم:
ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند كو دێ بهێنڤه‌دانا جه‌ژنا قوربان بۆ په‌روه‌ردێ حه‌فت رۆژ بن و فه‌رمانگه‌هێن دى هه‌شت.
ئاخفتنكه‌رێ ب ناڤێ حوكمه‌تا هه‌رێما كوردستانێ ب مالپه‌رێ فه‌رمى يێ حوكمه‌تێ راگه‌هاند كو بهێنڤه‌دانا فه‌رمى دێ ژ 4ى ڤێ هه‌يڤێ ده‌ستپێكه‌ت كو دبيته رۆژا ئێكێ يا جه‌ژنا قوربان.
دزه‌يى ئاماژه ب وێ چه‌ندێ ژى كر كو ل قوتابخانان دێ ده‌وام ل 11ى هه‌يڤێ ده‌ستپێكه‌ت و ل فه‌رمانگه‌هێن حوكمه‌تێ ل 12ى هه‌يڤێ.
نيشاندان