ئه‌ڤرۆ نیوز:
سه‌رۆك بارزانى ئه‌ڤرۆ ل سه‌لاحه‌دین پێشوازیا ئوسامه نوجێفى جێگرێ سه‌رۆك كومارێ عیراقا فیدرال كر، د هه‌ڤدیتنه‌كێ دا دووماهى پێشهاتێن سیاسى و ئێمناهى یێن عیراقێ به‌حس كرن و دیسا به‌حسێ به‌رهنگاربوونا تیرورستێن داعش كرن.
هه‌ر دكومبوونێ دا، جێگرێ سه‌رۆك كومارێ عیراقێ ده‌ستخوه‌شى ل هێزا پێشمه‌رگێ كوردستانێ و وان سه‌ركه‌فتنێن مه‌زن كر كو ل شه‌رێ تیرورستان دا بده‌ستڤه‌ئینان و پشته‌ڤانیا خوه‌ژى بۆ گه‌لێ كوردستانێ و هێزا پێشمه‌رگه‌ى دووپاتكر.
ئه‌ڤرۆ نيوز:
ئه‌ندامێ مه‌كته‌با سياسى يا ئێكه‌تى نشتيمانى كوردستان و فه‌رماندێ هێزێن 70 ده‌رباره‌يى ئێكگرتنا هێزێن پێشمه‌رگه‌يى ديار دكه‌ت كو هنده‌ك ئاماده‌كارى هاتينه كرن، به‌لێ پێدڤى ب زێده‌تر كراى هه‌يه؛ پاره‌كێ زێده ژى پێ دڤێت.
جه‌عفه‌ر شێخ مسته‌فا، ئه‌ندامێ مه‌كته‌با سياسى يا ئێكه‌تى نشتيمانى كوردستان و فه‌رماندێ هێزێن 70، ده‌رباره‌يى ئێكگرتنا هێزێن پێشمه‌رگه‌يى بۆ PDK.info دبێژيت: “هنده‌ك رێ يا هاتيه خوه‌شكرن، به‌لێ دڤێت خوه‌شتر لێ بكه‌ن، به‌رى هه‌ر تشتى دڤێت بودجه‌كێ باش بۆ بهێته ته‌رخانكرن هه‌تا كار ب رێڤه بچن وه‌كو دروستكرنا جهێن تايبه‌ت بۆ مه‌شقكرنا پێشمه‌رگه‌يى و خه‌لكێن ئه‌كاديمى بينن دا كو ب ره‌نگێ سه‌رده‌ميانه راهێنان ب پێشمه‌رگه‌يى بكه‌ن”.
ده‌رباره‌يى چه‌ك و ته‌قه‌مه‌نيان ژى گۆت: “پێدڤيا مه ب چه‌كێ نوو هه‌يه، هه‌تا شيانێن هێزێن پێشمه‌رگه‌يى باشتر لێ بكه‌ين”.
ده‌هـ رۆژێن ماين دێ ژڤانێ ده‌ستنيشانكرى يێ ئێكگرتنا هێزێن پێشمه‌رگه‌يى ژ لايێ په‌رله‌مانى ڤه ب دووماهى هێت و هێشتا چو تشت ديار نينه، د ڤێ ده‌ربارێ دا شێخ جه‌عفه‌ر دبێژيت: “د ڤان ده‌هـ رۆژان دا چو كارێن وه‌سان ناهێنه كرن و مه پێدڤى ب ده‌م و كريارێن زێده‌تر هه‌يه، ئێكگرتنا هێزێن پێشمه‌رگه‌يى پێدڤى ب هه‌ڤكاريێن هه‌موو لايان هه‌يه”.
هه‌ر چه‌نده بریارا هاته گوهۆرین ترومبیلێن وه‌نه‌وشه كو ئه‌ز نه‌ل گه‌ل ڤی ناڤی نینم چونكو ب ناڤه‌كێ مێ هاتیه دانان ل ناڤ كۆمه‌لگه‌هێ دا و ئه‌ڤه ژی ڤه‌دگه‌ریێته ڤه بۆ عه‌قلیه‌تا زه‌لامێن بازاری بۆ ترومبیلان و به‌راوردكرنا جوانیا مرۆڤه‌كی ل گه‌ل ترومبیله‌كێ كو نابیت ب چو شیوازان ئه‌ڤ تشته هه‌بیت. یا كرنگه ترومبیل نه‌هاتنه‌دان خه‌لكه‌كی شۆره‌شه‌كا ته‌كنولوژی كر و نه‌كرن ئه‌و ترومبیلا ب سه‌ر په‌رلمانتاران دا دابه‌ش ببن لێ بۆ من یا سه‌یر چبوو؟ هه‌لویستی گۆران ل به‌رامبه‌ر باجا ب ناڤكرنی و خانما ئێڤار گه‌له‌گ ب تۆڕٍه‌یی ڤه ب رسڤا راگه‌هاندنێ دا، مانێ والله عه‌یبه ب ڤی شیوازێ هوون داخوازا لیبۆرینا باجی بكه‌ن كو من دانابوو ئه‌ندامێن گوران هه‌ر چه‌ندبیت چه‌ند كه‌سه‌ك دی وه‌رگرتنا ترومبیلی ره‌د كه‌ن ومن كاك عه‌لی ل سه‌رێ لیستی دانابوو نه وه‌رگریت ل هه‌ر تاما پارا ب ده‌ڤی كاك عه‌لی ژی كه‌ت و بیده‌نگ ما. بۆچی نه‌ده‌ن وه‌لاتی؟! نورمال بده‌ت و هوون نه‌ده‌ن هه‌وه دڤێت سوواری ترومبیله‌كا بها گران ببن ب قست و پارێ باجی ژی نه‌ده‌ن ما خوه‌نه جه‌ژنه سوواربوون ب به‌لاش نینه. ئه‌و داخوازیا وان زۆرا سه‌یر بوو.. هوون دی بۆخوه بكارئینن فه‌تلا پێ ڤه‌بده‌ن ل جادان، هوون بۆ پرۆژه‌كێ حكومی بكارنائینن هاته ژ باجی بێنه لیبۆرین. هه‌ر چه‌نده كو كرینا ترومبیلێ نه ل سه‌ر بۆدجا په‌رلمان بوو، لێ نه‌خۆش بوو بۆ وه‌لاتیان و حوكمه‌ته‌ك ب تنی بیر ل ڤێ چه‌ندی بكه‌ت ترومبیلان بده‌ته په‌رله‌مانتاران و مله‌ت د ڤێ قیرانا نه‌بوونی و بێ مووچی و قوربانیدانێ دایه هه‌كه دابانێ، دابنه به‌نیشتی ده‌ڤێ خه‌لكی ل كۆلانان لی هه‌ر بوونه ده‌نگێ خه‌لكی ل سه‌ر دیوارێن فه‌یسبووكی و په‌رله‌مانتار هه‌بوو دگۆت ((مافی مه‌یه)) بابۆ چ مافێ ته‌یه حه‌قی ته‌یه تو خوه بێده‌نگ بكه‌ی مووچێ ته هندی مووچێ مامۆستایه‌كی ل ساله‌كا ره‌به‌ق، ڤێجا بلا مرۆڤ ب وژدان باخڤیت تو بخوه ترومبێلێ بكڕه و ل ته پیرۆزبیت باشه هه‌كه هوون كاره‌كێ باش دكه‌ن وه‌ك خانمه‌كا ئێكه‌تی گۆتی مافێ مه‌یه ئه‌م كاره‌كێ باش دكه‌ین پا دیاره پێشمه‌رگه كاره‌كێ باش ناكه‌ت هه‌یڤێ 500000 هه‌زاران وه‌ردگرت نێ هه‌كه پێشمه‌رگه نه‌بایه تو نه دشیای د هۆلا په‌رله‌مانی ڤه ب روونی و بریاران ده‌ربێخی. هه‌ر چه‌نده هنده‌كا گۆتی دێ وه‌رگرم و پارێن وێ كه‌مه‌خێر بۆ هه‌ژاران، بۆ كی دبێژن نوكه ته دهێته بیرا مرۆڤی كو ژنه‌كا سۆرانی چو نه‌ك مه‌لایه‌كی، گۆتی مه‌لا ئه‌ز ڤی كاری دكه‌م بۆ پاریی، لێ خێر ژی پێ دكه‌م مه‌لایی گۆتی كا جارێ تو وه‌ره روونه هه‌ر كاره‌ك باش كاره‌ك خراب و ره‌ش دكه‌ت و ئێدی ئه‌و بریارا هاته هه‌لوه‌شاندن، ئه‌ڤجا نزا دێ ب بێ ده‌نگی ده‌نێ؟.. ئه‌ڤێ ئه‌ز نوزانم.
پێشمه‌رگه ئه‌و كه‌سێ ژ هه‌ر تشته‌كی بهاتر ل جه‌م خه‌لكێ كوردستانێ و پیرۆزی و خوه راگریا وی تژی ئه‌رد و ئه‌سمانان بووی، چونكو ژ هه‌ر كه‌سه‌كێ دیتر ل ڤی وه‌لاتی بهاتره و ئه‌و كه‌سه ئه‌وێ جانێ خوه گوری ئاخا خوه دكه‌ت و مه‌رگێ خوه د دانیت و ئه‌ڤه دهێت كو به‌ره‌ڤانیكرنێ ئاخ و وه‌لاتی یه و ل ئه‌رد و ئه‌سمانان سه‌نگ و ده‌نگێ خوه و هه‌یه و ناهێته ژبیركرن، ئه‌ردی ب پیرۆزی دهێنه راگرتن د ناڤ وه‌لاتێ خوه دا چونكو خوه گوری دكه‌ت، دیسا هه‌موو ئاینێن پیرۆز ژی ئاماژه ب هندێ كریه كو كه‌سێ خوه دكه‌ت گوری بۆ ئاخا خوه دبیته شه‌هید و سه‌نگ و قیمه‌تێ وی ل جه‌م خودێ گه‌له‌كه و جهێ وی به‌هشته، هه‌بوونا پێشمه‌رگێ كوردستانێ بۆ هندێ زڤریت پشتی حوكمه‌تا عیراقێ هاتیه پێكئینان و نه‌دانا ماف ملله‌تێ كورد و شۆره‌ش ل دووڤ شوره‌شێ سه‌ر هلداین و كار و خه‌بات هاتینه‌كرن بۆ بلندكرنا ده‌نگێ ئازادیێ و هه‌تا نوكه قوربانیان ده‌ت بوو وێ ئازادیێ یا كو دونیا تێدا دژیت و ئه‌م هێشتا تهێنێن وێ ئازادیێ نه، قووناغ بۆ قووناغێ ئه‌ڤ پێشمه‌رگه به‌ره‌ڤانی كر ژ ڤێ خاكا پیرۆز و هه‌تا گه‌هشتیه وی ئاستی هه‌موو ته‌خێن جڤاكێ كورده‌واری پشكداربوون د شۆره‌ش و راپه‌رینان دا و هه‌تا سه‌رهلدانێ گه‌هشتیه وی ئاستی كو دونیا هه‌موو ئاگه‌هداربوو و هه‌تا شه‌رێ دژی داعشێ پێشمه‌رگه بوویه تاكه هێز ل سه‌ر ئه‌ردی كو شه‌ڕێ مه‌زنترین ده‌وله‌تا تیرۆرستی پێش هه‌موو دنیایێ ڤه بكه‌ت و هه‌تا گه‌هشتیه وی ئاستی و ژبه‌ر باوه‌ریا وه‌لاتێن جیهانێ ب هێزێن پێشمه‌رگێ كوردستانێ ڤێ هه‌ر ئێكێ ژ لایێ خوه پشته‌ڤانی و هاریكاریێن له‌شكری بۆ پێشكێشكرن، له‌وما داخواز ژ حوكمه‌تا هه‌رێما كوردستانێ دكه‌ین ژ به‌ر ناڤوده‌نگیا ڤی پێشمه‌رگه‌ی بزاڤان بكه‌ت ژین و ژیارا ئه‌ڤان خێزانان خوه‌ش كه‌ت، دیسا كار بهێته‌كرن پێشمه‌رگه د ناڤا مه دا ب چاڤه‌كێ مه‌زن بهێته ته‌ماشه‌كرن و وه‌ك پێشتر نه‌بیت كو ئامیره‌ك جهه‌كی بڤێت و ب قست بۆ پێشمه‌رگه‌ی چێ نه‌بیت، ئێدی بگه‌هینه وی ئاستی و كار بكه‌ین پێشمه‌رگه بیته بنه‌مایێ ئێكگرت و بهێزكرنا هه‌ستێ نه‌ته‌وه‌یی ل كوردستانێ.
ئه‌ڤرۆ نيوز:
سۆپاسالارێ له‌شكرێ كوردستانێ د داخۆيانيه‌كێ دا بۆ ئه‌ڤرۆ نيوز به‌حس ل ره‌وشا ئه‌ڤرۆ يا ناڤا باژێرێ شنگال دكه‌ت.
فه‌ريق جه‌مال ئێمينكى، سۆپاسالارێ له‌شكرێ كوردستانێ، ده‌رباره‌يى ره‌وشا ئه‌ڤرۆ يا شنگال گۆت: “ژ شڤێدى وه‌ره چو هێرش نه‌بووينه، نه پێشمه‌رگه‌يى كرينه سه‌ر داعش و نه‌ژى داعش كرينه سه‌ر پێشمه‌رگه‌يى”.
زێده‌تر گۆت: “ب تنێ شه‌رێ قه‌ناسان يێ به‌ره‌ده‌وامه و ماوه بۆ ماوه‌يى، هنده‌ك ده‌نگێن گۆلێن قه‌ناسى دهێنه گوهلێبوون”.
ده‌رباره‌يى پرسا وێ چه‌ندێ كا هه‌تا نوكه چه‌ند ژ شنگال هاتيه رزگار كرن، سۆپاسالارێ له‌شكرێ كوردستانێ، گۆت: “هه‌ر تاخێن به‌رى نوكه نه و چو تشتێ نوو نينه”، گۆتژى: “هه‌ر كه‌سێ رێژه‌كا سه‌دى ببێژيت يێ خه‌له‌ته و راست نابێژيت، به‌لێ ناڤا باژێرێ شنگال ئێك ل سه‌ر سێ نه‌هاتيه رزگار كرن”.
ئه‌ڤرۆ نيوز:
به‌رى ده‌مه‌كێ كێم سه‌رۆك وه‌زيرێ عيراقێ ب سه‌ره‌دانه‌كا فه‌رمى گه‌هشته قاهيره و ژ لايێ ئيبراهيم محله‌ب سه‌رۆك وه‌زيرێ مسرێ ڤه هاته پێشوازى كرن.
شاندێ حوكمه‌تا عيراقێ ئه‌وێ بڕياره دو رۆژان ل مسرێ ب مينيت يێ پێكهاتيه ژ هه‌ر ئێك ژ سه‌رۆك وه‌زير و وه‌زيرێ ئاڤه‌دانكرنێ و په‌ترۆلێ و به‌ره‌ڤانيێ و ره‌وشه‌نبيرى.
بڕياره سه‌رۆك وه‌زير د سه‌ره‌دانا خوه دا چاڤ ب عه‌بدولفه‌تاح سيسى سه‌رۆك كۆمارێ مسرێ و به‌رپرسێن پله بلندێن وى وه‌لاتى بكه‌ڤيت و تێدا گه‌نگه‌شێ ل سه‌ر چه‌ندين بابه‌تێن گرێدايى ئابوورى و بازرگانى و تيرۆرێ بكه‌ن.
نڤيسينگه‌ها سه‌رۆك وه‌زيرێن عيراقێ ژى ئه‌ڤرۆ د به‌ياننامه‌كێ دا راگه‌هاند كو سه‌ره‌دانا عه‌بادى د چارچۆڤێ هژماره‌كا سه‌ردانان دايه بۆ وه‌لاتيێن عه‌ره‌بى و ئه‌قليمى و نێڤده‌وله‌تى ب مه‌ره‌ما ڤه‌كرنا لاپه‌ره‌كێ نوو يێ په‌يوه‌نديان د ناڤبه‌را وان دا و دێ دانوستاندن ل سه‌ر دوسيێن ئابوورى و بازرگانى و تيرۆرێ هێنه كرن.
محسن سه‌عدون ئه‌ندامی لژنا قانوونى ل جڤاتا نوونه‌رێن عیراقێ بۆ ئه‌ڤرۆ نیوز راگه‌هاند: حه‌یده‌ر عه‌بادی سه‌رۆك وه‌زیرێ عیراقێ د داخویانیێن خوه دا دیاركر بوو كو دڤێت سه‌رهلدانه‌كا عه‌شائیری دروست ببيت و پشته‌ڤانیا هه‌ر جوره‌كێ هوسا دكه‌ین و ئه‌ڤه ل ده‌مه‌كی دایه كو ل ده‌مێ ته‌نگاڤیێ و نه‌هێلانا تیرۆرێ حكومه‌تا عیراقێ هه‌موو تشته‌ك بكار ئینایه مینا هێزین عه‌شائیری و حه‌شه‌د شه‌عبی یێن شیعی و چه‌ندین جورێن دی لێ ل گوری قانوونێ ئه‌و هه‌موو هێزه نه د قانوونێ دانه، دڤێت ل گوری قوونانێ هێزا نیشتمانی بهێته رێكخستن.
ئه‌ندام په‌رله‌مانێ عیراقێ ئه‌و چه‌نده ژی دیاركر كو نها ل جڤاتا وه‌زیران مژوولی دارشتنا قانوونا هێزێن نیشتمانی نه كو ل هه‌ر پارێزگه‌هه‌كێ هێزه‌كا نیشتمانیا ژ خه‌لكێ ئه‌وێ پارێزگه‌هێ بیت و چاڤه‌ریێ هاتنا ئه‌وێ قانوونێ نه و ل هه‌رده‌ما هات ئه‌و هه‌موو هێزێن هه‌ین دێ هێنه رێكخستن بۆ بن ئیك سه‌يوان ئه‌و ژی هێزا نیشتمانی یه.
ئەڤرۆ نیوز،زنار توڤی:
کەنالێ (TRT 6) یێ کو ل سالا 2009 ل تورکیا ڤەبوی ب زمانێ کوردی پروگرامێن خوە دوەشاندن و کو بو جارا ئێکێ بوو حکومەتا تورکیا کەنالەکێ فەرمی یێ دەولەتێ ب زمانێ کوردی ڤەدکەتن ل وی وەلاتی.
پشتی کەفتیە د سەر سالا شەشێ دا ناڤێ کەنالی گوھارت و ژ (TRT 6 كره TRT KURDI)، لەورا دەزگەھێ فەرمی یێ رادیۆ و تەلەڤزیۆنا تورکی راگەھاند، کو وەک دیاریا سەر سالا شەشێ یا ڤی کەنالی ناڤێ وی ژ (TRT 6) گوھارت بۆ (TRT KURDI) وەکو دیاریەک ئەڤ ناڤە پێشکێشی گەلێ کورد دکەت ل وەلاتێ تورکیا.
ئه‌ڤرۆ نيوز:
ئه‌ندامه‌كێ مه‌كته‌با سياسى يا حزبا ديموكراتى كوردستان، به‌حس ل ئێكگرتنا حزبا وان ل گه‌ل حزبا ديموكراتى كوردستانا ئيرانێ دكه‌ت و رادگه‌هينيت كو هه‌ردو لا يێ دان و ستاندنێ دكه‌ن دا كو حزبێن وان ببنه ئێك.
قادر وريا ئه‌ندامێ مه‌كته‌با سياسى يا حزبا ديموكراتى كوردستان ب NNA راگه‌هاند، ماوێ زێده‌ترى ساله‌كێ يه دانوستاندن و روونشتن د ناڤبه‌را هه‌ردو حزبێن ديموكراتى كوردستان و حزبا ديموكراتى كوردستانا ئيرانێ هه‌نه، هه‌ردو لژنێن تايبه‌ت بۆ رێكخستنا هه‌ردو حزبان پێكئيناينه.
ئاماژه ب وێ چه‌ندێ ژى كر كو دو لژنه ژ هه‌ردو لايان پێكهاتينه و مژوولى دانوستاندنانه و چه‌ندين جاران ژى د ناڤه‌برا سكرتێرێن هه‌ردو حزبان دا دانوستاندن هاتينه كرن دا كو ل سه‌ر ميكانيزما ئێكخستنا هه‌ردو حزبان رێك كه‌ڤن.
قادر وريا رۆنژى كر كو چو ده‌م بۆ ئێكگرتنا هه‌ردو حزبان نه‌هاتينه ده‌ستنيشانكرن، به‌لێ ب گشتى هه‌ردو لا وه‌سان دبينن كو ب ره‌نگه‌كێ ئێكگرتى كارێن خو بكه‌ن.
نيشاندان