راگه‌هاندنا پێگۆتنێ و ناڤ بلندكرنێ و بنه‌مالان و ناڤوده‌نگ و مه‌دحه، د ناڤ جڤاكێ مه دا، به‌س بۆ هندێ یه دا بێژن فلان كه‌س كورێ فلان كه‌سی یێ زیره‌كه مێره‌كێ ب سه‌د مێرانه, عه‌گید و میرخاسه باشه‌ما ئه‌م نزانین هه‌می زیره‌كن مێرخاسن ئه‌ز دزانم خودێ كه‌س خوه ناده‌ته ب كه‌سێ لێ ل كوردستانێ، لێ ئه‌م یێن كورێن فه‌قیر و هه‌ژاران دده‌ینه كوشتن ب رێیا فه‌یسبووكی، باوه‌ركه‌ن فه‌یسبووك گه‌له‌كا پیس بوو هندی تو ڤیدیۆیه‌كێ، یان وێنه‌كی بینیه خارێ بێژی ئه‌ز یێ ل فلان میحوه‌ری، یان ئێك ڤیدیۆیا پێشمه‌رگان بینه خارێ، یێ ل فلان میحوه‌ری ئه‌ڤه هه‌می زیانه‌كا هنده‌كا فه‌یسبووك یا كریه ئه‌لبۆما وێنان بۆ مه‌دحا ل سه‌ر پێشمه‌رگه‌ی هه‌ر كه‌سێ هات ئه‌ڤه‌یه شێرێ مالا فلانی، بابۆ هه‌می شێرن پا خوه كه‌س نابێژیت ئه‌ز رووڤی مه، مانێ هه‌می یێ خوه دده‌نه كوشتن هه‌می یێن هێنه برینداركرن باوه‌ركه‌ن ژ خودێ ئه‌و كه‌سێ وه دبێژن ئه‌و به‌س بۆ به‌رژه‌وه‌ندیێ چووینه شه‌ڕی بكه‌ت، یا دروست ئه‌وه مرۆڤ ژ دل و گیان و دلسۆزی بكه‌ت، هه‌می نه‌بێژین تو یان یێ دی نه‌خێر ئه‌ز ژی تو هه‌می پێكڤه ڤێ راگه‌هاندنێ راوه‌ستینین ل سه‌ر پئشمه‌رگه‌ی، چنكو زه‌ره‌ره والله زه‌ره‌ره ئه‌ڤرۆ 2015 یه. . 01. 07 ,30 شه‌هید یێن داین ما چ خودێ قه‌بوول دكه‌ت و نیڤه‌ك ئه‌ڤ فیسبووكه ئه‌ڤ راگه‌هاندنه ئه‌گه‌ر بوو، بۆچی بۆ كه‌نالێن مه ئه‌ێن ده‌نگێ خوه ناڤێ خوه بلند دكه‌ن، د ناڤ راگه‌هاندنێ دا، مخابن ئه‌م بۆ خوه یێن خوه دكوژین و دده‌ینه شه‌هیدكرن، دووماهی ئاخڤتنا من ئه‌ز بێژم فه‌یسبووكی گه‌له‌ك زیانا پێشمه‌رگه‌ی كری و نیڤه‌ك فه‌یسبووك ئه‌گه‌ره ژ به‌ر به‌لاڤكرنا ڤیدیۆ و وێنێن پێشمه‌رگان ل میحوه‌رێ شه‌ڕی و خودێ هاریكاربیت.
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سه‌ره‌كى Facebook
سه‌ر شوشتنا ژنێ دزڤرۆكا هه‌یڤانه دا
ئه‌ڤرو نیوز، هه‌یفا دوسكى:
پتریا ئافره‌تان ده‌مێ دكه‌ڤن ده‌ورا هه‌یڤانه یا نه‌ساخیێ دا دبێژن سه‌ر شوشتن دێ پتر زیانا په‌یدا كه‌ت و دیسا دێ هه‌ودایان په‌یدا كه‌ت بو ژنێ و دیسا پشتا وێ دئیشیت و یان دێ بێژن ئاڤا سار باشتره بو پاقژكرنێ یان دێ بێژن خرابى ب گشتى ژ سه‌ر شوشتنێ په‌یدا دبن و ژن توشى نه‌خوشیا دبیت، یان دێ بێژن دڤێت ب چ ره‌نگان ئاڤ پرچێ نه‌كه‌ڤیت، به‌لێ دڤه‌كولینه‌كێ وه‌سا هاتیه كو سه‌ر شوشتن د عاده‌یا هه‌یڤانه دا باشترین چاره‌سه‌ریه ژبو ژن بیته ژنه‌كا پاقژ و خودان له‌ش و رویه‌كێ پاقژ و دیسا گه‌له‌كا گرنگه دڤێ ده‌مێ نه‌ساخیا ژنێ پتر گرنگیێ بده‌ته خوه پاقژیا خو ب ئاڤێ نه ب هشكاتى، چونكى دڤێ ده‌مێ عاده‌یا ژنێ دا هه‌مى بوریێن خوینێ بله‌ز كار دكه‌ن و دیسا ئه‌و خوه بێهنا هه‌یڤێ هه‌میێ پیستێ ژنێ دا ده‌ردكه‌ڤیت ل ده‌مێ دكه‌ڤیته دزڤرۆكا هه‌یڤانه داچونكى ئه‌و هه‌یڤ هه‌مى خوین و ئه‌و هه‌مى دوهنێ دبیته ئه‌گه‌رى بێزاریا له‌شى دوێ ده‌مێ زڤرۆكا هه‌یڤانه دا ده‌ردكه‌ڤیت و دهێته سه‌ر پیستى له‌ورا پێدڤى ب شوشتنێ و پاشى هشكرنێ چونكى نابیت بمینیت شل ژبه‌ر ئه‌و به‌رمایكێن وێ خوینا ژ له‌شێ ژنێ ده‌ردكه‌ڤیت له‌ورا پێدڤى پاقژ كرن وشوشتنێ یه داكو ئه‌و ژنه هه‌ر یا بهێن خوش بیت ژلایێ پستى ڤه و جاره‌كا دى ژن دناڤ وێ خوه و دوهن و خوینێ دا توشى نه‌ساخیا نه‌بیت پشتى زڤرۆكا هه‌یڤانه.
وه‌رگرتن: ژ ئنترنیتێ
پشتى نه‌بوویه باشترینێ سالێ چ گۆت؟
ئه‌ڤرۆ نیوز:
لیۆنێل میسی، ستێرا ئه‌رجه‌نتینى و یانا به‌رشه‌لونه پشتى كو شێڤدى ناسناڤێ باشترین یاریكه‌رێ جیهانێ ژ ده‌ستداى و نه‌شیا خه‌لاتێ ته‌پا زێرى بده‌ستڤه بینیت، راگه‌هاند كو كریستیانو ژ هه‌ژى وى ناسناڤى بوو.
لیۆنێل میسی بۆ گوڤارا فرانس فوتبۆڵ گۆت: رونالدو ژ هه‌ژێ وى ناسناڤى بوو، وه‌ك باشترین یاریكه‌رێ سالێ ، ژبه‌ر كو ئه‌و شیا ساله‌كێ مه‌زن ده‌رباز كه‌ت.
په‌رله‌مان بزاڤێ دكه‌ت قانوونه‌كێ ب نهێنى ده‌ر بكه‌ت
ئه‌ڤرۆ نيوز، نيوار محه‌مه‌د سه‌ليم:
په‌رله‌مانێ كوردستانێ يێ بزاڤێ دكه‌ت ب ره‌نگه‌كێ نهێنى قانوونه‌كێ ئاماده بكه‌ت ژ بووى ژ به‌ربرنا زارۆيێن ئه‌و ژنێن ژ لايێ داعش ڤه زۆرى لێ هاتيه كرن و ئه‌ندامه‌كا لژنا مافێ مرۆڤى ژى ل په‌رله‌مانى ئاشكه‌را دكه‌ت كو ئه‌و ل گه‌ل وێ چه‌ندێ نينن و كاره‌كێ ژ ڤى ره‌نگى قانوون ب تنێ به‌س نينه.
زۆزان سادق تروانشى، ئه‌نداما فراكسيۆنا زه‌ر ل په‌رله‌مانێ كوردستانێ بۆ ئه‌ڤرۆ نيوز ديار كر كو ئه‌وان كار يێ ل سه‌ر قانوونه‌كێ كرى كو يا تايبه‌ته ب ئه‌وان ژنێن ڤه‌گه‌رياين يێن داعش ره‌ڤاندين و زۆرى لێكرين و دو گيان كه‌فتين و گۆت: “ئه‌ڤه پێدڤى ب فه‌توايه‌كێ يه”.
ئاماژه ب وێ چه‌ندێ ژى كر كو هه‌ر كه‌سه‌ك ژ وان 121 ژنان يا ئازاده وى زارۆى ژ به‌ر خوه ببه‌ت يان نه و گۆت: “ئه‌م وه‌كو لژنا مافێن مرۆڤى ل گه‌ل هندێ نينن كو وى زارۆيى ژ به‌ر خوه ببه‌ت، چونكو خودێ روح يا دايێ و مافێ وى يه بهێته سه‌ر دونيايێ و زارۆيێ د زكێ دايكێ ژى دا چو گونه‌ها خوه نينه”.
هه‌ر چه‌نده ژ به‌ر برنا زارۆيى د هه‌موو ئايين دا، كاره‌كێ رێ پێ نه‌دايه و مافێن مرۆڤى ل گه‌ل ڤێ چه‌ندێ نينن، به‌لێ زۆزان تروانشى دبينيت كو د كاودانه‌كێ ب ڤى ره‌نگى يێ تايبه‌ت دبيت نوشدار ژى بۆ ڤان ژنان زارۆيێن وان ژ به‌ر ببه‌ن يێن كو ئه‌و دخوازن.
دا زانين ژى كو ئه‌ڤه ب تنێ بۆ ڤان 121 ژنان بيت، چونكو دبيت هنده‌كێن هه‌ين ب رێيێن نه‌شه‌رعى يێن دو گيان كه‌فتين و دڤێت زارۆيێن خوه ژ به‌ر خوه ببه‌ن، دێ بيته ده‌ليڤه‌ك بۆ وان ژى، به‌لێ دڤێت رێ ب وان نه‌هێته دان و ب تنێ تايبه‌تمه‌ندى بۆ وان ژنان بيت ئه‌وێن ل سه‌ر ده‌ستێ داعش دوگيان كه‌فتين.
هه‌ر چه‌نده په‌رله‌مانته‌ر وه‌سان دبينن كو سه‌ره‌رايى قانوونێ پێدڤيه فه‌توايه‌كا دينى ژى بهێته دان، به‌لێ زێده‌تر ژ ڤان كه‌سان موسلمان نينن، به‌لێ ئه‌ڤ ئه‌نداما لژنا مافێ مرۆڤى ل په‌رله‌مانێ كوردستانێ ديار دكه‌ت كو ئه‌و نه‌ته‌وێ وان هه‌موويان ب دروستى نوزانن و ئه‌و وه‌كو مرۆڤ سه‌ره‌ده‌ريێ ل گه‌ل دكه‌ن.
ب گۆره‌يى ئه‌و زانياريێن ب ده‌ست ئه‌ڤرۆ نيوز كه‌فتين پتريا ڤان ژنێن كو ژ ده‌ست داعش رزگار بووين ژبلى كو هنده‌ك ژ وان د دو گيانن و هنده‌ك ژى نه، ژ لايێ ده‌روونى ژى ڤه د رحه‌ت نينن و نوكه گه‌له‌ك ژ ڤان ژنان بۆ نه‌خۆشخانێن ده‌روونى هاتينه ره‌وانه كرن و ب رێيێن زانستى سه‌ره‌ده‌رى ل گه‌ل دهێته كرن، ئه‌ڤێ په‌رله‌مانتارێ ئه‌ڤ پێزانينه ژى پشت راست كرن و گۆت: “ژ به‌ر وان هه‌موو ديمه‌نێن نه‌خۆشێن ب چاڤێ خوه ديتين و زۆرى لێ هاتينه كرن و ئه‌و ب خوه ژى يا نازكه، نوكه گه‌له‌ك ژ وان ل ژێر چاڤدێريا نوشدارى نه”.
زێده‌تر گۆت: “هه‌كه خوه ئه‌ڤ ژنه ب سلامه‌ت بكه‌ڤنه ڤه ژى نه‌شێن ب ساناهى سه‌رده‌ريێ ل گه‌ل زه‌لامان بكه‌ن”.
نه‌ڤه‌شارت ژى كو هنده‌ك پرۆژه ل به‌ر ده‌ست هه‌نه بۆ باشتر كرنا ره‌وشا وان و دبيت ب هنێرنه ژ ده‌رڤه‌يى وه‌لاتى ژى بۆ چاره‌سه‌ريێ و ل وێرێ نوشدارێن باشتر ژ ڤێره و تايبه‌تمه‌ندتر هه‌بن بۆ ڤێ مه‌ره‌مێ، دا كو جاره‌كى بشێن به‌رپرساتيا خوه به‌رامبه‌ر خێزانێن خوه وه‌ربگرن.
ده‌رباره‌يى سه‌ره‌ده‌ريا خێزانێن وان ژى ل گه‌ل وان، ئه‌نداما لژنا مافێن مرۆڤى ل په‌رله‌مانێ كوردستانێ گۆت: “باوه‌ر ناكه‌م مالێن چو ژ وان ژنان ته‌قه‌بۆلا وان نه‌كه‌ن، ئه‌ڤه د جودا نه زۆرى يا هاتيه لێكرن و مه گوهـ لێ نه‌بوويه كه‌سێ گۆتبيت مه ئێدى ئه‌ڤ ژنه نه‌ڤێن، به‌رامبه‌ر ڤێ چه‌ندێ ژى گه‌له‌ك د هاريكارن كو جاره‌كا دى ئه‌ڤ ژنه ب ڤه‌گه‌رنه سه‌ر كارێ خوه و به‌رده‌واميێ بده‌نه ژيانا خوه”.
ل دۆر ئامارا ژنێن ژ لايێ داعش ڤه هاتينه گرتن دا زانين كو چو ئامارێن دروست ل به‌ر ده‌ست نينن و هنده‌ك دبێژن سێ هزارن و هنده‌ك ژى دبێژن هه‌تا چار هزار و 500 كه‌سانن.
پارتى دێ پۆسته‌كێ گرنگ ل به‌غدا وه‌رگريت
ئه‌ڤرۆ نيوز، نيوار محه‌مه‌د سه‌ليم:
پارتى ديموكراتى كوردستان بزاڤێ دكه‌ت هه‌ر پێنج لايه‌نێن سياسى يێن به‌غدا ل بن ئێك هه‌ڤپه‌يمانى كار بكه‌ن و ئێك گۆتارا سياسى هه‌بيت، به‌لێ هه‌تا نوكه لايه‌نێن سياسى به‌رسڤا وان نه‌دايه.
محسن سه‌عدون، ئه‌ندامێ جڤاتا نوونه‌رێن عيراقێ ل سه‌ر ليستا هه‌ڤپه‌يمانيا كوردستانى بۆ ئه‌ڤرۆ نيوز گۆت: “يا فه‌ره ل سه‌ر ئه‌ندامێن جڤاتا نوونه‌ران ل عيراقێ يێن كورد هه‌موويان ئێك گۆتارا سياسى هه‌بيت، به‌غدا نه وه‌كو كوردستانێ، گه‌له‌ك كێشێن گرنگ يێن هه‌ين دڤێت دانوستاندن ب ئێك گۆتار ل سه‌ر بهێته كرن”.
زێده‌تر گۆت: “نوكه ل به‌غدا پێنج ليستێن سياسى نه و يا باش نينه پێنج سه‌رۆك ليست هه‌بن و هه‌ر ئێك ب حه‌زا خوه ئاخفتنه‌كێ ببێژيت، پێدڤيه هه‌موو ئێك بن، ژ به‌ر كو دوژمنێن كوردان ل وێرێ گه‌له‌كن”.
دا زانين ژى كو هه‌ر ژ ده‌سپێكێ پارتى ديموكراتى كوردستان بزاڤ كريه هه‌ڤپه‌يمانيه‌كێ ل وێرێ دروست بكه‌ت دا كو ئێك گۆتارا سياسى هه‌بيت، به‌لێ هه‌تا نوكه چو به‌رسڤ ژ وان ليستان نه‌هاتيه و گۆت: “ژ به‌ر كو پارتى خوادنا پترترين كورسيانه، هه‌كه هه‌ڤپه‌يمانيه‌ك هه‌بوو دێ سه‌رۆكێ وێ ژ پارتى بيت”.
ل دۆر وێ چه‌ندێ كا كه‌سه‌ك بۆ وى پۆستى هاتيه ده‌ستنياشنكرن محسن سه‌عدون گۆت: “ژ به‌ر كو هێشتا ره‌زامه‌نديا ليستێن دى نه‌هاتيه، ژ به‌ر وێ چه‌ندێ ژى چو كه‌س نه‌هاتيه ده‌ستنيشانكرن بۆ وى پۆستى”.
سه‌رۆك و جێگرێن لژنا دووڤچوونا كه‌فتنا مووسل هاتنه دانان
ئه‌ڤرۆ نيوز، نيوار محه‌مه‌د سه‌ليم:
ئه‌ندامه‌كێ لژنا دووڤچوونا كه‌فتنا مووسل راگه‌هاند كو دوهى 12\1\2015 لژنا دووڤچوونا كه‌فتنا مووسل كۆمبوونا خوه يا ئێكێ كر و سه‌رۆك و جێگرێن خوه هه‌لبژارتن.
محسن سه‌عدون، ئه‌ندامێ جڤاتا نوونه‌رێن عيراقێ كو د هه‌مان ده‌م دا ئه‌ندامێ لژنا دووڤچوونا كه‌فتنا مووسله بۆ ئه‌ڤرۆ نيوز گۆت: “دوهى لژنێ كۆمبوونا خوه يا ئێكێ كر كو سه‌رۆكه‌ك و دو جێگر بۆ خوه هه‌لبژارتن كو د هه‌مان ده‌م دا ئه‌ندامێن لژنا ئاسايش و به‌ره‌ڤانيێ نه”.
زێده‌تر گۆت: “ڤێ لژنێ حاكم زاملى سه‌رۆكێ لژنا ئاسايش و به‌ره‌ڤانيێ ل جڤاتا نوونه‌رێن عيراقێ كو سه‌ر ب ته‌ڤگه‌را سه‌در ڤه‌يه وه‌كو سه‌رۆكێ لژنێ هاته هه‌لبژارتن و هه‌ر ئێك ژ شاخه‌وان عه‌بدولا و ئه‌حمه‌د عه‌بدولا وه‌كو جێگرێن وى هاتينه ده‌ستنيشانكرن”.
ده‌رباره‌يى نوونه‌رێن كوردان ژى د وێ لژنێ دا، دا زانين كو هه‌ر ئێك ژ وى و ڤيان ده‌خيل و شاخه‌وان عه‌بدولا و عه‌بدولبارى زێبارى د ناڤا لژنێ دا هه‌نه.
ئاماژه ب وێ چه‌ندێ ژى كر كو ئه‌ڤ لژنه چو داخۆيانيا ناده‌ن و نابێژن كى يێ بێ تاوانه يان تاوانباره و گۆت: “ئه‌ڤ له‌شكرێن سياسى يێن خوه ڤه‌كێشاين دێ بێژن كا كێ گۆتيێ خوه ڤه‌كێشن و ل وى ده‌مى دێ ديار بيت كێ ئه‌ڤ كاره ئه‌نجام دايه”.
هژمار و ئه‌گه‌رێن چوونا ژنێن بيانى بۆ ناڤ داعش ل ڤێره بزانه
ئه‌ڤرۆ نيوز:
شاره‌زا دبينن كو ئه‌گه‌رێن چوونا كچان بۆ ناڤ داعش د سياسى نه زێده‌تر كو ژ يێن دينى بن، به‌لێ حه‌زژێكرنا وان بۆ هشكباوه‌ريێ و هنده‌ك جاران ژى شووكرن ب چه‌كدارێن داعش و ئينانا زارۆيان ژ وان هنده‌ك جاران دبيته ئه‌گه‌ر.
به‌رى ماوه‌كى ل فرۆكخانا فرانكفۆرت پۆليسێن ئه‌لمانى ده‌ست ب سه‌ر سێ كچان دا گرت كو ل به‌ر بوو بچنه سوريا بۆ ناڤ رێزێن چه‌كدارێن داعش و ڤه‌گه‌راندنه ئه‌مريكا. حه‌زژێكرنا سنێلان يێن د ناڤبه‌را 15 بۆ 17 ساليێ دا و گه‌هشتنا وان بۆ ناڤ داعش ب جهـ نه‌هات، به‌لێ هنده‌ك كچكێن دى ژ ئورۆپا و ئه‌مريكا يێن شياين بگه‌هنه داعش ل سوريا، به‌رى چه‌ند هه‌يڤه‌كان قوتابيه‌كا باژێرێ كونستانس ل سه‌ر سنورێن ئه‌لمانيا و سويسرا جڤاكى ئه‌لمانى سه‌ر سام كر، پشتى ره‌ڤى چوويه توركيا و پاشان ژى گه‌هشتيه سه‌ربازگه‌هێن داعش ل سوريا.
د سه‌ر هندێ را كو هژمارا ژنێن گه‌هشتينه داعش يێ به‌رزه‌يه و نه وه‌كو زه‌لامايه، به‌لێ به‌رده‌وام د گه‌شه‌كرنێ دايه.
ڤه‌كۆله‌را كاروبارێن تيرۆرى ل كوليژا كينج ل له‌نده‌ن كاسرين براون بۆ دانا عه‌ره‌بى يا DW ديار دكه‌ت كو ئه‌و پێشبينى دكه‌ت هه‌تا 200 ژنان چووبنه ناڤ رێزێن داعش.
دبێژيتژى: “گه‌له‌ك ئه‌گه‌ر يێن هه‌ين كو ئه‌ڤ ژنه بچنه ناڤ رێزێن داعش، نوكه داعش نوونه‌راتيايۆتۆبيا سياسى دكه‌ت، سه‌ركردێن داعش شێوازێن رۆمانسى د حوكمێ خوه دا ب كار دئينن”.
ئاماژێ ب وێ چه‌ندێ ژى دكه‌ت كو ره‌وشا نه‌يا باشا موسلمامان ل ئورۆپا و پشتگوهـ خستنا وان ژى ئه‌گه‌ره و هنده‌ك ژى بۆ خۆشيا خوه يا هشكباوه‌ريێ دچن، هه‌ر وه‌كو ل شه‌رێ ناڤخۆ يێ ئسپانيا به‌رى 74 سالان ژ بوو پشكداريكرن د دروستكرنا خه‌لافه‌تا ئيسلامى دا د چوونه وى وه‌لاتى، د خوازن پشكدارى ڤى پرۆژێ داعش ژى ببن كو ببنه ژنێن جيهاديا و دايكێن ده‌وله‌تێ”.
بچووكترين كۆمپيۆته‌ر ل جيهانێ
ئه‌ڤرۆ نيوز:
كۆمپانيا “intel” بچووكترين كۆمپيۆته‌ر ل سه‌ر ئاستێ جيهانێ ب شێوازێ كاركرنێ يێ “windows” راگه‌هاند كو زێده‌تر ل سه‌ر شێوازێ كويكێن ئه‌نترنێتێ يه، شيانێن گوهۆڕينا هه‌موو شاشێن نيشادانا تله‌ڤزيۆنێ بۆ كۆمپيۆته‌ره‌كێ كارا هه‌نه.
ئه‌ڤ ئاميره ب كارێ خوه وه‌كو “Chromecast”ه ئه‌وێ كۆمپانيا گۆگل به‌رهه‌م ئينايى و ئاميرێ “Fire Stick” يێ كۆمپانيا ئه‌مازۆن، ئه‌وێن شيانێن گه‌هشتنا شاشێن نيشادانێ ب رێيێا”HTML” هه‌ين.
به‌لێ كۆمپانيا “intel” يا رژده كو ئاميرێ وێ “Compute Stick” شيانێن دانلۆدكرنا گه‌له‌ك ڤيديۆيان ژ ئه‌نترنێتێ هه‌يه، ئه‌ڤه ژى كارێ سه‌ره‌كى يێ ڤى ئاميرى يه ل گه‌ل هه‌ڤركێن وى، ئاميرێ دانلۆدكرى ب به‌رنامێ “Windows 8.1″ و له‌زاتيا كاركرنێ دگه‌هيته دو گێگا بايتان و جهێ داگرتنێ 32 گێگا بايته، دشێن ب رێيا “Wi-Fi” په‌يوه‌نديێ ب ئه‌نترنێتێ بكه‌ت، جهێ “microSD” بۆ ميموريێ زێده‌تر يێ هه‌يى.
كۆمپانيێ ئاماژه ب وێ چه‌ندێ ژى كر كو د سه‌ر هندێ را كو ليسته و كليل پێڤه نينن، به‌لێ بچووكيا قه‌بارێ وێ شيانێن كاركرنێ هه‌نه چ بۆ بكارئينانا تۆرێن جڤاكى بيت يان ژى لێگه‌ريان ل ئه‌نترنێتێ يان ژى دانلۆدكرنا ڤيديۆ و ميوزيكێ بيت.
نه‌ڤه‌شارتيه ژى كو ئاميرێن بچووكێن ژ ڤى ره‌نگى هاريكارن كو جهێ كۆمپيۆته‌رێن ب بها بگرن ب تايبه‌ت كو بهايێ ڤى ئاميرى ژ 149 دۆلاران نابۆريت، د سه‌ر هندێ را كو دانه‌ك ژ وى ئاميرى ب رێيا سيسته‌مێ “Linux” دێ ب 89 دۆلاران بيت، دێ ل ئه‌ڤ ساله ژى هێته بازارى.
ده‌وله‌مه‌ندیا شنگالێ وه‌كریه هه‌موو ب گرنگی بنێرنێ
ئه‌ڤرۆ نیوز، ناجی به‌ده‌ل:
د.هاشم زێباری بسپور دبیاڤێ ئابۆری و ماموستایێ زانكویا نه‌ورۆز بو ئه‌ڤرۆ نیوز راگه‌هاند:شنگالێ ب هه‌مو لایه‌كیڤه گرنگیا خو هه‌یه ژ جوگرافیایێ بگره ل سه‌ر توخیبێن دو وه‌لاتان و نه‌ته‌وانه و گریدانا وێ ب هه‌ریمێ و بیابانا عه‌ره‌بیڤه و هێلا دوماهیا توخیبێ هه‌رێمێ یه و وه‌ك نه‌ته‌وه‌یا كورد و ل ناڤه‌ندێن نیڤ ده‌وله‌تی هاریكارن بو نه‌مراندنا كێمینه ئاینێن كه‌ڤن كو شنگال ئیكه ژ وان مینا ئێزدیان و ل ڤێ داویێ ژی به‌حسێ هه‌بونا زورا غازێ دكه‌ن ل وێ ده‌ڤه‌رێ.
ناڤبری ئه‌و چه‌نده ژی دیاركر هێشتا مه‌سحا جیولوجی یا درۆست نه‌هاتیه كرن به‌س ب نێرینا من ده‌ڤه‌را شنگالێ غازه‌كا باش هه‌یه و ل گه‌ل په‌ترۆلێ ژی ئه‌گه‌ر كاربهێته‌كرن ژبلی په‌ترۆل و غازێ ده‌ڤه‌ره‌كا مه‌زنا چاندنێ یه بو گه‌نمی و سه‌روه‌م سامانێ ئاژه‌لی ژی .
د.هاشم زێباری ئه‌و چه‌نده‌ژی دیاركر ژ گرنگیا هه‌مه‌جوریا شنگالێ بتایبه‌تی غازێ وه‌كری و هه‌تا جیهانێ ژی چاڤ ل وێ غازێ یه له‌ورا تا نها ب شیوه‌یێ كردار حكومه‌تا عیراقێ به‌رهه‌ڤیا بجهـكرنا ماده‌یا 140 نینه .
هه‌شت سیناتورێن ئه‌مریكا ل دۆر كوردان نامه‌كێ دده‌نه عه‌بادى
ئه‌ڤرۆ نیوز، مه‌سعود خه‌له‌ف
هه‌شت سیناتورێن ئه‌مریكی نامه‌ك بو سه‌روك وه‌زیرێن عیراقێ حه‌یده‌ر عبادی پێش كێشكریه وتێدا داخاز كریه حكومه‌تا به‌غدا ب هه‌می شیانان پتر هاریكاریا هه‌رێما كوردستانێ بكه‌ت چونكو ب هزار وه‌لاتیێن ئاواره ل هه‌رێما كوردستانێ دژین و بارگرانیه‌كا زور ل سه‌ر ملێن حكومه‌تا هه‌رێما كوردستانێ یه.
ژلایه‌كێ دیڤه جون مه‌كین سیناتورێ ئه‌مریكی داخاز ژ سه‌روكێ ئه‌مریكا باراك ئوبامای كر هێزه‌كا په‌یاده بونه‌هێلانا داعش ره‌وانه‌ی عیراقێ بكه‌ت داكو داعش ب ئێكجاری ل عیراقێ بهێته ژناڤبرن.
نيشاندان
WP Facebook Auto Publish Powered By : XYZScripts.com