ئه‌ڤرۆ نیوز، مه‌سعود خه‌له‌ف
ل گور ژێده‌رێن راگه‌هاندنا توركیا و د راپورتێن جودا دا هاتیه كو كه‌سانێن گه‌هشتنه ناڤ PKK ل سالا 2014 ژ 8000 شه‌رڤانان بووریه و ئه‌ڤ ئێكه به‌روڤاژی هزركرن و شروڤه‌یێن ده‌ستهه‌لاتا توركیا بوون، كو دگۆتن دێ ته‌ڤلیبوونا ناڤ PKK خوه ل كێمیێ دده‌ت، ژ به‌ر پروسه‌سا ئاشتیا كو هه‌یی و ئاگربه‌ستا كو هاتی راگه‌هاندن.
لێ و ل گور چاڤدێران، پارتیا كاركه‌رێن كوردستانێ پلانێن خوه د گه‌ل قوناخێ گوهه‌رینه و پتر كه‌سان رادكشینه ناڤا خوه بۆ ئه‌نجامدانا كارێ سیاسی، و په‌روه‌رده‌كرنا وان بۆ شه‌رێ سیاسی و ژ لایه‌كی دیڤه پاراستنا هه‌ڤسه‌نگیا له‌شكه‌ری ل گور شه‌رت و مه‌رجێن هه‌یی.
هه‌ژی گۆتنێ یه كو PKK تا نها چ داخویانیێن فه‌رمی نه‌دانه ده‌ربارێ هژمارا ته‌ڤلیبوونێ و ل گور هنه‌ك ژێده‌رێن نیزیكی پارتیا ناڤبری ئه‌و دبینن كو ئه‌ڤ ژماره كێمه و راگه‌هاندنا توركیا ب ته‌نێ دخوازه مورالا شه‌رڤانێن وێ ژ ناڤ ببه‌ت و هژمارا ته‌ڤلیبوونێ ژ 10000 هه‌زاران ژی بووریه ل سالا 2014.
ل گور راگه‌هاندنا توركیا، پرانیا كه‌سێن گه‌هشتنه ناڤ پارتیا ناڤبری ژ باژارێ: وان، ماردین، دێرسم، موش، باتمان، سه‌رێ كانی، ئورفا، ئامه‌د، قه‌رس، شرناخ، هه‌كاری، شه‌مزینان و نسێبێنێ نه.
نيشاندان
