ئه‌ڤرۆ نیوز,ره‌زوان رۆژبه‌یانى:
كومپانیا ئه‌فرێن بۆ وه‌به‌رهێنانا نه‌فتێ ل سنورێ قه‌زا به‌رده‌ره‌ش چه‌ند كه‌ل و په‌لێن پێدڤى یێن زڤستانێ ب سه‌ر ئاواران دا دابه‌ش كرن.
صالح عیسى به‌رسێ راگه‌هاندن ل قایمقامیا قه‌زا به‌رده‌ره‌ش بۆ ئه‌ڤرۆ نیوز گوت: ئه‌ڤرۆ ل رێكه‌فتێ 27/1/2015 كومپانیا ئه‌فرێن بۆ وه‌به‌رهێنانا نه‌فتێ ل سنورێ قه‌زا به‌رده‌ره‌ش چه‌ند كه‌ل و په‌لێن پێتڤى یێن زڤستانى ب سه‌ر په‌نابه‌ران دابه‌ش كرن كو هه‌ر خێزانه‌ك سێ به‌تانى و ئێك زۆپا بۆ هاتبوونه‌ دابین كرن.

ئه‌ڤرۆ نیوز ، نه‌وزاد زاده‌ هلۆرى:
پشتى چه‌ند هه‌ول و بزاڤه‌كێن زور ژ بۆ دامه‌زراندنا رێكخراوه‌كا تایبه‌ت ب مافێن زارویان ڤه‌ ، فه‌رمانا دامه‌زراندنا رێكخراوه‌كێ بناڤێ چاڤین ل به‌رده‌ره‌ش هاته‌ ده‌ركرن.
عه‌بدوللا شكاك سه‌روكێ رێكخراوا چاڤین بو پاراستنا مافێن زارویان بو ئه‌ڤرۆ نیوز گۆت : ( ل گور هه‌ردوو ماده‌یێن 10 – 11 یا ژماره‌ 1 یا سالا 2011 په‌رله‌مانێ كوردستانێ كو تایبه‌ته‌ ب رێكخراوێن نه‌حكومى ڤه‌ بریارا دامه‌زراندنا رێكخراوا چاڤین بو پاراستنا مافێن زاروان cocc ل به‌رده‌ره‌ش هاته‌ ده‌ركرن)

زێده‌تر گۆت : ( ئه‌ڤ ریكخراوه‌ دێ بیته‌ ده‌رگه‌هه‌ك كو مافێن زاروان تێدا بهێنه‌ گه‌رنتیكرن و د رێكخراوێ دا هه‌موو ته‌وه‌رێن مافێن زارویان هاتیه‌ ده‌ستنیشانكرن و ل ئه‌ڤرو وێڤه‌ دێ كار ژ بوو دابینكرن و گه‌رنتیكرنا مافێن زاروان هێته‌كرن )