ئه‌ڤرۆ نیۆز، هه‌رهین محه‌مه‌د:
سترانبێژێ گه‌نج ئیسماعیل سیارى د دیداره‌كێ دا بۆ ئه‌ڤرۆ نیوز دیاركر كو نوكه ئه‌و مژوولى كلیپه‌كێ یه بناڤێ (ئه‌ز پێشمه‌رگه‌مه) كو ژ په‌یڤ وئاواز هه‌ڤال كاوانى نه و ئه‌ڤ سترانه ل چیا زه‌ركێ هاتیه كلیپ كرن و ل ڤان نێزیكان دێ هێته به‌لاڤ كرن.
ئسماعیلى گۆت ژى: ئه‌ڤ سترانه به‌حسى چ لایه‌نێن حزبى ناكه‌ت ب تنێ دێ په‌سنا پێشمه‌رگه‌ى كه‌ت.
ئه‌ڤرۆ نیوز، قائید میرو
ژێده‌ره‌كێ ئاگه‌هدار بۆ ئه‌ڤرۆ نیۆز دیاركر، دهێرشا داعش یا بۆ سه‌ر هێزێن پێشمه‌رگه‌ی ل باژێڕێ كه‌ركووكێ، ژبه‌ركو دنیا مژ بوویه و ده‌لیڤا دیتنێ كێمبوو، له‌وڕا پێشمه‌رگه نه‌چار بوویه ل هنده‌ك ده‌ڤه‌را پاشڤه‌بهێت و هنده‌ك باره‌گایێن پێشمه‌رگه‌ی ل باشورێ كه‌ركووكێ كه‌فتنه ده‌ست داعش.
ژێده‌ری كو نه‌خواست ناڤێ وی بهێته به‌لافكرن گۆت” ژ ئه‌نجامێ ئه‌ڤێ پاشڤه هاتنا پێشمه‌رگه دو كۆمێن پێشمه‌رگه‌ی به‌رزه‌بوون، ئێك ژ وان د گونده‌كی دا هاتبوونه دورپێچكرن و هژمارا وان 13 پێشمه‌رگه‌بوون، پشتی شه‌ڕه‌كێ دژوار شیان 11 پێشمه‌رگان رزگار بكه‌ن و دو پێشمه‌رگه‌ژی شه‌هید بوون.
ژێده‌ری پتر گۆت” به‌لێ هژماره‌كا پێشمه‌رگه‌یان د ئه‌نجامێ ئه‌ڤێ مژا چێبووی دیار نینه و د به‌رزه‌نه، گومان هه‌یه ب ئێخسیری كه‌فتبنه د ده‌ستێ تیرۆرستێن داعشدا و هێشتا هژمارا وان دیار نینه كانێ چه‌ندن.
ئه‌ڤرۆ نیوز:
بهایێ نه‌فتێ بلندبوونه‌كا به‌رچاڤ ب خوه دیتى و 8% بهایێ وێ بلند بوو، ئه‌وژى پشتى كو كارێ كۆمپانیێن نه‌فتا ئه‌مریكا كێمبووى.
ئاژانسێن ده‌نگوباسان به‌لاڤكرینه ژبه‌ر كێمبوونا كارێ كۆمپانیێن نه‌فتا ئه‌مریكاژ پشكنین و لێگه‌ریانا نه‌فتێ، بهایێ نه‌فتێ ل بازارێن جیهانى بلندبوونه‌كا به‌رچاڤ ب خوه‌ڤه دیتى یه و بهایێ نه‌فتێ گه‌هشته 53 دولاران بۆ هه‌ر به‌رمیله‌كێ.
ئه‌ڤرۆ نیوز:
ب گۆره‌یى ئه‌و ژێده‌رێن ب ده‌ست ئه‌ڤرۆ نیوز كه‌فتین د شه‌رێ هێزێن پێشمه‌رگه‌یى و چه‌كدارێن داعش دا ل خازرى، ئه‌و قوتابیێ ژ زانكۆیا دهۆك كولیژا كارگێرى و ئابوورى گه‌هشتیه ناڤ رێزێن داعش هاته كوشتن.
عومه‌ر عه‌بدولجه‌بار قوتابیێ زانكۆیا دهۆك یێ به‌رى ماوه‌كى گه‌هشتیه ناڤ رێزێن داعش ب رێیا چوونا مووسل و ل وێرێ هێرش ژ لایێ خازرى ڤه كریه سه‌ر پێشمه‌رگه‌یى، شڤێدى ژ لایێ هێزێن پێشمه‌رگه‌یى ڤه ل وێ ده‌ڤه‌رێ هاتیه كوشتن.
به‌رى نوكه ئه‌ڤرۆ نیوز بابه‌تێ چوونا ڤى گه‌نجى به‌لاڤ كربوو كو ئه‌ڤه لیكێ وێ یه: ڤێره كلیك بكه
ئه‌ڤرۆ نیوز، بارزان مزوورى
به‌رى چه‌نده‌كێ ل سه‌نته‌رێ قه‌زا شێخان ترۆمبێله‌كا بارهه‌لگر كو شوفله‌ك هه‌لگرتبوو ژ رێكێ ده‌ردكه‌ڤیت و د ئه‌نجامدا شوفلا ل سه‌ر دكه‌ڤیته خوار.
به‌رپرسێ پشكا هاتن و چوونا شێخان نه‌قیب به‌درخان محه‌مه‌د بۆ ئه‌ڤرۆ نیوز دیاركر كو د ڤێ روودانێ دا كه‌سه‌ك كو ل گه‌ل شوفێرى بوو بریندار دبیت و بۆ نه‌خوشخانا شێخان دهێته ڤه‌گوهاستن.
ئه‌ڤرۆ نیوز:
بریاره سوبه مووچێ هه‌یڤا 12 یێ وه‌زاره‌تا پێشمه‌رگه‌ى بهێته به‌لاڤكرن و هه‌تا دووماهیا ڤێ حه‌فتیێ، چه‌ند فه‌رمانگه‌ه و وه‌زاره‌ت ژى دێ مووچێ هه‌یڤا 12 وه‌رگرن.
سالح فه‌قێ، ئه‌ندامێ لژنا دارایى و ئابوورى ل په‌رله‌مانێ كوردستانێ دیاركر كو بریاربوو رۆژا پێنج شه‌مبى مووچێ وه‌زاره‌تا پێشمه‌رگه‌ى بهێته به‌لاڤكرن، به‌لێ بۆ ئێكشه‌مبیێ هاته پاشخستن و گۆت: ڤێ حه‌فتیێ دێ گه‌له‌ك وه‌زاره‌ت مووچه‌ى وه‌رگرن و حه‌فتیا بهێت ژى دێ دووماهیێ ب به‌لاڤكرنا مووچێ 12 هێت.
ل دووڤ پێزانینێن باس نیوز بریاره د ڤێ حه‌فتیێ دا، مووچێن ( فه‌رمانده‌یا زێره‌ڤانى، پولیسێن نه‌فتێ، لیوایا ئێكا سلێمانیێ، فه‌رمانده‌یا هێزا ئاماده، ل گه‌ل وه‌زاره‌تا ساخله‌میێ و چه‌ند ده‌سته‌یان) مووچێ هه‌یڤا 12 وه‌ربگرن.
ئه‌ڤرۆ نيوز:
ياريكه‌را ئه‌مريكا خودانا رێزا ئێكێ د پۆلينا كچێن تێنسزان دا، سيرينا وليه‌مز ب ناسناڤێ قاره‌مانيا گراند يێ ئاشتيێ بۆ جارا نه‌هێ هاته خه‌لاتكرن پشتى سه‌ركه‌فتن ل سه‌ر يا رۆسى ماريا شاراپۆڤا تۆماركرى د قاره‌مانيا ئوستراليا يا ڤه‌كرى دا ب ئه‌نجامێ 3-6 و 6-7، ئانكو ب دو كۆمان بێ به‌رامبه‌ر.
ئه‌ڤرۆ نيوز:
ليوا حسێن مه‌نسور، فه‌رماندێ فه‌رمانده‌يا هێزێن پشته‌ڤانيا دو يا هێزێن پێشمه‌رگه‌يى، ئه‌ڤرۆ 2015.1.31 ل شه‌رێ دژى چه‌كدارێن داعش شه‌هيد بوو.
عه‌ميد سه‌رحه‌د قادر، به‌رپرسێ پۆليسێن قه‌زا و ناحيێن كه‌ركووك د داخۆيانيه‌كێ دا بۆ رووداو پشت راست كر كو ليوا حسێن مه‌نسور فه‌رماندێ فه‌رمانده‌يا هێزێن پشته‌ڤانيا دو يا هێزێن پێشمه‌رگه‌يى ل شه‌رێ دژى چه‌كدارێن داعش ب گوله‌كا قه‌ناسێ شه‌هيد بوويه.
نيشاندان