ئه‌ڤرۆ نیوز:
ئیئتیلافا ده‌وله‌تا قانوونى ل په‌رله‌مانێ عیراقێ گه‌فێن ده‌نگ نه‌دانێ ب پرۆژه قانوونا بودجێ 2015 دده‌ت، ئه‌گه‌ر حكومه‌تا هه‌رێما كوردستانێ ل شوونا 250 هزار به‌رمیلان، رۆژانه 400 هزار به‌رمیلان نه‌هنێریت.
محه‌مه‌د سه‌عدون په‌رله‌مانتارێ ئیئتیلافا ده‌وله‌تا قانوونێ ل په‌رله‌مانێ عیراقێ دیاركر كو ئه‌و ده‌نگێ ناده‌نه پرۆژێ بودجێ 2015 ئه‌گه‌ر هه‌رێم رۆژانه 400 هزار به‌رمیلان ل شوونا 250 هزاران نه‌هنێریت و بكه‌ڤیته بن ركێڤا عیراقێ.
د پرۆژه قانوونا بودجێ 2014 یێ عیراقێ دا، برگه‌یه‌ك هه‌بوو، كو تێدا هه‌رێما كوردستانێ ب هنارتنا 400 هزار به‌رمیلان نه‌چار دكر، به‌لێ هه‌رێم رازى نه‌بوو، و بۆ ئه‌گه‌ر كو عیراق هه‌موو بێى بودجه سالا 2014 ده‌رباز بكه‌ت و موچێن هه‌رێمێ ژى بهێته برین ژ ئالیێ به‌غداڤه.
نيشاندان
