ئه‌ڤرۆ:
سەرۆک کۆمارێ تورکیا رەجەب تەیب ئەردۆگان بۆ دەزگەھێن راگەھاندنا تورکیا ئاخڤی و دیار کر کو ھێزێن جیھانی دخوازن ھەرێمەکا دی یا کوردی ل سووریێ ئاڤا بکەن، ئاڤاکرنا وێ ھەرێمێ دێ ئاریشێن مەزن بۆ تورکیا دروست کەت و مە بەری نھا ژی دیار کریە کو مە نەڤێت چو ھەرێمێن دی یێن کوردی ئاڤا ببن و نابیت سووریێ بھێتە پارچەکرن.
ئەڤرۆ:
ئەندامێ رێکخراوا مافێ مرۆڤی یا رۆژھەلاتێ کوردستانێ سەعید دەرویشی بۆ رۆژناما ئەڤرۆ دیار کر کو ئیران نھا ھەموو رایا گشتی ب دانوستاندنێن ئەتۆمی یێن ل گەل ئەمریکا و وەلاتێن رۆژئاڤا مژوول کرینە و ل ناڤخوەیی ئیرانێ ژی دەست ب ھەوەکا مەزن یا ژناڤبرنا دژبەرێن خوە کریە و ب تایبەتی ژی رۆژھەلاتێ کوردستانێ ھەوەکا مەزن یا سێدارەدانا گرتیێن سیاسی یێن کورد دەستپێ کریە و گۆت: (ھەرچەندە بەری نھا ھاتە گۆتن کو ل مەھا بۆری ئیرانێ ٨ گرتیێن سیاسی ل سێدارە داینە، لێ پشتی ڤەکۆلینێن مە ئاشکرا بوو کو ب دەھان گرتی ل ب رەنگەکێ نھینی ھاتینە سێدارەدان و گەفەکا مەزن ژی ل سەر مالباتا وان کەسان ھەیە دا کو راستیێ بۆ رایا گشتی ئاشکرا نەکەن، ھەتا نھا ژی تەرمێ گەلەک ژ وان کەسان رادەستی مالبات و کەسوکارێن وان نەھاتیەکرن و ژ بەر ڤێ یەکێ ژی مە دڤێت رایا گشتی یا جیھانێ بزانیت کا براستی ژی نھا ل ئیرانێ چ روو ددەت).
ناڤھاتی د بەردەوامیا ئاخڤتنا خوە دا ئەو یەک ژی دیار کر کو گرتنا چالاکڤانێن مەدەنی ل ئیرانێ ژی بەر ب زێدەبوونێ ڤە چوویە و ب تایبەتی ژی ل دەڤەرێن کوردی گەلەک کەس دھێنە گرتن و مالباتێن وان ژی ناھێنە ئاگەھدار کرن و مەترسیا سێدارەدانێ ژی ل سەر وان کەسان گەلەک زێدەیە و گۆت: (بەری چەند مەھان ژی سێ چالاکڤانێن سیاسی ل ئورمیێ ھاتنە گرتن و بەرپرسێن ئیرانێ چەندین جاران ژی گۆتن کو ئەو کەس نەھاتیە گرتن لێ پشتی دەمەکێ تەرمێ وان رادەستی مالباتێن وان ھاتنە کرن و گەف ل وان ھاتە کرن کو نابیت ئەو چو داخۆیانیان بدەنە دەزگەھێن راگەھاندنێ).
ئەندامێ سازیا مافێ مرۆڤی یا رۆژھەلاتێ کوردستانی د دووماھیا ئاخڤتنا خوە دا ژی ئەو یەک دیار کر کو مرۆڤ دشێت بێژیت نھا ل رۆژھەلاتێ کوردستانێ بێدەنگیەکا مەزن وەک مرنێ ھەیە و چو رۆژنامە و دەزگەھێن راگەھاندنێ یێ کوردی نینن و بەری نھا چەند کۆڤارێن ھونەری یێن کوردی ھەبوون کو ئەو ژی بەری دەمەکێ ھاتنە داخستن.
ئه‌ڤرۆ نیوز:
ئه‌ڤرۆ وه‌زاره‌تا پێشمه‌رگه‌ى راگه‌هاند كو ب به‌رهه‌ڤبوونا بالیوزێ كه‌نه‌دا ل عیراقێ وان ژماره‌كا روبوتێن راكرنا مین و ته‌قه‌مه‌نیان و جلوبه‌رگێن سه‌ربازى كو ژ كه‌نه‌دا وه‌ك هه‌ڤكارى بۆ هێزێن پێشمه‌رگه‌ى هاتینه هنارتن، وه‌رگرتن.
بالیوزێ كه‌نه‌دا ل عیراقێ د په‌یڤه‌كێ دا راگه‌هاند كو ئه‌ڤ رۆبوته د شه‌رێ دژى داعش دا دێ گه‌له‌ك د مفاداربن و سوز د ا ئه‌و ل سه‌ر هه‌ڤكاریێن خوه بۆ هێزا پێشمه‌رگه‌ى د به‌رده‌وام بن.
ئه‌ڤرۆ نیوز:
د پێنگاڤه‌كا دیرۆكى دا، ئێكه‌تیا ئوروپا بڕیاردا نوونه‌راتیا خوه ل هه‌رێما كوردستانێ ڤه‌كه‌ت.
دلاوه‌ر خالید نوونه‌رێ حكومه‌تا هه‌رێما كوردستانێ ل ئێكه‌تیا ئوروپا دیاركر كو ئێكه‌تیا ئوروپا ب فه‌رمى بڕیار یا داى نوونه‌راتیا خوه ل هه‌رێما كوردستانێ ڤه‌كه‌ت.
دلاوه‌ر خالید دیاركر كو ئێكه‌تیا ئوروپا نوكة یا مژوولى دیاركرنا كه‌سایه‌تیه‌كێ گرنگه بۆ وى پۆستى.
ئه‌ڤرۆ نیوز، ڤه‌ده‌ر سوبحى
مه‌لایه‌ك گرتنا (سێلفیان) وێنێن مرۆڤ بخوه بۆ خوه دگریت ب گۆنه‌هـ ل قه‌له‌م دده‌ت و دبێژیت: ئه‌و كه‌سێن سێلفیان دگرن تووشی دفن بلندیێ و خوه مه‌زنكرنێ دبن.
فێلیكس سیاو مه‌لایه‌كێ ناڤدارێ ئیندونیزیه فه‌توایه‌ك ده‌ركریه وراگه‌هاندیه دڤێت موسلمان خوه ژ گرتنا سێلفیان بده‌نه پاش دا گونه‌هكار نه‌بن.
ڤی مه‌لایی گۆتنا خوه پتر لسه‌ر كچان و ژنان ته‌كه‌زكر و گۆت: گۆپیتكا بێ شه‌رمیێ یه كچێن موسلمان ڤان جوره وێنان دگرن ئه‌ڤ یه‌كه تشته‌كێ نه‌پاقژه دڤی سه‌رده‌می دا دهێته‌كرن و دڤێت موسلمان نه‌كه‌ڤنه ناڤ گۆنه‌ها غرۆرێ.
چه‌ندین مه‌لایان پشته‌ڤانیا فه‌توا وی كر لسه‌ر تورێن جڤاكی و سێلفی ب چاڤلێكرنا كافران ل قه‌له‌م دا. لێ پشتی راگه‌هاندنا ڤی مه‌لای بسه‌دان موسلمانان بتایبه‌ت ل ئیندونیزیا وێنێ خوه یێن سێلفی به‌لاڤ كرن و نڤیسى نه (سێلفی بۆ مه‌لا سیاو).
ئه‌ڤرۆ نیۆز، قائید میرۆ
ئه‌ڤرۆ ل باژێڕێ هه‌ولێرێ، شه‌هیانا ئازادكرنا باژێڕێ كۆبانێ هاته گێڕان و ل دووڤ پێزانینێن ئه‌ڤرۆ پتریا به‌رهه‌ڤبوویێن شه‌هیانێ ئه‌ندام و لایه‌نگرێن په‌كه‌كێ بوون.
عه‌دنان ئه‌نوه‌ر به‌گ، سه‌رۆكێ جڤاتا بلندا رێكخراوێن نه حكومی بۆ ئه‌ڤرۆ نیۆز دیاركر، پشتی دوهی مزگینیا ئازادكرنا باژێڕێ كۆبانێ هاتیه راگه‌هاندن، ئه‌ڤرۆ ل باژێڕێ هه‌ولێرێ وان پشكداری د شه‌هیانا ئازادكرنا باژێڕێ كۆبانێ دا كر و سه‌ركه‌فتنه‌كا مه‌زنه بۆ هه‌موو گه‌لێ كورد.
ئه‌ڤرۆ نیوز، بارزان سلێمان مزوورى
به‌رپرسێ لقا 14 ل مووسل، عصمت ره‌جب ، بۆ ئه‌ڤرۆ نیۆز دیار كر كۆ ئه‌ڤرۆ به‌رپرسه‌كێ كریارێن سه‌ربازى یێن چه‌كدارێن تیرورستێن داعش ب ناڤێ زیاد شه‌ریف كو به‌رنیاس ب ئه‌بو تارق كو ب ره‌گه‌ز مسرى یه ل گه‌ل پاسه‌وانێن وى بناڤێ ئه‌بو زه‌ید هیلالى، جه‌لال متعه‌بى كو هه‌ردوو ژ وان بره‌گه‌ز سورى بوون ب ده‌ستێن پێشمه‌رگه‌یێن قه‌هره‌مان ل میحوه‌رێ مه‌خمور و گوێر هاتنه كوشتن و ته‌رمێن وان كه‌فتینه ده‌ستێن پێشمه‌رگه‌ى.
ناڤبرى دیار كر كۆ ڤى به‌رپرسى گه‌له‌ك كریارێن مه‌زن بكار دئینان به‌رامبه‌ر پێشمه‌رگه‌ى .
ئه‌ڤرۆ نیوز:
یانا ریال مه‌درید یا ئسپانى د به‌یاننامه‌كا فه‌رمى دا، به‌رسڤا وان ده‌نگویان دا كو دبێژن فیفا دێ ڤه‌كولینێ ل گه‌ل كه‌ت كو گرێبه‌ستێن نه‌قانوونى ئه‌نجامداینه.
یانا ریال مه‌درید دیاركریه كو چ گرێبه‌سته‌كا وان ئه‌نجام دابیت، پرسا خوه ب فیفا كریه و بلا هه‌موو بزان نكو چ جاره‌كێ ریال ناكه‌ڤیته خه‌له‌تیان.
غه‌یاس سورچی به‌رپرسێ راگه‌هاندنا مه‌لبه‌ندێ ئیكه‌تیێ ل موسل بو ئه‌ڤرۆ نیوز راگه‌هاند: د شه‌رێ دوهی یێ میحوه‌رێ ناوه‌ران دا 18 داعش هاتبوونه كوشتن و 34 ژی برینداربوون .
ناڤبری ئه‌و چه‌نده ژی دیاركر د ناڤا ئه‌وان كوشتیێن داعشێ دا دوو ئه‌میر هه‌بوینه و سه‌ركرده‌یێن سه‌ربازى یێن ئه‌وێ ده‌ڤه‌رێ بوون و كوردن و ئێك ژ برینداران ژی سه‌ركرده‌یه‌كێ وان بوویه ب ره‌گه‌ز كوردبویه .
ئه‌ڤرۆ نیوز:
ئه‌ڤرۆ چه‌ند رێكخراوێن كومه‌لگه‌هێ مه‌ده‌نى ب نوونه‌راتیا چوار باژێرێن كوردستانێ، سه‌را قونسولخانا به‌ریتانیا ل هه‌ولێرێ دان و ژ ئالیێ جێگرێ قونسولێ به‌ریتانى ڤه هاتنه پێشوازیكرن و یاداشته‌كا نه‌رازیبوونێ ل دۆر نه‌داخوازكرنا كوردستانێ بۆ كۆنگرێ له‌نده‌ن یێ دژى تیرورێ پێشكێشكرن كو 22 وه‌لاتان پشكدارى تێدا كربوون و هه‌رێما كوردستانێ نه‌هاتبوو داخوازكرن.
كاوار نێروه‌یى به‌رپرسێ سه‌نته‌رێ باگێرا یێ روشنبیرى بۆ ئه‌ڤرۆ نیوز دیاركر كو د وان سه‌ره‌راى ده‌ستخوشى و سوپاسیا خه‌لكێ كوردستانێ بۆ وان هه‌ڤكاریێن ( سه‌ربازى و لوجستى و مروڤى) یێن پێشكێشى حكومه‌ت و گه‌لێ كوردستانێ هاتینه كرن، وان نه‌رازیبوونا خوه د یاداشته‌كێ دا گه‌هاندێ كو خه‌لك و حكومه‌تا هه‌رێما كوردستانێ د نه‌رازینه ژبه‌ر كو نوونه‌رێ هه‌رێما كوردستانێ بۆ وى كۆنگرێ له‌نده‌ن نه‌هاتنه داخوازكرن، د ده‌مه‌كى دا كو تاكه هێزا ل سه‌ر ئه‌ردێ واقع، شه‌رێ تیرورێ دكه‌ت، هێزا پێشمه‌رگێ كوردستانێ یه كو زوورترین قوربانى و شه‌هید داینه.
كاوار نێروه‌یى دیاركر كو قه‌نسولخانێ پشته‌ڤانیێ خوه بۆ داخوازى و گازاندا وان دیاركر و ئاماژه دا وێ چه‌ندێ كو ئه‌و ب رێیا بالیوزخانا خوه ل به‌غدا دێ حكومه‌تا عیراقێ ئاگه‌هدار كه‌ن كو ره‌فتارێن ب ڤى ره‌نگى دووباره نه‌بن كو پێدڤیبوو حكومه‌تا عیراقێ نوونه‌ره‌كێ هه‌رێمێ ژى داخوازى كۆنگره‌ى كربا.
نيشاندان