ئه‌ڤرۆ نیوز:
د رۆنكرنه‌كێ دا، وه‌زاره‌تا دارایى و ئابوورى یا حكومه‌تا هه‌رێما كوردستانێ، ئه‌ڤرۆ ئاماژه ب وێ یه‌كێ دایه كو هه‌تا نوكه چ كوژمه‌كێ پاره‌ى بۆ مووچێ سالا 2015 ژ ئالیێ به‌غداڤه بۆ هه‌رێما كوردستانێ نه‌هاتیه هنارتن.
د رۆنكرنێ دا هاتیه: هنده‌ك ده‌زگه‌هێن راگه‌هاندنێ به‌لاڤ كریه كو مووچێ فه‌رمانبه‌ران ژ به‌غدا بۆ هه‌رێمێ هاتیه هنارتن، لێ دووپات دكه‌ین كو هه‌تا نوكه ب فه‌رمى چوو نه‌هاتیه و ئه‌م چاڤه‌رێى به‌غدا دكه‌ین.
ئه‌ڤرۆ نیوز:
وه‌زاره‌تا سامانێن سروشتى رێژا وێ كاره‌بێ ئاشكرا دكه‌ت كو ب هه‌ده‌ر دچیت و به‌رپرسایه‌تیا وێ د ئێخته ستوویێ وه‌زاره‌تا كاره‌بێ.
وه‌زاره‌تا سامانێن سروشتى ئه‌گه‌رێن كێمیا كاره‌بێ د ئێخته ستوویێ وه‌زاره‌تا كاره‌بێ و د راگه‌هاندنه‌كێ دا دیاركریه” وه‌زاره‌تا كاره‌بێ سالا چوویى، زێده‌تر ژ 180 ملیون دولاران قه‌ره‌بوویا ویستگه‌هێن ماس كریه، ژ ئه‌گه‌رێ بێ شیانیا رێژا كاره‌با به‌رهه‌ڤ و وه‌رنه‌گرتى، ئانكو 180 ملیون دولار به‌رامبه‌ر كاره‌بایه‌كێ كو به‌رهه‌م نه‌هاتیه و كه‌سێ مفا ژێ وه‌رنه‌گرتیه.
ئه‌ڤرۆ نیوز، مه‌سعود خه‌له‌ف
هه‌كه لابتوپێ ته ئاڤ یان چا یا قه‌هوه یان هه‌ر تشته‌كێ رون پێ وه‌ربوو، ڤان پێنگاڤان بهاڤێژه”
1- بله‌ز تپلا خوه دانه سه‌ر دوگما پاوه‌ری تاكو شاشه ره‌ش دبیت.
2- شاشا كومپیوته‌ری سه‌ر وبن بكه ب ڤی شێوه‌یێ د وێنه‌یی دا.
3- ئاڤ يان كو هه‌ر كه‌ره‌سته‌كی ب لاپتوپێ دا رژیا و ژێ ده‌ركه‌ت ب رێكا كلینكس، ئان كو پاته‌كی زوها بكه.
4- سێشواری لسه‌ر له‌زترین شێوه بده كاری وهایا ته ژ گه‌رماتیا وی هه‌بیت و پاشی كیبوردی پێ زوها بكه، هه‌ر وه‌سا ژ لایێ بنیڤه ژی لاپتوپێ پێ زوها بكه، و ده‌ما كو تو دلنیا بووی كو چ ئاڤ ئانكو هه‌ر كه‌رسته‌كی دی نه‌ما، ژ نوو لاپتوپی جاره‌كا دی بده كاری.
ئه‌ڤرۆ نیوز،زنار توڤى:
ئه‌نجامێ نووترین ڤه‌كولینا زانایێن ئه‌مریكى دیاركریه كو خوارنا روژانه یا توویا ره‌ش ب ره‌نگه‌كێ به‌رچاڤ پاله‌پستویا خوینێ د ماوێ هه‌شت حه‌فتیان دا كێم دكه‌ت.
لدویف ڤه‌كولینه‌كا زانكویا ویلایه‌تا (فلوریدا) كو توویا ره‌ش ب مادده‌یه‌كێ پر گرنگێ خوارنێ دهژمێرن و ئه‌و دژى ئوكسیدانه و یا ده‌وله‌مه‌نده ب كروم و بو روو ب رووبونا فشارا خوینا بلند یا كاریگه‌ره، ڤه‌كوله‌ران پشتى ئه‌نجامدانا لێكولینه‌كا زانستى لسه‌ر 48 ژنێن تووشبوى ب فشارا خوینا بلند،بو وان ده‌ركه‌فت كو خوارنا روژانه یا توویێن ره‌ش دشێت دماوێ هه‌شت حه‌فتیان دا ب ره‌نگه‌كێ به‌رچاڤ فشارا خوینێ بینیته خوار.
ئه‌ڤرو نیوز، هه‌یفا دوسكى:
پرسیاره‌ك ئه‌ڤرۆ بوویه نه‌رێت ل ده‌ف زوربه‌یا وان خانمێن ژ نوو دبنه ده‌یك ، ئه‌وژى ئایه بۆ زاروك ده‌ما ژ دایك دبیت ، ره‌نگى چاڤێن وان جێوازن ژ ره‌نگى چاڤێن ده‌یك وبابا ، ئه‌رێ ئه‌و دیارده تشته‌كێ ئاساییى یه یان چ بوچونێت زانستى بو وێ چه‌ندێ هه‌نه .
ئه‌ڤ پرسه و چه‌ندین پرسێن دى یێن گریدایى ب سروشتێ زاروكى بووینه ئه‌گه‌رێ پرسیارا پتریا دایك و بابان.
له‌ورا ئێك ژ وان سایتێن كو خه‌م ژ ڤى دیاردێ كریه سایتى ( سیدتى نێت ) ، ئه‌وژى رابوویه ئه‌ڤ پرسه ئاراسته‌ى نوشدارین پسبور د بیاڤى چاڤان دا كرینه .
ئه‌نجامێن وان ڤه‌كولینا هاتینه شروڤه‌كرن، هوكارێن وێ دیاردێ ڤه‌دگه‌ریته (8) هوكارین میراتگرى یا كو ( ویراسى ) و نه هوكاره‌ك ب تنێ یه .
هه‌روه‌سا دیاركرن كو زوربه‌یا زاروكێن نوو ژ دایك دبن ره‌نگێ چاڤێن وان دناڤبه‌را ( رصاصى و شینیدایه )،لێ دناڤبه‌را یه‌ك سالى تا شه‌ش سالى ره‌نگى چاڤێن وان خوه جه دبن ل سه‌ر ره‌نگه‌كى چ شین یان ره‌ش یان هه‌ر ره‌نگه‌كى دیی.
ئه‌ڤرۆ نیوز، بارزان مزوورى
د هێرشه‌كا دى یا فرۆكێن هه‌ڤپه‌یمانان دا بۆ سه‌ر جهێن داعش ل مووسل، ئه‌ڤرۆ 9 سه‌ركردێن دى یێن داعش هاتنه كوشتن.
عصمه‌ت ره‌جه‌ب به‌رپرسێ لقێ 14 بۆ ئه‌ڤرۆ نیوز دیاركر كو داعش ژ ترسا راگه‌هاندنێ دا، نه‌وێریایه ته‌رمێن ڤان 9 سه‌ركردێن خوه ببه‌ته نوشداریا داد ل مووسل، دا ده‌زگه‌هێن راگه‌هاندنێ ناسناما وان نه‌زانن.
ئه‌ڤرۆ نیوز، ڤه‌ده‌ر سوبحى:
ئه‌كته‌را ئه‌مریكی و بالیۆزا نیازپاكیێ یا نه‌ته‌وێن ئێكگرتی ئه‌نجلینا جۆلی ناسناڤێ خوشتڤیترین كه‌سا جیهانێ وه‌رگرت.
د راپرسیه‌كێ دا دگه‌ل 25 هزار كه‌سان ژ 23 وه‌لاتان جۆلی شیا بسه‌ركه‌ڤیت لسه‌ر شاهژنا بریتانیا و هیلاری كلینتۆن وه‌زیرا ده‌رڤه یا پێشتر یا ئه‌مریكا و ئه‌نجێلا مێركل شیره‌تكارا ئه‌لمانیا.
پشتی ئه‌نجلینا جۆلی ناڤێ بیل گه‌یتس دامه‌زرێنه‌رێ مایكرۆسۆفتێ هات و مالا یۆسف داكوكیكه‌را مافێن زارۆكان بۆ خاندنێ ل دووڤ دا هات.
ئه‌كته‌را ناڤدار ئه‌نجلینا جۆلی كو به‌ری چه‌نده‌كێ سه‌را ئاوارن ل كوردستانێ ژی دا بوو ژبه‌ركو رۆله‌كێ مه‌زن دیتیه د هاریكاریكرنا ئاواره و په‌نابه‌ران دا دلێ گه‌له‌ك خه‌لكێ جیهانی بۆ خوه كێشایه.
ئه‌ڤرۆ نیوز، ڤه‌ده‌ر سوبحى:
باراك ئوباما سه‌رۆكی ئه‌مریكا ئه‌ڤرۆ داخواز ژ كونگرێسێ وه‌لاتێ خوه كریه كو 8.8 ملیار دۆلاران د بۆدجێ سالا 2016 ێ بۆ به‌رهنگاربوونا داعش و هاریكاریكرنا هێزێن ئیراقی و ئۆپۆزسیۆنا سوری ته‌رخان بكه‌ن.
ئه‌ڤ كوژمه دێ 5.3 ملیار بۆ وه‌زاره‌تا به‌رگریا وی وه‌لاتی بن بۆ مه‌زاختنێن هێرشێن ئاسمانی و 3.5 ملیار ژی بۆ وه‌زاره‌تا ده‌رڤه .
ئه‌ڤرۆ نیوز:
ئه‌ڤرۆ ئه‌و کەمپا بۆ ئاوارێن خه‌لكێ شنگالێ و دەوروبەران ل گوندێ قادیا د ناڤبەرا ھەردوو قەزایێن زاخو و سێمیل ل پارێزگەھا دھوکێ هاتيه دروستكرن، د رێوره‌سمه‌كى دا هاته ڤه‌كرن کو ئەڤ کەمپە لسەر ئەرکێ دەزگایێ خێرخوازیێ یێ روانگە بھەڤکاری و پشتەڤانیا حکومەتا ھەرێما کوردستانێ ھاتيه دروستكرن كو ژ 3000 كه‌ره‌ڤانان پێكدهێت.
وێنه ژ په‌یجێ قایمقامیا زاخۆ هاتینه وه‌رگرتن
نه‌رویج، ئاراس ره‌شاڤایى
مه‌لا كرێكار ئه‌میرێ به‌رێ یێ گرۆپا ئه‌نسارولئیسلام كو به‌رى چه‌ند رۆژان ژ ئالیێ ولاتێ نه‌رویج ڤه هاتبوو ئازادكرن، ئه‌ڤرۆ دادگه‌ها تاوانێن وى وه‌لاتى بڕیاردا مه‌لا كرێكار ڤه‌گوهێزنه گزریته‌یه‌كێ ل نه‌رویج كو 450 كم ل مالا وى دووره و ئه‌و گزریتا مه‌لا كرێكار تێدا دێ ژیت، ب تنێ بۆ وان كه‌سایه یێن مه‌ترسى بۆ سه‌ر ئاسایشا نه‌رویج.
بۆ پتر پێزانینان سه‌ره‌دانا ڤى لینكى بكه‌ن..
نيشاندان