زەلامەکێ 35 سالی دلێ خوە بۆ رۆژنامەیا ئەڤرۆ ڤەدکەت و دبێژیت: ئەڤە 8 سالە من خێزان پێک ئینايی و ئەز خودان کارم بابێ کورەک و دو کچامە ئەڤە سالەکە ئەز و کچەک حەز ژ ئێکدو دکەین و ئەو کچە 30 سالە و فەرمانبەرە، بابێ من ھەڤژینا من بۆ من خواست بوو نەک ب حەز ژێکرن من ئینایە، ئەڤێ کچێ ھێشتا ئەڤ مەسەلە نەگۆتیە مالا خوه‌ ھەروسا من ژی نەگۆتیە خێزانا خوه‌، ئەو دبێژیت مالباتا من یا رازیە لێ پا ژ لایێ من ڤە یا بزەحمەتە ژ بەر کو نەشێم ھەڤژینا خوە رازی بکەم و ھێشتا من نەگۆتیێ  ئەڤجا ھیڤیدارم ھوون چ دبێژن و ئەز چ بکەم؟

برایێ ھێژا:

باشترە ھەر پێگاڤەکا مرۆڤ ب ھاڤێژیت بەری ھینگێ زەمین بۆ بھێتە دروستکرن ژ ھەموو لایان ڤە دا پەشیمانی د دووڤ دا نەھێت و گەلەک گرنگە تەماشه‌يی نھایا خوه‌ بکەيی ب عەقلەکێ گەھشتی دوور ژ سوزیێ دا یێ سەرکەفتی بی و پرسیار ژ خوە بکە نوکە تو د ژیانا خێزانێ دا یێ ئارامی و هه‌كه‌ ئە، دێ بۆچی تێک دەيی.

باشە، تو یێ ئامادەيی ژیانا زارۆیێن خوە تێک ببەيی و بۆچی تو خوە دخاپینى و دبێژی کو من خێزان یا پێک ئینايی نە ب ئەڤینی و بزانە نوکە کەتوارە و باشترە تو ھزرێ د ڤێ چەندێ دا بکەيی، کا چاوا دێ خیزانا خوە و زارۆیا بەختەوەرتر لێ کەيی و ژبیر نەکە دبیت زۆر سەربورا دژیانا خوە دا ببینی بەلێ باشترە عەقلانە سەرەدەریێ ل گەل بکەيی و پشتی ئەڤ خالێن ل سەری مە دیارکرین ھزرا خوە تێدا بکە و بھووری بڕیارا خوە بده‌.

پۆ په‌يوه‌نديكرنێ ب گۆشا دلێ خوه‌ ڤه‌كه‌ په‌يوه‌نديێ ب ڤێ هژمارا تله‌فۆنێ بكه‌: 07503404123